Piskent jome masjidi | Rasmiy kanal
2.7K subscribers
8.65K photos
4.46K videos
29 files
7.27K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
Мажнуннинг туяси

Бир куни Мажнун Лайли маҳалласига бормоқ учун туяга миниб йўл олди. Унинг бутун дарди, фикри-зикри Лайли тарафда эди. Мажнуннинг дарди бу бўлгани ҳолда, туянинг дарди бутунлай бошқа эди. Туя ортда қолган бўталоғини ўйларди. Айрилиқ занжирини узиб унинг ёнига боргиси келарди.

Мажнун ҳаёлидан уйғонган маҳаллари Лайли тарафга туяни судрар, яна ҳаёлга ғарқ бўлгач эса туя йўлини боласи томонга бурарди.

Мажнун ҳар гал ўзига келганда манзилидан манча-мунча йироқлашганини кўрарди. Мажнун ва унунг туяси шу янгилиғ уч кун йўл юрдилар ба ниҳоят, Мажнун бу вазиятда манзилга бориб бўлмаслигини англар экан, туядан тушганча:

Оҳ туягинам! Иккимиз ҳам ошиқмиз, фақат борар йўлимиз бир-бирига айро эканлиги учун сен билан дўст бўла олмаймиз. Агар мана шундай бошқа –бошқа мақсадлар-ла бирга кетаверсак, асло муродимиз ҳосил бўлмайди! – дедида, туяни эркин қўйди.

Румийдан Жавоҳирлар китобидан.


👉 @diyonatli
👍4👏1
"ДАН" ходими: "Иномарка" эгаси менга мўминликни ўргатиб кетди..."

Ойлик олган куним эди. Қўшимчасига мукофот пули ҳам беришди. Кайфият зўр. Бугун ҳеч кимга жарима ёзмайман дедим-да, ишга чиқдим

Батафсил: https://azon.uz/content/views/49576

@Diyonatli
👍5
Media is too big
VIEW IN TELEGRAM
Нақлиёт (транспорт) бошқарув одоблари | Абдул Ҳамид домла

👉 @diyonatli
🔥1
Audio
Нақлиёт (транспорт) бошқарув одоблари | Абдул Ҳамид домла

👉 @diyonatli
👍2
Яхши муомала қилинмоғига ким ҳақлироқ?

Абу Ҳурайра ривоят қиладилар: «Бир одам Расулуллоҳ саллаллоҳу алайҳи ва салламнинг ҳузурларига келиб: «Ё Расулаллоҳ, менинг яхши муомала қилмоғимга ким ҳақлироқдир?» — деб сўради. Жаноб Расулуллоҳ: «Онанг!» — деб айтдилар. У: «Яна ким?» — деб сўради. Жаноб Расулуллоҳ: «Онанг!» — дедилар. У: «Яна ким?» — деди, Жаноб Расулуллоҳ: «Онанг!» — дедилар. У: «Яна ким?» — деб сўради. Жаноб Расулуллоҳ (бу сафар): «Отанг!»—деб жавоб қилдилар».

Ал-жомиъ ас-саҳиҳ Китобидан.

👉 @diyonatli
👍3❤1
АЁЛНИНГ МАКРИ...

Бир киши йўлда кетаётса, бир қудуққа дуч келди. Қудуқнинг олдида аёл ҳам бор эди. Киши аёлга яқинлашди. Аёл эса бундан қўрқиб кетди.
Шунда эркак:
“Қўрқма! Сендан бир нарсани сўрамоқчиман. Аёлнинг макри нима ўзи?” деди.
Аёл бироз ўйланиб турди-да, кейин баланд овозда бақириб йиғлай бошлади. Ҳатто унинг овозини ўша атрофдаги қишлоқ аҳли ҳам эшитди. Эркак қўрқа-писа аёлдан нега бундай қилганини сўради.
Аёл:
“Овозимни қишлоқ аҳли эшитиб, бу ерга келишсин ва сени ўлдиришсин деб шундай қилдим” деди.
Эркак:
“Мен бу ерга сенга азият етказиш учун келмадим-ку! Сенда заковат аломати борлигини сезиб, макр ҳақида сўрадим, холос-ку! Ёмон ниятда сенга бирор гап айтдимми?!” деди.
Аёл ўрнидан турдида, қўлидаги челакдаги сувни уст-бошидан қуйди. Эркак унинг бу ишидан ажабланди. Ундан нега бундай қилганини сўради. Аёл энди гапирмоқчи эди, қишлоқ аҳли келиб қолди. Эркак улардан қўрқиб, “Булар ҳозир мени ўлдиришса керак” деб ўйлади.
Аёл қишлоқ аҳлига:
“Бу одам мени шу қудуқдан қутқариб олиб чиқди” деди.
Одамлар бояги кишига ташаккур айта бошладилар. Барчалари унинг ишидан ҳурсанд бўлиб, унга кўп совға- саломлар инъом этдилар. Эркак аёлдан нега шундай
қилганини сўради.
Аёл:
“Аёл киши мана шунақа бўлади. Агар унга ОЗОР берсанг, сени ўлдиради. Агар у сендан РОЗИ бўлса, сени БАХТЛИ қилади”- деб жавоб берди...

👉 @diyonatli
👍6👏1
КЕЧАНИНГ УЧДАН БИРИ ҚОЛГАНДА ДУО ҚИЛИШ

Абу Ҳурайрадан ривоят қилинади:
"Расулуллоҳ соллаллоҳу алайҳи васаллам:
"Роббимиз табарока ва таоло ҳар кеча туннинг охирги учдан бири қолганда бу дунё осмонига тушади. Сўнгра: "Ким Менга дуо қилади, Мен уни ижобат қилсам? Ким Мендан сўрайди, Мен унга сўраганини берсам? Ким Менга истиғфор айтади, Мен унинг гуноҳларини кечирсам", дейди", дедилар".
Шарҳ: Роббимиз табарока ва таоло ҳар кеча туннинг охирги учдан бири қолганда бу дунё осмонига Ўзига лойиқ тушиш ила тушади. Биз унинг кайфиятини била олмаймиз. Бундан У Зотга нуқсон лозим ҳам бўлмайди.
Мазкур тушишни ҳадисда зикр қилишдан мақсад, дуо ва ибодат мазкур вақтда афзал ва мукаммал эканини билдиришдир. Ким шу вақтда дуо қилса, дуоси қабул бўлиши эҳтимоли кучли. Бу дуо намозда бўладими, намоздан кейин бўладими ёки намозсиз бўладими - барибир. Аммо намозда ёки намоздан кейин бўлса, афзалдир.
Шунинг учун эркагу аёл мўмин-мусулмонлар яхши тадбир қилиб, уйқу соатларини ҳам режали қилиши, кечанинг учдан бири қолганда кўпроқ туриб, нафл намозлар ўқиши, Аллоҳ субҳанаҳу ва таоло қабул қилади, сўралган нарсаларни беради, мағфират сўралса, гуноҳларни кечиради.
Аллоҳ субҳанаҳу ва таоло Ислом умматининг баракасини саҳарда қилиб қўйган. Саҳар пайти барака чоғи ҳисобланади. Шунинг учун ким саҳархез бўлса, саҳарда бедор бўлса, бу вақтда Аллоҳ субҳанаҳу ва таолога ибодат қилса, умри баракали бўлади, камбағаллик ундан узоқлашади, топганига барака кириб, бой-бадавлат бўлиб юради.
Бу ҳақиқатни тушунтириш учун Абдуллоҳ ибн Аббос розияллоҳу анҳу ва бошқалар қўй билан итни мисол қилиб келтирадилар.
Қўй одатда битта, гоҳида иккита туғади, ит эса етти-саккизталаб туғади. Қўй ҳар куни, ҳар ерда сўйилади, лекин камайиб кетмайди, қаёққа қарасангиз, қўйлар юради.
Ит эса ҳеч кўпаймайди, мудом қувғинда бўлади.
Бунга итнинг кечаси билан ҳуриб, у ёқдан-бу ёққа югуриб, саҳарга яқин ухлаб қолиши сабаб экан.
Қўй эса шом вақтида ухлаб, саҳарлаб уйғониб олади, бедор бўлади. Уламолар бу ҳодисадан улуғ бир ҳикматни истинбот қилиб, буни сизу бизларга насиҳат тарзида айтган эканлар.

"Одоблар хазинаси" китобидан.

👉 @diyonatli
👍7
УМР – Омонат, синов, имконият, неъмат

Маъноси: омонатлиги шундаки, умр – ато этилган ишонч бўлгани боис, унга хиёнат қилиб бўлмайди. Синов экани – ҳаёт яхши-ёмон, хурсандчилик ва ғамгин кунлардан иборат, уни фақат сабру тоқат, саъй-ҳараккат орқали енгиб ўтиши керак. Имконият экани – умрни қандай ўтказиш ҳар бир кишининг ўз ихтиёрида. Неъмат экани – умр тўлалигича барча неъматлар ичра энг нодиридир...

“Фарзанднома” китобидан.

👉 @diyonatli
👍2
This media is not supported in your browser
VIEW IN TELEGRAM
Пул бирликларини бир-бирига сотиш ҳақида | Абдул Ҳамид домла

👉 @diyonatli
Audio
Пул бирликларини бир-бирига сотиш ҳақида | Абдул Ҳамид домла

👉 @diyonatli
👍2
Ғайратли бўлинг. Рашкчи бўлинг. Аммо ёмон шубҳада бўлманг. Айб ва камчилик қидириш билан машғул бўлманг.
Изоҳ:
Чин эркаклар бегонанинг ўз хотинига бежо қарашларига, унга тегажоғлик қилинишига рози бўлмайди. Эркак ҳам, аёл ҳам ўз турмуш ўртоғини бегоналардан қизғонади. Бироқ бунда чегара бўлиши лозим, агар чегарадан чиқадиган чиқадиган бўлса, рашк ҳам зарар бера бошлайди. Ҳеч қандай далил-исботсиз, бекордан-бекорга шубҳаланиш ярамайди.
Қолаверса, хотинининг ҳаракатларига шубҳа билан қараш, ундан бирон камчилик топиш учун уни таъқиб этиш уят. Майдагина сабаб ортидан тушиб, у ҳақда бутун бошли шубҳаларга кўмилиш турмушнинг дарз кетиб, охир-оқибат бузилишига олиб келиши мумкин. Агар хотин тўғрисўз бўлса, унинг ҳатти-ҳаракатини кузатиш шарт эмас, агар тўғрисўз бўлмаса, қанчалик таъқиб қилинмасин, фойдаси бўлмайди. Очиқ ва аниқ хатоси бўлса, бу ҳақда гаплашиб, бир ечимга келиш зарур. Бу ҳолат баъзида Аллоҳга хуш келмайдиган ажрашиш воқеасигача етиб бориши мумкин. Аммо бу энг охирги чора. Номусли бир хотин ҳақида шубҳаланиб, ғийбатга йўл очадиган шаклда ҳаракат қилиш туҳмат саналади. Туҳмат энг катта гуноҳдир.
Турмуш ўртоғингизнинг баъзи камчиликларни тузатиш йўли – бу ҳақда ўзига гапиришдир. Қилган ҳаракатлари нотўғри эканини унга ҳис эттириш лозим. Баъзи инсонлар хатоси кўрсатилмаса, амалларининг хато эканини билмайди. Гарчи нияти яхши бўлса ҳам, бу хато амалга одатланиб қолади. Унинг бу ҳаракати ёмон ниятли кишиларга бошқача таъсир қилади. Бундай вазиятда эр-хотин бир-бирини ранжитмаган ҳолда бу ҳақда огоҳлантиришлари лозим. Инсон умр йўлдошига нисбатан очиқ бўлиши керак. Ҳар икки томон ҳам нималарнидир яширса, ўртада севги ва ҳурматга путур етади. Икки томон ҳам бир-бирининг айбини қидира бошлайди. Бундай ҳаётга эса соғлик ҳам, турмуш ҳам дош бера олмайди.

“Бахтли оила” китобидан.

👉 @diyonatli
👍4
Ёлғончининг ҳоли

Биттаси Ироқдан ҳирқа билан келди. Дўстлари ундан ҳол-аҳвол сўрадилар. У бошидан кечирганларини сўзлай бошлади: - гарчанд бу сафар мусофирлик қийинчиликлар билан кечган бўлса ҳам, ҳалифанинг лутфу эҳсонлари бутун азиятларимни айирди. Халифа менга ўн кийим бош, яна шунча олтин ва мол берди, - деганча халифа шаънига мадҳлар қилди, унунг олийжаноблигини баландпарвоз сўзлар-ла мақтади.

Атрофидагилар унинг бу ҳолига ҳайрон бўлдилар: -Биродар, ранги-рўйинг билан тилинг бошқа- бошқа нарсаларни гапиряпти. Агар чиндан ҳам халифа сенга шунча эҳсон берган бўлса, улар қаерда, нега бунча ваҳима қиласан?

Ҳалиги одам Халифа у эҳсонларни ҳақиқатан ҳам ҳадя этди, фақат мен уларни йўқсилларга, етимларга тарқатиб юбордим, -деди.

Атрофдагилар кулишдилар: - Хўп, гапларингга ишондик ҳам дейлик. Сенда шу қадар ҳиммат, шу қадар пок кўнгил бор бўлса, у ҳолда қалбинда ўрмалаётган чирқинлик ва мунофиқлик қаердан? Майли, дейликки, сел ҳам йўғиб битти, аммо унинг нишоналари қаерда?

Румийдан Жавоҳирлар китобидан

👉 @diyonatli
ЯХШИЛИКДАН МУРОД ЯХШИЛИКДИР

Яхшилар кетидан агар чопарсан,
Истасанг, бахтингни шунда топарсан.
Саъдий Шерозий.

Мурод Азизжонни еру кўкка ишонмайди. У отанинг овунчоғи, яккаю ягонаси, фикру зикри, орзу-умидларининг давомчиси. У билан отанинг умри мазмунли, топган-тутгани ўзига, оиласига татийди.
Мурод тадбиркор эмасми, қачон қараманг, сафарда – гоҳ Кореяда, гоҳ Хитойда, гоҳ Европа давлатларида. Хуллас, бир оёғи ҳамиша хорижда.
Мана бугун у кун чиқар давлат – Япония сафаридан қайтиб келди. Уйга келса, турмуш ўртоғи Азизжонни болалар боғчасидан олгани кетган экан. Диванга чўккалади-да, сафар хотираларини эслай бошлади. Ўзаро ҳамкорликдаги битимга имзо чекилди, корхонасига жуда зарур бўлган сўнги русумдаги технология намуналари билан танишди ва уларни сотиб олиш учун шартнома тузилди. Энг муҳими, қўшниси илтимос қилган қулоққа тақиш мосламани топишга мувоффақ бўлди. Ён қўшнисининг фарзанди ёшлигида бироз шамоллаш натижасида қулоғи оғридан ва муолажа охиригача давом эттирмагни боис, кар бўлиб қолган эди. Кейинчалик ота-она кўп югурди, фойдаси бўлмади. Бола бир умрга ногирон бўлиб қолди. Хуллас, дўхтирлар тавсия этган мослама ишлаб чиқарадиган компаниянинг зўри айнан Японияда экан. Қўшниси Муродга сафардан олдин қаттиқ илтимос қилиб, нархи қанча бўлса ҳам сотиб олиб келишини ўтиниб сўраган эди. Муроджон у ёқда ишлари бироз енгиллашгандан сўнг, компаниянинг ўзидан мазкур мосламани харид қилди. Нархиям анчагина экан, лекин қўшниси қанча қиммат турмасин, сотиб оламан, дедику...
Муроджоннинг хаёлларини ўғлининг шовқини бузиб юборди. Азизжон хонага кириши билан ўзини отанинг қучоғига отди. Сўнг қўлидаги ўйинчоқни кўрсатаркан, ширин талаффузда “мана бу самалёт, Ботиржон ўйтоғим менга совға қийди”, деди қийқириб. Шодлигининг чеки йўқ эди.
- Ким берд? – дея қайта сўради Муроджон.
- Қўшнимиз, Ботийжон деяпман-ку! Азизжонинг хурсандлигидан кўзлари порлар эди. Муроджон ўғлига тикилганча, ниманидир ўйлади-да, мамнун жилмайиб қўйди.
Кеч киргач, Муроджон дилбандига юзланиб: “Азизжон, юр, дўстинг Ботиржонларникига чиқиб, унга мана бу совғани топшириб кўламиз”, деди.
Қўшнисининг бундай олийжаноблигидан Ботиржоннинг ота-онасини қалблари қувончга тўлди. Ҳар қанчи қилишмасин, Муроджон пулни олмади... Бироз ўтиргач, у қўшнидан туришга изн сўради. Ота-бола чиқиб кетди. Аммо бу пайтда уларнинг ҳаққига қилаётган хайрли ниятлар, билдираётган тилаклардан ота-боланинг хабари йўқ эди...
Қиссадан ҳисса:
Холисона қилинган яхшилик фақат эзгулик олиб келади. Зеро, Яхшиликдан мурод яхшиликдир...
Воқеа сабоғи:
Инсон нафақат билиб-билмай қилган савобу гуноҳлар, балки ошкора ва пинҳона бажарган яхши-ёмон ишларнинг ҳам эгасидир...

"Фарзанднома" китобидан.

👉 @diyonatli
НОННИНГ УВОЛИ (жуда ибратли)

Қадимда бир бойнинг арзанда ўғли бўлган экан. Бир куни у ёзилиб бўлганидан кейин ярим нондан кесак ўрнида фойдаланибди-да, ҳожатхона деворининг тирқишига тиқиб қўйибди.
Орадан ҳафта ўтмай, шундай бир довул бошланибдики, ҳамма экинларни пайҳон қилиб ташлабди. Юртда очарчилик авж олибди. Одамлар очликдан ўла бошлабди. Бойнинг эркатой ўғли ҳам очдан ўлар ҳолда шишиб ётар экан, бирдан ўша ҳожатхона деворининг тирқишига ўзи тиқиб қўйган нон эсига тушиб қолибди. Судралиб бориб тирқишга қараса, нон ҳалигача ўша жойда турган экан. Олай деса, шишиб кетган қўли тирқишга сиғмай, тили билан олиш учун оғзини босганида, тирқишнинг нариги тарафидан бир илон чиқиб, унинг тилидан чақибди. Бола тил тортмай ўлибди. Ана шундан кейингина элда яна тўқчилик бошланибди.

Ҳулоса сиздан...

"Шарқ ҳикоят ва ривоятлари" китобидан.

👉 @diyonatli
😢1
This media is not supported in your browser
VIEW IN TELEGRAM
Авлиёларнинг сифатлари | Абдул Ҳамид домла
(Ақидатут-таховия)

👉 @diyonatli
👍3
Audio
Авлиёларнинг сифатлари | Абдул Ҳамид домла
(Ақидатут-таховия)

👉 @diyonatli
ИЛИНЖ

Кунларнинг бирида икки дўст тижорат учун узоқ сафарга отланишибди. Биринчисининг ота-онаси ҳаёт бўлиб, иккинчиси етим экан. Биринчиси етим дўстига то манзилга етгунча савдо-сотиқ борасида роса ақл ўргатибди. Молни сотиб олишда ҳам, савдолашишда ҳам ўртоғига ақл ўргатаверибди-ўргатаверибди. Тоқати тоқ бўлган дўсти унга дебди: "Эй, биродар, биласанми-йўқми, менинг суягим мана шу савдода қотган. Боболарим катта савдогар ўтишган, падари бузрукворимиз савдо билан шуғулланиб, ҳалол пул топиб, бизларни вояга етказганлар. Онам ҳам шу касбга дахлдор эдилар. Шу боисдан доно маслаҳатларингга муҳтожлигим йўқ. Менинг сен билан эканлигим, фақат бир нарса учун. У ҳам бўлса, ота-онанг сени дуо қилишганида, зора ўша дуога мени ҳам қўшишса, деган илинжида ҳамроҳлик қиляпман, холос", дебди.

Қиссадан ҳисса: Ота-она дуоси ҳар вақт ва ҳар жойда ижобатдир.

"Фарзанднома" китобидан.

👉 @diyonatli
👍4
Audio
Марҳумларга тиловати қилиш бидъатни?
(Долзарб мавзу)


@Diyonatli
Кутилмаган совғалар бериб, унинг кўнглини олинг
Изоҳ:
Ҳар бир инсон бу дунёда ўз шахсиятини аҳамиятли деб билади. Унга эътибор қиладиганларни яхши кўради, қадрламайдиганларни эса севмайди.
Эркак вақти-вақти билан хотинига совға олишга одатланиши лозим. Совға эр-хотин ўртасидаги севги ва ҳурмат риштасини янада мустаҳкамлайди. Хотин эри уни яхши кўришини, улар ўртасидаги муҳаббат давом этаётганини англайди. Шу тариқа муҳаббати яна бир поғона юксалади. Совға қилиш муҳаббатини билдиришнинг энг таъсирли йўлидир. Байрамларда ва муҳим саналарда бир-бирига ҳадя улашиш, узоқ сафардан қайтар чоғда совға-салом келтириш жуда муҳим. Шунингдек, кутилмаган сюрприз қилишдан аёл кишининг боши осмонга етади. Бу сюрприз гул, кўйлак, бирор эсталик, умуман, ҳамма нарса бўлиши мумкин. Муҳими, хотинингизга ёқадиган, у кутган совға бўлса, бас.
Болаларга ҳам вақти-вақти билан совғалар олиш, уларни хурсанд қилиш керак. Кўп фарзанди бўлганлар тенг ва адолатли тарзда совға олишни унутмасин. Ўғил ва қиз фарзанд деб ажратиш ниҳоят даражада хато. Ҳатто қиз болалар таъсирчан бўлгани боис совға беришни аввал улардан бошлаш тавсия этилади.
Инсонларнинг бир-бирларини яхши кўришларига сабаб бўладиган икки мезондан бири совға, иккинчиси эса саломдир. “Инсон эҳсоннинг қули” деганда яхшилик қилган бошқа одамга нисбатан миннатдорчилик ҳиссини туйиб, унга ҳурмат кўрсатиши назарда тутилади. Шунингдек, кишининг оиласига едириб-ичирганлари, улар учун қилинган сарф-ҳаражат садақа сингари савоблидир. Инсон яхшилик ва совға улашишни, аввало, ўз оиласидан бошлаши лозим. Бунга энг лойиқ кишилар эса хотини, фарзандлари ва ота-онасидир.

“Бахтли оила” китобидан.

👉 @diyonatli
👍2
КЕЧАСИ ҚУРЪОН ЎҚИШ ХОСИЯТИ

Кечаси бедор бўлиб намоз ўқишнинг, Қуръон тиловат қилишнинг гашти бўлакча, фазилати улуғ. Одамлар айни ширин уйқудалик пайтида ибодат қилган инсон юксак мақомга эришади. Тунда ибодатда қоим бўлиб, Каломуллоҳни ўқийдиган бандалар ҳақида Қуръонда шундай дейилган: "Аҳли Китоб орасида сажда қилган ҳолларида тунлари Аллоҳнинг оятларини тиловат қиладиган тўғри (йўлдаги) жамоат ҳам бор. (Ўша зотлар) Аллоҳга, охират кунига имон келтирадилар, яхши амалга буюриб, исён-гуноҳдан қайтарадилар, яхшиликлар қилишга шошиладилар. Ана ўшалар солиҳ бандалардир" (Оли Имрон сураси, 113-114-оятлар).
Ибн Касир оят тафсирида шундай деган: "Улар тунни ибодат билан ўтказадилар, таҳажжуд намозини ўқийдилар, Қуръон тиловат қиладилар".
Ибн Бурайда отасидан ривоят қилишича, Расулуллоҳ соллаллоҳу алайҳи васаллам шундай деганлар: "Қуръон қиёмат куни силласи қуриган киши суратида келиб: "Сени тунлари бедор қилган, кугдузлари чанқатган менман", дейди".
Қуръон охират куни соҳибига унинг дунёдаги ҳорғин суратида кўринади. Қори тунлари ширин уйқусидан кечиб Қуръон ўқийди, Аллоҳ йўлида чарчайди. Банда дунёда Аллоҳ йўлида хизмат қилган, Қуръон ўқиган бўлса, Қуръон охиратда банданинг юқори мартабаларга кўтарилишига ҳисса қўшади.
Ривоят қилинишича, қиёмат куни банда қабрдан чиққанидан Қуръон уни ҳолдан тойган киши қиёфасида кутиб олиб:
- Мени танидингми? - дейди.
Банда айтади:
- Сени танимайман.
- Мени танимайсанми?
- Ҳа.
- Сени иссиқ кунларда чанқатган, тунлари бедор қилган дўстинг Қуръонман. Ҳар бир савдогар тижорати орқасидан фойда кўради. Сен ҳам бугун тижоратинг ортидан манфаат оласан.
Шунда қорининг ўнг қўлига мулк, чап қўлига мангулик берилади. Бошига виқор тожи кийдирилади. (Қуръон ўқиган инсоннинг) ота-онасига иккита либос кийдирилади. Унга дунё аҳли тенг келолмайди. Шу пайт (иккиси):
- Бу либос бизга нима учун кийдирилди?! - деб (ажабланиб) сўрашади.
- Фарзандингиз Қуръон ўргангани учун, - дейилади.
Кейин (Қуръон соҳибига):
- Ўқи, жаннат поғонаси ва хоналари томон кўтарил, - дейилади.
У - тез ўқиса ҳам, секин ўқиса ҳам - юқорилаб бораверади.
Абдуллоҳ ибн Масъуд розияллоҳу анҳу айтади: "Ким тунда "Бақара" сурасини ўқиса, кўп ва хўп қилибди".
Иброҳим Нахаий: "Кечаси озроқ бўлса ҳам Қуръон тиловат қилинглар!" деб тайинларди.
Авзоий: "Ким тунлари бедор бўлиб, кўп Қуръон ўқиса, қиёмат куни ҳисоб бериши осон кечади", деган.

"Қуръон - қалблар шифоси" китобидан.

👉 @diyonatli
👍2👏1
АРЗИМАС НАРСАЛАР СИЗНИ СИНДИРМАСИН

Қанчадан-қанча кишилар жуда ҳам кичик, ҳатто эслашга арзимас ишлар сабабли ғам чекиб юради.
Мунофиқларга қаранг, уларнинг фаолиятлари қандай тушкун, шаштилари қанчалар ҳам паст бўлмаса. Қуйидагилар уларнинг сўзларидир: "Иссиқ ҳавода қўзғалмангиз!" (Тавба сураси, 81-оят), "Менга изн беринг, мени фитнага қўйманг" (Тавба сураси, 49-оят), "Улардан яна бир гуруҳи эса: "Уйларимиз очиқ-сочиқ", деб Пайғамбардан изн сўрадилар" (Аҳзоб сураси, 13-оят), "Бизга бирор офат етиб қолишидан қўрқамиз", деб улар томон интилаётганини кўрасиз" (Моида сураси, 52-оят).
"Аллоҳ ва Унинг пайғамбари бизларга фақат ёлғон ваъда қилган эканлар" (Аҳзоб сураси, 12-оят).
Эҳ, умидлари пучга чиққан кимсалар, эй бечораҳол инсонлар!
Уларнинг бор ғами қорин, идиш-товоқ, қават-қават уй ва қасрлар бўлиб, нигоҳларини ибрат осмонига қаратмайдилар, фазилатлар юлдузларига ҳеч назар солмайдилар. Уларнинг энг катта ғами ва илми улови, кийими ва зиёфатларидир.
Кўпларнинг азиз умри эртаю кеч хотинлари ёки фарзандлари ё яқинлари билан жанжал ёки ножўя сўзларини эшитиш ёки арзимас нарсалар устидаги мунозаралар билан кечади. Бу ҳол ўша кимсаларнинг мусибатларидир. Уларда интилса арзийдиган олий мақсад ҳам, вақтини сарфлашга арзирли буюк ишларга қизиқиш ҳам йўқ. "Агар идиш сувдан бўшаса, уни ҳаво тўлдиради", деб бежизга айтишмаган.
Шундай экан, сиз ҳам муҳим деб билган ва унинг учун ғам чекаётган ишларингиз борасида фикр юритинг: ҳақиқатда у ишингиз ғам чекишга арзийдими? Чунки сиз унга ақлингиз, вужудингиз, қонингиз, роҳатингиз ва вақтингизни сарф этмоқдасиз. Агар ғам чекаётган нарсангиз арзимас бўлса, демак, у савдода зарар, нархи жуда арзимас бўлган надоматдир. Руҳиятшунослар: "Ҳар бир нарса учун ақл доирасида чегарани тайин қил, Аллоҳ азза ва жалланинг "...Дарҳақиқат, Аллоҳ барча нарса учун миқдор - ўлчов қилиб қўйгандир", деган сўзига ишон. Ҳодисаларни ўз ҳажми, вазни ва миқдорича баҳола. Зулм ва ҳаддан ошишдан сақлан!" дейишади.
Хушфеъл саҳобаларнинг дарахт остидаги ғамлари байъатга вафо қилиш эди. Улар Аллоҳ розилигига эришдилар. Аммо улар ичида бир киши бўлиб, у туясининг дардида эди. Оқибатда байъатдан мосуво бўлди ва маҳрумлик жазосига мубтало бўлди.
Энди сиз ҳам арзимас ишлар билан шуғулланишни бас қилинг. Шунда ғам-ташвишларингиз ариб, бахтиёрлик ва шодонликни ҳис қиласиз.

"Ўкинма" китобидан.

👉 @diyonatli
👍3