«РАВОЙИҲУР РАЙҲОН»

(«Саботул ожизин»нинг янги тўла шарҳи)

1-қисм

Ҳамд бўлими

• Бисмиллаҳир роҳманир роҳим.

• Қадимда ҳар қандай ёзма манбада, у илмий бўладими, адабийми, биринчи жумладаноқ, Яратувчи Зот зикр қилинган.

• «Бисмиллаҳир роҳманир роҳийм», яъни – меҳрибон ва раҳмли Оллоҳ номи билан бошлайман, деган маънодаги бу лафз ҳар бир иш Оллоҳ таолонинг номи билан бошланишига ишора.

• Устозимиз Шайх Алоуддин Мансур Расулуллоҳ соллаллоҳу алайҳи ва саллам сўзларига таяниб, бу калима маъносини шундай изоҳлайди:

• «Ҳар бир муҳим, аҳамиятли иш Оллоҳнинг номини зикр қилмасдан бошланар экан, у иш охирига етмайди, балки чала бўлиб, кесилиб қолади.

Мана шунинг учун ҳам биз Ислом шариати буюрган, ижозат берган ҳар бир ишни Оллоҳ номи билан бошлаймиз, биз мусулмонлар шундай шарафга эгамиз.

Демак, ҳар бир ишни «бисмиллаҳ» деб бошлаш эътиқодида бўлган инсон фақат «бисмиллаҳ» деб бошлайдиган ишларни қилиши керак»

1-қисм тугади

Улашинг:
https://t.me/diyonatli/28

#ақийда #саботуложизин #ҳамд

Бисмиллаҳир роҳманир роҳийм.
Азиз дўстлар!

• Фиқҳ – шариат ҳукмлари мажмуасидир. Фиқҳ илми бизга қандай ибодат қилишни, динимизга қандай амал этмоқни ўргатади.


• Бизнинг диёрларимизда асрлар давомида буюк аллома, фақиҳ Бурҳониддин Марғиноний раҳимаҳуллоҳнинг “Ҳидоя” китоблари асосида шариатга амаллари адо этилган. У зотнинг издошларидан бўлган Мақсудхўжа ибн Мансурхўжа раҳимаҳуллоҳнинг “Мажмаъ ул-мақсуд” китоби “Ҳидоя”нинг соддалаштирилган, тушунарли услубда ва туркий (ўзбек) тилдаги шарҳидир.


• “Диёнат” канали ўз мухлисларининг фиқҳий билимларини ошириш мақсадида яна бир лойиҳани бошлашни ният қилди. Тез орада “Мажмаъ ул-мақсуд” асосида исломий амалларнинг ҳанафий мазҳабига мувофиқ ечимлари, йўл-йўриқларини тақдим этамиз.


• Таҳорат, намоз, закот, талоқ, савдо ва бошқа масалалар ҳақида босқичма-босқич, ўта тушунарли йўлда “Мажмаъ ул-мақсуд” мутолааси асосида илмимизни бойитиб борамиз.


• Аллоҳим, Сенга суяндик! Ишимизни хайрли ва манфаатли эт! Амийн!

Ҳурмат ила,
“Диёнат” канали муҳарририяти

#фиқҳ

ТАҲОРАТНИНГ ФАРЗЛАРИ

Таҳоратнинг биринчи фарзи – юзни ювишдир.

Таҳоратда юз қандай ювилади?

• пешонанинг сочидан бошлаб иякнинг остигача, биринчи қулоқдан иккинчи қулоққача бўлган оралиқ – юз ювилади

Юзни ювиш билан боғлиқ баъзи масалалар

• мўйлаб ва икки қош ораси ювилади

• таҳорат қилувчининг соқол-мўйлаби узун бўлса, таҳорат пайти тагига сув етмаса, жоиз, шундай фатво берилган, лекин бу ғуслга хилоф, ғуслда бутун баданга сув етиши шарт, акс ҳолда, жунубликдан пок бўлмайди

• пешона, икки қулоқ ва иякнинг ораси таҳоратда ювилиши шарт

• кўзнинг ичига сув киритиш вожиб ҳам, суннат ҳам эмас

• юзни ювишда кўзни очиш ва юмишда машаққат тортилмайди, ўз ҳолига қўйилади, киприкларга ҳам сув етсин

• оғриган кўзнинг четига йиғилган чирклар ҳам ювилиши керак

#ҳанафийфиқҳи #таҳорат #фарз #мажмаъулмақсуд

Улашинг:
https://t.me/diyonatli/30

Абдул Ҳамид домла маъруза қиладилар (аудио)

Исломий хулқ нима?
——————

• Мусулмоннинг қўли ва тилидан озор етадими?...

• Спортда исломий ахлоқ...

• Дзюдо устаси Муҳаммад Али Рашван ибрати...

Улашинг:
https://t.me/diyonatli/31

“... албатта, намоз мўминларга вақти тайин фарз бўлгандир” (Нисо сураси 103-оят)

2020/1442 Ҳ. ЙИЛ, 25 СЕНТЯБР ЖУМА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

⏰ ТОНГ - 04:56
⏰ ҚУЁШ - 06:13
⏰ ПЕШИН - 12:19
⏰ АСР - 16:28
⏰ ШОМ - 18:17
⏰ ХУФТОН -19:30

Улашинг:
https://t.me/diyonatli/33

Абдул Ҳамид домла маъруза қиладилар (аудио)

Короновирус офати қаердан келди?

Поклик ҳикмати...

Ислом - сиҳҳат ва саломатлик ҳимоячиси...

Улашинг:
https://t.me/diyonatli/36

Обуна бўлинг:
https://t.me/diyonatli

Абдул Ҳамид домла маъруза қиладилар (аудио)

Ота-онага оқ бўлиш ҳалокати...

Жаннат ҳидидан ким бебаҳра?..

Ота-онани унутиб, бошқаларга яхшилик қилиш...

Улашинг:
https://t.me/diyonatli37
Обуна бўлинг:
https://t.me/diyonatli

ТАҲОРАТНИНГ ФАРЗЛАРИ

Таҳоратнинг иккинчи фарзи – қўлни ювишдир.
—————
Таҳоратда қўл қандай ювилади?

• таҳоратда қўллар тирсаклар билан ювилади

Қўлни ювиш билан боғлиқ баъзи масалалар

• қўлдаги ортиқ панжа, бармоқлар ювилиши вожиб

• агар бармоқдаги узук кенг бўлса, уни қимирлатиш суннат

• агар бармоқдаги узук тагига сув етмас даражада тор бўлса, уни қимирлатиб, тагига сув етказиш фарз

• таҳорат қилган одамнинг тирноқларида хамир, лой қолса ёки аёл кишининг қўлига хина қўйилган бўлса, таҳорат дуруст ҳисобланади, шундай фатво берилган

• новвойнинг тирноғи ўсиб, орасига хамир кириб қолса, у шундан кейин таҳорат қилса, таҳорати дуруст, шундай фатво берилган

#фиқҳ #мажмаулмақсуд #таҳорат
—————-
Улашинг:
https://t.me/diyonatli/38

Обуна бўлинг:
https://t.me/diyonatli

“САБОТУЛ ОЖИЗИН” КИТОБИНИНГ ШАРҲИ

2-қисм

(Давоми)

Ушбу «Саботул ожизин» китоби ҳам бисмиллаҳ билан бошланган ишлардан биридир.

Шунинг учун ҳам китобнинг аввалги байти еру осмонларни яратган Зотга сано айтиш билан бошланади:


Сано лил холиқи ғаброу афлок,
Яратти қатраедин гавҳари пок.


Сўзни арабий жумла билан бошлаш мумтоз адабиётимизда кузатилган анъана.

#саботуложизин #равойиҳуррайҳон #шарҳ #ақийда #иккинчиқисм

Бу муаллифнинг Қуръон тилига бўлган ҳурматини ва айни пайтда маҳоратини намоён қилади.


Ибн Жарир Табарий раҳимаҳуллоҳ «Фотиҳа» сураси тафсирида айтади:

«Алҳамдулиллаҳ, яъни Оллоҳга ҳамд бўлсин, дегани сано бўлиб, бу билан Оллоҳ ўз Зотига сано айтяпти. Бунинг зимнида Оллоҳ таоло бандаларини Ўзига сано айтишга буюряпти».


Демак, «Саботул ожизин» муаллифи Сўфи Оллоёр шу амрга бўйсуниб, биринчи сўзини осмонлару ёрни яратган Зотга сано – мақтов айтиш билан бошлади ва байт давомида Оллоҳ таолонинг «бир қатра сув»(маний)дан «пок гавҳар» – Одам фарзандларини яратганига ишора этади.


«Саботул ожизин»га ёзилган «Иршодул оъизин» шарҳида «гавҳари пок»дан мурод Пайғамбаримиз Муҳаммад алайҳиссаломдир, дейилади.


«Саботул ожизин»нинг Теҳрон нусхасида ҳам «гавҳари пок» сўзи «Пайғамбаримиз алайҳиссалоту ва саллам» деган сўзлар билан изоҳланган ва бу қараш наът бўлимидаги «Эмас мавжуд анингдек гавҳари пок» мисраси билан далилланган.

Демак юқоридаги изоҳларга кўра «гавҳари пок» сўзидан икки хил маъно мурод қилиняпти: биринчиси – Одам фарзандлари; иккинчиси – Муҳаммад алайҳиссалом.

Мисра аввалида коинот оламидаги улуғ жисмлар осмонлару Енинг яратилиши ҳақида гап кетар экан, кейинги мисрада, умуман инсон зотининг яралиши хусусида сўз бориши мантиқийроқ.

Лекин бу мантиқ «гавҳари пок» деганда Пайғамбар алайҳиссалом назарда тутилган, деган тушунчага зид эмас.


Негаки, Муҳаммад алайҳиссалом ҳам барча пайғамбарлар каби башар наслидан. Демак «гавҳари пок»дан мурод инсон экан, бу силсиланинг чўққисида Пайғамбаримиз Муҳаммад алайҳиссалом туриши шубҳасиздир.


Шунингдек, мазкур мисра марказида инсон тушунчаси турар экан, инсонга нисбатан «гавҳари пок» дейилганида, иймон маъноси ҳам англаниши мумкин, худди Навоийнинг ушбу байтларида айтилганидек:


Кимки жаҳон аҳлида инсон эрур,
Билки, нишони анга иймон эрур.

#саботуложизин #равойиҳуррайҳон #шарҳ #ақийда #иккинчиқисм

2-қисм тугади

(Давоми бор)
———————
Улашинг:
https://t.me/diyonatli/40

Обуна бўлинг:
https://t.me/diyonatli

“... албатта, намоз мўминларга вақти тайин фарз бўлгандир” (Нисо сураси 103-оят)

2020/1442 Ҳ. ЙИЛ, 26 СЕНТЯБР ШАНБА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

⏰ ТОНГ - 04:57
⏰ ҚУЁШ - 06:14
⏰ ПЕШИН - 12:19
⏰ АСР - 16:26
⏰ ШОМ - 18:15
⏰ ХУФТОН -19:28

Ассалому алайкум ва роҳматуллоҳи ва барокатуҳу!


Абу Дардо Розияллоҳу анҳудан ривоят қилинади.

Росулуллоҳ ﷺ марҳамат қилиб дедилар:

"Бу умматдан энг аввал кўтариладиган нарса, қўрқув, ҳаттоки улар ичида бирорта (Аллоҳдан) қўрқадиган кишини кўрмай қоласан".

Изоҳ:

Бу ҳам қиёматнинг аломатларидан.
Инсонлардан (хушу) қўрқув кўтарилади, дин аҳком- арконларини псанд қилмай қўяди, ҳаромдан ҳазар қилиш, ҳалолга интилиш каби тушунчалар қолмайди.

Панду-насиҳатлар тасир этмайди.


Аллоҳ таоло барчамизга ўзидан қўрқадиган қалб берсин.

Улашинг: 👇
https://t.me/diyonatli/42

ОНА ЗАКОВАТИ

Асмаъий айтади:
"Хунфусо жуда хуник эди. Бир куни у кўчадан келиб онасига деди:
- Онажон! Нега инсонлар мени кўришса юзимга тупуришади?!
Онаси деди:
- Чиройли бўлганинг учун улар сени ҳасаддан асрамоқчи бўлишади. Шунинг учун юзингга туфлаб сени хуник қилиб қўйишади.
Биз парчалаш замонида яшаяпмиз. Бу парчалаш уйда онадан, отадан, ака-укалардан бошланади. Сўнгра мактабда ўқитувчилар ва синфдошлар бошлашади. Сўнгра оила ва дўстлар парчалашади. Тойилганни йиқитишади, хато қилиб қўйса тошбўрон қилишади. Қоқилганни заҳарли тиллари билан чақишади.
Инсондаги энергияни бунақанги парчалаш йўқ қилиб юборади. Ундаги қудратни ёшлигиданоқ барбод қилади.
Ақлли она фарзандининг нафси парчаланишининг олдини олади, унинг ақлини барбод бўлишдан сақлайди. Мана сизга мисол:
Муҳаммад ибн Абдурраҳмоннинг бўйни жуда қисқа бўлиб у кўринмас эди. Гўё боши баданига кириб кетгандек эди. Икки елкаси эса юқорига бўртиб чиққан эди.

У бир куни онасига деди:
- Онажон! Қайси мажлисга бормай, инсонлар менинг устимдан кулишади, масхара қилишади.
Онаси унга деди:
- Ўғлим! Сен илм талаб қил. Илм инсонни кўтаради.
Она тўғри ташхис қўйди. Муҳаммад онасининг насиҳатига амал қилиб илм олди, ҳаракат қилди. Вақти келиб Маккада қози бўлди. Йигирма йил хизмат қилди. Хусуматчилар унинг ҳузурида токи кетгунларича қалтираб ўтиришар эди.

Яна бир воқеа:
Лампочкани ихтиро қилган олим Томас Эдисон болалик пайтида уйига қайтиб: "Онажон! Мана бу хатни мактабдан бериб юборишди" , деб онасига бир мактуб беради. Она мактубга бирров кўз югуртиради. Сўнг кўзи жиққа ёшга тўлиб, мактубни жажжи ўғлига ўқиб бера бошлайди:
"Хоним! Ўғлингиз жуда иқтидорли. Бироқ, бизнинг мактабимиз унинг қобилияти учун кичиклик қилади. У мустақил таълим ола қолсин!".

Орадан бир неча йил ўтди. Томас Эдисон инсоният тарихидаги энг буюк ихтироларни қилди. Онаси вафот этгач, Эдисон унинг шкафини титкилаб ўтириб, ўша мактубни топиб олди. Не кўз билан кўрсинки, мактубда бутунлай бошқа гаплар ёзилган эди: "Хоним! Ўғлингизнинг ақли паст, эртадан бизнинг мактабга бормасин!".
Томас Эдисон узоқ йиғлади. Анчагача ўзини тўхтата олмади. Ниҳоят, хотиралар дафтарига қуйидаги сатрларни ёзди: " Томас Эдисон ғирт калтафаҳм, аҳмоқ бола эди. Лекин онасининг гўзал хизмати сабабли ноёб истедод соҳибига айланди".

Инсонлар ақлли, солиҳа оналарга муҳтождирлар. Улар фарзандлари учун биринчи ғиштни қўйиб беришади.
Қанча-қанча аччиқ сўзлар покиза қалбларни вайрон қилган, истедодларни сўндирган.
Қанча-қанча олимлар деҳқон кийимини кийиб юришибти.
Қанча-қанча ислоҳотчилар кўча тозалашаяпти. Уларни куйдирадиган гаплар тамом қилган.
Бир киши айтган экан:
"Ҳалок бўлган кишининг қандай ҳалок бўлганидан ажабланмаса бўлади. Аммо қутилиб қолган кишининг қандай қутилганидан ҳар қанча ажабланса арзийди!".
Ғазаб вақтида фарзандларимиздан оғзимизни тияйлик. Тилимизни боғлаб қўяйлик. Эҳтимол бизнинг сабримиз фарзандимизни халқимизни етаклайдиган, уни маърифатини оширадиган имом ва олим қилар.
Хунфусонинг онасидан ҳикматни олинг!

Abdulqodir Polvonov

Обуна:
https://t.me/diyonatli

ТАҲОРАТНИНГ ФАРЗЛАРИ

Таҳоратнинг учинчи фарзи – оёқларни ювишдир.

Таҳоратда оёқ қандай ювилади?

• таҳоратда икки оёқ тўпиқлари билан ювилади

Оёқни ювиш билан боғлиқ баъзи масалалар

• агар бир одамнинг қўли, оёғи кесилган бўлса, тирсагидан ва тўпиғидан ҳеч нарса қолмаган бўлса, ювиш соқит бўлади, агар озгина нимадир қолган бўлса, ўша жой ювилади, бу вожиб

• бир одам икки оёғини ёғласа, устидан таҳорат қилса, ёғ остига сув етмаса ҳам, таҳорати дуруст ҳисобланади

• агар танада пашша ёки бурганинг нажосати бўлса, таҳоратдан сўнг тагига сув етмаса, таҳорат дуруст ҳисобланади, чунки бу ҳашаротларнинг нажосатидан сақланиш мумкин эмас

• бир одамнинг танасида ёрилган жойи бўлса, ўша жойни юва олмаса, фарз соқит бўлади, сув қуйса, кифоя. Сув ҳам қуя олмаса, масҳ тортади. Масҳ ҳам торта олмаса, жароҳатни қолдириб, атрофини ювади

#фиқҳ #мажмаулмақсуд #таҳорат

——————

Улашинг:
https://t.me/diyonatli/47


Обуна бўлинг:
https://t.me/diyonatli

ТАЪЗИЯ

Тошкент вилояти вакиллиги жамоаси ва вилоят имомлари юртимизнинг етук қориларидан бўлган, ўн беш йилдан ортиқ Миср давлатида Қуръон қироати ва бошқа илмлардан таҳсил олган, хушовоз ҳофиз, устоз Зайниддин қори Усмоновнинг вафотлари муносабати билан марҳумнинг барча оила аъзоларига, қариндош-уруғларига, сафдошлари ва шогирдларига чуқур ва самимий таъзия изҳор этади.
Марҳумнинг аҳли байтига Аллоҳ таолонинг қазои қадарини розилик ила қарши олган чинакам мўминларнинг мақомини сўраймиз ва барча яқинларига Аллоҳ таоло гўзал сабр берсин.
Устоз Зайниддин қори 1976 йил 24 январь куни Наманган вилоятида таваллуд топганлар. Дастлаб шу ерда устозлар қўлида Қуръон ёдлаганлар. Кейин Мисрга бориб, «Ал‑Азҳар» университетида Қироат маъҳадида таҳсил олганлар. У ерда тажвид бўйича шаҳодатномаларга эга бўлган зот эдилар. Бундан ташқари, 10 хил Қуръон қироатини ватанимизга олиб келган пешқадамлардан эди.

Аллоҳ таоло марҳум Зайниддин қорини Ўз раҳматига олиб, Қуръон қориларига ваъда қилган ажру мукофотларидан баҳраманд қилиб, жаннатларига дохил айласин!
«Сабрлиларга хушхабар берингки, улар ўзларига мусибат етганда «Албатта, биз Аллоҳникимиз ва албатта, биз Унга қайтувчимиз», деганлардир».

Иннаа лиллааҳи ва иннаа илайҳи рожиъуун!

«Албатта, биз Аллоҳникимиз ва албатта, биз У Зотга қайтувчимиз».

Тошкент вилояти вакиллиги матбуот хизмати

“... албатта, намоз мўминларга вақти тайин фарз бўлгандир” (Нисо сураси 103-оят)

2020/1442 Ҳ. ЙИЛ, 27 СЕНТЯБР ЯКШАНБА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

⏰ ТОНГ - 04:59
⏰ ҚУЁШ - 06:16
⏰ ПЕШИН - 12:19
⏰ АСР - 16:25
⏰ ШОМ - 18:13
⏰ ХУФТОН -19:26

Ассалому алайкум ва раҳматуллоҳи ва барокатуҳ!

Абу Ҳурайра Розияллоҳу анҳудан ривоят қилинади:

"Бир киши Набийﷺ га васият қилинг, дедилар.

Набийﷺ :" Ғазабланма" дедилар.


У киши яна бир неча бор қайта сўради.

Набийﷺ:" Ғазабланма" дедилар.

Имом Муслим ривояти.

Изоҳ:

Бошқа ривоятда "Ғазабланма, жаннат сеники бўлади", - деганлар.

-------------
Улашинг:

https://t.me/diyonatli/51