Piskent jome masjidi | Rasmiy kanal
2.7K subscribers
8.65K photos
4.46K videos
29 files
7.27K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
"Piskent" jome masjidiga O'zbekiston musulmonlari idorasining birinchi o'rinbosari 𝐈𝐛𝐫𝐨𝐡𝐢𝐦𝐣𝐨𝐧 𝐈𝐧𝐨𝐦𝐨𝐯 domla tashrif buyurdilar.
МУСИБАТГА САБР ҚИЛИШ, МАШАҚҚАТНИ КЎТАРИШ НАЖОТ ВА САОДАТ ЙЎЛИДИР

"(Эй Муҳаммад!) Сабр қилинг. Сабр қилишингиз эса фақат Аллоҳ (ёрдами) билангина мумкиндир..." (Наҳл сураси, 127-оят).
"...Бас, (менинг бурчим) чиройли сабрдир. Сизлар тавсифлаётган нарсага (сабр қилишга) Аллоҳ (менга) мададкордир" (Юсуф сураси, 18-оят).
"Бас, (эй Муҳаммад, кофирларнинг азиятларига) чиройли сабр билан сабр қилинг!" (Маориж сураси, 5-оят).
"(Аллоҳ йўлида турли машаққатларга) сабр қилиб ўтганларинг сабабли (энди бу ерда) сизларга тинчлик бўлгай..." (Раъд сураси, 24-оят).
"...ҳамда ўзингга етган (балолар)га сабр қил!..." (Луқмон сураси, 17-оят).
"Эй имон келтирганлар! Сабр қилинглар, бағрикенг бўлинглар ва (Аллоҳ йўлига) тахт бўлиб туринглар!..." (Оли Имрон сураси, 200-оят).
Умар розияллоҳу анҳу айтадилар: "Сабр билан гўзал ҳаётга етдик".
Мусибат пайтида аҳли суннат учун уч йўл бор: "Сабр, дуо ва кенгликни кутиш".
Ҳадис: "Ҳеч бир киши эшитган мусибатига Аллоҳдан кўра сабрлироқ эмас. Кофирлар Унинг хотини ва фарзанди бор, дейишди. Аллоҳ эса уларни кечириб, ризқ бераверади".
Ҳадис: "Мусога Аллоҳ раҳм қилсин. У бундан ҳам кўпроғи билан мусибатланади ва сабр қилди".
Ҳадис: "Ким сабр кўрсатса, Аллоҳ унга сокинлик беради".
Юксакликка хаёллар ва уйқудаги тушлар билан эмас, балки қатъият ва матонат билан эришилади.

"Ўкинма" китобидан.

👉 @diyonatli
👏1
КЎЗНИ ТИЙИШ – ҚАЛБ УЧУН РОҲАТ 

Аллоҳ таоло инсон танасининг айрим жойларига қарашни ман этган. Бунинг фойдалари бисёр. Номаҳрамларга қарашдан кўзини тийган одамнинг қалби ҳам, танаси ҳам саломат бўлади. Қолаверса, нигоҳни номаҳрамлардан тийиш билан жуда кўп ёмонликлар олди олинади, оилалар тинч бўлади. Бунинг биз билган-билмаган ҳикматлари кўп. 
Аллоҳ таоло Пайғамбаримиз соллаллоҳу алайҳи ва салламга шундай деган: “(Эй Муҳаммад,) мўминларга айтинг, кўзларини (номаҳрам аёлларга тикишдан) тўссинлар, авратларини (ҳаромдан) сақласинлар ! Мана шу улар учун энг тоза (йўлдир). Албатта Аллоҳ улар қилаётган ишлардан Хабардордир. Мўминаларга ҳам айтинг, кўзларини (номаҳрам эркакларга тикишдан) тўссинлар, авратларини (ҳаромдан) сақласинлар!..” (Нур сураси, 30-31-оятлар). 
Одатда, мусулмон эркаклар учун айтилган гап муслима аёлларга ҳам тегишли бўлади. Аммо мазкур масала ўта муҳимлигидан эркакларга алоҳида, аёлларга алоҳида мурожаат этилмоқда. 
Оятдаги “мана шу улар учун энг тоза (йўлдир)” жумласига эътибор қаратамиз. Уламолар таъкидлашича, номаҳрамларга ёмон кўз билан қарамаслик, бузуқ ишлардан узоқ юриш қалб поклиги учун муҳимдир. 
Айтишларича, ким кўзини ҳаромдан тийса, Аллоҳ унинг басиратида бир нур пайдо қилади . 
Арабча “басират” сўзи “ақл-идрок”, “заковат”, “қалб кўзи”, “тажриба”, “ҳужжат”, “ибрат” каби маъноларни англатади. 
Ислом дини ўзида поклик, иффат каби фазилатларни мужассам этган. Мазкур қайтариқда ҳам қалб тозалиги, нафс софлиги, ният холислиги, амал мақбуллиги бор. 
Ҳузайфа розияллоҳу анҳу Расулуллоҳ соллаллоҳу алайҳи ва салламдан ривоят қилади: “(Номаҳрамларга) назар солиш иблиснинг заҳарланган ўқларидан биридир. Ким Аллоҳдан қўрқиб уни тарк этса, У Зот азза ва жалла шундай имонни беради. Унинг ҳаловатини қалбида ҳис қилади ”. 
Бир ўйлаб кўрайлик: намозда, умуман ибодатларда ҳузур-ҳаловат тополмаётганимизга сабаб кўзни тия олмаслик эмасмикан?! 
Аллоҳ таоло бизга намозни шунчаки ўқиб қўйишни эмас, тўкис адо этишни буюрган. Намозда хушуъни топаман, деган одам биринчи навбатда кўзини, тилини, қулоғини, борингки, барча аъзоларини ҳаромдан сақлайди. Шунда секин-аста хушуъсизлик дардидан халос бўлади. 
Қуръони каримда айтилишича, номаҳрамлар билан бузуқ иш қилиш нияти бор одамнинг қалби касалдир. Аллоҳ таоло шундай деган: “Эй, Пайғамбар аёллари, сизлар аёллардан биронтаси каби эмассизлар (яъни, бирон аёл фазл-мартабада сизлар каби бўлолмайди). Агар тақводор бўлсангиз (парда ортидан бирон номаҳрам эркакка жавоб қилган пайтингизда) майин-назокатли сўз қилмангларки, у ҳолда кўнглида касаллик бўлган кимса тама қилиб қолади. Яхши – тўғри сўзни сўзланг!” (Аҳзоб сураси, 32-оят). 
Яъни: эй, Пайғамбар алайҳиссалом аёллари! Бегона эркаклар шаҳватини қўзғайдиган тарзда майин овозда гапирманг. Қалбида касаллик бор кимса сизлар билан бу оҳангда гаплашса, нияти бузилади. 

👉 @diyonatli
👍2👏1
ҲАҚОРАТГА ҲИКМАТЛИ ЖАВОБЛАР

Форс подшоҳлари ичида бир золим ва қаҳри қаттиқ подшоҳ бор эди. Бир куни унинг ошпази таом олиб келди. Овқатни подшоҳнинг олдига қўяётиб унинг кийимига нуқтадек сачратиб юборди. Подшоҳ ниҳоятда ғазабланди. Ошпаз боши кетишини англади ва идишдаги қолган овқатнинг барини подшоҳнинг устидан тўкди. Ҳайрон қолган подшоҳ ундан сўради:
- Нега бундай қилдинг? Ахир мен сени нуқтадек таом учун қатл қилмоқчи эдим-ку!
Ошпаз деди:
- Кишилар "подшоҳ бир неча йиллар садоқатла хизмат қилган ошпазини нуқтадек таом сачрагани учун ўлдирибди", дейишларидан хижолат бўлдим. Кишилар сизни маъзур билишлари учун "жиноят"ни катталаштирдим!

Подшоҳ уни кечириб унга мукофот беришларини амр қилди!

Юмшоқлик буюклар хислатидандир. Араблар жоҳилият даврида юмшоқликни макорими ахлоқдан ҳисоблашар эди. Ислом келиб уни рижоллар ахлоқининг зийнатига айлантирди.
Аммо шуни билишимиз керакки, куч-қуввати йўқ инсоннинг юмшоқлиги аксар вақт ҳақиқий бўлмайди. Яъни, заиф инсон ўзи шундоқ ҳам юмшоқ бўлади. Аммо юмшоқлик ёнида куч ва қувват бўлса, интиқом олишга қодир бўлсангиз-у юмшоқлик қилсангиз, мана шу ҳақиқий мақталган юмшоқлик бўлади.
Йўқса, у ўзини чиройли кўрсатишга уринаётган хорлик ёки кечириш тўнига яшириниб олган ожизлик бўлади!

Бир киши Абдуллоҳ ибн Аббос розиёллоҳу анҳуни сўкди. У сўкишдан тўхтагач, Абдуллоҳ ибн Аббос мавлоси Икримага деди:
- Унинг бирор-бир эҳтиёжи бормикин, биз адо қиламиз?
Сўккан кишининг Абдуллоҳ ибн Аббоснинг юмшоқлигидан хижолат бўлиб боши эгилиб қолди.

Буюк соҳобий Абу Зарр розиёллоҳу анҳуни бир киши сўкди. Шунда Абу Зарр унга деди:
"Эй фалончи! Бизни сўкишга чуқур шўнғима. Сулҳ учун ўрин қолдир. Биз Аллоҳга биз учун осий бўлганларни мукофотлагандан кўра кўпроқ Аллоҳга итоат қиламиз!".

Бир киши имом Шаъбийни сўкди. Шунда Шаъбий унга деди:
"Агар росгўй бўлсанг Аллоҳ мени мағфират қилсин. Агар ёлғончи бўлсанг Аллоҳ сени мағфират қилсин!".

Бир киши Умар ибн Абдулазиз роҳимаҳуллоҳга ёмон гапларни гапирди. Шунда Умар унга деди:
"Ҳечқиси йўқ. Сен шайтонни менга қарши қайрашни истадинг. Мен унинг макрига учиб сенга зулм қилиб қўйсам эртага унинг бадалини сенга тўлашим лозим бўлади. Йўлингга кетавер, Аллоҳ сени мағфират қилсин!".

Абдулқодир САМАРҚАНДИЙ

@diyonatli
👍3
ИНСОН ЎЗИГА ЎЛИМ ТИЛАШ МУМКИНМИ?

Қайсдан ривоят қилинади:
"Хаббобнинг олдига бордим. У етти марта кайй (куйдириш) қилган эди. Шунда у:
"Агар расулуллоҳ соллаллоҳу алайҳи васаллам бизни ўлим тилашдан қайтармаганларида, (ўлим тилаб) дуо қилар эдим", деди".
Шарҳ: Дард ҳаддан ташқари оғир бўлган. Унинг оғирлигидан Хаббоб розияллоҳу анҳунинг кўзларига дунё қоронғи кўриниб кетган. Етти марта даво учун қориндаги ярани куйдириш амалиёти қилинган. Бу уринишларнинг бирортасидан фойда бўлмаган. Бундай азобдан ўлимни афзал кўриб кетсалар ҳам, Хаббоб розияллоҳу анҳу Расулуллоҳ соллаллоҳу алайҳи васалламнинг мазкур сўзларига амал қилишни ўзларига лозим билганлар.
Расулуллоҳ соллаллоҳу алайҳи васалламнинг суннатларига амал қилиш ана шундай бўлади.
Демак, мўмин-мусулмонлар қанчалик қийналишса ҳам, ўлим тилаб дуо қилишлари мумкин эмас экан. Хусусан, ўлим кўзга кўринмай турганда, бундай ёмон дуоларни қилмаслик янада матлубдир.
Аммо ўлим кўзга кўриниб қолганда, уни сокинлик ва Аллоҳ таолонинг мулоқотига муҳаббат билан кутиб олинади.

"Одоблар хазинаси" китобидан.

👉 @diyonatli
👍1
КУЧ БИРЛИКДА

Бир кишининг бир неча ўғли бўлиб, улар сира ўзаро келишмас, қачон қараманг, жанжаллашгани-жанжаллашган эди. Уларнинг низоларидан тоқати тоқ бўлган ота бир куни бир даста чўпни йиғиб, маҳкам қилиб боғлади, кейин ўғилларини чақириб:
- Қани, шу чўпларни синдиринглар-чи, - деди.
Ўғиллар қанчалик уринишмасин, уни синдира олишмади. Шунда ота боғланган чўпларни ечиб, болаларига биттадан бўлиб берди.
- Энди синдириб кўринглар.
Ўғиллар чўпларни осонлик билан синдиришди. Шунда ота уларга қараб деди:
- Ҳозир нимаики кўрган бўлсаларингиз, у сизларнинг аҳволларингизга мисолдир. Агар ўзаро аҳил бўлсангиз, ҳеч ким сизларни енголмайди. Мабодо муроса қилмай, бир-бирингиздан ажралиб яшасангиз, кийинчиликлар олдида осон мағлуб бўласиз.

"Шарқ Ҳикоят ва Ривоятлари" китобидан.

👉 @diyonatli
👏2
ШАЙТОННИНГ ШЕРИКЛАРИ

"Дунёга бир марта келасан! Шундай экан, ўйнаб қол!" - дейдиганлар шайтоннинг шерикларидир. Шайтоннинг бундай қутқулари эса ҳар биримизни тўғри йўлдан оздиради. Инсон бир марта яшар экан, кайф-сафога берилмай, ибодатини гўзал қилгани афзал эмасми? Яхшилар, авлиёлар ҳаётидан ўрнак олинг. Қаноат туфайли қанчалик олий мақомга лойиқ кўрилишингизни билсангиз эди, ношукр бўлган кунларингиз учун ўзингизни лаънатлар эдингиз. Бошингизга ташвиш тушганида шайтоннинг алдовига учиб, қандай хатолар қилганингизни ўйлаб кўринг. Аслида, қаноат меваси - роҳат, камтарлик меваси - муҳаббатдир. Умрингиз охиригача тўйиб овқатланаман десангиз ҳам тўймайсиз. Зеро, кўп ейиш баданни оғирлаштиради, қалбни ўлдиради, зеҳнни ўтмас қилади ва кишини ибодат қилишга эринчоқ қилиб қўяди.
Ризқини ҳалол меҳнат қилиб топмаган, ундан бошқаларга инъом, эҳсон қилмаган ҳалол меҳнати билан ҳурмат қозонмаган кишида яхшилик йўқдир. Инсоннинг душмани учта эканлигини унутманг: дунёси, шайтон ва нафси. Поклик - фақирликнинг зийнати, шукроналик - мол дунёнинг зийнати. Агар нафсимизни жиловлай олмасак, биз комил мўмин ва комил иймон эгаси эмасмиз. Оқил киши дунёсидаги ризқига рози бўлади ва мол тўплашга ружу қўймайди. У охират ҳозирлигини кўриб қўяди. Чунки охират инсон учун сўнгги бекат ва неъматлар уйидир. Аллоҳ таоло Одам Ато ва Момо Ҳавони заминга туширганида, улар дунё ҳидини топишди ва жаннат бўйини йўқотишди. Шунда икковини қирқ кун дунёнинг сассиқ ҳиди ўраб олди. Дунё молини тўплашга ружу қўйганлар қаттиқ адашади. Ахир дунё молига ўч бўлмасангиз ҳам ризқланасиз-ку! Охират учун амал қилмайсиз. Ваҳоланки, савоб амаллмрингиз бўлмаса, охиратда ризқланмайсиз!

"Ғам-қайғусиз яшай десангиз (ўксинма)" китобидан.

👉 @diyonatli
Abdulhamid domla 2.10.22
Fitrat.uz
#Савол_жавоб

2.10.2022
🎤 Абдулҳамид домла Маликов
Тошкент вилояти бош-имом хатиби ўринбосари

Дўстларингизга ҳам улашинг
:
https://t.me/joinchat/AAAAAEGj0hkBXGlopIDbXA
👍1
​#Хушхабар

ЧИРЧИҚ ШАҲРИДА ҚУРЪОН КУРСИ ОЧИЛДИ

Хабарингиз бор, Тошкент вилоятининг бешта шаҳрида Қуръон ва тажвидни ўргатиш ўқув-курслари ташкил қилинган эди.

Бугун Чирчиқ шаҳрида Қуръон ва тажвидни ўргатиш ўқув-курси очилди.

Қуръони карим тиловати билан бошланган тадбирда Ўзбекистон мусулмонлари идораси Қуръони карим ва тажвидни ўргатиш бўлими бошлиғи Шайх Алижон қори, Тошкент вилояти бош имом-хатиби Жасурбек домла Раупов, Чирчиқ шаҳар ҳокими Даврон Ҳидоятов, Тошкент вилояти бош имом-хатиби ўринбосари Обиджон домла Мирҳамидов ва бошқалар иштирок этди.

Чирчиқ шаҳар Марказий жоме масжидига яқин ҳудудда жойлашган ўқув-курсларида тўртта гуруҳ фаолияти йўлга қўйилди. Учта гуруҳда эркаклар таълим олаётган бўлса, биттасида хотин-қизлар Қуръон ўрганишмоқда.
Имом Бухорий номидаги Тошкент ислом институтини тамомлаган малакали мутахассислар тингловчиларга сабоқ беришмоқда.

Аллоҳ таоло ўқув-курсларини хайрли ва бардавом қилсин!

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👏2
ЖАННАТ

Сермева бананзорлар, ёйилган соялар, оқар сувлар ва сероб мевалардадирлар. Тугамайдиган ва ман қилинмайдиган" (29-33-оятлар).
Одатда , бизнинг тилимизда ҳам кишининг бирор нарсага сероблиги билдирилмоқчи бўлса, "Фалончи фалон нарсанинг ичида", дейилади. Худди шунингдек, ўнг тараф эгаларининг ҳолатлари ҳам, жаннат нозу неъматлари ичида, деган маънони сўз ва жумлалар орқали ифода қилинмоқда. Мисол учун, "сермева бананзорлардадирлар". Яъни бананзор ичида, бананларга кўмилиб, дейилмоқчи.
Ўнг тараф эгалари жаннатда яна:
"Кўтарилган кўрпачалардадирлар" (34-оят).
"Кўтарилган" тушунчаси маънавий ва моддий кўтарилганлиги маъноларига эга.
Жаннат ва унинг абадийлигига далиллар:
Аллоҳ таоло Каҳф сурасида қуйидагиларни айтади:
"Албатта, иймон келтирган ва солиҳ амалларни қилганларга Фирдавс жаннати манзил бўлгандир. Унда мангу қолувчилардир ва ундан кўчишни истамаслар" (107-108-оятлар).
Иймон ва амали солиҳ банданинг Аллоҳ таоло ҳузуридаги қадр-қийматини оширади. Охиратда эса жаннатга тушишига сабаб бўлади. Жаннатга тушганда ҳам, у ерда абадий қоладилар. У ерда шундай қадр-қиймат, роҳат-фароғат топадиларки, бошқа жойга кўчишни зинҳор истамайдилар.
Аллоҳ таоло Сод сурасида қуйидагиларни айтади:
"Бу эслатмадир. Албатта, тақводорлар учун гўзал қайтар жой (бордир). Улар учун эшиклари очиқ адн жаннатлари (бордир). У ерда ёнбошлаган ҳолларида ундаги кўплаб мевалар ва шароблардан чақирадилар. Уларнинг ҳузурида нигоҳини тийган тенгдош(ҳур)лар бордир. Бу сизга ҳисоб куни учун ваъда этилган нарсалардир. Албатта, бу Бизнинг (берадиган) ризқимиздир. Унинг ҳеч тугаши йўқдир" (49-54-оятлар).
Зикр қилинган ана ўша нарсалар - Аллоҳ таолонинг тақводор бандаларига берадиган жаннати, ризқи. У ризқ доимий ва абадийдир. У ҳеч қачон тугаб қолмайди.
Жаннатнинг абадийлигига Суннатдан далиллар:
"Пайғамбаримиз соллаллоҳу алайҳи васаллам: "Ким жаннатга кирса, неъматланади, ноумид бўлмайди, бардавом қолади ва ўлмайди", деганлар".
Муслим ривоят қилган.
Пайғамбаримиз соллаллоҳу алайҳи васаллам шундай деганлар:
"Бир нидо қилувчи нидо қилиб: "Эй аҳли жаннат! Албатта, сизлар учун абадий равишда соғлом бўлишингиз бор, бемор бўлишингиз йўқ. Ёш бўлишингиз бор, қаришингиз йўқ. Ҳаёт кечиришингиз бор, ўлишингиз йўқ", дейди".
Муслим Абу Саъиддан ривоят қилган.

"Сунний ақийдалар" китобидан.

👉 @diyonatli
👏2
#Xursandchilik

Toshkent viloyatida masjidlarimiz soni yana bittaga ko'pyamoqda.

Toshkent viloyati Bekobod tumanida "Mulla Norqul" masjidi uchun birinchi g'isht qo'yildi.

Masjid uchun g'isht terishni Toshkent viloyati bosh imom-xatib o'rinbosari Abduhamid domla Malikov boshlab berdilar.

Bekobod tuman bosh imom-xatibi, homiylar, mahalla oqsoqllari ishtirok etdilar.

@Diyonatli
👍14❤1🥰1
ҚУРЪОН – ҚАЛБ ҒИЙБАТИНИНГ ШИФОСИ

Одамларда кўп учрайдиган қалб касалликларидан бири ёмон гумон қилишдир. Қуръони каримда бадгумонликдан қайтарилган. Зеро, бир одам қалбида қандай ният борлигини – қалб сирларини Аллоҳдан бошқа ҳеч ким билмайди. Кўзи билан кўрмагунча биров ҳақида ёмон гумон қилишга ҳеч кимнинг ҳақи йўқ. Чунончи, гумонга суяниб иш тутиш, ўзгалар ҳақида юзаки хулоса чиқариш тўғри эмас.
Қуръони каримда шундай хитоб қилинган: “Эй мўминлар, кўп гумон(лар)дан сақланинглар! Чунки айрим гумон(лар) гуноҳдир! (Ўзгалар айбини қидириб) жосуслик қилиб юрманг, бир-бирингизни ғийбат қилманг! Сизлардан бирон киши ўзининг ўлган биродари гўштини ейишни яхши кўрадими?! Ахир ёмон кўрасизлар-ку! Аллоҳдан қўрқинг! Албатта Аллоҳ тавбаларни қабул қилувчи, Меҳрибондир” (Ҳужурот сураси, 12-оят).
Бу ердаги “гумон”дан мурод – бир одам ҳақида ҳеч қандай ҳужжат-далили бўлмай туриб шубҳаланиш. Кўринишдан салоҳиятли, туппа-тузук инсон ҳақида ёмон гумон қилинмайди. Чунки бу туҳмат саналади. Туҳмат қилган, биродаридан шубҳаланган одам гуноҳга ботади.
Гоҳида инсон хотирига кимдир ҳақида кутилмаган ўйлар, баъзи иккиланишлар келиб қолади. Буни бадгумонлик билан аралаштирмаслик керак. Ёмон гумонга нафс суянади, қалб мойил бўлади.
Пайғамбаримиз соллаллоҳу алайҳи ва саллам айтадилар: “Сизлар бадгумонликдан эҳтиёт бўлинглар! Зеро, бадгумонлик энг ёлғон сўздир. Жосуслик қилманглар, бир-бирингизга ҳасад қилманг, бир-бирингизни ёмон кўриб қолманг, душманлик қилманг, Аллоҳнинг ака-ука бандалари бўлинглар ”.
Яна бир ҳадисда шундай дейилган: “Қайси бир мусулмон банда биродаридан шубҳаланса, Парвардигоридан шубҳаланибди. Чунки Аллоҳ “кўп гумонлардан сақланинглар”, деган ”.
Расулуллоҳ соллаллоҳу алайҳи ва саллам бир куни Каъбани тавоф қилдилар. Кейин Каъбатуллоҳга юзланиб: “Сен нақадар поксан, ҳидинг нақадар хушбўй! Қанчалик улуғсан, ҳурматинг қанчалик баланд! Муҳаммаднинг жони измида бўлган Зотга қасамки, бир мўмин банда ҳурмати Аллоҳ наздида сенинг ҳурматингдан улуғроқдир. Моли, қони, фақат яхши гумонда бўлиш (ҳурмати ҳам сеникидан улуғроқдир)”, дедилар .
Ривоят қилинишича, Пайғамбар соллаллоҳу алайҳи ва саллам:
– Умматим орасида учта иллат: шумланиш, ҳасад ва бадгумонлик бўлади, – дедилар. Шунда бир киши сўради:
– Ё Расулуллоҳ, улардан қандай қутулиш мумкин?
– Агар (қалбингда биродарингга нисбатан) ҳасад пайдо бўлса, (Аллоҳга) истиғфор айт. Бировдан ёмон гумон қилсанг, (унга суяниб) иш тутма. Агар шумлансанг, (қилмоқчи бўлган ишингни тўхтатиб қўйма,) уни амалга ошир .
Мусулмон одам биродари ҳақида яхши гумон қилади, ҳеч қандай далили бўлмай туриб ҳар хил ёмон хаёлларга бормайди. Зеро, яхши гумон қилиш Аллоҳга итоат этиш саналади.
Расулуллоҳ соллаллоҳу алайҳи ва саллам: “Яхши гумон қилиш (Аллоҳга) чиройли ибодат қилиш сирасидандир”, деганлар .
Ёмон гумон – маъсият, яхши гумон эса ибодатдир. Мўмин ака-укаларидан яхши гумон қилган инсон Аллоҳнинг амрига чиройли итоат этган бўлади, Парвардигорига қурбат ҳосил қилади. Кўнглида кири йўқ, шубҳа-гумонлардан холи инсонни Аллоҳ яхши кўради.
Умар ибн Хаттоб розияллоҳу анҳу айтади: “Биродаринг оғзидан чиққан сўзни яхшиликка йўйиш имкони бўлса, ундан ёмон гумон қилма ”.
Шунга кўра, мусулмон одам биродари қилаётган ишни, гапираётган гапини имкон қадар яхшиликка йўяди, “Бу билан нима демоқчи”, “Гап бу ёқда экан-да, мен билмай юрганаканман”, деб бўлар-бўлмас гапларни айтиб мусулмон биродари ҳақида гап тарқатиш яхши эмас.
Салафи солиҳлар тавсиясига кўра, мўмин биродари сиртдан номаъқул иш қилаётганини кўриб қолса, унга етмишта узр қидирилади . “Мен билмаган бирон сабаби бордир”, “Бекорга бундай қилмаётгандир”, деб яхши гумонда бўлинади.
Бадгумонликдан йироқ инсоннинг қалби хотиржам бўлади. Чунки бировнинг кетидан тушиб, хатосини қидириш, ғийбат қилиш билан киши ҳаёти пароканда бўлади, тинчи бузилади. Одамлардан яхши гумон қиладиган инсоннинг кўнгли тоза, ҳаёти осуда бўлади.

"Қуръон - қалблар шифоси" китобидан.

👉 @diyonatli
👍5👏1
ОДАМЛАР СИЗГА ҚИЛГАН МУОМАЛАСИДАН ҚАЙҒУРМАНГ, УЛАРНИНГ ХОЛИҚ БИЛАН БЎЛГАН МУОМАЛАСИГА ҚАРАНГ

Имом Аҳмад раҳматуллоҳи алайҳ "Зуҳд" деб номланган китобларида Аллоҳ таолонинг ушбу сўзларини келтирадилар: "Эй Одам боласи, сенинг ишларинг қизиқ: сени Мен яратдим, Мендан бошқага ибодат қилдинг; сенга Мен ризқ бердим, ўзгага шукр қилдинг; Мен сендан беҳожат ҳолимда сени севинтирмоқчи бўламан, сен эса Менга муҳтож ҳолингда Менга ёмон кўриниш ҳаракатидасан; яхшиликларим сенга тушган сари сен томондан Менга ёмонликлар кўтарилади!"
Ҳазрат Исо алайҳиссаломнинг сийратларида зикр қилинишича, у зот ўттиз нафар беморни даволаб, жуда кўп кўзи ожизни тузатдилар, улар эса у зотнинг душманига айланишди.

"Ўкинма" китобидан.

👉 @diyonatli
👍1
РИЗҚИНГИЗ ТАНГЛИГИДАН ҚАЙҒУРМАНГ

Ризқ берувчи Ягонадир. Бандаларининг ризқини ёлғиз Ўзи беради. Бунинг кафолатини Ўз зиммасига олган.
"Осмонда эса, сизларнинг ризқларингиз (ёмғир) ва сизларга ваъда қилинаётган нарса (жаннат) бордир" (Зориёт сураси, 22-оят).
"Ерда ўрмаловчи барча нарса (жонзот)нинг ризқи (таъминоти) Аллоҳнинг зиммасида..." (Ҳуд сураси, 6-оят).
Бас, ризқ бериш Аллоҳнинг зиммасида экан, у ҳолда нима учун кўпчилик инсонлар ризқ талабида ўзи каби бошқа бир инсонга хушомадлар қилиб, ўз нафсларини хор қиладилар?!
"Аллоҳ одамлар учун қайси бир раҳматни очиб (равона қилиб) қўйса, бас, уни тутиб қолувчи бўлмас ва нимани тутиб қолса, бас, Ундан сўнг уни (бандаларга) юборувчи бўлмас. У Азиз (қудратли ва Ҳаким (ҳикматли зот)дир" (Фотир сураси, 2-оят).

"Ўкинма" китобидан.

👉 @diyonatli
👏3👍1
ЁЛҒОННИНГ САССИҒИДАН ФАРИШТА ҚОЧАДИ

Ибн Умар розияллоҳу анҳумодан ривоят қилинади:
"Набий соллаллоҳу алайҳи васаллам:
"Агар банда ёлғон гапирса, у қилган нарсанинг сассиғидан фаришта ундан бир мил нарига узоқлашади", дедилар".
Термизий ривоят қилган.
Бу қанчалик даҳшат-а? Бу дунёда бандани қўриқлаб туриш учун бириктирилган фаришта ҳам унинг ёлғони сассиғидан ҳазар қилиб, ундан қочар экан. Фариштаси ўзидан қочган одам ким деган одам бўлади?! Халқ ичидаги "Фалончининг фариштаси йўқ", деган қабилдаги гап бежиз эмас. Шунинг учун ҳам зинҳор ва зинҳор ёлғон гапирмаслик лозим.

"Ёлғон" китобидан.

👉 @diyonatli
👍5
Media is too big
VIEW IN TELEGRAM
Allohning sifatlari | Abdul Hamid domla
(Aqidatut-tahoviya)
@Diyonatli
❤2👍1