Piskent jome masjidi | Rasmiy kanal
2.7K subscribers
8.67K photos
4.47K videos
29 files
7.29K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
​​ТИКОН


Қадим замонда бир йигит яшаган экан. Бир куни у эшиги тагига уруғ экибди. Орадан бир неча кун ўтиб уруғ униб чиқибди. Йигит унга вақти вақти билан сув қуйиб турибди. Лекин бир қанча вақт ўтгандан сўнг қараса, эккан нарсаси тикон экан.
Буни кўрган маҳалладошлари йигитга тиконни юлиб ташлашни тавсия қилибди. Лекин йигит уларнинг гапига эътибор бермабди. Тикон эса кундан кун ўсиб шоҳлай бошлабди. Ўтган-кетганларнинг кийимларига тирмашиб, қўлларига кирибазият етказибди. Йигит эса бунарсаларга парво этмай юраверибди. Энди тиконга сув қуймаса ҳам, у ердан қувват олиб ўсаверибди. Бора-бора одамлар унинг эшиги тагига келмайдиган бўлиб қолибди. Бу орада йигит фарзандли бўлибди. Болалар ҳам тиконни кўриб, унга кўникиб ўса бошлабди. Бу нарса ўша юртнинг ҳукмдорининг қулоғиги етиб, йигитни ҳузурига чақиртирибди ва тиконни олиб ташлашни буюрибди. Йигит подшоҳга тиконни илдизи билан қўпориб ташлашга ваъда бериб келибди, лекин дангасалиги туфайли бу ишни пайсалга солиб юрибди.
Орадан яна йиллар ўтибди. Энди йигитнинг ёши улғайиб, набирали бўлибди. Бир куни энди юришни бошлаган набираси юриб бориб, ўша тиконга йиқилибди, ҳамма жойини тилиб қонатибди.
Буни кўрган ўғли отасига жаҳл билан тиконни қўпориб ташлашни таклиф қилибди. Ота-бола ишга тушишибди. Лекин тиконнинг илдизлари ерга маҳкам ўрнашиб олган экан. Ота тез орада ҳолдан тойибди, лекин тиконнинг ярмини ҳам қўпора олишмабди. Улар бир неча кун уриниб, охири тиконни олиб ташлашибди. Ота-бола хотиржам бўлибди. Аммо орадан бир неча кун ўтгач, ёмғир ёғиб ўтибди. Тикон қўпорилган жойдан яна майда тиконлар ниш уриб чиқа бошлабди. Ота уларни дарров юлиб ташлабди. Лекин бу ҳол қайта-қайта такрорланаверибди. Чол умрининг охиригача тиконларни юлиш билан овора бўлибди.
Отаси дунёдан ўтганда эса бу иш ўғлига қолибди. Ўғил сал эътиборсиз бўлса, тиконлар бирпасда шоҳ отиб, улғая бошларкан. У энди бу ишга улғайиб қолган фарзандларини ҳам жалб қилибди. Маҳалла аҳли эса уларга "ота-бола тикончилар" деб лақаб қўйибди. Тикон
бўлмаса ҳам, эски одатлари бўйича уларнинг эшиклари олдидан ўтишмас экан.

Эй фарзанд, бу ривоятдаги тикон аслида ёмон одатдир.
Агар сен ёшлигингда бирор ёмон одатга ўргансанг, куч-қувватинг борида ундан қутулишга ҳаракат қил, акс ҳолда бу ёмонлик фарзандларинг ва набираларингга меърос бўлиб қолади.
ДУНЁНИ ЭМАС, ЎЗИНГНИ ЎЗГАРТИР!
Бир афсона бор:
Бир подшоҳ жуда бепоён мамлакатни бошқарар экан. Бир куни у ўз мамлакатини айланмоқчи бўлибди. Йўлларнинг ёмонлигидан, тиканлар захридан оёқлари шишиб кетибди. Сўнгра бутун мамлакат йўлларини тери билан қоплаб чиқиш ҳақида фармон чиқарибди. Аммо унинг маслаҳатчиларидан бири унга шундай дебди:
-Подшоҳим! Бу иш муҳолдир. Аммо оёғингизга тери боғласак муаммо осон ечим топар эди. Нима дейсиз? Шунда барча йўллар сиз айтгандек бўлар эди.
Подшоҳ маслаҳатчисининг фикридан таажжубланибди ва ниҳоят оёқ кийими кашф қилинибди.
Ҳамма оламни ўзгартиришни истайди. Аммо ҳеч ким ўзини ўзгартиришни истамайди. Ваҳоланки, инсонлар ўзини ўзгартирса олам ўз-ўзидан ўзгаради. Бу оламнинг ҳақиқати унга боқиладиган кўзга боғлиқ. Ҳаммада бир хил кўз бор. Аммо ҳамма ҳам бир хил қарашга эга эмас. Бу тушунчани қуйидаги мисол билан тушунтираман:
Икки киши фарзандидан айрилиб қолди. Улардан бири: “Аллоҳнинг кўзи мендан бошқа инсонни кўрмайдими!”, дейди. Мусибатга бу нуқтадан қараш инсоннинг ҳаётини чидаб бўлмас дўзахга айлантиради.
Иккинчи инсон ҳам маҳзун бўлади. У ҳам инсон. Аммо у таслим бўлиб рози бўлади. Аллоҳга нисбатан одобни сақлайди. Унинг қадарига кўнади. Аввалги инсоннинг ғазаби унга ўғлини қайтара олмайди. Иккинчи инсоннинг ҳам розилиги унга фарзандини қайтара олмайди. Аммо олам у иккаласи наздида тамоман фарқлидир.
Бир қишлоқчада кичкина, томлари тешик уйлар бор. Ундан ёмғир ўтади. Кишиларнинг баъзиси ёмғирни сўкади, бошқалари эса индамасдан томини ямайди, тузатади. Янгидан ёмғир ёғса биринчи уйнинг томидан яна ёмғир томади. Иккинчи уйдан энди ёмғир ўтмайди. Биринчи инсон оламни ўзгартиришни ва осмондан ёмғирини тўхтатишини истайди. Чунки унинг томи тешик. Иккинчи инсон муаммони ёмғирда кўрмайди. Муаммо унинг тешик томида эканлигини англаб, уни тузатади.
Дунё қиёматгача ана шундай бўлиб қолади. Ёмғир ёғишдан тўхтамайди. Суюкли кишиларимиз абадий яшашмайди. Университетлар бепул бўлмайди. Шифохоналарга пули йўқ инсон кира олмайди. Иш дегани доимо машаққатли бўлади. Муваффақит қийин нарса бўлади. Савдо дўконлари бепул нарса бермайди. Уйларда келишмовчиликлар содир бўлиб туради. Инсон қарз олишга мажбур бўлади.
Кимнинг томи тешик бўлиб ёмғирдан ундан ўтмаслигини талаб қилса, ким фарзандларини тоабад яшашларини истаётган бўлса, ким осонгина иш топишини ва енгиллик билан муваффақиятга эришишни истаётган бўлса, кимки текинга озиқ-овқат берадиган бозорларни истаса у ўзга сайёрада яшаяпти. У ўзини ўзгартириши лозим ёки бошқа сайёра қидирсин!

Абдуқодир Полвонов
Audio
🎤Абдул Ҳамид домла жавоб берадилар

Савол:

❓Ўлимдан сўн икки фаришта нечта савол беради? Ижтимоий тармоқларда ҳар хил кўрсатилган. Бу хақда бир ошнам билан тортишиб ҳам қолдим. Учта савол, дедим, у бўлса йўқ, камида 10 та бўлади, китобда ўқиганман деди. Шунга ойдинлик киритиб берсангиз.
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

❓Кариндош бўлган опа-сингил, хола-амма билан кўл бериб кўришса бўладими?
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

❓Имомга эргашиб, намоз ўқилса, ният қилаётганда имомга иқтидо қилдим, деб айтилмаса, намоз қабул бўладими? Шуни айтганига шубҳа бўлса, намозни қайтадан ўқиш керакми?
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

❓Жумада эркак киши аёлини онасига ўхшатмайди, дедингиз. Мен аёлимнинг характерини онамга ўхшатаман. Халқимизда қайнона ва келиннинг тупроғи бир жойдан олинадиган гаплар ҳам бор.
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

Артел заводига ишга киротувдим бомдод вақтида автобус олиб кетар экан бунда бомдод намозини қандай ўқисам бўлади.
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

❓Пайғамбаримизнинг эгизак набиралари кўз тегиш сабабли касал бўлган, деб эшитганман. Кейин қайтарма ўқилганида назарит теккан аёлнинг кўзи оқиб тушган эмиш. Бу тўғрими?
---------------------------------------
🎧Жавобни аудиода тингланг!
Audio
🎤Абдул Ҳамид домла жавоб берадилар

Савол:

❓Яхши кўрган қиз ва аёлнинг қўлидан ушлаш мумкинми? Жуфти ҳалоли билан кўчада қўл ушлашиб юрса, бўладими?
---------------------------------------
🎧Жавобни аудиода тингланг!
Forwarded from Abdulaziz qori
This media is not supported in your browser
VIEW IN TELEGRAM
🎤 Абдулазиз қоридан гўзал қироат:
"Ал-қияма" сураси

@abdulaziz_sufiyev каналига уланинг
ИЛМ ТАЛАБИ

عَنْ أَبي هُرَيْرَةَ رَضي اللّٰهُ عَنْه ، عَنِ النَّبِيِّ ﷺ قَالَ: «مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللّٰهُ لَهُ بِهِ طَرِيقًا إِلَى الْجَنَّةِ ». رَوَاهُ مُسْلِمٌ وَأَبُو دَاوُدَ وَالتِّرْمِزِيُّ.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
«Ким илм талаб қилиш йўлига тушса, Аллоҳ унга жаннатнинг йўлини енгиллаштиради», дедилар».

Муслим, Абу Довуд ва Термизий ривоят қилишган.

Илмга бундан ортиқ тарғиб бўлмаса керак. Ҳар бир инсоннинг олий мақсади - жаннат. Жаннатга эришиш учун у ҳар нарсага, ҳар қандай қийинчиликларга тайёр туради. Илм талаб қилиш эса жаннатнинг йўлига тушишнинг боши экан. Илм йўлида юрган одам охири жаннатнинг эшиги олдидан чиққай, иншааллоҳ!
Ояти карима ва ҳадиси шарифларда зикри келган илмдан мурод барча фойдали илмлар бўлиб, илм учун қилинган ваъдаларга иймон ва ихлос билан илм олишга уринган мўмин-мусулмонлар эришадилар.
Бу қоидани ушбу ҳадиси шарифга татбиқ этадиган бўлсак, мўмин-мусулмон киши ўзи учун, жамият учун, инсонлар учун фойдали илмга «бу менга Аллоҳнинг амри, Исломнинг талаби» дея уринсагина, У жаннатнинг йўлига тушган бўлади. Аллоҳ таоло унга жаннатнинг йўлини енгиллаштиради.


Шайх Муҳаммад Содиқ Муҳаммад Юсуф роҳимахуллоҳнинг:

"Қуръон ва суннатдаги илмий мўъжизалар" китобларидан олинди.
Ҳасан Басрий рохимахуллоҳ айтадилар:

" Эски гуноҳлар учун янги ҳасанотлар билан ёрдам сўранглар. Ҳеч нарса эски гуноҳларни янги ҳасанотларчалик йўқ қила олмайди ".

"Ҳикматлар саодатга етаклар" китобидан

****
Ҳасанот - яхши амал
Кекса отахон ҳар куни маҳалладаги бир болакайнинг яланг оёқ, резина тўп билан футбол ўйнаётганига кўзи тушарди. Бир куни дўконга бориб пойабзал олди ва болага тутқазди:

— Буни кийиб ол, болажоним, сенга деб олдим.

Болажон қувончдан қийқириб юборди ва шу заҳоти пойабзални кийиб олди. Сўнг соч-соқоли оппоқ бобога ҳайрат билан тикилиб:

— Сиз Аллоҳмисиз? - дея сўради.

Кекса кишининг қўл-оёғи қалтираб, лабини тишлади ва:

— Астағфируллоҳ, болам, ундай демагин.

Қўл-оёқчалари кир, қалби дунёдаги энг тоза нарсадан ҳам покиза болакай яна ҳайрат тўла нигоҳларини бобога қадади:

— Унда сиз Аллоҳнинг дўсти экансиз-да! Чунки мен кеча тунда Аллоҳга пойабзалим йўқлигини айтгандим, менга пойабзал юборгин дея йиғлагандим...

Отахон кўз ёшларини кўрсатмаслик учун болани бағрига босди...

Дарҳақиқат ҳаётимизга яхшиликлар Аллоҳнинг суйган бандаларидан келар эканда?

Борингизга шукур яхшилар...
​​Ўзини телба кўрсатган оқил

Бир кимсанинг

«Ақлли одам излаяпман, муаммо чиқиб қолди. Ундан маслаҳат олмоқчи эдим», деб сўраётганини эшитган бир киши унга:

«Бизнинг шаҳарда ўзини телбаликка солиб юрган бир киши бор. Таёқни от қилиб минади, болалар билан ўйнайди. Энг оқил одам шу. У телба қиёфасига кирган олим бир кишидир», деди. Бу гапни эшиттан ҳалиги киши ўша шаҳарга кетди. Сўрай сўрай «Телба» ни топди:

— Эй «от» минган одам. Бир дақиқага «от»ингни бу ёққа ҳайда, деб чақирди. Телба югуриб келди:

— Тезроқ гапир «От»им жуда асов, тепади

— Уйланмоқчи эдим. Қандай қизни танлаганим маъқул? Телба бундай деди:

— Дунёда уч хил аёл бор. Бири дард, иккинчиси меҳнат, учинчиси зийнат Биринчиси сенга асло ёр бўлмас. Иккинчисининг ярми сеники, ярми сендан айри қолади. Учинчиси эса сенга вафоли бўлади.

— Тўхта, шошма, Худо хайрингни берсин! Шуни яхшилаб тушунтир! Бу уч турли аёллар кимлар?

Телба «от»ининг «жилови»ни тортиб, бундай жавоб берди:

— Биринчиси, болали бева хотиндир. Эътиборини биринчи эридан бўлмиш фарзандига қаратади.Хаёлида боласи билан эри бўлади. Иккинчиси боласиз бева хотин. Ярми сеники, ярми олдинги эриникидир. Учинчиси бокира қиз. У тамомила сенга мулк бўлади.

Телба буларни айтгандан кейин «от»ини ниқтаб болалар орасига кетаётган эди. Ҳалиги одам уни тўхтатиб:Эй улуғ инсон! Яна бир саволим бор. Жавоб бер, сўнгра кетасан, деди.

— Нима дейсан? Вақтим зиқ. Болалар билан ўйинга кечикяпман.

— Бу қадар ақл фаросат эгаси экансан. Нега ўзингни телбаликка солиб юрибсан?

Қари олим шундай жавоб берди:

— Ҳоким мени шаҳарга қози қилишга қарор берди. Рад этдим, қабул қилмадилар. Сендан оқилроғини тополмаймиз дедилар. Шунинг учун ўзимни телба, девона кўрсатяпман. Қозилиқдан кўра телба бўлиш афзалроқдир
​​"Саҳобалар ким?" деган саволни бот-бот эшитамиз.

Саҳобаларни кимлигига қизиқябсизми?

Унда диққат қилинг, гапим якунида ушбу саволни яна такрор бераман.

• Сиз дунё ҳаётини қанчалар севган бўлсангиз, улар охират ҳаётини шунчалар севган инсонлардир.

• Сиз молингизни қанчалар маҳкам тутсангиз, улар тавҳидни шунчалар маҳкам тутган инсонлардир.

• Сиз қанчалар телефонга кўп термулсангиз, улар Аллоҳнинг Китобига шунчалар кўп термулган инсонлардир.

• Сиз қилган оз амалингизга ҳотиржам суянсангиз, улар қилган амалларига суяниб қолишдан қўрқадиган инсонлардир.

• Сиз Аллоҳдан сўрашга қанчалар ошиқсангиз, улар Аллоҳ йўлида эҳсон қилишга шунчалар ошиққан инсонлардир.

• Сиз ёш, муаммосиз, ва ҳуснли аёлни никоҳлашга уринсангиз, улар тул аёлларни бева қолиб кетмаслиги, болаларни Ислом таълимотисиз ўсмаслиги учун никоҳлашга уринган инсонлардир.

• Сиз Суннатларга танлаб амал қилсангиз, улар ҳеч бир Суннат амал қилинмай қолиб кетишидан чўчиган инсонлардир.

• Сиз тоғутнинг зулмидан қўрқиб яшасангиз, улар Аллоҳнинг йўлида минг маротаба ўлишга ҳам шай бўлган инсонлардир.

• Сизнинг намозингиз касбингиз вақтида бўлса, улар намозни касб қилган инсонлардир.

• Сиз бутун бошли Қуръонни ёд билиб, унинг мазмунини англамаган бўлсангиз, улар биргина билган оятларига оғишмай амал қилган инсонлардир.

• Сиз ўзингизни кўз-кўз қилишни қанчалар севган бўлсангиз, саҳобиялар авратларини тўсишни шунчалар севган инсонлардир.

• Сиз инсонлар орасида ажралиб туриш учун илм олсангиз, улар олган илмларини ўзгаларга етказишга уринган инсонлардир.

• Сиз бир-бирингизни турли хил фирқа ва табақаларда айбласангиз, улар бир-бириларини севиб, бирликни маҳкам тутган инсонлардир.

•Сиз тўйган қорнингиздан шод бўлсангиз, улар оч ҳолида хурмони баҳам кўрган инсонлардир.

•Сиз танангизни зебу-зийнат ва либослар билан безаган бўлсангиз, улар очликдан таналарига тош боғлаб юрган инсонлардир.

•Сиз озиш учун рўза тутсангиз, улар очликдан ифторни саҳарга улаган инсонлардир.

•Сиз Аллоҳга рўбарў келишдан қўрқиб яшасангиз, улар Аллоҳни ҳузурига ошуфта яшаб, ўлимдан шодланган инсонлардир.

•Сизнинг мажлисингиз мол, аёллар ва мутойиба мавзулари билан ўтса, улар мажлисни Аллоҳ эслатиш билан ўтказган инсонлардир.

•Сиз мусибатдан чўчиб яшасангиз, улар Аллоҳга кучли таваккул қилган инсонлардир.

•Сиз аёлингизни ота-онангиздан ҳам кўпроқ севсангиз, улар Аллоҳнинг пайғамбари Муҳаммад (صلى الله عليه وسلم)ни ота-онаси, аҳли ва молидан ҳам кўпроқ севган инсонлардир.

• Сиз гуноҳларни тўплаб, бир тавбани кўзласангиз, улар гуноҳидан тавбаси бисёр бўлган инсонлардир...

Саҳобаларни кимлигини билдингизми?
Энди ўзингизни ким эканлигингизни билдингизми?


©@odamlar_orasida_dastur
Муззаммил сураси
<unknown>
🎙Абдулазиз қоридан гўзал қироат:

Муззамил сураси
Агар мияси бўлса

Арслон ўрмонда фил билан олишиб чарчади. Сўнг тулкини ёнига чақириб:

— Ҳолдан тойдим. Овга ярамайман. Бор, менга бир эшак овлаб келтир. Биргаликда еймиз, деди.

— Амрингиз бош устига, султоним. Турли ҳийлалар билан сизга ҳатто тириклайин келтираман, дея бир қояга томон югурди. Қарасаки, ўтлоқда эгасиз озғин бир эшак юрибди. Ёнига яқинлашиб, қуюқ салом берди. ва уни аврай бошлади:

— Бу қуп-қуруқ текислиқда ёлғиз ўзинг нима қилаяпсан, эй дўстим?

— Шу ҳолимга шукр қиламан. Ризқни Аллоҳ беради. Шикоятим йўқ, куним ўтиб турибди. Жон берган Аллоҳ, озуқа ҳам беряпти.

— Эй жаноб! Сенинг бу таваккалинг жуда кам одамда топилади. Жуда кам бўлган нарса эса йўқ ҳукмидадир. Бу йўқлик атрофида тентираб юриш аҳмоқлик саналади.

Бу сўзларни эшитган эшак такрор жавоб берди:

Гапинг тўғри эмас. Шуни билки, бутун ёмонликлар очкўзликдан келар. Қаноатдан ҳеч ким ўлмаган, ҳирсдан эса ҳеч ким султон бўлмаган. Тулки эшакнинг сўзини бўлиб:

Аллоҳ инсонларга ўзларини ўзлари ҳалок этмасликка буюради. Шу қуруқ қояликдан иборат чўлда сабр килмоқ аҳмоқлиқдир. Кел, ўтлоққа кўчгин. Билсанг, у ерда қанча ўт-ўланлар, оқар сувлар бор, деди.

Тулки турли сўзлар билан эшакни авраганча етаклаб, тўғри арслоннинг уйига судради. Арслон эшакни кўрар кўрмас ўкира бошлади. Буни эшитган эшак жон ҳолатда ортга қочди. Тулки унга етиб олиб:

Ҳой содда ва гўл махлуқ! Нега қочаяпсан. эшитилган товуш, сенинг ваҳиманг, ҳаёлингдир. Эндигина майсазорга келгандикку. Сен эса қўрқдинг, қочдинг, деди.

Тулки яна минг бир ёлгон билан эшакни ўзига эргаштирди. Арслоннинг уйига олиб борди. Арслон эшакни ғажиб, қорнини тўйдирди. Сўнгра арслон сув ичиш учун ғордан чиқди. Тулки арслоннинг йўқлигидан фойдаланиб, эшакнинг мияси ва ўпкасини еди.

Арслон қайтгач, тулкидан сўради:

Бунинг мияси қани?

— Эй, султоним! Агар эшакнинг мияси бўлса, ўша даҳшатли ўкирикни эшитгандан кейин яна бу ерга, сенинг остонангга келармиди?
Audio
🎤Абдул Ҳамид домла жавоб берадилар

Савол:

❓Бир киши аёлига талоқсан дебди. Энди афсусланиб келяпти. Талоқ, деса никоҳи бузиладими, биттаси оддий талоқ бўлса, яшаб юраверади, деди. Шу тўғрими?
---------------------------------------
🎧Жавобни аудиода тингланг!
​​ҲАҚИҚИЙ ДЎСТ

Қадим замонда бир ўсмир йигит отасига келиб шундай деди:
- Отажон, сиз доим, менинг ҳақиқий дўстларим бор, деб айтар эдингиз-ку, энди менда ҳам анча мунча дўстларим бор.
Отаси:
- Машааллоҳ! Шундайми? Сенга улар қанчалик дўст? - деди.
Ўғил:
- Жонларини фидо қиладилар, - деди ғурурланиб. -- Мени шунчалик яхши кўрадилар.
- Ўғлим, кел сен билан бир иш қиламиз, -- деди ота.

Ота-ўғил биргалашиб ташқарига чиқдилар. Ҳовлидаги қўйлардан бирини тутиб, ерга ётқизиб сўйдилар. Кейин ота катта бир халта олиб келиб, сўйилган қўйнинг бўлакларини унга солди. Яна бир халтага солди. Сўнг ўғлига деди:
- Сен буни олиб энг ишонган дўстингнинг уйига бориб, эшигини қоқ. Агар дўстинг, халтада нимани кўтариб олдинг? деб сўраса, «Мен бир ёмон одамни ўлдириб қўйдим», деб айт. Кўрасан, дўстинг нима қилар экан.

Ўғил «ҳўп» деб, халталарни елкасига ортиб йўлга тушди. Энг ишонган дўстининг уйига бориб, эшигини қоқди. Дўсти чиқиб қараса, қонга беланган халтани елкасига ортиб олган дўсти турибди. Дўсти: «бу бир балони бошламасин», дея эшикни дўстининг юзига таппа ёпди. Йигитча ҳайрон бўлиб,«бу дўст эмас экан», деган хулосага бориб, иккинчи дўстининг уйига йўл олди. Унинг ҳам эшигини чалди. Дўсти уйдан чиқиши билан:
- Дўстим, мен... - деганини билади, у ҳам қонли халтасини кўриб дарҳол эшикни ёпади.
Йигит то субҳгача барча дўстларининг уйига бориб, ана шундай муомалани кўрди. Хафсаласи пир бўлиб уйга қайтди.
- Ота, сиз ҳақ экансиз. Менинг биронта дўстим йўқ экан, дунёда дўст деганнинг ўзи йўқ экан, - деди.
Отаси:
- Шошма, ўғлим. Менинг бир дўстим бор. Аҳмад афанди. Сен унинг уйига бор. «Мен фалончининг ўғлиман» деб ўзингни танит. Мен бир одамни ўлдириб қўйдим, деб айт, кўрамиз нима қиларкин. -- деди.
Ўғил дарҳол халталарни елкасига ортиб йўлга чиқди. Отаси айтган одамнинг уйига борди. У одам уйидан чиқиб қон ва терга беланган, елкасида қонли халта кўтарган йигитчани кўрди.
- Амаки, мен фалончи дўстингизнинг ўғлиман. Мен бир одамни... -- дер экан, у одам:
- Сус, тез ичкарига кир, - деб, йигитчани ичкарига олди. -- Анави ерда сув бор, тезда юз қўлларингни юв, - деди. -- Мен буларни мана бу лолалар экилган ерга кўмаман.

Қўлига кетмон олиб, экинзорни қазий бошлади. Халталарни олиб бориб, ўша чуқурга ташлади. Устидан тупроқ тортиб, лола кўчатларини олиб экиб қўйди.
- Ўғлим, бўлар иш бўлибди. Ўйлайманки, дўстимнинг ўғли бир одамни бежиз ўлдирмаган. Энди ўғлим, дўст бор, душман бор, сен бугун меникида қол. Эртага кетасан, - деди.
- Йўқ, отамнинг олдига бормасам бўлмайди, -- деди. Йигитча хафа эди. Ўзининг дўстлари дўст эмас экан, отасиники ҳақиқий дўст экан...

- Ота, Худо ҳаққи, сиз ҳақ экансиз. Сизнинг дўстингиз ҳақиқий дўст экан, -- деди.
Отаси жилмайди:
- Сен шошма ўғлим. Унинг дўст ёки дўст эмаслигини эртага биламиз.
- Ота, нега ахир? У менга дарҳол ёрдам кўрсатди-ку...
- Йўқ. У дўстим пешин намозини фалон масжидда ўқийди. Сен ўша ерга бор. У таҳорат олаётган вақтда сен уни ёмон сўзлар билан ҳақорат қил. Кейин уни ушлаб, силталаб ташла...
«Аллоҳ, Аллоҳ»... ўйлади йигитча. Бу ишни қандай қиламан? Нима бўлса бўлар, деб отасининг айтганини қилиш учун масжидга йўл олди. Ҳақиқатан, ўша одам масжиддаги таҳоратхона эшигида кутар экан, уни: «Сиз фалонсиз... » дея ҳақорат қила бошлади. Кейин уни ушлаб турткилади. У одам кулди. Йигитчани четга олди:
- Мен бир неча туртки учун лолазорни бузадиган одам эмасман. Бор, отангга салом айт, - деди.

Дўст шундай бўлади. Жаннати аълога кирар экансан, мана шундай дея оласанми? Шу гапни айта олсанг, ҳақиқий дўстсан: Бир одам жаннатнинг эшигида турганларга: «Фалон дўстим бор эди. У жаннатга кирдими?» дея сўрайди.
- Йўқ, ҳали келмади, - дейилганда: «Унда мен ҳам кирмайман. Уни кутаман.» - дейди. Мана шу йигитликдир, мардликдир.
This media is not supported in your browser
VIEW IN TELEGRAM
Мен турли йиғинларда ҳам айтганман

Доктор Муҳаммад Саъид Рамазон Бутий