Ҳозир шароит яхши-ку сафарда намозни қаср қилмасак ҳам бўлса керак? | Ҳасанхон қори Яҳё Абдулмажид

👉 @diyonatli

ҲИКМАТ

Одамларга "Дининг нима?", "Рўза тутасанми"? каби саволларни берманг. Бундай савол билан бандани ёлғиз Aллоҳ сўроқ этишга ҳақлидир.

Уларга "Очмисан?", "Ейишга таоминг борми?", "Сенга қандай ёрдам бера оламан?", "Ҳаммаси жойидами, муҳтожлигинг йўқми?" қабилидаги, бандалар орасида сўралиши лозим бўлган саволларни беринг.

Фотиҳ Султон Меҳмет

👉 @diyonatli

ИБРАТЛИ ҲИКОЯТ

Мўғул татарларнинг саркардаси Хўлагуҳоннинг қизи Боғдод шаҳрининг кўчаларида сайр қилгани чиқди, сайр қилар кезида уни атрофида одамлар жамланиб ўтирган бир кишини кўрди. У ҳақида сўраса, у мусулмонларнинг олими деб жавоб беришди. Саркарданинг қизи ўша олимни олиб келишини буйриди, келганидан сўнг олимдан сўради:
- Сизлар Аллоҳга иймон келтирмаганмидинглар?
- Ҳа албатта, деб жавоб берибди олим.
- Аёл: Сизлар Аллоҳ хоҳлаган кимсасига нусрат беради деб даъво қилсасизлар, шундайми?
-Ҳа албатта!
- Нусратни Аллоҳ бизга бермадими?
- Ҳа албатта, сизларга берди!
- Демак шундай экан биз Аллоҳга сизлардан кўра суюклироқ эканмиз, шундайми?
- Йўқ албатта!
-Нега?
- Сен чўпон ким эканлигини биласанми? Деди олим.
- Ҳа албатта, биламан!
- Унинг қўйлари билан бирга ити ҳам бўлади, шундайми?
- Ҳа шундай!
- Агарда ўша чўпонннинг қўйлари боқаётган жойидан қўйлари ташқарига чиқиб, узоқлашиб кетаётган бўлса, у нима қилади?
- Уларни қайтариш учун итини жўнатади!
- У ит қачонгача қўйларни қайтаради?
- Қачоники ўша боқаётган ҳудуди ичига киргунига қадар!
- Ҳудди шунингдек эй мўғуллар сизлар ҳам Аллоҳнинг еридаги итларисизлар ва биз ҳам шу қўйлар каби Аллоҳнинг ҳудудидан чиқиб, тарқоқ бўлиб юрар эканмиз, ва шунингдек шу ислом ҳудудига кирмагунимизга қадар сизлар ҳам итларни сингари орқамизда қолаверасизлар.

👉 @diyonatli

Тинчлик | Анвар домла

👉 @diyonatli

ИБРАТ

Дўстимнинг тилидан бир воқеани айтиб берай.
"Ишхонамиз Беш ёғочда. Карантин вақти, кўчалар деярли бўш. Биз ҳам иш камидан касбдошлар билан кўча эшик олдида гаплашиб ўтирибмиз. Олисдан бир эркак киши кўринди. Ҳеч ким бўлмагани боис дарров кўзга ташланди. Одми кийинган, устида эски кастюм, бошида водий дўппи. Олдимизга яқинлашиб рўпарамизда бироз туриб қолди. Сўнг юзланиб гап бошлади:
- Ассаламу алайкум, акалар.
- Ваалайкум ассалам.
- Акалар, ўғлим бетоб. 16 да ётибди. Худога шукур, ҳозир аҳволи анча яхши. Шифокорлар уйга рухсат беришди. Лекин ҳали тўлиқ тузалмагани боис тез ёрдам машинасида олиб кетиш керак экан. Ўзи иш йўқ. Камига дори билан бўлиб чақам ҳам қолмади. Машина гаплашсам жуда қиммат сўрашяпти. Шунга Юнусободда (бошқа манзил бўлиши ҳам мумкин) вазирликка бориб бепул машина сўраб келяпман. Ишим битмади. Ҳали яна боришим керак. Бирон ишларинг бўлса айтинглар, қилиб берай.
Орамизда раҳбаримиз ҳам бор эдилар. У кишининг гапларини эшитиб 1 млн бериб юборишимни буюрдилар. Хонадан пул олиб аканинг олдилари чиқиб пулни узатдим.
- Нима бу? Мен садақа сўраётганим йўқ. Иш бўлса айтинг, бўлмаса керакмас.
Аввало қатъиятларига, ғурурларига қойил қолдим. Мардликларидан уларга ҳурматим ортиб аста тушунтирдим.
- Ака, олаверинг, бу садақа эмас. Шунчаки ҳадя. Ишингизни битириб олинг. Аллоҳ мушкулингизни осон қилсин.
Жаҳллари чиқиб, тескари қараб кетиб қолдилар. Индолмай ортларидан кузатиб қолдим. Юз метрча юргач тўхтаб қолдилар. Бир тургач ортга қайта бошладилар.
- Барака топкурлар, хонангизни бўлса ҳам артиб, супуриб берай.
Вазиятни тушунган раҳбаримиз рози бўлдилар. Ишхонамиз ошхонасини, йўлагини артиб, супурдилар. Идишларни ювдилар. Кейин ташқарига чиқдилар. Раҳмат айтиб ҳалиги пулни узатдим. Санаб кўриб, "Бу ерда жуда кўп, рози бўлсангиз шуниси оламан" деб, икки юзминг олиб, йўлларида давом этдилар".
Бизнинг таъмагир жамиятимизда бундай инсонлар қаҳрамондек кўринади. Ғайриоддий ҳодиса ҳисобланади. Бироқ, шундай мард кишилар ҳам ҳамон орамизда кўп.
Энди бу эркакнинг мардлигини бир четга суриб, оталик тарафига назар ташлайлик.
Ота... Оталар фарзандлари учун заҳар ичишга, аҳлат титишга, очидан ўлишга, жонини беришга иккиланишсиз тайёр бўлган зотлар. Бетоб фарзанди учун зарурият бўлса юзлаб чақирим пиёда юришга, танимаган инсонларига бош эгишга, уни кирини тозалашга, камига бу ишидан ҳеч қандай орланиш ҳиссини туймайдиган зотлар.

Абдуқодир МУҲАММАДРАСУЛ

👉 @diyonatli

САНОҚ

(Табассум вақти)

Қадимда Кавказ тарафларда узоқ йиллар бирга яшашган бўлсалар-да, бирон бир жанжал нималигини билмайдиган чол-кампир ўтган эдилар.
Бир куни шунча йил ҳеч бир низо жанжалсиз кечирилган турмушнинг сирини сўрашди.
Момо ҳикоя қиладилар:
– Қизлигимда мени сўраб қўшни қишлоқдан совчилар келишди. Ота-онам рози бўлишди. Тўй бўлди. Куёв мени от-аравада ўз қишлоғига олиб кетди.
Йўлда кетар эканмиз, от бир марта тепинди. Эрим:
– Бир, – деди.
Яна бир оз йўл юрганимиздан сўнг от яна тепинди. Эрим ғазабланиб:
– Икки,– деди.
Йўлда давом этдик.
Манзилга етай деган эдик. От учинчи марта тепинди.
Эрим:
– Уч, – деб, дарҳол аравани тўхтатди. Жаҳл билан милтиғини олиб отни отиб ташлади.
Мен эримнинг бу жоҳиллигидан ҳайратда қолдим. Унга бақирдим:
– Сен қандай шафқатсиз инсонсан? Шу иш учун жониворни ўлдириш шартмиди?
Эрим менга қараб:
– Бир, –деди.
– ...
Бу сўз менга бир умрга етарли бўлди.
Шундан сўнг орамизда ҳеч низо чиқмади.

👉 @diyonatli

ИСТИҒНО

(Н а ф с и м г а ў г и т л а р)

Истиғно, эхтиёж соҳиби бўлмаслик ёки эхтиёжини ҳеч кимга арз этмаслик, ўз имконияти доирасида кун кечириб, ҳеч кимга эхтиёж қўлини очмасликдир. Биринчиси Аллоҳга оиддир. Сомад бўлгани учун ҳеч нарсага мухтож эмас. Иккинчиси эса, махлуқотга оид. Аллоҳдан бошқа ҳеч кимга илтижо қилиб нарса сўрамайди.
Бундай кишилар моддий жиҳатдан дунёдаги энг фақир одам бўлишлари мумкин. Аммо, улар маънавий оламнинг султонларидирлар. Ҳаётларини кўнгил тўқлиги билан ўтказадилар. Доимо иззатларини сақлайдилар.

Таваккул, қаноат ва иқтисод шундай бир ҳазина ва бир бойликки, ҳеч бир нарса билан алмашилмайди. Одамларга юзланиш, шундай ҳазинанинг эшигини ёпилишига сабаб бўлишини солиҳлар яхши билганлар.

Ҳадялашмоқ эса, буюрилган гўзал ишдирки, мўъминлар орасидаги ўзаро муҳаббат ва дуога сабаб бўлади. Ҳадя, яхши кўрган инсонига жавоб кутмасдан, холис, фақат Аллоҳ учун бир нарса беришдир.

Истиғно деб, инсонларга ўзининг эхтиёжини билдирмасликка ва ҳеч кимдан ҳеч нарса сўрамасликка айтилади.

Инсон доимо Аллоҳга мухтож эканини унутмаслиги керак. Ўз эхтиёжини ҳар онда Ундан сўраши керак. Инсонларга нисбатан эса, ҳар доим мустағний ва иззатли муносабатда бўлиши керак.

Усмон КЎКЧАЛИК

👉 @diyonatli

ФАРЗАНД УЙҒОТИШ

Фарзандингизни уйғотишдан олдин унинг ёнида уч дақиқа ўтириб, паст овозда «Оятул курси» билан икки «Қул аъузу» сураларини ўқинг. Кейин уни оҳиста уйғотинг. Бақир чақир ўрнига тасбеҳ айтинг. Аллоҳни севдирадиган сўзлар айтинг, «Аллоҳ ризқимизни кенг қилсин», «Аллоҳ сизларни ёрлақасин» денг. Фарзанд Аллоҳни яхши кўриб улғайса, У Зотга гуноҳ қилишдан қўрқади, солиҳ амаллари билан тенгдошлари орасида ажралиб туради.
Эй Мусо алайҳиссаломни чақалоқ пайтида сақлаб қолган Зот! Ўғил-қизларимизни ҳаёт фитналаридан сақла!
Аллоҳим! Фарзандларимизни солиҳлардан, ота онасига яхшилик қилувчилардан қил!

👉 @diyonatli

БАРАКА СИРИ

Мавлоно Жалолиддин Румий хазратларидан сўрашди:

- Нимага қўйлар доимий истеъмол ва қурбонлик мақсадида сўйилишига қарамай насли қирилиб кетмайди? Аксинча кўпайгани кўпайган. Вахоланки, қўйлар йилига бир ёки икки марта биттадан, баъзан иккитадан туғади. Лекин итлар сўйилмаса хам, бирдан ўнта болаласа хам кўпаймайди. Қўйлар каби сурув бўлиб кетмайди?
Мавлоно жавоб бердилар:
- Тонгга яқин вақт энг баракотли вақтдир. Бу вақтда қўйлар хеч ухламайди. Доим уйғоқ бўлади. Итлар эса кечаси билан санғиб, айни шу вақтда ухлаб қолиб, ғафлатда бўлади. Қўйлар тонг баракотидан бахраманд бўлишади. Итлар эса бу баракотдан бебахра қолишади. Шунинг учун қўйлар кўпайгани кўпайган. Бас, ризқингиз кенг бўлишини хохласангиз, сахарлари бедор бўлинг.

👉 @diyonatli

Masjidda Kaʼbaning rasmi

Shayx Muhammad Sodiq Muhammad Yusuf rahimahulloh

👉 YouTube orqali ko'rish uchun

Telegram | Facebook | Instagram | Youtube

Намозда ният | Абдул Ҳамид домла

"Кифоя" ва бошқа фиқҳ китобилари асосида.

👉 @diyonatli

БУНИ ҲЕЧ КИМГА АЙТМА!

Туясини миниб чўлда кетаётган бир бадавий, чанқоқдан лаблари қуриб, ёрилиб кетган бир кимсага дуч келибди. Муҳтож кимса бадавийни кўргач, бир қултим сув сўрабди. Бадавий туясидан тушиб, сув узатибди. Сувни ичиб, жонига оро кирган кимса кутилмаганда бадавийни итариб юбориб, туяга минганча қоча бошлабди.
Бадавий бўлса орқасидан бақириб: -"Майли, туя сеники бўлақолсин, розиман. Лекин сендан битта илтимосим бор. Бу воқеани зинҳор ҳеч кимга айтмагин!", дебди.
Буни эшитган қароқчи таажжубланган ҳолда бир зум тўхтаб сабабини сўрабди.
"Агар айтсанг, - ушбу хабар ҳамма ёққа овоза бўлиб, инсонлар иккинчи бор чўлда муҳтожларни кўрганида ёрдам бермай қўйишади" - деб жавоб берибди Бадавий.

Ўша бадавийдек дардимиз туя эмас, ёмонликнинг ёйилмаслиги бўлганида эди!!!

Абдулҳодий Юсуф

👉 @diyonatli

Ш У Ҳ Р А Т П А Р А С Т Л И К

( Ҳ у б б и ж о ҳ )

Инсондаги энг заиф томирлардан бири, бу ҳубби жоҳдир. Яъни, шуҳратпарастлик ҳиссидир.

Ислом ва Қуръон хизматидаги инсонлар бу ҳисга алдансалар, охиратдаги зарари катта бўлади.

Шуҳратга муҳаббат қўйиш жиҳатидан ҳийлаларга дуч келинса, унга қарши шундай дейиш керак:

«Аввало, Аллоҳнинг розилиги, Раҳмоннинг илтифотлари ва Унинг ҳузурида амалларимнинг қабул бўлиши, шундай бир обрў, шундай бир мақомдирки, инсонларнинг менга юзланиши, уларнинг мақтовлари, унга нисбатан бир зарра ҳукмидадир. Агар раҳматнинг юзланиши бор экан, у менга кифоядир.

Инсонларнинг мақтовлари, у раҳматнинг инъикоси ва сояси бўлса мақбулдир. Йўқса, орзу қилинадиган бир нарса эмасдир. Чунки, бу нарсалар қабр эшигига борганда сўнади, у тарафда беш тийинлик фойдаси йўқдир.»

Агар инсондаги шуҳратга муҳаббат ҳисси сўндирилмаса, у ҳолда, у ҳиснинг юзини бошқа тарафга буриш лозим бўлади. Яъни, ухровий савоб учун, инсонларнинг дуоларини олиш нияти билан, хизматининг ҳусни таъсири нуқтасида, қуйида келадиган тамсилдаги маънога кўра, балки у ҳиснинг шаръий бир жиҳати бўлиши мумкин!

М И С О Л:

Жуда улкан бўлган бир масжидни тасаввур қилайлик. У масжид фозил ва комил инсонлар, муборак ва муҳтарам зотлар билан тўла. Айни вақтда, масжиднинг у ер-бу ерида уч-тўртта, даҳлизда ва эшикда тўполончи болалар ва аҳмоқ ахлоқсизлар, масжиднинг деразаларидан қараб турган ажнабийларнинг эрмакпараст сайёҳлари ҳам бор. Бир одам у масжидга кириб жамоатга қўшилса ва гўзал овоз билан ширин бир тарзда Қуръондан бир ашр ўқиса, бу иши билан мингларча аҳли ҳақиқатнинг назарларини ўзига қаратади. Унинг бу амали улар томонидан чиройли қаршиланади. Улар маънавий бир дуо билан, у одамга бир савоб қозонтирадилар.

Аммо, унинг бу феъли у ердаги ҳалиги тўполончи болаларга ва сарсари динсизларга ва уч-тўртта ажнабийларга ёқмайди.

Агар у одам, у муборак масжидга, у улкан жамоат ичига кирганида, пасткашлик қилиб адабсизларча, фаҳшга оид қўшиқларни бақириб айтса, рақсга тушиб жилпангласа, бу иши билан ҳалиги болаларни кулдиради, у сарсари ахлоқсизларни фаҳшга ташвиқ этгани учун, бу иши уларга ёқади. Исломиятнинг қусурини кўришлик билан лаззатланадиган ажнабийларнинг истеҳзокорона табассумларини ўзига жалб этади.

Лекин, у муаззам ва муборак жамоатдагиларнинг ҳар бирининг нафрат ва таҳқирларига дучор бўлади. Улар бу одамга, энг тубан одамга қарагандек қарайдилар.

Бу бир мисол эди. Ҳақиқати шу:
Ислом олами гўё муаззам бир масжиддир. Ичидаги аҳли иймон ва аҳли ҳақиқат инсонлар, у масжиддаги муҳтарам жамоатдир. У тўполончи болалар эса, болаларча ўйлайдиган аҳмоқлардир. У сарсари ахлоқсизлар, оврўпапараст, миллиятсиз, динсиз ҳарифлардир. Ажнабий сайёҳлар эса, ажнабийлар афкорининг ноширлари бўлмиш журналистлардир.

Ҳар бир мусулмоннинг, хусусан аҳли фазл ва комил инсонларнинг, бу масжидда даражасига кўра бир жойи бўлади. Шунга кўра кўринади. Диққат назарлар унга қарайди.

Агар, Исломиятнинг асос маъноси бўлган ихлос ва ризои илоҳий йўлида, Қуръони Ҳаким дарс берган аҳком ва қудсий ҳақиқатларга доир бир амал, у инсондан содир бўлса, ўзининг лисони ҳоли билан маънан Қуръон оятларини ўқиса, у ҳолда маънан ислом оламининг вирди забони бўлган: «Аллоҳуммағфир лил муъминийна вал муъминаат» дуосига дохил бўлиб, ҳиссадор бўлади. Жамоатдаги барча инсонлар билан ухувваткорона алоқа пайдо қилади.

Фақат, зарарли ҳайвонлар ҳукмидаги баъзи аҳли залолатнинг ва соқолли гўдаклар ҳукмидаги баъзи аҳмоқларнинг назарларида унинг қиймати кўринмайди.

Агар у одам, шарафли деб билган аждодининг ва фахрланадиган бутун ўтмишларининг ва руҳан суянган салафи солиҳийннинг нуроний йўлларини тарк этиб, ҳаваскорона, риёкорона, шуҳратпарварона, бидъаткорона ишларда ва ҳаракатларда бўлса, маънан, бутун аҳли ҳақиқатнинг ва аҳли иймоннинг назарида энг тубан бир мавқега тушади. «Мўъминнинг фаросатидан қўрқинглар. Албатта, у Аллоҳнинг нури билан кўради.» ҳадисининг маъносига кўра, аҳли иймон қанчалик оми ва жоҳил бўлсалар ҳам, ақли англамаса ҳам, қалби бундай худфуруш одамларни ёмон кўради. Улардан нафратланади.

Хуллас, шуҳратпарастлик дардига мубтало бўлган иккинчи одам, ҳадсиз бир жамоатнинг назарида асфала софилийнга тушади. Аҳамиятсиз ва масхарабоз баъзи сарсариларнинг назарида, вақтинча ва манҳус бир обрў қозонади. Дунёда зарар, барзоҳда азоб, охиратда душман бўладиган уч-тўртта ёлғончи дўстлар орттиради.

Биринчи суратдаги одам, фаразан шуҳрат муҳаббатини қалбидан чиқара олмаса, фақат ихлос ва Аллоҳнинг розилигини асос тутиб, шуҳрат орттиришни мақсад қилмаслик шарти билан, бир нави шаръий бўлган маънавий обрў, ҳам муҳташам бир мақом қозонадики, ўзидаги у шуҳратга бўлган муҳаббат ҳиссини тамоми ила тўйдиради.

Бу одам жудаям оз ва аҳамиятсиз бир нарса йўқотади. Унинг ўрнига жуда қийматли, зарарсиз нарсаларни топади. Балки бир нечта илонларни ўзидан нари қилиб, унинг ўрнига жуда муборак махлуқларни дўст тутади. Улар билан унсият топади. Ва ёки чақадиган қовоқ ариларини ўзидан кетказиб, муборак раҳмат шарбатчилари бўлган асалариларни ўзига жалб қилади. Уларнинг қўлидан бол ейди. Уларнинг шундай дўстлигини қозонадики, доимо дуолари билан оби кавсар каби файзлар, Ислом оламининг атрофларидан унинг руҳига ичириб турилади. Амал дафтарига битилади.

«Шайтон ҳийлалари» китобидан

👉 @diyonatli

Оилада, эрнинг олдида аёлнинг вазифаси қандай? | Абдул Ҳамид домла

"Бахтиёр оила" китобидан.

👉 @diyonatli

Эрга муносабатнинг мусулмонча усули | Муқим ва Жамила Маҳмуд

YouTubeдан олинди.

👉 @diyonatli

"Аллоҳ таоло қиёмат куни айтади: "Эй, инсон фарзанди! Бетоб бўлдим, мени келиб кўрмадинг. У одам айтади: "Эй, Раббим, Сен бутун оламнинг Парвардигори бўлатуриб, мен сени қандай кўришим мумкин эди?" Аллоҳ айтадики:
"Фалончи одамни бетоблигида бориб кўрмадинг-ку, агар борганингда унинг олдида мени топган бўлур эдинг. Эй, инсон фарзанди! Ўзинг овқатландинг, аммо мени йўқламадинг". Одам айтади: "Эй, Раббим, сен бутун оламнинг Подшоҳи бўлсанг, мен сени қандай овқатлантиришим мумкин эди?" Аллоҳ айтади: "Фалон бандам овқат сўраб олдингга борганида, сен унга таом бермадинг. Агар таом берганингда унинг ҳузурида мени топган бўлур эдинг". Аллоҳ айтади: "Эй инсон фарзанди, мен сендан сув сўрадим, сув бермадинг. Одам айтади: "Эй, Раббим, сен бутун оламнинг Парвардигори бўлсанг, мен сенга қандай қилиб сув беришим мумкин?" Аллоҳ айтади: "Фалон бандам сув сўради, сен унга сув бермадинг. Агар берганингда эди, мени унинг ҳузурида топар эдинг".

"Минг бир ҳадис" китобидан

👉 @diyonatli

БИР ЎҚУВЧИ УЧУН ИШЛАГАН БЕКАТ

Японияда биргина мактаб ўқувчиси учун темир йўл бекати уч йил ишлади

2013 йилда темир йўл бошқармаси йўловчи бўлмагани учун бир бекатни ёпишга қарор қилади. Aммо бир қизалоқ бу бекат орқали мактабга қатнаётгани маълум бўлди. Маҳаллий ҳокимият эса қизнинг таълим олиш учун бу кимсасиз бекат фаолиятини давом эттиришга қарор қилди.

Шу давр мобайнида поезд Хоккайдо оролининг Кю-Ширатаки бекатига кунига икки марта – биргина шу қизалоқ учун тўхтаб ўтадиган бўлди. Поезднинг тўхташ вақти эса қизнинг мактабга бориш ва қайтиш вақтига қараб белгиланди.

Биргина шу қизалоқ учун бекат ҳар йили таъмирланар, қишда эса платформа қордан тозаланар эди. 2016 йилда қиз мактабни тугатди ва бекат ҳам ёпилди.


👉 @diyonatli

Одамлар айбини очиш нимадир? | Салоҳиддин домла

👉 @diyonatli

Ўзбекистон аҳлига насиҳат (2-қисм)

Мавзу: «Имом Бухорийнинг Имом Абу Ҳанифага раддиялари» —
Содиқ Самарқандийнинг шубҳаларига жавоб!

Шайх Абдулқодир Ҳусайн ҳафизаҳуллоҳ

Ушбу дарсда қуйидаги саволларга жавоб топасиз:

- Содиқ Самарқандийнинг "Гўё Имом Бухорий "Саҳиҳ"ини Имом Абу Ҳанифага раддия сифатида ёзгандек", деган сўзи тўғрими?
- Имом Бухорий ёшлигида ҳанафий уламоларининг қўлида илм ўқиган.
- Имом Бухорий мужтаҳид бўлгач тақлид қилиши мумкин эмас эди.
- Имом Бухорийнинг Имом Абу Ҳанифага хилоф қилган масалаларида Имом Абу Ҳанифанинг далиллари йиғилган китоблар мавжуд.
- "Имом Бухорий Имом Абу Ҳанифага мухолиф бўлган" дейиш аслида бузғунчиликми?
- Содиқ Самарқандийнинг устози Мустафо Адавий аслида қандай одам?
- Имом Бухорийнинг Имом Абу Ҳанифага хилофлари кўпми, ёки камми?
- Бу хилофларда кимнинг далили кучлироқ эди?
- Имом Абу Ҳанифа нечта масалада ижтиҳод қилган?
- Имом Бухорийнинг ижтиҳодлари ёйилганми, уларга кимдир эргашганми?

👉 @diyonatli

OLIMLAR OLDIDA ODOB SAQLANG!
#hadislar_haqiqati

🎙 Ustoz Ulug'bek Buxoriy

👉 IRFON TV ilmiy-ma'rifiy onlayn telekanali

Rasmiy sahifalarimiz:
Telegram |YouTube | Instagram | Facebook | TikTok