Piskent jome masjidi | Rasmiy kanal
2.7K subscribers
8.67K photos
4.46K videos
29 files
7.28K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
Media is too big
VIEW IN TELEGRAM
Оила ва фарзанд неъмати | Абдул Ҳамид домла

2006 йил

👉 @diyonatli
Умар ибн Абдулазиз даврида давлат томонидан тайинланган бир жарчи кўчаларни айланиб шундай деб юрарди:

«Уйланмоқчи бўлганлар борми, уйлантириб қўяйлик. Уй қурмоқчи бўлганлар борми, уй қуриб берайлик. Қарздорлар борми, қарзини узиб берайлик. Ҳажга бормоқчи бўлганлар борми, ҳажга жўнатайлик».

Абдуллоҳ РАҲИМ

👉 @diyonatli
БИР ТЕМИРЧИНИНГ ҚИССАСИ

Аллома Ибн Жазарий раҳматуллоҳи алайҳ шундай нақл қиладилар: Бир улуғ зот шундай деди:
"Мен бир темирчини кўрдим. У қўли ила оловнинг ичидан темирни чиқариб олар ва бармоқлари ила уни ағдарар эди. Мен ич-ичимдан бу бирор Аллоҳнинг валийсидир, дедим. Кейин унга яқин бориб, салом бердим. У жавоб берди. Мен: "Эй, Жаноб! Сизга етган бу каромат туфайли менинг ҳаққимга дуо қилинг", дедим. У шундай деди: "Биродар! Мен сиз ўйлаётгандек эмасман. Лекин мен ўзимнинг қиссамни сизга сўзлаб бераман. У шуки, мен жуда кўп гуноҳ қилар эдим. Бир куни бир гўзал аёл ила муомала қилдим. У менга: "Аллоҳ учун нимадир беринг", деди. У аёл қалбимни эгаллаб олди. Мен: "Уйимга юр, сенга кифоя қиладиган нарса бераман", дедим. Лекин у мени тарк қилиб кетди. Бироз муддатдан кейин йиғлаганча келди ва: "Мени вақт мажбур қилди. Шунинг учун қайта сенинг ёнингга келдим", деди. У киши айтадики, мен уни олиб уйга келдим. Унга яқин борганимда, у худди қаттиқ шамол эсишидан кема тебрангани каби қаттиқ титрай бошлади. Мен: "Нега бунчалар титрайсан?" дедим. У: "Аллоҳдан қўрққаним туфайли. У бизни бу ҳолатда кўрмасин. Агар сен мени қўйиб юборсанг, Аллоҳ сени дунёда ҳам, охиратда ҳам олов билан куйдирмасин", деди. Мен уни қўйиб юбордим. У кетди ва мени маҳзунлик қамраб олди. Мен тушда бир жуда гўзал аёлни кўрдим. Ундан: "Сен кимсан?" деб сўрадим. У: "Мен ўша қизнинг онасиман. Сенга маълум бўлсинки, бу қизим Расулуллоҳ соллаллоҳу алайҳи ва салламнинг хонадонидандир. Аллоҳ сенга мукофот берсин. Сени дунёда ҳам, охиратда ҳам олов билан куйдирмасин", деди. Шундан кейин мен тавба қилдим ва Аллоҳга қайтдим” (Аз-заҳрул фотиҳ, 14).

"Биз гуноҳдан қандай сақланамиз?" китобидан.

👉 @diyonatli
This media is not supported in your browser
VIEW IN TELEGRAM
Ҳақиқий бой ким? | Абдул Ҳамид домла

👉 @diyonatli
Расули акрам ﷺ вафот этганларида биз ёмғирли ва бўронли кечада подадан ажралиб адашиб қолган қўйга ўхшаб қолгандик.

Анас ибн Молик розияллоҳу анҳу

👉 @diyonatli
ҚУРЪОНДАГИ «ТАСАВВУРИЙ ДЕВОР»

Адан кўрфази билан Қизил денгиз туташган Боб ал-мандаб бўғозида ва Атлас уммони (Атлантик океани) билан Оқ (Ўрта ер) денгиз туташган Жабали Ториқ (Гибралтар) бўғозида икки денгиз суви бир бирига аралашмаган ҳолда оқар экан. Бу ҳақда 14 аср аввал зикр қилинганлигини билгач, машҳур сайёҳ капитан Кусто ҳам Қуръони Каримнинг илоҳий мўжиза эканлигини тан олди.

Қуръони каримнинг Ар-раҳмон сурасида зикр қилинган “барзаҳ” нима ўзи?

Ёки Фурқон сурасидаги “хижран махжуро” дан мурод нима?

Денгизшунос олимлар “барзаҳ” ҳақида нимани кашф қилдилар?

﴿مَرَجَ الْبَحْرَيْنِ يَلْتَقِيَانِ * بَيْنَهُمَا بَرْزَخٌ لَا يَبْغِيَانِ * فَبِأَيِّ آَلَاءِ رَبِّكُمَا تُكَذِّبَانِ﴾

У икки денгиз (дарё)ни бир бири билан учрашадиган қилиб (ёнма-ён) оқизиб қўйди. (Аммо) у иккисининг ўртасида бир тўсиқ бўлиб, улар (ўша тўсиқдан) ошиб ўтмаслар.Бас, (эй инс ва жинлар,) Раббингизнинг қайси неъматларини инкор этасизлар?! (Ар-раҳмон сураси 19-21-оятлар)

Али (розияллоҳу анҳунинг): “Ҳали Қуръони Каримда тафсир қилинмаган оятлар бор”, деган машҳур сўзларидан келиб чиқиб, уламолар ўша “барзаҳ” нинг тафсирида қийин аҳволга тушиб, ҳайрон бўлдилар.

Қаерда ўша “барзаҳ”?

Қизил денгиз билан Ҳинд океани ўртасидаги тўсиқ қаерда?

Ўрта ер денгизи билан Қора денгиз туташган Босфор бўғозидаги тўсиқ қаерда?

Атлантика океани билан Ўрта ер денгизи туташган Гибралтар бўғозидаги тўсиқ қаерда?

﴿وَهُوَ الَّذِي مَرَجَ الْبَحْرَيْنِ هَذَا عَذْبٌ فُرَاتٌ وَهَذَا مِلْحٌ أُجَاجٌ وَجَعَلَ بَيْنَهُمَا بَرْزَخاً وَحِجْراً مَحْجُوراً﴾

(Аллоҳ) икки денгиз (дарё)ни буниси жуда чучук, униси жуда шўр қилиб оқизиб қўйган ва уларнинг ўртасида тўсиқ ва пухта парда қилиб қўйган зотдир (Фурқон сураси 53-оят).

Диққатни тортадиган нарса шуки, хар бир денгизнинг ўзгармайдиган барқарор шўрлик даражаси бўлади. Денгизлар бир бирига қўшилиб туришига қарамай, улар кўпаймайди ҳам камаймайди ҳам…

Шунингдек, ҳар бир денгизнинг ўзгармайдиган зичлиги, тезлиги, ҳарорати ва ранги бор.

Агар бир инсон самолётда Боб ал-мандаб, ёки Гибралтар бўғозлари устидан парвоз қилса, бир денгизнинг иккинчисидан бошқача эканлигини кўради.

Денгизшунос олимлар Қизил денгизнинг сув зарраларини ўрганиб чиқиб, унинг сувлари ўз харакати давомида Боб ал-мандаб бўғозидаги “тасаввурий девор” бўлиб турган тўсиққа етиб келгач, яна ортига қайтиб кетишини кузатганлар. Бу ҳолат Ҳинд океани билан Қизил денгизида, Ўрта ер денгизи билан Қора денгизда ҳамда Ўрта ер денгизи билан Атлантика океанида ҳам кузатилган.

Аслида “барзаҳ” девор эмас, эгилиб – букилувчи эластик эканлиги, денгиз сувларининг тўқнашуви тўлқинсимон харакатдан иборатлиги кузатилди.

﴿بَيْنَهُمَا بَرْزَخٌ لَا يَبْغِيَانِ * فَبِأَيِّ آَلَاءِ رَبِّكُمَا تُكَذِّبَانِ﴾

(Аммо) у иккисининг ўртасида бир тўсиқ бўлиб, улар (ўша тўсиқдан) ошиб ўтмаслар.Бас, (эй инс ва жинлар,) Раббингизнинг қайси неъматларини инкор этасизлар?! (Ар-раҳмон сураси 20-21-оятлар)

Икки шўр денгизнинг ўртасида тўсиқ бор. Шунингдек, бири чучук, яна бири шўр денгизнинг ўртасида ҳам тўсиқ ва пухта парда бор.

Америкадаги айрим дарёларнинг тезлиги бир сонияда 300000 кубметрдан ошади. Уларнинг денгизгача бўлган оралиқ масофаси 80 км бўлиб, Атлантика океанига сувини қуяди. Дарёлардан оқиб келаётган чучук сув денгизга қўшилади, лекин улар аралашиб кетмайди. Чунки уларнинг ўртасида бир бирини ошиб ўтишга имкон бермайдиган وَحِجْراً مَحْجُوراً пухта парда бор. Ояти каримадаги “пухта парда” дан чучук сувда яшайдиган балиқлар шўр сувга, шунингдек, шўр сувдаги балиқлар ҳам чучук сувгв кирмасликлари назарда тутилган.

Ушбу оятлар Аллоҳнинг буюклигига далолат қилади. Денгизлар бир бирларига қўшилиб турсада, аралашиб кетмайди.

Сиз бир идишга бир коса шўр сув билан бир коса чучук сувни аралаштирмасдан солишга қодирмисиз?!

Ёки аралашиб кетган бу икки сувни бир биридан ажратиб бера оласизми?!

Ёки идишдаги аралашиб кетган сувни фақат чучук қисминигина ича оласизми?!

Албатта, бу инсон тоқатидан ташқаридаги нарсалардир.

Араб тилидан Авазхўжа Бахромов таржимаси

👉 @diyonatli
Абдуллоҳ ибн Муборак раҳимаҳуллоҳ нафл ҳажга отлангандилар. Йўлда кетаётганларида кўчада ўлиб ётган қушни кўрдилар ва уни ахлатхонага ташлаб келишни буюрдилар. Ҳамроҳлари олдинга юришди, у зот ортда қолдилар. Қуш ташланган ахлатхонага келганларида, атрофдаги хонадонлардан бир аёл чиқиб, ахлатлар орасидан ҳалиги қушни олди ва этагига ўради-да, ҳовлиси томон шошди.
Ибн Муборак унинг олдига келиб, ўлик қушни нега олганини сўрадилар. У жавоб қилди: "Бу ерда мен ва укам яшаймиз. Бу кийимимиздан бошқа киядиганимиз йўқ. Мана шу ахлатхонадан ул-бул топиб келиб, қорнимизни тўйдирмоқдамиз. Бир неча кундан бери ўлган ҳайвонлар бизга ҳалол бўлиб қолди (чунки бошқа егулик йўқлиги сабабли, ўлиб қолмаслик учун ҳаром ҳисобланган ўлимтик ҳайвонларни истеъмол қилишаётганди). Отамиз мулкдор эдилар. Зулм қилиб, бор нарсаларини тортиб олдилар ва ўзларини ўлдирдилар".
Шунда Ибн Муборак хизматкорларига карвонни қайтаришга амр этдилар. Вакилларига қарата: "Қанча маблағимиз бор?" дедилар. "Минг динор", деган жавобни эшитгач: "Ундан йигирма динорни олиб қол, Марвга етиб олишимизга етади. Қолганини буларга бер. Бу бизнинг бу йилги энг афзал ҳажимиз бўлади", дедилар ва ватанлари Марвга қайтдилар.

Мубашшир АҲМАД

👉 @diyonatli
Media is too big
VIEW IN TELEGRAM
Бахт омиллари | Абдул Ҳамид домла

👉 @diyonatli
Forwarded from Fitrat.uz
ТОШКЕНТ ВИЛОЯТИДАГИ ДИНИЙ-МАЪРИФИЙ, РАСМИЙ, ИШОНЧЛИ, АСОСЛИ каналларга обуна бўлинг!
Бир аёл 20 динор пулини йўқотиб қўйди. Кейин қуйидаги ёзилган варақни кўчага илиб қўйди.
"Мен 20 динор пулни йўқотиб қўйдим. Ким уни топиб олса, фалон манзилдаги фалон хонадонга қайтарсин. Чунки оз маошга яшаганим сабабли ўзим у пулга муҳтожман. Ҳозирда менинг егулик ноним ҳам йўқ".
Бир киши ўша маблағни топиб олдим, деб қарор қилгач ҳамёнидан 20 динор пулни чиқариб, ўша хотин яшайдиган манзилга борди. Мазкур миқдордаги пулни қўлига олган хотин йиғлаб юборди. Ва: "Эй ўғлим! Пулни топиб олдим деб олиб келган кишиларни ўн иккинчиси сенсан. Охирги олиб келган одам бир табассум қилдида, лифт томон қараб юрган эди, ҳалиги хотин чақириб: "Эй болам! Сен ўша эълонни йиртиб ташла, мен ёзишни ҳам билмайман, мен уни ёзмаганман ҳам", деб йиғидан тўхтади. Яна у хотин: "Сизларни менга нисбатан кўрсатган ғамхўрлигингиз ҳаётга нисбатан умид учқунларини уйғотиб, дунё гўзалликларини ҳис қилмоқдаман", деди.
Демак, ўзингиз неъматга ғарқ бўлган ҳолда муҳтож кишини тарк қилманг.
Садақа улашинг, кафанни чўнтаги йўқ.

👉 @diyonatli
This media is not supported in your browser
VIEW IN TELEGRAM
Шайтоннинг ҳийласига алданманг! | Абдул Ҳамид домла

👉 @diyonatli
Таълим

Доктор Аҳмад Даманҳурий айтади:
“Устозинг сени қабул қилади ва тавозе кўрсатади. Сендаги баъзи ёмон одатларни ҳам токи сени ислоҳ бўлишинг ва қалбинг яхшиланиши, ўнгланишини умидила қабул қилади. Энди сен унинг йўл-йўриқ ва кўрсатмаларига амал қилмасанг, шунда ҳам у сенга шафқати кучли эканидан иқобга тутмайди. Фақат сени йўлловсиз тарк этади ва сен танлаган нарсанг устида қолдиради, тарк этади.
Устозинг сенга риоя қилишини шундоқ давом этади, деб ўйлама. Биз баъзи китобларда ўқиганмизки, баъзи одамларни ўзини ўзига ташлаб, ўзи билан овора қилиб қўйиши ҳам Аллоҳнинг уқубатларидан биридир. Яна уқубатларидан бири, халқи дуо қилса бепарво бўлишидир. Дўзах аҳлининг талабларини ижобат қилмаслиги ҳам уқубатидир.
Шайхинг, яъни устозинг агар раббоний олим бўлса, у ҳақиқат узрадир. Чунки у Аллоҳнинг исми билан хулқлангандир. У ушлайдиган бўлса, Аллоҳнинг ёрдами билан ушлайди. Кўрадиган бўлса, Аллоҳнинг кўмагида кўради. Устозингни сенга нисбатан муомаласи, Аллоҳнинг муомаласининг айни ўзидир, агар сен буни басират кўзи билан кўриб, ҳис қилсанг.
Устозинг сени тек қўйиб, жазоламаяпти деган ҳаёлга борма! Балки ўзинг билмаган ҳолда ўзингни ўзинг жазоламоқдасан.
Илм аҳлининг одоби билан хулқланинглар. Уларга қарши чиқманг, уларга тенгма-тенг муомала қилманг. Улар сизлардан содир бўлган ёмон одобни мувофиқ ёки иқрор ҳолда эмас, балки сабр-бардош қилган ҳолда қабул қиладилар. Улар халойиқга раҳмдил ва шафқатлидирлар. Агар уларга бир қарич яқинлашсанг, улар сенга бир қулоч яқинлашадир. Ахир мен сенга уларни «Аллоҳнинг исмлари билан хулқланишган», деб айтмадимми?!

👉 @diyonatli
АХЛОҚ ГЎЗАЛЛИГИ

Ҳазрат Мусо алайҳиссалом чўпонлик қилаётганида сурувдан бир қўй қочди. Ҳазрат Мусо алайҳиссалом югуриб уни қувлай бошлади. Чориқларини ечди, оёқларининг таги шишди, қаварди. Кечгача қўйни қидирди. Қўй кўздан йўқолди. Кейинроқ қўй ҳам чарчади. Ҳазрат Мусо алайҳиссалом уни ушлаб олди. Меҳр билан қўйнинг бошини силади, онасидек эркалади. Заррача ҳам жаҳл қилмади, ғазабланмади. Фақатгина меҳр кўрсатди, кўзларидан ёшлар оқди. «Менга-ку раҳминг келмади ўзингга нега жабр қилдинг?» - деди. Шу лаҳзада Аллоҳ малакларга шундай деди: «Пайғамбарлик Ҳазрат Мусога ярашади». Ҳазрат Мусо алайҳиссалом шундай марҳамат қилди: «Ҳамма пайғамбарлар болалиги ёки ёшлигида чўпонлик қилган. Чўпонлик қилиб синовдан ўтмасидан Аллоҳ уни йўлбошчи қилмайди. Ҳукмдорлар инсонларга чўпонлик қилар эканлар. Аллоҳнинг амрига итоат этмоқлари шарт. Сурувни бошқараётганда Ҳазрат Мусо алайҳиссалом сингари мулойим, хушфеъл бўлиши, ақл ва тадбир билан иш юритиши лозим. Шундай йўл тутса, Аллоҳ унга ойнинг тепасида, юксакликлар салтанатида руҳий чўпонликни беради. Пайғамбарларни ҳам бундай чўпонликдан қутқарган, уларга покиза, солиҳ бандаларга чўпонлик қилишни буюргандир».

«Қалб кўзингни оч» китобидан

👉 @diyonat
Media is too big
VIEW IN TELEGRAM
Фирқаланиш диндан эмас | Абдул Ҳамид домла

👉 @diyonatli
Najaslar bobi
<unknown>
Нажаслар боби | Абдул Ҳамид домла

"Кифоя" китобидан

👉 @diyonatli
БЕШ КУНЛИК ДУНЁ

Фараз қилинг, ишхонангиздаги хўжайинингиз сизни беш кунлик муҳим бир сафарга юборди. Йўл кира ҳақини тўлади. Борган жойингизда яшашингиз учун беш юлдузли меҳмонхоналардан люкс жой учун ўзи пул тўлаб, яна беш кунда сизга керак бўладиган барча нарсага етарли харажатни чўнтагингизга солиб юборди. Вазифангиз эса, ўша шаҳарда бўладиган, ҳар куни бир соатдан уч кун давом этадиган конференцияда қатнашишингиз керак. Бошқа вақт бўшсиз. Хоҳлаган ерингизга боришингиз мумкин.

Сиз эсон-омон ўша шаҳарга етиб бордингиз. Хушмуомала хизматчилар сизни ҳурмат билан кутиб олиб, ҳашаматли қилиб безатилган меҳмонхонага жойлаштириб қўйишди. Меҳмонхонада ҳамма нарса, уч маҳал текин шоҳона таом ва шароблар, дам олиш учун ажойиб шароит, ҳамма-ҳаммаси аъло даражада. Ҳизматкорлар ҳолингиздан хабар олиб туришибди. Меҳмонхонага жойлашиб олганингиздан сўнг, оппоқ пар тўшакларда мириқиб ухлаб, чарчоғингизни чиқардингиз.

Эрталаб туриб, меҳмонхонанинг тўкин дастурхонли ресторанида нонушта қилдингиз. Конференция кеч соат 17. 00 да бошланади. Унгача анча вақтингиз бор. Шаҳарга чиқиб, гўзал жойларни кезиб тамоша қилдингиз. Кўнгилочар масканларига бориб яйрадингиз. Денгизга тушиб чўмилдингиз. Ҳушманзара жойлардаги ресторанларга кириб, ширинликлардан еб, ичимликлардан ичиб кайфу-сафо қилдингиз. Зарур эҳтиёжларингиз учун ишхонангиз томонидан берилган пулларга эса, шу шахардагина кийиш мумкин бўлган, юртингизда кераксиз бўлган кийим-кечаклар, ўйинчоқлар сотиб олдингиз. Шу қадар танангиз яйраб, шаҳарнинг гўзал неъматларидан лаззатланиб, сафоҳатга берилиб кетдингизки, соат бешга яқинлашганини сезмадингиз. Сизга зерикарли туюлган, лекин ишхонадаги мавқеъингиз учун ўта муҳим бўлган конферансга боришлик энди сизга ёқмай қолди. «Эртага борарман», дея бугун қатнашишга эриндингиз. Шу зайлда кунни ўтказиб, меҳмонхонага қайтдингиз. Яна меҳмонхонада кечки овқатни шоҳона дастурхонда еб, хонангизда ётиб дам олдингиз.

Эртасига ҳам кунингиз шу тарзда кечди. У ёқ-бу ёқларга бориб, шахсий ишлар билан машғул бўлдингиз. Кечга бориб яна конферансга бориш сизга малол келди. «Умуман, шу конферанс деган маъносиз нарса кимга керак ўзи», деган фикрга бордингиз. Ҳатто, Сизни шундай гўзал шаҳарга юборган меҳрибон ва ғамхўр хўжайинингизни унутдингиз. Унинг айтган муҳим топшириқдарини эсингиздан чиқардингиз...

Муҳим иш учун келган сафарингизнинг ҳар бир кунини шундай сархушлик билан ўтказиб юбордингиз. Бирон марта ҳам, Сиз учун муҳим бўлган, хўжайинингизга хулосасини олиб боришингиз шарт бўлган Конферансга қатнашмадингиз. Берилган вақт ва сармояни ўткинчи, фойдасиз нарсаларга совуриб тугатдингиз. Шундай қилиб, сафар муддатингиз тугади. Начора, энди бу шахарда ортиқ бир кун ҳам қололмайсиз. Ўз мамлакатингизга қайтишга мажбурсиз. Хўжайиннинг хизматкорлари аэропортдан сизни тўғри хўжайиннинг ҳузурига олиб борадилар. Хўжайинга рўбарў бўласиз. Сиз унга ҳисобот беришингиз шарт... Бошқа йўл йўқ!

Энди, инсоф билан айтинг, қайси юзингиз билан у зотга кўринасиз? У хўжайин, конферансда қатнашган инсонлар учун катта мукофотлар тайёрлаб қўйган эди. Сиз лаоқал, бир марта бўлсада, у конферансда қатнашмадингиз. Энди, шу ҳолингизда Хўжайиндан заррача бўлса-да, илтифот кўришга ҳаққингиз борми? Мукофот эмас, даҳшатли жазосини тортишга мустаҳақ эмасмисиз? Сиз ўзингиздан ҳам аблаҳроқ, инсонни кўрганмисиз? Ўзингиздан ҳам нонкўрроқ одамни танийсизми?...

Аллоҳ асрасин!

Эй нафс! Дунё мана шундай. Беш кунлик сафардир. Дунё неъматларига кўмилиб яшар экансан, дунё меҳмонхонасидаги асл вазифангни унутма!

Вазифа шу қадар оғирми? Асло! Аксинча, ширин ва лаззатли. Вазифа учун кўп вақт ҳам талаб қилинмайди. Берилган ҳар 24 соатдан бир соатнигина ажратсанг кифоя!
Меҳрибон хўжайинингга телефон қилиб, икки оғиз сўз билан, унга нисбатан бўлган ҳурматингни изҳор қилиш холос....
Аллоҳ сенга ҳидоят берсин!

Усмон КЎКЧАЛИК

👉 @diyonatli
This media is not supported in your browser
VIEW IN TELEGRAM
Талоқ масаласи | Абдул Ҳамид домла

👉 @diyonatli
Имом ибн Жарир ат-Табарий розияллоҳу анҳу эрталаб илмий фаолиятини бошлаб, асргача таълиф ва тасниф ишлари билан машғул бўларди. Аср намозини ўқиш учун масжидга борарди. Асрдан шомгача талабаларга дарс берар, китобларини ё ўзи ёки талабаларидан бирига ўқитар эди. Шомдан кейин фиқҳий масалалар муҳокама қилинадиган дарс халқасини йиғарди. Хуфтондан кейин уйига қайтиб, таълиф ишларини кечаси билан давом эттирарди.

Имом Табарий: Мужтаҳид имом, тафсирда ҳам имом, муаррихлар (тарихчилар) шайхи, муҳаддис ва бошқа барча илмларда мўътабар олим бўлган.

Абдуллоҳ РАҲИМ

👉 @diyonatli
Баъзи ҳакимлар айтишди: “Қачонки кишида илм кўпайса, гап-сўз озаяди. Агар илм камайса, гап-сўз, ортиқча калом кўпаяди”.

👉 @diyonatli
ТОБЕЪИН
Халифа Ҳишом ибн Абдулмалик байтуллоҳга ҳаж қилгани келди. У ҳарамга киргач деди:
- Менга саҳобалардан бирор кишини чақиринглар!
Унга "саҳобалар ўтиб кетган" дейишди. У сўради:
- Тобеъинларданчи?
Унга Товус Ямоний роҳимаҳуллоҳни чақириб беришди.
Товус келиб халифанинг хузурига киргач, ковушини ечиб халифанинг гилами устига қўйди. Халифага "амирул мўъминин" деб салом бермади. Унинг кунясини ҳам айтмади. Индамасдан келиб халифанинг изнисиз унинг ёнига ўтирди ва деди:
- Қалайсан, эй Ҳишом?
Ҳишом бу муомаладан қаттиқ ғазабланди. Ҳаттоки Товус роҳимаҳуллоҳни ўлдирмоқчи бўлди. Шунда аъёнларидан бири:
- Сиз Аллоҳнинг ҳарамидасиз, Расулуллоҳ саллоллоҳу алайҳи ва салламнинг ҳарамларидасиз. Бу ерда бу иш бўлмайди, деди.
Халифа юмшаб сўради:
- Эй Товус! Нега бундай қилдинг?
- Нима қилибман?
- Ковушингни гиламимни устига қўйдинг, менга "амирул мўъминин" деб мурожаат қилиб салом бермадинг, куням ила зикр қилмадинг, менинг рухсатимсиз ёнимга келиб ўтирдинг ва "қалайсан эй Ҳишом?", дединг!
Товус Ямоний деди:
- Ковушимни гиламинг устига ечганимга келсак, мен ҳар куни Роббимнинг ҳузурида беш марта ковушимни ечиб қўяман. Бирор марта менга итоб қилгани йўқ. "Амирул мўъминин" деб салом бермаганимга сабаб, сени барча мусулмонлар амир деб эътироф қилмайди. Мен ёлғончи бўлиб қолишдан қўрқдим. Кунянг билан чақирмаганимга сабаб, Аллоҳ барча пайғамбарларига куняси билан эмас, "Эй Довуд", "Эй Мусо", "Эй Ийсо" деб исми билан хитоб қилади. Душманларини эса "Абу Лаҳаб" деб куняси ила зикр қилади. Сенинг ёнингга ўтирганимга келсак, Али розиёллоҳу анҳудан ривоят қилинади, у зот айтади:
"Ким дўзах аҳлини кўрмоқчи бўлса, ўзи ўтириб олиб одамларни атрофида тик турғизиб қўйган кишига қарасин!".

Шунда Ҳишом деди:
- Менга насиҳат қил!
Товус деди:
- Мен Али розиёллоҳу анҳудан эшитганман. У зот шундай деган эди:
"Жаҳаннамда ҳачирдай келадиган илонлар ва чаёнлар бор. Улар халқига адолат қилмаган амирни чақишади!".
Товус роҳимаҳуллоҳ шундай деб чиқиб кетди.

Ибн Ҳужжатул Ҳимавий(837 ҳ)нинг "Самаротул авроқ" китобидан.

Абдул Қодир САМАРҚАНДИЙ

👉 @diyonatli
This media is not supported in your browser
VIEW IN TELEGRAM
Охират – боқий, дунё – ўткинчи | Абдул Ҳамид домла

👉 @diyonatli