Piskent jome masjidi | Rasmiy kanal
2.7K subscribers
8.65K photos
4.46K videos
29 files
7.27K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
Агар гуноҳлар ҳаётингизга таъсир қилмаётган бўлса, охиратингизга албатта таъсир қилади.

© Мубашшир Аҳмад


https://t.me/diyonatli
❤1👍1
ПЕШОБДАН ЭҲТИЁТ БЎЛМАСЛИК КАТТА ГУНОҲЛАРДАН БИРИДИР

Ибн Аббос розияллоҳу анҳумодан ривоят қилинади:
"Набий соллаллоҳу алайҳи васаллам Мадина (ёки Макка) чорбоғларининг бири ёнидан ўтаётиб, қабрида азобланаётган икки одамнинг овозини эшитдилар. Шунда Набий соллаллоҳу алайҳи васаллам: "Иккови азобланмоқда, ҳолбуки, катта нарса сабабли азобланишаётгани йўқ", дедилар. Кейин: "Ҳа, бири пешобидан эҳтиётланмас, иккинчиси эса чақимчилик қилиб юрар эди", дедилар. Сўнгра хурмо новдаси келтиришни сўрадилар. Кейин уни иккига бўлиб, ҳар икки қабрга бир бўлакдан санчиб қўйдилар. Шунда у зотга: "Эй Аллоҳнинг Расули, буни нима учун қилдингиз?" дейишди. "Шояд, булар қуримагунча (ёки то булар қуригунича) улардан (азоб) енгиллатиб турилса", дедилар".

"Олтин силсила, Саҳиҳул Бухорий" китобидан.

👉 @diyonatli
👍3❤1
ЯХШИ ГУМОНДА БЎЛИНГ!

Уч дўст кечаси йўлда кетаётиб, йўл четида бир кишининг ўра қазиётганини кўриб қолишибди. Шунда улардан бири шерикларига: “Қаранглар, ана у киши йўлнинг чеккасида ўра қазияпти. Менимча, у кимнидир ўлдирган бўлса керак, тунда кўммоқчи шекилли?!”, дебди. Иккинчиси: “Йўқ, йўқ, у киши қотил эмас! У киши ҳеч кимга ишонмас экан, шунинг учун мол-мулкини кечаси одамлардан яшириб беркитяпти шекилли”, дебди. Учинчиси эса уларга қараб: “Ундай ҳам эмас, бундай ҳам эмас. Бу киши солиҳ инсон, бу киши одамлар фойдаланиши учун қудуқ қазияпти”, дебди.

* Ҳа, ҳар бир инсон ўзининг ҳолатидан келиб чиқиб фикр юритади. Яхши инсон ўзга одамлар ҳақида яхши гумонда бўлади. Ёмон инсон эса ўзгалар ҳақида ёмон гумонда бўлади.

“Ҳикматлар чашмаси”дан

👉 @diyonatli
❤1👍1
ҒИЙБАТЧИНИНГ ЖАЗОСИ

Бир киши Ҳасан Басрийнинг олдиларига келиб:
- Фалончи сенинг ҳақингда номаъқул гапларни гапирди,- дебди.
- Қачон?
- Бугун.
- Қаерда?
- Уйида.
- Унинг уйида нима қилаётган эдинг?
- Зиёфатга борувдим.
- Зиёфатда нима единг?
Ҳалиги киши саккизил таомнинг номини санади.
Шунда Ҳасан Басрий:
- Ўша одамнинг саккиз хил таоми қорнингга сиғди-ю, бир оғиз сўзи сиғмадими? Тур, кет бу ердан! - дедилар ва ғийбатчини ҳайдаб солдилар.

"Шарқ ҳикоят ва ривоятлари" китобидан.

👉 @diyonatli
👍2❤1
ВАҚТНИНГ ҚАДРИ

Бир киши дўстидан: “Уйингиздан ишхонангизга боргунча йўл қанча вақт олади?”, деб сўрабди. Дўсти: “Агар йўл тиқилинч бўлса, саккиз юзта тасбеҳни, агар йўл очиқ бўлса, икки юз элликта тасбеҳни олади”, деб жавоб берибди.
Жавобнинг гўзаллигига қаранг!

Саҳобалар ҳам вақтни ана шундай ҳисоб қилишар эди:
عن زيدِ بن ثابتٍ رضي الله عنه قال: تَسَحَّرْنَا مَعَ رسول الله - صلى الله عليه وسلم ثُمَّ قُمْنَا إِلَى الصَّلاَةِ. قِيلَ: كَمْ كَانَ بينهما؟ قَالَ: قَدْرُ خَمْسين آيةً. متفقٌ عَلَيْهِ
Зайд ибн Собит розияллоҳу анҳу: “Биз Расулуллоҳ соллаллоҳу алайҳи васаллам билан бирга саҳарлик қилдик, сўнгра намозга турдик”, дедилар. "У иккисининг (яъни, саҳарлик билан бомдоднинг иқомати) ораси қанчалик (вақт) эди?", деб сўралди. У: “Эллик оят (ўқиш) миқдорича”, деб жавоб берди. Муттафақун алайҳ .
Вақтни Қуръондан оятлар ўқиш миқдори билан ҳисоб қилишяпти.

"Ҳикматлар чашмаси"дан

👉 @diyonatli
👍3❤1
ОИЛА ҒАМИ ҲАМ ИБОДАТДИР

Инсон кўпинча барча нарсани ўзидан, ўз ақли ва имкониятларидан кутади. Ана шу сабабли унда ҳузур-ҳаловат йўқ. Қўлидан келмайдиган, аслида арзимаган қийинчиликка йўлиққанида қайғуга ботади. Бироқ, алҳамдулиллоҳки, мусулмон киши ундай эмас. У қўлидан келган ишни шариат тақозосига кўра бажаради, сўнгра Аллоҳ таолога таваккал қилади. Бу эса мусулмонга хотиржамлик бахш этади. "Ё Роббий, менинг имконларим ана шунчага етди, холос", дейди. Ўзи истаган бир иш амалга ошмай қолса: "Бунда бир яхшилик бор.."., дея ўзига-ўзи таскин беради. Ҳар бир воқеа-ҳодисанинг хайрли якунланишига умид боғлайди. Акс ҳолда, унинг учун хайр йўқдир. Инчинун, мусулмон нима қилса ҳам, Аллоҳ розилигини кўзлайди.
Инсонларга, жамиятга кўпроқ манфаатим тегсин, деган ниятда меҳнат қиладики, бу ҳам ибодат, албатта. Ҳадиси шарифда мазмунан шундай марҳамат қилинади: "Баъзи гуноҳлар борки, ибодат билан кечирилмайди. Кишининг оила, бола-чақасининг таъминоти учун қилган меҳнат-машаққати туфайли Аллоҳ у гуноҳларни кечиради". Яъни, мен ишлайман. Бу меҳнатим туфайли Аллоҳ уларга ризқ беради. Мусулмонларга юк бўлмаслик учун ишлайман; мусулмонларга, муҳтожларга мен ёрдам этайин, деган ниятда ишласа, ўша гуноҳлари мағфират қилинади.
Ҳа, у шу эзгу ният йўлидаги заҳматларга сабр этади, ҳалол ризқ топиш йўлида меҳнат қилаверади. Бу шундай меҳнатки, унинг тоат-ибодатига халақит бермайди.
Бу улуғ бир неъматки, сен ўзинг ва оиланг учун ишлагинда, Аллоҳ таоло гуноҳларингни афв этсин. Айни пайтда бу саъй-ҳаракатинг нафл ибодат ўрнига ўтса, қандай гўзал! Бундан ҳам яхшироқ неъмат борми?!
Ҳақ субҳанаҳу ва таоло мўминларнинг дўстидир. Мўминга Аллоҳ таоло энг фойдали ва энг гўзал нарсаларни раво кўради. Дўст дўстига доимо яхшилик ва гўзалликни истайди.
Айни пайтда, Аллоҳ таоло баъзи нарсалардан қайтарди;
Бунда ҳам инсонлар учун фойда бор. Агар бу тақиқлар қўйилмаса, дунёнинг низом-интизоми бузилиб кетар эди.
Инсон дунёда гўзал ҳаёт кечиролмас эди. "Бу таъқиқланган ишларни қилсангиз, ҳузур-ҳаловатингиз йўқолиб, умрингиз безовталикда ўтади. Амрларимга риоя қилсангиз, ҳам дунё, ҳам охират саодатига эришасиз.."., демоқда гўё.
Бу кўрсатмаларга амал қилмаганимиз учун, таъқиқланган нарсалардан қайтмаганимиз учун ҳам ҳаловат йўқ. Қуръони карим инсониятнинг дунё ва охират бахтиёрлигига эришмоғи учун нозил қилинган илоҳий низомдир.
Инсон Аллоҳ нозил этган Китоб ичидаги амрларга, бу Китобни бизга етказган, шарҳлаган, Пайғамбаримиз (соллаллоҳу алайҳи васаллам ) кўрсатмаларига риоя қилгани нисбатида ҳузур-ҳаловатга эришади. Акс ҳолда, Аллоҳнинг Китобидан, Муҳаммад алайҳиссаломдан узрқлашган сайин ҳузур-ҳаловати йўқолади.

"Ғам-қайғусиз яшай десангиз (ўксинма)"

👉 @diyonatli
👍2❤1
ФОЙДАЛИ ИШ

Бир боланинг қари бувиси бўлиб, у куни билан ҳаммага “Ибодатингни қил”, деб айтаверар экан. Бир куни бувиси ҳовлидаги ўриндиқда мудраб ўтирганида набираси ундан:
- Буви, ухлаяпсизми? – деб сўрабди.
- Йўқ ибодат қиляпман, - деб жавоб берибди бувиси.
- Хуррак отганингизни ўзим эшитдим-ку, қанақасига ибодат қиляпсиз?! – деб кулибди набираси.
- Мен ибодатга куч йиғиш учун ухлаяпман, демак, ибодат қиляпман.
- Унда мен нима қияпман?
- Сен ҳам ибодат қиляпсан. Билмаган нарсани сўраб билиш ҳам ибодат қилиш ҳисобланади.
- Ойим, дадам, бошқалар нима қилишяпти?
- Даданг ишда, ойинг овқат қиляпти, аканг мактабда, демак, улар ҳам ибодат қилишяпти. Умуман, кўзинг кўриб турган нарсанинг ҳаммаси ибодат қилади.
- Жонсиз нарсалар ҳамми? – Ҳайрон бўлиб сўради набира.
- Одамлар, жониворлар ва жонсиз нарсаларнинг ҳаммаси зиммаларидаги вазифаларини бажаришлари ибодат ҳисобланади.
Эй фарзанд, билгинки, жамият учун фойдали бўлган ҳар бир ишни сидқидилдан бажариш ибодат ҳисобланади. Аксинча, зиммасидаги вазифага эътиборсиз бўлиб, қўл учида бажариш эса атрофдагиларнинг ҳаққига хиёнат қилиш демакдир. Агар жамиятдаги инсонларнинг ҳаммаси шу қоидага риоя қилиб яшасалар, турмуш ўз-ўзидан яхшиланиб бораверади.

"Ҳаёт сабоқлари" китобидан

👉 @diyonatli
👍6❤1
ҚУРЪОН ЎҚИШНИНГ СОҒЛИҚҚА ФОЙДАЛАРИ

Олимлар аниқлашича, доим Қуръон ўқийдиган одам руҳий безовталикдан юқори даражада ҳимояланади.
Бундан ташқари:
- Қуръон ўқийдиган одам ҳузур-ҳаловат топади, хотиржамликка эришади;
- Қуръон ўқиш иммунитетни кучайтиради;
- Қуръон ўқийдиган одам руҳан, жисмонан соғлом бўлади;
- Қуръон ўқийдиган инсон учун юрак хасталиги бегонадир;
- Мусҳафга қараб Қуръон ўқиш кўзни равшан қилади;
- хотирани мустаҳкамлайди, мия фаолиятини ривожлантиради;
- кишининг фикрлаш қобилиятини ўстиради, дунёқарашини кенгайтиради;
- инсоннинг ўзига ишончини орттиради;
- тўғри қарор қабул қилиш қобилиятини ривожлантиради;
- дунёга ҳирс қўйиш, тама, ҳасад, ғийбат каби иллатлар оқибатидан келиб чиқадиган моддий касалликлардан асрайди;
- Қуръонни тажвид қоидаларига мувофиқ ўқиш нутқни ривожлантиради, кишини сўзга чечан қилади;
- Қуръон ўқиган томоқ оғриғига даво бўлади;
- Қуръон ўқиган киши васваса, ҳадиксираш, беҳуда хавотирланишдан йироқ бўлади;
- қироат бош оғриғини самарали даволайди...

"Қуръон қалблар шифоси" китобидан.

👉 @diyonatli
👍5❤1
БИР ҲАРФИГА 10 ТА САВОБ

Абдуллоҳ ибн Масъуд розияллоҳу анҳу ривоят қилишича, Расулуллоҳ соллаллоҳу алайҳи васаллам шундай деганлар: "Ким Аллоҳнинг Каломидан битта ҳарф ўқиса, унга битта савоб ёзилади. Ўша савоб ўн баравар кўпайтирилади. Мен алиф лом мимни битта ҳарф демайман. Алиф бир ҳарф, лом бир ҳарф, мим бир ҳарфдир".
Термизий, Байҳақий, Табароний ривоят қилган. Ҳадис санади саҳиҳ.
Карами кенг Аллоҳ Қуръон ўқиган бандасига жуда кўп ажр-савоб беради. Бунинг учун биринчи навбатда Қуръонни тўғри ўқиш қоидалари ўрганилади. Сабаби Қуръоннинг ҳар бир ҳарфига ўнта савоб олиш учун Каломуллоҳни тажвид қоидаларига мувофиқ ўқиш керак. Баъзи инсонлар савоб талабида кўпроқ Қуръон таржимасини ўқийдилар. Аллоҳ ибодатларини ҳусни қабул қилсин! Қуръон таржимасини ўқиш ҳам савобли иш. Бироқ ҳадисдаги ваъда Мусҳафи шарифни араб тилида, бехато ўқийдиган кишиларга берилган. Арабча ўқишга қийналадиганлар ҳам ниятларига яраша ажр оладилар, иншааллоҳ!
Пайғамбаримиз соллаллоҳу алайҳи васаллам шундай марҳамат қилганлар: "Қуръон ўқинглар! Зеро, бунинг учун сизларга савоб берилади. Мен алиф лом мимни бир ҳарф демайман. Алиф ўнта, лом ўнта, мим ўнтадир. Шу (билан) ўттизта (бўлади)".
Ҳатиб Бағдодий "Тарихи бағдод"да ривоят қилган. Ҳадис санади саҳиҳ.
Киши хулуси ният билан Қуръон ўқиса, ҳар бир ҳарф учун савоб олади. Алиф лом мим деганда, номаи аъмолига ўнта эмас, ўттизта савоб ёзилади. Чунки алифга ўрта, ломга ўнта, мимга ўнта ажр ёзилади. Шунда умумий ҳисоб ўттизта бўлади.
"Ал-амалус солиҳ" китобида шундай дейилган:
"Қуръонда 300.000 дан зиёд ҳарф бор. Кимда-ким Қуръонни бир марта ўқиб чиқса, 300.000 дан ортиқ савобга эга бўлади. Басмаланинг ўзини ўқигани учун 190 та ажр олади. Қуръондаги энг узун, тўлиқ бир саҳифали қарз ояти 552 та ҳарфдан иборат. Мана шу саҳифани ўқиган кишига 5520 та савоб берилади".

"Қуръон қалблар шифоси" китобидан.

👉 @diyonatli
👍7❤1
ЙУЛДАГИ ОЗОР БЕРАДИГАН НАРСАЛАРНИ ОЛИБ ТАШЛАШ

Абу Барза Асламийдан ривоят қилинади:
"Эй Аллоҳнинг Расули! Мени жаннатга киритадиган амалга йўллаб қўйинг", дедим.
"Одамларнинг йўлидаги озор берувчи нарсани олиб ташла" дедилар".
Шарҳ: Бу ҳадиси шарифдаги буюк маънони қаранг. Бир саҳобий Расулуллоҳ алайҳиссаломдан ўзини жаннатга киритадиган амални ихлос билан сўраяпти.
"Менга жаннат йўлини кўрсатинг, шуни қилсам, жаннатга кирадиган бўлай", деяпти.
Расулуллоҳ соллаллоҳу алайҳи васаллам эса: "Одамларнинг йўлидаги оўор берувчи нарсаларни олиб ташла", деяптилар.
Демак, шу ишни қилсанг, жаннатга кирасан, деяптилар.
Одатда одамлар эринчоқлик қилиб, йўлдаги озор берадиган нарсаларни олиб ташлашни унчалик хуш кўришмайди ёки "уни олсам, уст-бошим, қўлим кир бўлади, кўрганлар нима дейди" каби ҳар хил андишаларга боришади.
Бироқ Расулуллоҳ соллаллоҳу алайҳи васаллам одамларнинг йўлидаги озор берувчи нарсаларни олиб ташлашни "жаннатга сабаб бўладиган амал", деб айтганлар. Бу каби ишларни "Мен ҳам шу ишни қилиб, жаннатга кирай", деган эътиқодда қилиш нақадар буюк, улуғ иш эканини бир ўйлаб кўринг.
Агар ҳамма мусулмонлар ушбу ҳадиси шарифдан бохабар бўлсалар ва ҳаммалари шу ҳадисга ихлос қилсалар, ҳаммалари жаннатга кириш пайидан бўлсалар, нима бўлишини тасаввур қилиб кўраверинг.
Агар шундай бўлса, кўча-кўйларимизда, майдонларимизда, юрадиган йўлларимизда ахлат, хас-чўп, тош ёки бошқа шу каби озор берувчи нарсалар ётармиди?
Бу ҳадисни мўмин-мусулмонларнинг ҳар бири билса, унга ихлос билан амал қилса, мусулмонлар яшайдиган ерлар, кўчалар дунёдаги энг покиза, энг шинам, энг гўзал, ҳеч қандай озорсиз, кўнгилни хира қиладиган нарсаларсиз бўлар эди.
Бироқ минг, миллион афсуслар бўлсинки, аслида бунинг тескарисини кўриб турибмиз. Мусулмон бўлмаган ўлкаларнинг кўчалари, майдонлари, хоналари, одамларининг кийим-боши, маркабларини кўринг-улар худди ушбу ҳадиси шарифни билиб, тушуниб, унга амал қилаётганмикан, деган фикрга бориб қоласиз.
Аксинча, бизнинг кўчаларимиз, ҳовли-жойларимизга қарасак, бу ҳадисни ҳеч ким эшитмаган бўлса керак, эшитса ҳам, ихлос қилмаса керак, ёки амал қилмаса керак, деган гумонга бориш мумкин.
Аксинча, одамлар юрадиган йўлларга озор берадиган нарсаларни ўрнатадиган, қўйиб қўядиган ҳолатлар кун сайин кўпайиб бормоқда. Аллоҳ таоло Ўзи асрасин!
Абу Ҳурайрадан ривоят қилинади:
"Набий соллаллоҳу алайҳи васаллам:
"Бир одам йўлда ётган тиканнинг олдидан ўтиб қолди. "Албатта, мана шу тиканни олиб ташлайман, бирорта мусулмон одамга зарар етказмасин", деди. Шу боис унинг гуноҳлари мағфират қилинади", дедилар".
Шарҳ: Битта тиканни одамларга зарар етказмасин, деган ният билан йўлдан олиб ташлаган кишининг гуноҳлари мағфират қилинибди. Энди кўпроқ тиканни ёки ундан каттароқ тўсиқларни, зарарли ва озор берувчи нарсаларни олиб ташлашнинг ҳукми қандай бўлишини ҳар бир одам ўзи ўйлаб, тушуниб етаверсин.
Абу Заррдан ривоят қилинади:
"Расулуллоҳ соллаллоҳу алайҳи васаллам шундай дедилар:
"Менга умматимнинг амаллари намойиш қилинди-яхшиси ҳам, ёмони ҳам.
Умматимнинг энг яхши ишларидан бири йўлда ётган озор берувчи нарсаларни олиб ташлаш эканини кўрдим.
Уларнинг энг ёмон ишларидан бири масжидда кўмилмай қолган балғам эканини ҳам кўрдим'.
Шарҳ: Мана шу ерда шариатимизда жамоат жойларида озодаликка, тозаликка, озор берадиган нарсаларни йўқотишга қанчалик кучли тарғиб борлигини кўриб турибмиз.
Ислом умматининг энг яхши амалларидан бири йўлдаги озор берувчи нарсаларни олиб ташлаш экан.
Энг ёмон амал эса юқорида айтилган озор берувчи нарсанинг одамларнинг кўз ўнгида туриши экан.
Бу ҳақиқатларни яхши тушуниб етишимиз, йўлдаги озор берувчи нарсаларни олиб ташлашга, озор берувчи нарсаларга сабабчи бўлиб қолмасликка ҳаракат қилишимиз керак бўлади.

"Одоблар хазинаси" китобидан.

👉 @diyonatli
👍3❤1
ЖАНОЗАГА ҚАТНАШИШ ИЙМОНДАНДИР

Абу Ҳурайра розияллоҳу анҳудан ривоят қилинади:
"Расулуллоҳ соллаллоҳу алайҳи васаллам: "Ким иймон билан, савоб умидида бир мусулмоннинг жанозасига қатнашса ҳамда унга жаноза намози ўқилгунича ва дафнидан фориғ бўлгунича у билан бирга бўлса, икки қийрот ажр билан қайтади. Ҳар бир қийрот Уҳуд мисличадир. Ким унга жаноза намози ўқиганидан кейин дафн қилинишидан олдин қайтса, у бир қийрот билан қайтади", дедилар".

"Олтин силсила, Саҳиҳул Бухорий" китобидан.

👉 @diyonatli
👍7❤1
ҲАРОМГА ҚАРАШНИНГ ОҚИБАТИ

Билмоқ лозимки, ҳаромга қарашлик орзуси руҳни қорайтиради. Қоп-қора сим-сиёҳ бўлиб балчиққа булғанган руҳдан қалбга фақат заҳар томчилайди.
Ҳақиқатан, кўз ҳаромга қараганида виждонни, қалбни ғам-аламлар, бузруқ заҳарли фикрлар, хароблик ва разолат қоплайди.
Шаҳвоний кучлар ҳаракатга келгудек бўлса, одам ўзи билмаган ва сезмаган ҳолда ҳалокатга, разолатга ва бузуқ ўй-фикрлар гидобига тушиб тушиб қолади. Энди у аста-секин тубанлашади, кўнглида жўш урган ҳаяжон сабаб энди шаҳвоний майл таъсири остида қолади. Оқибатда у энг муҳим ғоялардан узоқлашади. Бундайларнинг оқибатлари ва охиратлари қўрқинчидир. Аллоҳ бизни бундай ёмон ҳолларга тушишдан асрасин!

"Ғам-қайғусиз яшай десангиз (ўксинма)" китобидан.

👉 @diyonatli
👍2❤1
ШИФО ОЯТЛАРИ

"Шифо" сўзи қатнашган олтита оят шифо оятлари, дейилади. Ривоят қилинишича, Абулқосим Қушайрийнинг фарзанди оғир касал бўлиб қолганда унга шифо оятлари ўқилган. Натижада бемор тезда соғайиб кетган.
Шифо оятлари қуйидагилар:

1. "Мўмин қавм дилларга шифо - ором беради". (Тавба сураси, 14-оят).

2. "Диллардаги нарсаларга шифо" (Юнус сураси, 57-оят).

3. "Унда одамлар учун шифо бордир" (Наҳл сураси, 69-оят).

4. "Биз мўминлар учун шифо ва раҳмат бўлган Қуръон оятларини нозил қиламиз" (Исро сураси, 82-оят).

5. "Касал бўлган вақтимда Унинг Ўзи менга шифо беради" (Шуаро сураси, 80-оят).

6. "Айтинг: "Қуръон имон келтирган зотлар учун ҳидоят ва шифодир" (Фуссилат сураси, 44-оят).

"Қуръон - қалблар шифоси" китобидан.


👉 @diyonatli
👍7❤1🔥1
ХОМ САРИМСОҚ, ПИЁЗ ВА КЎКПИЁЗ ҲАҚИДА КЕЛГАН ХАБАРЛАР. НАБИЙ СОЛЛАЛЛОҲУ АЛАЙҲИ ВАСАЛЛАМНИНГ "КИМ САРИМСОҚ ЁКИ ПИЁЗНИ ОЧЛИКДАН ЁКИ БОШҚА САБАБДАН ЕСА, МАСЖИДИМИЗГА ЯҚИНЛАШМАСИН", ДЕГАН СЎЗЛАРИ ҲАҚИДА.

Ибн Умар розияллоҳу анҳумодан ривоят қилинади:
"Набий соллаллоҳу алайҳи васаллам Хайбар ғазотида: "Ким шу ўсимликдан - яъни саримсоқдан - еса, масжидимизга яқин келмасин", дедилар".
Ато хабар қилади:
"Жобир ибн Абдуллоҳнинг "Набий соллаллоҳу алайҳи васаллам саримсоқни назарда тутиб, "Ким шу ўсимликдан - яъни саримсоқдан - еса, масжидларимизга келмасин", дедилар", деганини эшитдим. "Бу билан нимани назарда тутмоқдалар?" дедим. "Фақат хомини назарда тутганлар, деб ўйлайман", деди".
Жобир ибн Абдуллоҳ розияллоҳу анҳумо айтади:
"Набий соллаллоҳу алайҳи васаллам: "Ким саримсоқ ёки пиёз еган бўлса, биздан нари бўлсин (ёки масжидимиздан нари бўлсин), уйида ўтирсин", дедилар.
Бир пайт Набий соллаллоҳу алайҳи васалламга ичига турли кўкатлар солинган товоқ келтирилди. У зот унда қандайдир ҳид борлигини сезиб, нимадан тайёрланганини сўрадилар. Унга солинган кўкатларни айтиб беришди. Шунда асҳобларидан бири томонга (ишора қилиб): "Уни яқинроқ қўйинглар), дедилар. (Саҳобанинг) уни ейишни истамаганини кўриб: "(Сен ўзинг) еявер, чунки мен сен суҳбатлашмайдиган (яъни фаришта) билан суҳбатлашаман", дедилар".
Абдулазиздан ривоят қилинади:
"Бир киши Анас розияллоҳу анҳудан: "Аллоҳнинг Набийси соллаллоҳу алайҳи васалламдан саримсоқ ҳақида нима эшитгансиз?" деб сўради. У деди: "Набий соллаллоҳу алайҳи васаллам: "Ким бу ўсимликдан еса, бизга яқинлашмасин ёки "биз билан бирга намоз ўқимасин". деганлар".

"Олтин силсила, Саҳиҳул Бухорий" китобидан.

👉 @diyonatli
👍4👏2❤1
ХАФА БЎЛМА

Ҳеч қачон хафа бўлма. Чунки хафалик сени ибодатда заифлаштириб, жидду жаҳддан тўхтатиб, муваффақиятсизлик томон йўллайди. Бундан ташқари, қалбингни шубҳа-гумонларга тўлдириб сени бадбин кимсага айлантириб қўяди.
Ҳеч қачон хафа бўлма. Чунки хафалик ва безовталик руҳий касалликнинг асоси, асаб оғриқларининг манбаси, тубанлик, васваса ва изтиробларнинг моддасидир.
Ҳеч қачон хафа бўлма. Чунки сен билан бирга Қуръон, зикр, дуо, намоз, садақа, яхши иш ва самара берувчи фойдали амаллар бордир.
Ҳеч қачон хафа бўлма. Бекорчилик ва ишсиз қолиш орқали хафаликка таслим бўлма! Унинг ўрнига намоз ўқи, тасбеҳ айт, китоб ўқи, ишга машғул бўл, меҳмон кут, зиёрат қил ва фикр юрит.
Парвардигорларингиз: "Менга дуо-илтижо қилинглар, Мен сизлар (қилган дуоларингизни) мустажоб (ижобат) қилурман", деди. (Ғофир сураси, 60-оят).
"Парвардигорингизга тазарру билан ичингизда (махфий) илтижо қилингиз. Зотан, у ҳаддан ошувчи кимсаларни (яъни эл кўзига кўрсатиш учун риёкорлик қилувчиларни) севмас!" (Аъроф сураси, 55-оят).
"Аллоҳга - У зот учун динни холис қилган ҳолингизда дуо-илтижо қилингиз" (Ғофир сураси, 14-оят).
"Эй Муҳаммад, айтинг: "Аллоҳ, деб чорлангиз ёки Раҳмон Меҳрибон, деб чорлангиз. Қандай чорласангизлар-да (жоиздир). Зеро, У зотнинг гўзал исмилари бордир".

"Ғам-қайғусиз яшай десангиз".

👉 @diyonatli
👍3❤2
ҚОРИНИНГ ОТА-ОНАСИГА ҚАНДАЙ МУКОФОТ БЕРИЛАДИ?

Пайғамбаримиз соллаллоҳу алайҳи васаллам марҳамат қиладилар: "Ким Қуръон ўқиб унга амал қилса, қиёмат куни ота-онасига зиёси дунёдаги - агар сизларда бўлса, қуёшникидан ҳам яхшироқ тож кийдирилади. Энди (Қуръонга) амал қилган банда ҳақида нима деб ўйлайсизлар?".
Қуръоннинг файз-баракасидан ҳамма бирдек баҳраманд бўлади. Жумладан, қорининг дунёга келишига сабабчи бўлган ота-она бошига зиёси қуёшникидан ҳам чароғон тож кийдирилади. Жаннатда тож кийиш қандай улуғ мартаба эканини яхши биламиз. Қуръон ўқиган қорининг ота-онаси мана шундай бахтга эришади. Энди қорининг ўзига қанақа илтифот кўрсатилар экан!
Абу Ҳурайра розияллоҳу анҳудан ривоят қилинган ҳадиси шарифда айтилишича, "Қиёмат куни Қуръон келади, "Ё, Раббим, (Қуръон ўқиган бандани) кийинтир!" дейди. Унга каромат тожи кийдирилади. Кейин: "Ё, Раббим, унга зиёда қил!" дейди. (Қорига) каромат либоси кийдирилади. Сўнг: "Ё Раббим, ундан рози бўл!" дейди. (Аллоҳ қоридан) рози бўлади. Кейин (Қуръон соҳибига): "Ўқи ва кўтарил", дейилади. (Аллоҳ) ҳар битта оят учун бир пиғона зиёда қилади".
Расулуллоҳ соллаллоҳу алайҳи васаллам шундай деганлар: "Ким Қуръон ўқиса, ўрганса, унга амал қилса, қиёмат куни (бошига) нурдан тож кийдирилади. Унинг зиёси қуёшникига ўхшайди. (Қорининг) ота-онасига икки либос кийдирилади. Уларга дунё тенг келолмайди. Ота-она: "Бу (либос) бизга нима учун кийдирилади!?" дейишади.
Шунда: "Фарзандингиз Қуръон ёдлагани учун (шундай марҳаматга лойиқ кўрилдингиз)", деб айтилади".

"Қуръон - қалблар шифоси" китобидан.

👉 @diyonatli
❤1👍1
БАЪЗАН РОСТДАН ЁЛҒОН ЯХШИ

Бир подшоҳ бир асирни ўлдиришга фармон берди. Шўрлик асир ҳаётдан умид узиб, подшоҳни сўка бошлади.
Подшоҳ:
- У нима деяпти? - деб сўради.
Софдил вазирлардан бири:
- Эй подшоҳ : "Ҳар кимки ғазабин ичга ютар, гуноҳ қилганнинг гуноҳин ўтар", - деяпти жавоб берди. Подшоҳнинг раҳми келиб, асирни афв этди.
Софдил вазирнинг пайини қирқиб юрадиган иккинчи вазир гапга аралашиб деди:
- Бизнинг мавқеимизда бўлган одамлар подшоҳ ҳузурида фақат рост сўзлашлари лозим. Бу асир подшоҳни ҳақорат қилди ва шаънига ёмон гаплар айтди.
Подшоҳ бу сўзни эшитиб, қош-қовоғини солиб деди:
- Сен айтган рост гапдан кўра унинг ёлғони менга кўпроқ маъқул тушди, чунки унинг ёлғони хайрихоҳлик юзасидан айтилган эди, сеники эса жиноятга бошлаш учун айтилди. Донишмандлар: "Фитна қўзғатувчи ростдан маслаҳатли ёлғон яхши", дедилар.

"Шарқ ҳикоят ва ривоятлар" китобидан.

👉 @diyonatli
👍4❤1
ИНСОНИЙ АЛОҚАЛАР ОДОБИ

Ҳар бир банда учун унинг ҳаётидаги инсоний алоқалар муҳим ўрин тутади. Шунинг учун ҳам Исломда бу алоқаларга алоҳида эътибор берилиб, барча алоқаларни гўзал тарзда олиб бориш ҳақида кўрсатмалар берилган.
Мусулмон инсон доим камолотга интилувчи шахсдир. Ислом камолотдир. У доимо барча соҳада, жумладан, инсоний алоқалар бобида ҳам камолотга ундайди.
Исломдаги инсоний алоқаларнинг асосини яхшилик ташкил этади. Бу, барча инсоний алоқалар фақат яхшиликдан иборат бўлиши учун ҳаракат қилиш, деганидир.
Аллоҳ таоло шундай марҳамат қилади:
"...одамларга яхши гаплар айтинг" (Бақара сураси, 83-оят).
Албатта, Исломдаги инсоний алоқаларнинг ҳар бирига атаб алоҳида китоблар ёзилган. Сиз азизларга бу борадаги китобларни яхшилаб ўқиб, ўрганиб боришни тавсия қиламиз.

"Руҳий тарбия" китобидан.


👉 @diyonatli
👍3❤1
ҚУРЪОН - МАНМАНЛИК ИЛЛАТИГА ШИФО

Манманлик инсонни яхшиликдан маҳрум этади. Чунки бурни осмонда кимса одамларни назарга илмай кўп яхшиликдан қуруқ қолади. Энг ёмони, мутакаббир шахс Аллоҳнинг ғазабига йўлиқади. Аллоҳ манман, кимсаларни ёмон кўради: "Тангрингиз Ягона Тангридир. Охиратга имон келтирмайдиган кимсалар кўнгиллари (Аллоҳнинг ягоналигини) инкор этади, (уларнинг) ўзлари мутакаббир кимсалардир. Шак-шубҳасиз, Аллоҳ уларнинг яширадиган нарсаларини ҳам, ошкор этадиган нарсаларини ҳам билади. Албатта У Зот мутакаббир кимсаларни севмайди" (Наҳл сураси, 22-23-оятлар).
Аллоҳдан ўзга илоҳ йўқ. У ибодат қилишга энг муносиб Зотдир. Аммо кофирлар Аллоҳнинг ваҳдониятини қабул этмайдилар. Чунки оёқлари ердан узилган. Аллоҳ уларнинг диллари кибрга тўла эканини, неъматларга нонкўрлик қилаётганларини билади. Қиёматда шунга яраша жазо беради. Зеро, Аллоҳ одамларга паст назар билан қарайдиган кимсаларни ёқтирмайди.
Абдуллоҳ ибн Масъуд розияллоҳу анҳу Расулуллоҳ соллаллоҳу алайҳи васалламдан ривоят қилади: "Қалбида зарра миқдорича имони бор банда дўзахга кирмайди. Қалбида зарра миқдорича кибр бор банда жаннатга кирмайди".
Бу нима дегани? Имонда собитқадам бўлиш, эътиқодини кўз қорачиғидек асраш, қалбни кибрдан поклаш керак дегани.
Инсон ҳеч қачон "Мен ҳаммадан зўрман", демасин.
Одамлар дилини сиёҳ қилишда зўр бўлмасин, гуноҳ қилишда зўр бўлмасин, одамийликда зўр бўлсин, ибодатда, покликда, ҳалолликда зўр бўлсин! "Зўрман!" деб кўкрак керган, дунёга устун бўлишни истаганларнинг ҳеч бири зўр бўлолмадилар.
Қуръон ўқиган одам кибр нақадар ёмон иллат эканини тушунади, ундан қутулишга ҳаракат қилади. Қуръонда камтар инсонлар мақталган, улар қандай улуғ фазилат соҳиби эканлари айтилган. Шуларни мулоҳаза қилган инсон камтарин зотларга ҳавас қилади, уларга ўхшашга интилади.
Қуръонда Фиръавн, Ҳомон, Қорун, Намруд каби кимсалар кибр туфайли қай кўйга тушганлари ўта таъсирчан ифодаланган. Бундан воқиф бўлган киши кибр отига минмайди, камтарлик либосини кияди. Зеро, камтарлик инсоннинг асл табиатига хос хислатдир.

Қуръон - қалблар шифоси" китобидан.

👉 @diyonatli
👍4❤1
ЭЪТИРОФ МАҚТОВ ЭМАС...

Маъноси: Бу дунёда одамзод ўзининг кимгадир кераклигини ҳис этиб яшайди. Шу боисдан, ҳар бир инсон ўзининг меҳнатсеварлиги, тиришқоқлиги, яратувчанлиги, умуман, борлигини ва бошқаларга кераклигини холисона, гўзал тарзда, ўз вақтида эътироф этилишини чин дилдан истайди.
Шу жиҳатдан олиб қараганда, эътироф - ҳар қандай тама, ғаразли ният, хушомадлик иллатларидан холи бўлган самимий сўзлар шодаси ҳисобланади...

"Фарзанднома" китобидан.

👉 @diyonatli
👍3❤1