СЕН ОЛАМНИНГ ХЎЖАЙИНИ ЭМАССАН!

Борлиққа нисбатан ер сайёраси океандаги бир томчи сувчалик ҳам эмас. Шундай бўлсада ана шу кичкина сайёрадаги бир бўккан одамча кишиларга: "Мен сизнинг олий роббингизман!", деган эди. Муҳими шуки, ана шу "мен сизнинг роббингизман" деган одамчани бизнинг олий Роббимиз денгизнинг шўр сувига бўктирди. Сўнгра уни инсонларга ибрат бўлиши учун ўчиб қолган жасад ҳолида қирғоққа улоқтирди. Аллоҳнинг биз бандаларига ибрати кўп. Аммо ундан ибратланадиган бандалари оз. Ҳали ҳам баъзилар ўзларини борлиқнинг маркази деб ўйлашади. Ҳамма гўё уларнинг атрофидан айланиши шарт.
Улардан бўлиб қолмаслик учун доимо қуйидагиларни кўз ўнгимизда қўйишимиз лозим:

1. Муҳаббатга эришмоқчи бўлсак уни аввало ўзимиз бошқаларга тақдим қилишимиз керак. Муҳаббатни ҳис қилишимиз учун уни аввало ўзимиз бошқаларга ҳис қилдиришимиз лозим. Ўроғинг ва бошқа асбобларингни кўтариб бир дона дон ташламаган, ўзинг экмаган далага бориб уйингга кўп ҳосил билан қайтиш учун уни йиғиштиргани боришинг аҳмоқликдир. Ҳосилни йиғиштириш учун аввало уни экиш керак.

2. Инсонлар доимий ўзгариб турадилар. Олдинги ўлчовларинг ўзингники, уларники эмас. Тикувчининг олдига кийим тиктириш учун келганингда у сенга бир кийим ҳақида батафсил гапириб берса ва сенинг ўлчовингни олса, сен тиктириш ёки тиктирмаслигингни айтмасдан кетсанг, сўнгра бир ойдан сўнг яна келсанг ўлчовингни бошқатдан олади. Ваҳоланки олдинги ўлчовинг унда бор эди.
Сен моҳир тикувчи бўлгин. Сен бугун олдинги йилдаги каби эмассан. Бошқаларни ҳам олдингидек деб ўйлама!

3. Осмондан тушган ваҳийга ер юзидаги кўпчилик унамади. Ваҳоланки, у ваҳий эди. Шундай экан, улардан сен ҳар-бир гапингга қарсак чалишларини кутма. Фикрларинг қанчалар тўғри бўлмасин, бошқаларнинг фикрини қабул қилмаганингни эсла. Аслида уларнинг фикри тўғри бўлиши мумкин эди. Ўзинг воз кеча олмайдиган ҳақларни бошқалардан ҳам ўзлаштирма.

4. Сен юриш учун танлаган йўлинг бу сенинг йўлингдир. Бу сайёрадаги ҳеч бир инсон сен юрган йўлдан юриши талаб қилинмайди. Тўғри, инсон бошқалар ҳақида чиройли гумон қилиши керак. Аммо чиройли гумон қилиш бошқа нарса, инсонларни чиройли гумонинг остига киришга мажбурлаш бошқа нарса. Одамларни ўз қолипингга солишга уринма. Ер юзида худди ёлғиздек юр.

5. Ибн Холдун роҳимаҳуллоҳ айтади:
"Агар таъм билиш турлича бўлмаганида эди мол бузилар эди!".
Сен учун муҳим бўлган нарсалар бошқа шахслар учун аҳамиятсиз бўлиши мумкин. Улар учун муҳим бўлган нарсалар эса сен учун аҳамиятсиз бўлиши ҳам мумкин.
Ўзгалар ҳаёти уларнинг шахсий мулкидир. Уларни қўй, ўзлари билгандек яшашсин. Турлича бўлиш бу ҳаётнинг асосий қисмидир. Бунга ўзингни мослаштир. Ҳеч нарса ҳаётга четдан келган эмас.

6. Инсонлар гоҳида ўзларини тушунишмайди. Сени қаердан ҳам тушунишсин?!

7. Сен суратнинг бир томонини кўра оласан. Ҳолбуки, суратнинг бошқа томони ҳам бор. Уларни сен аниқ кўра олмайсан. Худди ҳамма нарсани кўрадигандек қарор чиқарма. Ёшлигимда ота-онамга ҳавас қилиб: "Уларга мазза! Ҳеч ким уларга иш буюрмайди!", деб ўйлар эдим. Ота бўлганимдан сўнг фарзанд бўлиб қолавериш қанчалар осон эканлигини англадим. Ота бўлиш қийин экан.
Ўқувчилик пайтимда: "Муаллимларга мазза. Дарс қилмайди, ёдламайди. Дарсини шарҳлаб чиқиб кетаверади!", дер эдим. Катта бўлиб ўқувчи бўлиш мазза эканлигини англадим.
8. Одамларнинг ақли турлича. Сен осонгина тушунадиган нарсани бошқалар қийинчилик билан тушунишади. Бошқалар осонлик билан тушунган нарсани сен уриниб ҳам тушуна олмаслигинг мумкин. Шунинг учун "Ал-кимёгар" асарининг муаллифи Пауло Коэльодир, сен эмассан.
Шунинг учун ҳам Майкрософтнинг эгаси Билл Гейтсдир, сен эмассан!
9. Агар сен бир ишга қодир бўлсанг, бу дегани бошқалар ҳам бунга қодир дегани эмас. Футболчилар тўқсон дақиқа майдонда югуришади. Сен билан мен эса ярим соатда бўларимиз бўлади. Бордию сен бунга қодир бўлсанг аниқки, ер юзининг юздан тўқсони бунга қодир эмас.
10. Суҳбатимиз бошида сенга айтдимки, бахтли бўлмоқчи бўлсанг энг аввало бахтни бошқаларга тақдим қил.
Яхши, энди эшит:
"Ҳамма вақт ҳам бошқалардан ўзинг қилган муомаланг каби муомалани кутма!".

Абдул Қодир САМАРҚАНДИЙ
👉 @diyonatli

​​Marokashda besh yoshli Rayyon ismli bola chuqurligi 32 metr, kengligi 50 sm boʻlgan quduqqa ikki kun avval tushib ketgan.

Aytilishicha, quduq ta'mirlanayotgan va quruq boʻlgan. Qutqaruvchilar bolani holatini quduqqa tushurilgan telefon kamerasi orqali kuzatib turishibti. Bolaga ovqat va suv tushurib berilgan.

Qutqarish ishlari mana uchinchi kun oʻtdi hamki, tunu-kun toʻxtovsiz davom etmoqda. Ammo bolani olib chiqishni hozircha iloji boʻlmagan.

Qutqaruvchilarni aytishicha bola tasofidan tushib ketgan va boshidan ozroq jarohat olgan. Lekin sogʻ salomat.

Butun Marokash halqi bola haqqiga duoda. Hatto oltmish chaqirim masofadan yosh Volid ismli bola kelib, qutqaruvchilardan quduqqa tushush uchun yigʻlab ruxsat soʻragan. Ammo tuproq oʻpirilish xavfi yuqori boʻlgani uchun ruxsat berishmagan. Hozirda quduq yonidan boshqa yana bir chuqur qazilmoqda.

Avvaliga butun Marokash ahli, bugunga kelib esa barcha musulmon olami bolaning haqqiga tinimsiz duo qilmoqda. Siz ham duo qiling. Bafarq moʻmin boʻlmang!

Ey, Yunusni baliq qornidan salomat chiqargan Robbim, Oʻzing bolani chuqurdan sogʻ-salomat chiqargin!
"La ilaha illa anta subhanaka innii kuntu minaz-zolimiyn."

©FF

@FarosatdaFiltrlanganFikrlar

Ботиний фиқҳ | Шайх Муҳаммад Содиқ Муҳаммад Юсуф раҳимаҳуллоҳ

👉 @diyonatli

Ислом мўътадил дин | Абдул Ҳамид домла

👉 @diyonatli

Поклик – иймоннинг ярми | Абдул Ҳамид домла

👉 @diyonatli

ИННАА ЛИЛЛААҲИ ВА ИННАА ИЛАЙҲИ РОЖИЪУУН

Деярли беш кундан бери 32 метрлик чуқур ичида ётган марокашлик Райён қидирувчилар, қутқарувчилар томонидан топиб, олиб чиқилди.

Аллоҳ таолонинг иродаси экан, болажон вафот этибди.

Оч қолган, чанқаган, совуқ қотган ҳолда вафот этди.

Қўрққан, саломатлигини йўқотган ҳолда вафот этди.

Тун ва чуқурлик зулматлари орасида вафот этди.

Оиласидан, онасининг қучоғидан узоқ, ёлғиз ҳолда вафот этди.

Беш кунлик дунёни тарк этиб, раҳмлиларнинг раҳмлиси бўлган Зотнинг ҳузурига кетди.

Абу Мусо Ашъарий розияллоҳу анҳудан Имом Термизий ривоят қилган ҳадисда Расулуллоҳ соллаллоҳу алайҳи васаллам айтдилар: "Агар бирор банданинг фарзанди вафот этса, Аллоҳ таоло фаришталарига: "Бандам фарзандининг руҳини олдингларми?" дейди. Улар: "Ҳа", деб жавоб беришади. Сўнг Аллоҳ: "Қалбининг мевасини қабз қилдингларми?" дейди. Фаришталар яна: "Ҳа", деб жавоб беришади. "Бандам нима деди?" деб сўрайди Аллоҳ таоло. Фаришталар: "Сенга ҳамд ва истиржоъ айтди", дейишади. Шунда Аллоҳ таоло: "Бандам учун жаннатда бир уй қуринглар ва уни "ҳамд уйи" деб атанглар", дейди” (Аллоҳ билувчидир).

Аллоҳ таоло Райённинг ота-онасига ва оиласига чиройли сабр, сабрларига зиёда ажр берсин! Қиёмат куни фарзандлари билан жаннатдаги Ҳамд уйига киришларини насиб этсин!

Аллоҳ таоло Марокаш халқига ва Райённинг вафотидан қалби маҳзун бўлган барчамизга чиройли сабр ва сабримизга берадиган савобу ажрларни зиёда қилиб берсин!

Аллоҳ таоло барчамизнинг фарзандларимизни паноҳида асрасин!

Нозимжон Ҳошимжон

👉 @diyonatli

Намознинг ичидаги фарзлар | Абдул Ҳамид домла

👉 @diyonatli

Поклик иймоннинг ярми | Абдул Ҳамид домла

👉 @diyonatli

НАСАБ ҲИМОЯСИ

Чақалоқлар насаби аралашиб кетмаслиги учун японлар эридан ажралган аёлни кейинги эрга турмушга чиқишдан 100 кун ман қиладиган қонун ишлаб чиқишди.
Улар биз мусулмонлардан 1443 йил ортдалар!

Айман Ёғий

👉 @diyonatli

ҲАҚИҚИЙ БАНДА КИМ?

Инсон бу дунёда бир неча кунлик меҳмондир. Бу дунёга у на ўз хоҳиши билан келади cа на ўз хоҳиши билан кетади. Мазкур вақт оралиғида ўз ҳою ҳавасларига кўра ҳаёт кечиришга банданинг ҳаққи йўқдир.
Унинг Хожаси ва Яратувчиси - Аллоҳ уни йўқдан бор қилди. Бас, инсон Унинг амри билан бу дунёга келади ва Унинг амри билан дунёни тарк этади. Одамзот Аллоҳнинг буйруқларига қулоқ солиб, амал қилиб яшаса, нажот топади.
Яшашдан мақсад - Аллоҳ таолога бандалик қилиш, ҳаётдан мақсад эса Аллоҳ таолога қулликни ўз ўрнига қўйган киши ҳақиқий маънодаги бандадир. Аксинча бўлганида эса, у нопоклик, ёлғон-яшиқ ва алдов исканжасига тушиб қолган бўлади.

Шайх Мавлоно Зулфиқор Аҳмад Нақшбандий

👉 @diyonatli

Қиз фарзанднинг фазилати | Абдул Ҳамид домла

👉 @diyonatli

Қиз фарзанднинг фазилати | Абдул Ҳамид домла

👉 @diyonatli

ФОТИҲЛАР СУЛТОНИ
Амр ибн Ос розияллоҳу анҳу

Амр ибн Ос розияллоҳу анҳу ниҳоятда ақлли, илмли ва шу билан бирга ўзига хос сиёсатчи ҳам эдилар. Қўмондонликда ҳам ўз журъати ва жасорати ила шуҳрат топганлар. Шунинг учун ҳам у зотга “Миср фотиҳи” унвони берилганди.
Амр ибн Ос розияллоҳу анҳу Фахри Коинот соллаллоҳу алайҳи вассаллам жанобимиздан исломдан аввал қилган гуноҳларининг авф этилиши ҳақда сўрадилар. Расули Акрам соллаллоҳу алайҳи вассаллам:
– Ислом ўзидан олдинги гуноҳларни ўчиради, – деб марҳамат қилдилар.

Амр ибн Ос розияллоҳу анҳу Исломни қабул қилгач, олдинги қилган гуноҳлари ва хатоларидан қаттиқ пушаймон бўлдилар. Исломга хизмат қилиш, мушрикларга қарши курашиш учун бор кучини сафарбар этдилар.
Бир одам Амр ибн Ос розияллоҳу анҳудан сўради:
– Сиз ақлли одамсиз, нима учун Исломни кеч қабул қилдингиз?
– Биз ёш ва ақл жиҳатдан биздан устун турувчи кимсаларга қулоқ солардик. Улар Расулуллоҳ соллаллоҳу алайҳи вассаллам Пайғамбар қилиб юборилгач, уни қабул қилмадилар. Биз эса уларга бўйсундик. Улар кетиб навбат бизга келгач, тафаккур қилдик, ўйладик ва очиқ-ойдин кўриниб турган ҳақиқатни англаб етдик. Шу тарзда Ислом қалбимга кирди. Расулуллоҳ соллаллоҳу алайҳи вассалламнинг яхшилик қилганга ўлгандан сўнг яхшилик, ёмонлик қилганга эса ўлгач ёмонлик етишига ҳаётим бўйи амин бўлдим. Бузуқлик ва ботилликни ташламаган кимсада ҳеч қандай хайр ва фойда кўрмадим.

Амр ибн Ос розияллоҳу анҳу Абу Бакр розияллоҳу анҳунинг халифалик чоғиларида Уммон халқини, кейинчалик эса Бани Қудо халқини Ислом динига киргазишга муваффақ бўлдилар. Шундан сўнг Абу Бакр розияллоҳу анҳу томонидан Шомни фатҳ этиш учун йўлландилар.
Бош қўмондон Холид ибн Валид томонидан бошқарилган қўшин билан Ярмуқ муҳорабасида буюк қаҳрамонликлар кўрсатдилар ва Шураҳбил ибн Ҳасан розияллоҳу анҳу билан бирга қўшиннинг ўнг қанотини бошқардилар.

Амр ибн Ос розияллоҳу анҳудан қирқта ҳадиси шариф ривоят қилинган. Умрининг охирги дамларида хасталаниб, зиёратига келганларга шундай дер эдилар:
– Мен Исломдан олдин катта хатолар қилдим. Расулуллоҳ соллаллоҳу алайҳи вассалламга кўп ёмонликлар қилдим. Агар мусулмон бўлиб, Расулуллоҳ соллаллоҳу алайҳи вассалламнинг авфларига эришмаганимда, мутлақо дўзахий бўлардим. Аллоҳга ҳамдлар бўлсинки, ул зоти шарифга байъат қилиб таслим бўлдим. Ислом олдинги қилган гуноҳларимга боқмади.
У зот Милодий олти юз эллик саккизинчи йили оламдан ўтдилар.

Расулуллоҳнинг қирқ юлдузи
(Саҳобалар ҳаётидан лавҳалар) 1-китобдан

👉 @diyonatli

Қизи борларга жаннат башорати | Абдул Ҳамид домла

👉 @diyonatli

БУТУН ОЛАМ АЛЛОҲ ТАОЛОНИНГ БОРЛИГИДАН ХАБАР БЕРМОҚДА

Ушбу мақолада мисрлик мутафаккир доктор Мустафо Маҳмуд раҳимаҳуллоҳ фикрларининг баъзилари билан танишиб чиқамиз.

Агар, (фаразан) охират бўлмаганида, унда уни пайдо қилиш, вужудга келтириш лозим бўларди. Чунки, бу дунёни хоинлар, порахўрлар, каззоблар, мунофиқлар, қотиллар эгаллаб олдилар. Дунёда пасткашу пандавақилар ўзларини катта деб ҳисоблаяптилар. Қонхўрлар ҳокимлик қилиб, дажжоллар ғолиб деб топиляпти..

Покиза инсонлар эса ўра ва ғорларни (уйларини) ихтиёр этдилар. Уйларининг деворлари билан қўрғонланиб, машаққат ила топган ҳалол луқмаларини ҳимоя этмоқдалар. Муваффақиятга эришишнинг нопок кўчаларидан узоқлашдилар. Улар машҳурлик ботқоқликларидан ва обрў сирпанчиқларидан четландилар.

******

Умидсизлик нечун?! Ахир бетакрор оламнинг тасвири, ундаги чирой, низом, ҳикмат (мустаҳкамлик), аниқ тартиб, (буларнинг барчаси) тарозуси хато қилмайдиган Одил, неъмат беришдан тўхтамайдиган Карим Илоҳнинг борлигидан хабар бермоқда-ку!

Дунёни яқиндан кўриб, умид қилишимиз учун нега ўрамиздан чиқиб, қобиғимизни синдириб, бошимизни чўзмаймиз?!

******

Ҳар бир мусулмон шариат таёғини аввало ўзининг устида кўтарсин! Шариатни ўз ҳаётида, уйида татбиқ этсин, ўзгаришни ўзидан бошлаб, аввал ўзини ўзгартирсин!

******

Бу ҳаётингдаги берадиган энг афзал ҳадянг:

Душманингни кечиришинг;

Хусуматчинга сабр қилишинг;

Дўстинга нисбатан ихлосли бўлишинг;

Фарзандлар учун гўзал намуна бўлишинг;

Ота-онанга яхшилик қилишинг;

Ўзингни ҳурмат қилишинг;

Барча инсонларга муҳаббатли бўлишинг.

Аллоҳ таоло Мустафо Маҳмудни раҳматига олсин!

Интернет маълумотлари асосида Нозимжон Ҳошимжон тайёрлади.

👉 @diyonatli

ТИНЧЛАНИНГ

Сафийя бинт Ҳуяй розиёллоҳу анҳо онамиз ривоят қиладилар:
“Расулуллоҳ саллоллоҳу алайҳи ва саллам масжидда эътикофда эдилар. Кечаси у кишини зиёрат қилгани келдим. У киши билан гаплашиб ўтирдим. Кейин қайтмоқчи бўлдим. Мени уйимга элтиб қўйиш учун ўрниларидан турдилар. Бирга кетаётганимизда ансорийлардан икки киши ўтиб қолди. Улар Набий саллоллоҳу алайҳи ва салламни кўриб қадамларини тезлатишди. Набий саллоллоҳу алайҳи ва саллам:
-Тинчланинглар! Бу онангиз Сафийя, дедилар.
Улар:
-Субҳаналлоҳ эй Аллоҳнинг Расули! – дейишди.
Бу билан “Келиб-келиб сиздан гумон қиламизми, эй Аллоҳнинг Расули?!”, демоқчи бўлишди.
Набий саллоллоҳу алайҳи ва саллам дедилар:
-Шайтон инсоннинг қон томирида юради. Мен у сизнинг қалбингизга бир ёмонлик ташлашидан қўрқдим!

Бу ерда биз тафаккур қилишимиз лозим бўлган икки ҳодиса бор:
Биринчиси: Мадинадаги тинчлик ва омонлик. Бордию Сафийя онамиз розиёллоҳу анҳо уйларига ёлғиз қайтганларида ҳам ҳеч ким у кишига тажовуз қилмас эди. Аммо Набий саллоллоҳу алайҳи ва саллам эътикофларини тўхтатиб онамизни кузатиш учун қўзғолдилар. Расулуллоҳ саллоллоҳу алайҳи ва саллам Сафийя онамизнинг йўлни яхши билишларини билар эдилар. Фақатгина у зот саллоллоҳу алайҳи ва саллам суюкли завжаларига: “Сен мен учун муҳимсан!”, демоқчи бўлдилар.
Гоҳида завжангизга “Мен сени севаман!”, дейишингиз шарт эмас. Биз назарга илмайдиган арзимас нарсалар бор. Баъзан ана шундай оддий ҳаётий тафсилотлар мингта “севаман” дан устун бўлади. Аёлингизнинг оғзига бир луқма таом солиб кўрганмисиз?! Ёки кўчадан кесиб ўтаётиб қўлидан тутганмисиз?! Ёки совуқ кечада курткангизни ечиб елкасига ташлаганмисиз?!
Бу нарсалар сиздан кўпа нарса талаб қилмайди, аммо завжангиз учун бу кўп нарсадир!
Иккинчиси: Расулуллоҳ саллоллоҳу алайҳи ва саллам гарчи шак ва гумонлардан юқори турсаларда, у зот саллоллоҳу алайҳи ва саллам гарчи замзам суви каби покиза бўлсаларда, дунёда бу киши каби тақводор инсон ўтмаган бўлсада ҳалиги икки кишини тўхтатиб ёнларидаги аёл Сафийя онамиз эканликларини уларга англатаяптилар. Саййидимиз саллоллоҳу алайҳи ва саллам бизга инсоннинг фақатгина ҳаромдан тўхташининг ўзи кифоя қилмаслигини, бунга қўшимча ўлароқ у бошқалар ҳақида “булар ҳаром иш қилаяпти” деган гумондан ҳам сақланиши лозимлигини ўргатмоқдалар.
Бошқалар биз ҳақимизда ёмон гумон қилмаслиги учун биз ҳам улар ҳақида ёмон гумон қилмаслигимиз лозим. Инсоннинг табиати ёмон гумонга ўч бўлади. Мисол учун, сиз ароқ ичиладиган даврада ўтириб уларга ароқнинг ҳаромлиги ҳақида гапириб турган бўлсангизда, сизни ароқхўрлар билан узоқдан кўрган инсон бу ҳам ароқ ичар экан деб ўйлайди. Насиҳатнинг ҳам ўз жойи ва вақти бўлади.
Қолаверса, одамлар ҳақида ёмон гумон қилмаслигимиз керак. Бир киши бир қиз билан гаплашиб турган бўлса уни дарров маъшуқаси деб ўйламаслигимиз керак. Эҳтимол сиз миянгизда ёзаётган ривоятни шайтон сизга айтиб тургандир!
Бир киши осий инсон билан гаплашиб турган бўлса, бу дегани у ҳам осий дегани эмас.
Ҳаёт гоҳида бозорга ўхшайди. Унда умуман бир-бирига алоқаси бўлмаган кишилар учрашади. Қурол дўконида ов милтиғи ҳам сотилади, инсонларни қатл қиладиган милтиқ ҳам сотилади. Инсонларнинг ниятига биз хўжайин эмасмиз!

Абдул Қодир САМАРҚАНДИЙ

👉 @diyonatli

Қизи борларга жаннат башорати | Абдул Ҳамид домла

👉 @diyonatli

ФИҚҲ АБУ ҲАНИФАНИНГ ФИҚҲИДИР!

Китоб ва суннатга энг яқин мазҳаб Ҳанафий мазҳабидир. Ақл ва мантиққа энг мувофиқ келадиган мазҳаб Ҳанафий мазҳабидир. Шариат мақсадларига энг яқин мазҳаб Ҳанафий мазҳабидир. Бандаларга энг енгил мазҳаб Ҳанафий мазҳабидир. Дунёда энг кенг тарқалган мазҳаб Ҳанафий мазҳабидир. Маҳкамалар учун энг собит ҳукм Ҳанафийлар ҳукмидир.
“Шарҳи маъонил осор”ни ўқиган ва у ҳукм қилгани каби ҳукм қилган киши бунга амин бўлади. Бунга далил бу мазҳабнинг кенг тарқалгани, кишиларга мақбул бўлганидир!
Исломдаги буюк имомлар имом Абу Юсуф Яъқуб ибн Иброҳим ва имом Муҳаммад ибн Ҳасан Шайбонийлар Абу Ҳанифа роҳимаҳуллоҳнинг шогирди ва тобелари эканлиги бу мазҳабнинг буюклигига етарлидир аслида. Вакиъ ибн Жарроҳ роҳимаҳуллоҳ ҳам Абу Ҳанифа роҳимаҳуллоҳнинг тобеларидан. Бу кишидан имом Бухорий роҳимаҳуллоҳ ҳадис ривоят қилган. Бу киши ҳақида имом Аҳмад ибн Ҳанбал роҳимаҳуллоҳ: “Ундан кўра ҳифзи кучли инсонни кўрмаганман!”, деганлар. Хатиб Бағдодий роҳимаҳуллоҳ айтади: “Вакиъ Абу Ҳанифа роҳимаҳуллоҳнинг гапи билан фатво берар эди. У кишидан жуда кўп нарса эшитган эди”.
Жарҳ ва таъдил илмининг асосчиси Яҳё бин Саъид ал-Қаттон роҳимаҳуллоҳ: “Биз унинг кўп гапларини олдик!”- дейди.
Ҳадис имомларидан бўлган, имом Бухорий ва имом Муслимнинг замондошлари имом Таҳовий роҳимаҳуллоҳ Шофиъий мазҳабини тарк қилиб Абу Ҳанифа роҳимаҳуллоҳнинг мазҳабини танлаганлар. Буюк мужтаҳидлардан Суфён Саврий роҳимаҳуллоҳ кўп масалаларда Абу Ҳанифа роҳимаҳуллоҳга мувофиқдир. Абу Юсуф роҳимаҳуллоҳ айтар эди:
“Аллоҳга қасамки, Суфён Саврий Абу Ҳанифага мендан кўра кўпроқ эргашади!”.
Ҳадис илмида мўъминлар амири бўлган Абдуллоҳ ибн Муборак роҳимаҳуллоҳ Абу Ҳанифа роҳимаҳуллоҳнинг машҳур тобеларидан ҳисобланади. Абдуллоҳ ибн Муборак роҳимаҳуллоҳ айтади: “Агар менга Абу Ҳанифа ва Суфён Саврийларнинг ёрдами бўлмаганида мен ҳам бошқа инсонлар каби бўлар эдим!”.
Ҳамма Абу Ҳанифа ва у зотнинг асҳобларидан ҳайиқар эди. Уларнинг ҳайбати бор эди. Имом Розий ўзининг “Маноқибуш Шофиъий” номли китобидан Ҳанафийларни сифатлаб айтади:
“Дунё муҳаддислар ва ровийларига тўлган пайтда Асҳоби раъй(Ҳанафийлар) ўз мазҳабини ғолиб қилди. Ўшанда ҳеч ким уларнинг қавлларини таъна қила олмаган эди!”.
Абу Ҳанифа мазҳаби илм даҳолари ҳузурида ёзилди, китобга туширилди. Абу Ҳанифа роҳимаҳуллоҳнинг ҳузурида турли илмнинг дарғалари жамланди. Улар қирқ киши эди. Яҳё ибн Аби Зоида, Ҳафс ибн Ғиёс, Қози Абу Юсуф, Довуд Тоийлар ҳадис ва асарларда, имом Зуфар роҳимаҳуллоҳ истинботда, Қосим ибн Маън ва Имом Муҳаммадлар араб тилида тенгсиз эдилар. Улар бу мазҳаб аҳкомларини ўттиз йил ёзишди. Ҳар бир масалани ёзишдан олдин уни муҳокама қилиб баҳслашишар эди. Имом Таҳовийнинг зикр қилишича, мажлисда барча ҳозир бўлмаса ўша масалани ёзишмас эди.
Энди Абу Ҳанифа мазҳабининг сиёсий ва қозиликка оид томонини зикр қилсак мавзу узайиб кетади. Аллома Мунозир Ҳасан Кийлоний урду тилида 700 саҳифали “Абу Ҳанифанинг сиёсий ҳаёти” номли китоб ёзган. Мазкур китобда волийлар Абу Ҳанифа ва унинг асҳобларидан қанчалар ҳайиқишганини зикр қилган. Унга яқинлашишга уринишганини айтган. Абу Ҳанифа роҳимаҳуллоҳнинг шогирдлари ислом оламида қозилик мансабида ўтиришганини, устозлари шавкати ва виқорини қайтариб олишганини зикр қилган!
Бизга динни енгил ва мукаммал ҳолатда етиб келишига ўз ҳиссасини қўшган мужтаҳид уламолардан Аллоҳ рози бўлсин! Бизнинг номимиздан ҳам уларни мукофотласин!


Абдул Қодир САМАРҚАНДИЙ

👉 @diyonatli

АЛЛОҲ МЕНИ СЕВАДИМИ?

Шайх Али ат-Тонтавий (Аллоҳ раҳмат қилсин) деди:
- Мени Аллоҳ севадими?
Бу савол мени ўзига жалб этди. Шунда Аллоҳ таолонинг муҳаббати Унинг бандасига Китобида зикр қилинган сифатлар борларгагина келиши ёдимга тушди.
Хотирамни бирма-бир варақлаб, ўзимни уларга муносибманми йўқми солиштириб чиқдим.
Билдимки, Аллоҳ таоло муаттақийнларни яхши кўрар экан. Мен эса ўзимни муттаққийн деб ҳисобламайман.
Яна билдимки, Аллоҳ таоло сабрлиларни яхши кўрар экан. Шунда ўзимнинг сабрим камлиги ёдимга тушди.
Билдимки, Аллоҳ таоло муҳсинларни севишини кўрдим. Мен қанчалар бу нарсалардан йироқмана!?
Мен излашни бас қилдим. Чўчидим..."ўзимда Аллоҳ севадиган сифатларни топа олмасам-чи", деб қўрқдим. Ва амалларимга боқдим...
- Эй Аллоҳ, агарда сустлик, гуноҳ, доғ ва нуқсонлар бир-бирлари билан аралашиб, кўпайиб кетган бўлса-чи?
Шунда Аллоҳ таолонинг ояти ёдимга тушди:
"Албатта, Аллоҳ тавба қилувчиларни севади"
Бақара сураси, 222-оят.
Шу захоти бу оят менинг учун ва менга ўхшаганлар учун нозил этилганини тушуниб етдим ва маромига етказиб қўйдим.

👉 @diyonatli

Қиз фарзанднинг фазилати | 2-қисм | Абдул Ҳамид домла

👉 @diyonatli