Абдул Ҳамид домла | Иймон иқрор ва тасдиқдир

Пискент тумани "Кўл ота" жомеъ масжидида хуфтон намозидан олдин қилинган маъруза.

👉 @diyonatli

Тамаки чекиш

20 ёшда кўнгилхушлик;
30 ёшда одат;
40 ёшда атеросклероз;
50 ёшда жисмнинг емирилиши;
60 ёшда ўлим!

Қиёмат кунида оғир ҳисоб-китобдир.
Никотин – ўлим сабабчисидир.

Калимуллоҳ МАСЪУД

👉 @diyonatli

Кимнинг одоби бўлмаса, унинг илми йўқдир. Кимнинг сабри йўқ бўлса, унинг дини йўқдир. Кимнинг тақвоси бўлмаса, унда Аллоҳга яқинлик йўқдир.

Ҳасан Басрий роҳматуллоҳи алайҳ

👉 @diyonatli

Ислом илм динидир | Абдул Ҳамид домла

👉 @diyonatli

Ёшларни оилавий ҳаётга тайёрлаш | Абдул Ҳамид домла

"Кифоя" китобидан

👉 @diyonatli

Анас ибн Молик розияллоҳу анҳудан ривоят қилинади:

"Расулуллоҳ соллаллоҳу алайҳи васаллам : “Аллоҳим ожизликдан, дангасаликдан, қалб қасоватидан, ғафлатдан, фақирликдан, хорликдан, мискинликдан, фисқдан, ҳаққа зид чиқишдан, мунофиқликдан, сумъа (хўжа эшитсин хўжа кўрсиндан)дан, карлик, соқовликдан, мажнунлик, пес, мохов ва оғир дардлардан панох сўрайман” дер эдилар".

👉 @diyonatli

ВАФО

У қамоққа олинди. Суйган қизига совчи қўйиб улгирган эди, холос. Аёл уни кутди. Ўрталарида совчиликдан бошқа ҳеч нарса ўтмаган. Фаластинлик асир Ҳодий Ҳамширий 16 йиллик қамоқ муддатини ўтаб, озодликка чиқди. Аёл уни интизорлик билан кутди. Совчилик пайтида у 17 ёшда эди. Бу орада у ишлаб, ойлигини ўзи қурмоқчи бўлган оила учун сарфлашга аҳд қилди. Маошини тўплаб, аввал ер сотиб олди. Кейин шу ерга шинам бир уйни қуриб битказди. Бугун у ўзи кутган бахтга эришди. 16 йил деганда совчилик муддати тугаб, тўй қилишди.
Ҳимоячинг агар вафодор аёл бўлса, у сени ҳар қандай душману машаққатдан асрай олади ва сенга ҳаёт бахш этади. У агар ёнингда тура билса, ҳаётнинг ҳар қандай зарбаларидан енгилмас қўшин бўлиб ҳимоя қилади.

(Алий Қарадоғий саҳифасидан ўзлаштирилди.)

👉 @diyonatli

Чапдаги киши Даниялик назарий физика даҳоларидан бири Нильс Бор. Физика бўйича 1922 йилда Нобель мукофоти совриндори. Лавҳ олдида турган киши унинг ўғли Оге Бор. У ҳам физика бўйича 1975 йилда Нобель мукофотини олган.
Уларга тақлид қилишга уринаётган болакай унинг набираси Томас Бор. У бугунги кунда Дания техника университети профессоридир. Илм ва унга бўлган муҳаббат тўхтамасдан кўчиб юрибди. У бобо, ўғил ва набиранинг ўртасини ажратмаяпди!
Сиз босган изни фарзандингиз босаяпдими? Ўзингиз етган жойга фарзандингиз етадими? Бунга кўзингиз етадими?
Афсус! Бизда ундай эмас....

Айман Ёғий

👉 @diyonatli

#Видео

«ФАРЗАНД ОТА-ОНА УЧУН ОМОНАТДИР»
(Турли оқимлар таъсирига тушиб йўлдан адашганлар қисмати)

Тошкент вилояти вакиллиги ахборот хизмати

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

АЛБАТТА АЙТИШИМ КЕРАК


Ҳажжож ибн Илот ас-Саҳмий розиёллоҳу анҳу Хайбар ғазотидан бир неча кун олдин иймон келтирди. Бу ғазотда Набий саллоллоҳу алайҳи ва саллам билан бирга, у зотнинг ёнларида туриб жанг қилди.
Жанг мусулмонларнинг ғалабаси билан тугади. Набий саллоллоҳу алайҳи ва саллам ўлжаларни тақсимладилар. Сафийя бинт Ҳуяйй онамиз мусулмон бўлгач, у кишига Набий алайҳис салом уйландилар.
Ҳажжож Набий алайҳис саломга деди:
-Эй Аллоҳнинг Расули! Маккада савдогарлар ҳузурида анчагина молим бор. Агар улар менинг мусулмон бўлганимни билишса молимни беришмайди деб қўрқаман. Менга рухсат берсангиз, шояд молимни қўлга киритсам!
Набий саллоллоҳу алайҳи ва саллам: "Рухсат!", дедилар.
Ҳажжож сўради:
- Эй Аллоҳнинг Расули! Қурайшга ҳийла қилишим лозим бўладида?!
Набий саллоллоҳу алайҳи ва саллам:
- Рухсат, қилавер, дедилар.
Ҳажжож Мадинадан чиқиб Маккага, қурайшнинг олдига келди. Қурайш Расулуллоҳ саллоллоҳу алайҳи ва салламнинг Ҳайбарга юриш қилаётганларини билар эди. Улар Ҳажжожни кўриб қолиб ундан сўрашди:
- Муҳаммаднинг Хайбардаги иши нима бўлди?
Ҳажжож деди:
- У жуда ҳам қаттиқ мағлуб бўлди. Асҳоблари ўлдирилди. Ўзини асир олишди. Яҳудийлар: "Уни ўлдирмаймиз, уни қурайшга топширамиз. Ўлдирилган жигарпоралари учун қасос олишади", дейишди. Мен сизнинг олдингизга молларимни олгани келдим. Хайбардаги ўлжалар сотилиб бўлмасидан уларни сотиб олишга улгуришим керак.
Қурайш бу хабарни эшитиб жуда ҳам хурсанд бўлди. Бир куннинг ўзида Ҳажжожнинг барча молини жамлаб беришди.
Расулуллоҳ саллоллоҳу алайҳи ва салламнинг амакилари Аббос ҳали исломга кирмаган эди. У Ҳажжожнинг олдига келиб Расулуллоҳ саллоллоҳу алайҳи ва салламдан хавотирланиб сўради:
- Эй Ҳажжож! Жияним ҳақида қанақа хабар келтирдинг?
Ҳажжож унга тўғрисини айтди:
- Эй Аббос! Аллоҳга қасамки, менда сени хурсанд қиладиган хабар бор. Аллоҳ биродарингни ўғлига Хайбарни фатҳ қилиб берди. Катта ўлжа қўлга киритилди. Уларнинг бошлиғи Ҳуяй ибн Ахтабнинг қизига Расулуллоҳ саллоллоҳу алайҳи ва саллам уйландилар. Мен исломга кирганман. Молимни олиш учун қурайшдан мусулмонлигимни яширдим. Буни уч кунгача яшириб тур. Агар уларга айтиб қўйсанг улар менга етиб олишади. Уч кун ўтганидан кейин айтавер!

Уч кундан кейин Аббос қурайшга бор воқеани айтиб берди. Қурайш Ҳажжож алдаганини билди.

Тўғри йўл билан олинмаган нарса урушда ҳийла билан олинади. Мўъмин зийрак ва ақлли бўлади. Уруш ҳийладан иборат. Мусулмонларнинг фойдасигами ёки биргина мусулмоннинг фойдасигами душманга ёлғон гапирса бўлади. Бу фақатгина душманларга нисбатан ва ҳақни қўлга киритиш учун айтилган ҳукмдир.
Аммо бир мусулмон бошқа бир мусулмон бўлмаган давлатга бориб қолса ва ўша давлат бунга омонлик берган бўлса уларнинг мулкини ўғирлашга, уларнинг ҳаққини ейишга ҳақсиздир. Бу ҳолатда кофирнинг мулкини ўғирлаш худди мусулмоннинг мулкини ўғирлаш билан тенгдир.
Расулуллоҳ саллоллоҳу алайҳи ва салламнинг раҳматларига қаранг! Ҳажжожга молини қайтариб олиши учун пайғамбарга нисбатан айтиб бўлмайдиган гапни айтишга рухсат бераяптилар. Бунда катта дарс бор. Мусулмонлар ўзаро бир-бирларига ёрдам беришлари лозимдир. Душмандан ҳақни олиш бўладими, ёки ўзаро бир-бирларидан олиш бўладими, бунинг фарқи йўқ.
Сийрат илми тасаллий учун айтиладиган қуруқ тарих эмас. У ҳаёт ҳақидаги, ақида борасидаги дарсдир. Барча асрларда мусулмонлар ўз ҳаётларини шунга асосан қурганлар!

Абдул Қодир САМАРҚАНДИЙ

👉 @diyonatli

Шайтон қараганда сени Аллоҳнинг тоатида давомли кўрса, у ҳам узлуксиз талабингда бўлади. Агар яна давомли эканингни кўрса чарчаб, ташлаб кетади. Аммо гоҳида ундай, гоҳида бундай бўлсанг, у умидвор бўлиб қолади.

Ҳасан Басрий роҳматуллоҳи алайҳ

👉 @diyonatli

Олимнинг даражаси | Абдул Ҳамид домла

👉 @diyonatli

«Шу коинотнинг соҳиби ва уни идора этгувчи Зот албатта, ҳар ишни билиб қилади ва ҳикмат билан идора этади.
Ва ҳар тарафни кўриб тадвир қилади, ҳар нарсани билиб, кўриб тарбия қилади. Ҳар нарсада кўринган ҳикматларни, ғояларни, фойдаларни ирода қилиб айлантиради. (Тасодифан эмас.)

Модомики, қилган билади.
Билган гапиради.
Модомики, гапирар экан, албатта, шуурли ва фикрлайдиган ва гапиришини билганлар билан гаплашади.

Модомики, фикрлайдиганлар билан гаплашар экан, албатта, шуур эгаларининг ичида энг жамъиятли ва шуури умумий бўлган ИНСОН нави билан гаплашади.

Модомики, инсон нави билан гаплашар экан, албатта, инсонлар ичида хитоб қилишга арзирли ва мукаммал инсонлар билан гаплашади.

Модомики, энг мукаммал... Ва истеъдоди энг юксак... ва ахлоқи олий ва башариятни эргаштирувчи бўлганлар билан гаплашар экан, албатта, дўст ва душманнинг тасдиғи ила, энг юксак истеъдодда... Ва энг олий ахлоқда... ва инсониятнинг бешдан бири унга иқтидо қилган... ва ер юзининг ярми Унинг маънавий ҳукми остига кирган, истиқбол У келтирган нурнинг зиёси ила бир минг тўрт юз йил нурланган ва башариятнинг нуроний қисми ва аҳли иймони, давомли равишда кунда беш марта у билан таждиди байъат этиб, Унга раҳмат ва саодат дуолари қилиб, Уни мадҳ ва Унга муҳаббат кўрсатадиган МУҲАММАД алайҳис солату вассалом ила гаплашажак ва гаплашган... Расул қилажак ва қилган... Бошқа инсонларга раҳбар қилажак ва қилгандир!»

Усмон КЎКЧАЛИК

👉 @diyonatli

Таяммумни нималар синдиради? | Абдул Ҳамид домла

Эшак ҳанграса, таҳорати ва намози бузиладими?

👉 @diyonatli

Куёвларга насиҳат | Абдул Ҳамид домла

"Бахтиёр оила" китобидан

👉 @diyonatli

«Эй қавм, ҳақиқий иймонни касб қилинг. Нафсингизни мужоҳада таёғи билан уринг. Уни иймон тарбиячисига топширинг. Чунки нафсингиз ҳали риёзат ҳам чекмаган, таълим ҳам олмаган. У кибр ва катталик билан тўла. Ҳақ йўлда «Мен, меники, мен билан»лар йўқ. Буларнинг бари, иймон заифлик пайтида «Аллоҳдан бошқа илоҳ йўқ» калимаси билан, иймон қувватланганда эса «Сендан бошқа илоҳ йўқ» калимаси билан йўқ бўлиб, ўчиб кетадиган нарсалар. Чунки иймони қувватли инсон, доимо ўзининг ёнида ҳозир бўлган Зотга хитоб қилади».

Абдулқодир Жийлоний қуддиса сирруҳу

👉 @diyonatli

Диний ва дунёвий илм | Абдул Ҳамид домла

👉 @diyonatli

#Долзарб

Олмонияга ўқишга борган бир араб йигит хикоя қилади.

Олмония саноатлашган, ўта ривожланган давлат. У ерда турли сохаларга оид махсулотларнинг саралари ишлаб чиқарилади. Кўпчилик, бу мамлакат ахолиси нихоятда тўкин-сочин, ўта дабдабада яшайди, деб ўйлайди. Сафаримдан олдин мен ҳам шу фикрда эдим. Хамбург шахрига келиб тушганимда, у ердаги танишларим бир ресторанда зиёфат уюштиришди. Ресторанга бордик. Қарасак, ресторанда одам кам, бир нечта ёши улуғ аёллар бор, бир четдаги столда ёш эр-хотин ўтирибди. Олдиларида иккита тарелка овқат ва иккита ичимликдан бошқа нарса йўқ. Биз хам бир столга ўтирдик, қорин хам очқаб кетганди, шундан шеригим кўпгина овқат буюртма берди. Ресторан тинч экан, овқат хам тезда келди.

Овқатланиб бўлиб, туриб кетаётганимизда овқатни деярли учдан бири тарелкада ортиб қолган эди. Ресторан эшигига етиб бормаган хам эдикки, кимдир бизни чақирди, қарасак ёши улуғ хонимлар ресторан бошлиғига нималарнидир гапиришяпти. Билсак, улар кўп овқат қолдириб кетаётганимиздан норози эканлар. Шеригим: “Ўзимиз буюртма берган овқат, пулини тўладик, сизларга дахли бўлмаган нарсага нега аралашасизлар”, деди. Хонимлардан бири бизга қаттиқ ғазаб билан қараб турди-да, телефон олдига бориб, кимгадир сим қоқди…

Кўп ўтмасдан, расмий кийимда бир киши кериб келди, ўзини "ижтимоий таъминот муассаса"сининг зобити деб таништирди. Бизга 50 марка (пул бирлиги) жарима солди. Биз жавоб қайтаролмадик. Шеригим узр сўраб 50 марка тўлади. Зобит самимий охангда: "Ортиб қолмаслигига кўзларинг етган таомни буюртма беринглар, пул ўзларингники, лекин ресурслар барчаники. Дунёда кўплаб одамлар ресурс, озиқ-овқат тақчиллигига дуч келмоқда, сизлар эса бехудага кетказяпсизлар". Биз роса хижолатда қолдик. Унинг гаплари хақ эди.

Биз шуни тафаккур қилишимиз керак, бизнинг юртларда (араб давлатлари) ўзи ресурс кўп эмас, шундай бўлса ҳам, бировни чақирсак, одамлар нима дейди, деб, кўп егуликлар харажат қилиб юборамиз. Натижада кимлардир зор бўлаётган кўплаб овқатлар исроф бўлиб қолиб кетади. Бу биз учун амал қилишимиз керак бўлган дарс бўлди.

Шеригим ўша жиноят қоғозини суратга олиб, ҳар биримизга эсдалик сифатида биттадан нусха берди. Биз уни ҳеч қачон исроф қилмаслигимизни эслатиб турсин, деб хонамиз деворига осиб қўйдик… "Пул ўзингники, лекин ресурслар барчаники".

Бу ҳикматни ҳар қачон овқатланганимизда, ёки душ қабул қилганимизда, ёки ресурслардан, масалан, электр, газ, сув ва ҳаказо… қай бири бўлсин, ишлатаётганимизда эслашимиз даркор !!!

Ресурсларнинг барчаси Аллоҳнинг неъмати, агар биз уни исроф қилиб юборсак, оқибатда унга зор бўлиб қолишимиз эхтимоли катта.
Уни ато қилган Роббимизга шукр қилиб, уни тежаб, керагича ишлатсак, Роббимиз уни яна ҳам зиёда қилади.

Аллоҳ таоло марҳамат қилган: “Еб-ичинг, (лекин) исроф қилманг! Чунки У зот исроф қилувчиларни севмас”.

©️ Муҳаммад Яҳёхон Муҳаммадхон ўғли таржимаси

👉 @diyonatli

Раҳбарлар учун «маҳорат мактаби»

Суфён Саврий ва Имом Шофеий раҳимаҳумаллоҳ шундай деганлар:

«Рошид халифалар бешта:

1. Абу Бакр Сиддиқ розияллоҳу анҳу.
2. Умар ибн Хаттоб розияллоҳу анҳу.
3. Усмон ибн Аффон розияллоҳу анҳу.
4. Али ибн Абу Толиб розияллоҳу анҳу.
5. Умар ибн Абдулазиз раҳимаҳуллоҳ».

Рошид халифаларнинг аввалги тўртталари саҳобаи киромлар бўлиб, уларнинг тўғри йўлдаги халифалар эканликларини Пайғамбаримиз соллаллоҳу алайҳи васалламнинг ўзлари баён қилганлар. Қолаверса, бу зотлар тириклигидаёқ Жаннатга киришини эшитган бахтли инсонларнинг аввалги тўртталаридир.

Суфён Саврий раҳимаҳуллоҳ, Имом Шофеий раҳимаҳуллоҳ каби улуғ имомлар забардаст тобеинлардан саналган Умар ибн Абдулазиз раҳимаҳуллоҳни ҳам рошид халифалар қаторига қўшишган. Чунки, Умар ибн Абдулазиз раҳимаҳуллоҳнинг халифалик даврлари ҳам саҳобалар замонига ўхшаган эди. У кишининг тақвоси, адолати, раҳбарлик масъулиятини ҳис этишлари юксак даражада бўлиб, раҳбарлик фаолиятлари ҳақида Аллоҳ таолонинг ҳузурида жавоб беришларини доим ўйлаганлари учун кўп кўз ёши тўкар ва халққа зулм қилиб қўймаслик чорасини кўрардилар.

Устозларимиздан бирлари Умар ибн Абдулазиз раҳимаҳуллоҳ ҳақларида гапира туриб, «Умар ибн Абдулазиз раҳимаҳуллоҳ халифалик даврларида жунубликдан ғусл қилмаган эканлар» деганлар.

Жунубликдан ғусл қилиш дегани аёли билан қўшилишдан сўнг ғусл қилиш деганидир. Умар ибн Абдулазиз раҳимаҳуллоҳ уммат ташвиши билан банд бўлганлари ва охиратда раҳбарликдан сўроққа тутилишларини ўйлаганлари учун аёллари билан кўнгилхушлик қилиш кўнгилларига сиғмаган экан.

Маслама ибн Абдулмалик айтади: “Умар ибн Абдулазиз бемор бўлиб ётганда, уни кўргани кирдим. Устидаги кўйлаги бироз кирланиб қолибди. Аёли Фотимага қараб: “Эй Фотима, мўминлар амирининг кўйлагини ювиб бер!” дедим. У “Инша Аллоҳ, бажарамиз” деди. Кейин беморни кўргани яна кирдим. Қарасам, кўйлак ҳалиям ювилмаган ҳолда турибди. “Эй Фотима, сенга мўминлар амирининг кўйлагини ювиб бергин деб буюрмаганмидим? Ахир одамлар бу кишини кўргани киришади-ку!” дедим. Шунда синглим: “Аллоҳга қасамки, у кишининг бундан бошқа кўйлаги йўқ” деб жавоб берди”.

Умар ибн Абдулазиз раҳимаҳуллоҳ вафот этганларида Византия императори Лев III қаттиқ йиғлади. Буни кўрган аъёнлар ва епископлар бу йиғининг сабабини сўради. Шунда император: “Адолатли подшоҳ вафот этди. Мен бир роҳиб уйига кириб, ичидан беркитиб олиб, таркидунё қилиб, умрини ибодатда ўтказса ажабланмайман. Лекин дунё оёқлари остида бўлган бир инсоннинг дунёдан юз ўгириб, зоҳидона ҳаёт кечирганидан ажабланаман” деди.

Хуллас, у киши ҳозирги раҳбарлар учун «мастер класс» бўладиган раҳбарликни амалга оширганлар.

Аллоҳ таоло барча рошид халифалардан, содиқ саҳобалардан ва Умар ибн Абдулазиздан рози бўлсин!

Роббимиз юртимизда турли соҳаларда раҳбарлик курсисида ўтирганларни тақводор раҳбарлардан ўрнак олиб, Аллоҳ таолонинг ҳузурида қандай раҳбарлик қилганларидан, халққа нима яхшилик, хизмат тақдим этганларидан сўралишларини доим ҳис қилиб ишлашларини, ўзларини раҳбар деб эмас, халқ хизматчиси деб билишларини насиб этсин!

Нозимжон Ҳошимжон тайёрлади

Таяммум қандай қилинади? | Абдул Ҳамид домла

Диққат: бу видеода таяммум қилиш тартиби кўрсатиб берилгани учун ҳажмини қисқартирмадик.

👉 @diyonatli

Араб тилини билиш

أصحاب العربية جن الإنس يبصرون ما لا يبصر غيرهم

«Араб тилини биладиганлар инсониятнинг жинлари кабидирлар. Улар бошқалар кўролмаган нарсаларни кўрадилар».

© Имом Шофеъий розияллоҳу анҳу

👉 @diyonatli