«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо: 103)

2023/1444 Ҳ. ЙИЛ, 17 - ФЕВРАЛЬ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 05:58
⏱БОМДОД - 06:40
⏱ПЕШИН - 13:00
⏱АСР - 16:25
⏱ШОМ - 18:05
⏱ХУФТОН - 19:35

🔗 Улашинг: @diyonatli

АССАЛОМУ АЛАЙКУМ!

Аллоҳ таоло кўнглимиздагини ҳаққимизда хайрли қилсин. Ҳаққимизда хайрли бўлганларга кўнглимизни рози қилсин...

Файзу баракотли кун тилаймиз!

@diyonatli

Гуноҳларга каффорат бўлувчи амаллар

1. Алллоҳга иймон келтириш, ширкдан сақланиш ва солиҳ амаллар қилиш.
2. Катта гуноҳлардан четланиш.
3. Аллоҳга холисона тавба қилиш.
4. Истиғфор айтиш
5. Таҳоратни яхшилаб мукаммал қилиш.
6. Намоз ўқиш ва намоз ўқиш учун пиёда юриб бориш.
6.Садақа улашиш.
8. Ҳаж ва умра қилиш.
9. Мусибат келиши.
«Ким ёмонлик қилса, унинг жазосини тортади» (Нисо сураси, 123-оят)
10. Рамазон рўзасини тутиш ва тунларини ибодат билан ўтказиш.

Мухаммад Али Мухаммад Юсуф таржимаси

@diyonatli

#Видео #Маъруза

ИНСОНЛАРГА АЗИЯТ БЕРИШДАН САҚЛАНИШ

Жасурбек домла Раупов
Тошкент вилояти бош имом-хатиби

@diyonatli

#Ҳадис

Анас розияллоҳу анҳудан ривоят қилинади. Расулуллоҳ соллаллоҳу алайҳи васаллам агар таом тановул қилсалар, учта бармоқларини ялар эдилар. Анас розияллоҳу анҳу айтдилар: Расулуллоҳ соллаллоҳу алайҳи васаллам: «Агар сизлардан бирортангизнинг луқмаси тушиб кетса, уни тозалаб есин. Шайтонга (насибасини) қолдирмасин», дедилар. Ва яна лаганни ялашни буюриб: «Чунки таомингизнинг баракаси қаeрда эканини билмайсизлар», дедилар.

Имом Муслим ривоятлари.

@diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо: 103)

2023/1444 Ҳ. ЙИЛ,
18 - ФЕВРАЛЬ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 05:56
⏱БОМДОД - 06:35
⏱ПЕШИН - 13:00
⏱АСР - 16:25
⏱ШОМ - 18:07
⏱ХУФТОН - 19:40



🔗 Улашинг: @diyonatli

БИНО

Имом Заҳабий “Сияру аъломин нубало”да, Хатиб Бағдодий “Тариху Бағдод”да, ибнул Жавзий “Сифатус сафва” да келтиради:
“Буюк олим Рабиъа ар-Раъйнинг отаси Фаррух жиҳодга чиқиб кетди. Ўшанда Рабиъа онасининг қорнида эди. Фаррух хотинига ўттиз минг динор ташлаб кетган эди.
Ўттиз минг динор... Қадимда бир динор бир мисқол миқдоридаги олтин танга бўлган. Битта танга тақрибан 4,25 граммдир. Демак, шуни 30000 га кўпайтирсак, бу жуда катта маблағга айланади.
Фаррух шу кетганича йигирма етти йилдан сўнг қайтиб келди ва найзаси билан эшигини тақиллатди. Эшикни Рабиъа очди. Қаршисида бегона кишини кўрган Рабиъа деди:
– Эй Аллоҳнинг душмани! Менинг уйимга ҳужум қилмоқчимисан?!
Фаррух деди:
– Эй Аллоҳнинг душмани! Бу менинг уйим. Сен менинг уйимда нима қилаяпсан?!
Улар бир-бирини танимасдан ёқалашиб, овозларини баланд кўтаришди. Фаррухнинг хотини бақир-чақирни эшитиб чиқди ва эрини таниб уларга деди:
– Эй Фаррух, бу йигит сизнинг ўғлингиз! Эй Рабиъа, бу киши сенинг отанг!
Ота-бола йиғлаб бир-бирларини қучоқлаб кетишди.
Сўнгра Фаррух хотини билан ёлғиз қолганида унга қолдириб кетган ўттиз минг динори ҳақида сўради. Хотини деди:
– Пулларни кўмиб қўйганман. Бир неча кундан сўнг келтириб бераман!
Эртаси куни Рабиъа масжидга чиқиб кетди. Унинг атрофида шогирдлари жамланишди. Шогирдлар ичида имом Молик ибн Анас роҳимаҳуллоҳ ва у каби буюклар кўп эди.
Фаррухнинг хотини унга деди:
– Боринг, масжидда намоз ўқинг, Расулуллоҳ саллоллоҳу алайҳи ва салламнинг қабрларига бориб салом беринг!
Фаррух масжидга борди. Масжидда илм ҳалқасига кўзи тушди. Унинг ўғли Рабиъанинг атрофида кишилар жамланиб илм ўрганишар эди. Кўзларига ишонмасдан сўради:
– Бу йигит ким?
Унга кишилар жавоб беришди:
– Бу йигит Фаррухнинг ўғли Рабиъадир!
Фаррух уйига саодатга тўлиб қайтди ва хотинига деди:
– Ўғлингни шундай ҳолатда кўрдимки, бирор-бир аҳли илмни бу ҳолатда кўрмаганман!
Хотини деди:
– Сизга қайси бири суюкли, ўттиз минг динорми ёки кўрганингизми?
Фаррух деди:
– Аллоҳга қасамки, кўрганим!
Хотини деди:
– Мен ҳамма пулни унга сарфлаб юбордим!
– Аллоҳга қасамки, пулларимни зое қилмабсан!
Биз бино қиладиган биноларнинг энг буюги инсон биноси, биз қурадиган саройларнинг энг гўзали инсон саройидир. Аллоҳ таоло пайғамбарларини ҳам, китобларини ҳам инсонни бино қилиш учун юборди. Мақсад – улар ўз ҳақиқатини англасин, коинот ҳақиқатини билсин, уларни йўқдан бор қилган Аллоҳ таолонинг маърифатига эга бўлишсин! Мана шу ҳақиқатларни англаса, инсон ҳақиқий инсон номига лойиқдир!
Бунинг уддасидан чиқмаганлар нуқсонли, ўзини зое қилган, ақлини жамлай олмаган инсонлардир. Улар дунёнинг ортидан югураверади, дунё уларнинг олдида югураверади. Аммо улар дунёга ета олишмайди. Ўзларининг хато йўлдан югураётганларини фақатгина Азроил алайҳиссаломни кўрганидагина англашади!
Чиройли уйларга эга бўлишга ҳақлимиз. Бу – мубоҳ. Бу билан дунё обод бўлади. Оиламиз бекаму-кўст яшайди. Аммо инсон – биринчидир. Уйинг чиройли ва обод уй бўлсаю, унинг ичидаги инсонлар хароб бўлса бундай уйнинг нима фойдаси бор?! Иморатлар баланд бўлсаю, аммо пастда инсонлар бир-бири билан урушса бунинг нима фойдаси бор?! Шаҳарлар ўртасини боғлайдиган кўприклар ҳашамдор бўлсаю, инсонлар ўртаси бузуқ бўлса, силаи-раҳм бўлмаса бундан не фойда?!
Фарзандларга эътиборли бўлайлик. Ана шунда омонатни тўғри адо бўлган бўламиз. Зеро, фарзандлар Аллоҳнинг биздаги омонатидир!

Абдулқодир Самарқандий

@diyonatli

БИСМИЛЛАҲИР РОҲMАНИР РОҲИЙМ!

АЛЛОҲИМ, исмингла бошлаган ушбу кунимизга файзу баракот, Ўзингнинг розилигинг учун ихлосла қиладиган ибодатларимизга шижоат, матонат, сабот бер!

АССАЛОМУ АЛАЙКУМ, ЯХШИЛАР!

Номаи аъмолингизга хайрла битиладиган кун бўлсин!..

@diyonatli

#Ҳадис

Анас розияллоҳу анҳудан ривоят қилинади. Расулуллоҳ соллаллоҳу алайҳи васалламнинг Азбо номли туялари билан бирорта туя мусобақалаша олмас эди. Балки мусобақалашишга яқинлаша олмасди ҳам. Иттифоқо, бир аъробий туясига ўтириб олиб, Расулуллоҳнинг соллаллоҳу алайҳи васаллам ўша туяларидан ўзиб кетди. Бу воқеъа мусулмонларга оғир ботди. Расулуллоҳ соллаллоҳу алайҳи васаллам уларнинг хафа бўлганларини билиб: «Дунёда бирор нарса баланд бўлса, Аллоҳ уни пасайтирур», дедилар.

Имом Бухорий ривоятлари.

Фойда: Аллоҳ таоло наздида дунёнинг ҳақирлиги ва дунё ишлари мукаммал бўлмасдан, ноқис эканлиги англашилади.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Видео #Маъруза

ҲАҚИҚИЙ МУҲОЖИР КИМ?

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

ҒУСЛ ҚИЛИШИ КЕРАКМИ?
#ғусл #ҳайз

❓1018-CАВОЛ: Жунуб ҳолда ухлаб қолса эрталаб ўйғонганда ҳайзи келиб қолган бўлса ғусл қилиши керакми?

💬 ЖАВОБ: Бисмиллаҳир Роҳманир Роҳим.
Бундай ҳолда аёлнинг ихтиёри ўзида бўлади, хоҳласа ўша пайтда ғусл қилади, хоҳласа ҳайздан поклангандан кейин ғусл қилади. Бу ҳақда “Ал-Муҳитул-Бурҳоний” китобида шундай дейилади:

وإذا أجنبت المرأة ثم أدركها الحيض فهي بالخيار إن شاءت اغتسلت؛ لأن فيه زيادة تنظيف وإزالة أحد الحدثين، وإن شاءت أخرت الاغتسال حتى تطهر؛ لأن الاغتسال للتطهير حتى تتمكن من أداء الصلاة، ألا ترى أن الجنب إذا أخر الاغتسال إلى وقت الصلاة لا يأثم، دل أن المقصود من الطهارة الصلاة، ومن لا يتمكن من الصلاة، فكان لها أن لا تغتسل.

“Аёл киши жунуб бўлса ва кейин ҳайз кўрса, ихтиёри ўзида бўлади. Хоҳласа ғусл қилади, чунки ғуслда зиёда поклик ва икки нопокликдан бирини кетказиш бор. Хоҳласа поклангунча ғусл қилишни кечиктириб туради. Чунки ғусл покланиш учун ва бу покланиш билан у намозни адо қилишга имкон топади. Кўрмайсизми, жунуб киши ғуслни намоз вақтигача кечиктирса, гуноҳкор бўлмаслиги, покликдан мақсад намоз эканига далолат қилади. Ким (ҳайз, нифос каби ҳолатларда) намоз ўқишга имкон топмаса, ғусл қилмаслиги жоиздир”. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook | Telegram

НАМОЗЛАРИМНИ ҚАСР ҚИЛИБ ЎҚИЙМАНМИ?
#қисқа_савол_жавоблар

❓CАВОЛ: Ўқишга 15 кундан кўп тураман деб ният қилиб келгандим. Намозларимни бутунлигича ўқиётгандим. Уч тўрт кун олдин вилоятимга бориб келдим лекин уйимга борганим йўқ. Уйимга бир-икки километр узоқликдаги йўлдан ўтиб бошқа туманга бориб келдим. Бу сафар келаётганимда 10 кунда уйимга боришни ният қилдим. Энди ўқишда мен фарзларни бутунлигича ўқийманми ёки қаср қилибми?

💬 ЖАВОБ: Бисмиллаҳир Роҳманир Роҳим.
Вилоятингизнинг бошқа туманидан ўқиш жойингизга қайтишда яна ўн кундан кейин уйингизга қайтишни ният қилган бўлсангиз, мусофир ҳукмида бўласиз. Токи яна уйингизга етиб боргунча намозларни қаср қилиб ўқиб турасиз. Чунки сиз сафар масофасини қасд қилиб чиқиб, етиб келган жойингизда 15 кундан кам туришни ният қилгансиз.

Саволда уйингиз ва ўқиш жойингиз ўртасидаги масофа зикр қилинмаган. Биз айтган жавоб улар ўртаси уч кечаю уч кундузлик йўл (тақрибан 96 км) бўлганда мувофиқ келади. Агар масофа бундан кам бўлса, ҳар қанақасига муқим бўласиз ва доим намозларни тўлиқ ўқийсиз. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

#Видео #Маъруза

Оила саодат калити

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
@diyonatli