Эй бемор, истиғфор айт.
Эй ғамбода, истиғфор айт.
Эй (бошига) ташвиш тушган, истиғфор айт.
Эй қарздор, истиғфор айт.
Зеро истиғфор барча муаммоларнинг калитидир!

" Астағфируллоҳал ъазийм "

​Сулаймон Рожиҳий: пули йўқ миллиардер.

Саудия Арабистонидаги Ал-Қосим шаҳридаги хурмо боғида 200 мингдан ошиқ хурмо дарахтлари бор ва Аллоҳ йўлида сарфланади. Ушбу боғда 45 хил хурмо мавжуд бўлиб, йиллик ишлаб чиқариш 10000 тонна хурмони ташкил этади.

Бу боғ ер юзидаги энг катта вақфдир. Ушбу боғдан тушган маблағ бутун дунё бўйлаб масжидлар қуриш, хайрия ишлари ва иккита муқаддас масжидда (Макка ва Мадина) ифторлик қилишга сарфланади.

Ушбу боғни Саудия Арабистонининг энг бой одами Сулаймон Рожиҳий Аллоҳ йўлига бағишлаган.

Сулаймон Рожиҳий қашшоқликда ўсган. У мактабда ўқиб юрганида бир куни мактаб маъмурияти кўнгилочар саёҳат ташкил этиб, ким боришни истаса бир риёлдан пул олиб келишларини сўради.

У уйига бориб ота-онасидан пул сўради. Аммо уларнинг бир риёл ҳам пули йўқ эди. Саёҳат куни яқинлашган сари унинг хафалиги ҳам ортиб борарди. Шу орада чораклик имтиҳонлар натижаси чиқиб, у ўз синфида биринчи ўринни эгаллади ва фаластинлик ўқитувчиси унга 1 риёл мукофот берди. Ўша пайтда унинг қувончини кўрсангиз эди!

Вақт ўтиши билан у таълим олди ва ишлай бошлади. Жидда шаҳрида бир хонани ижарага олиб, исломий банк очди ва ҳаётини ҳалоллик, содиқлик ва меҳнатсеварлик билан бошлади. Аллоҳ ҳам унинг ишини баракали қилди.

Қисқа вақт ичида “Ар-Рожиҳий” деб номланган банклар тармоғи Саудия Арабистонига тарқалди.

Бироқ Сулаймон Рожиҳий фаластинлик ўқитувчисини унутмаган эди. Излаб-излаб уни топди. Устози нафақага чиққан, иқтисодий аҳволи ҳам унчалик яхши эмас экан.

Рожиҳий устозини машинасига ўтқизиб унга: "Мен сизнинг олдингизда қарздорман", деди. Устози унинг сўзларига ҳайрон бўлди.

Рожиҳий устозига кўплаб йиллар олдин унинг 1 риёл мукофот берганини эслатиб қўйди. Ўқитувчи кулиб юборди, “энди сен ўша риёлни менга қайтаришни хоҳлайсанми?” деди. Рожиҳий айланиб-айланиб бир данғиллама уй олдида машинасини тўхтатиб, уй ва машинасини устозига ҳадя қилганини айтганида кекса устознинг кўзларидан севинч ёшлари тўкилди. Яна барча харажатларни ҳам Рожиҳий ўз бўйнига олди.

Фаластинлик ўқитувчининг кўзларида ёш билан уй ва машинанинг жуда қимматлигини айтганида, Рожиҳий “сиз ўша куни менга берган 1 риёл мукофот берганингизда менинг бахтим сизнинг севинчингиздан неча баробар катта эди”, деди.

Ҳозирги вақтда Сулаймон ар-Рожиҳий вақфининг нархи 60 миллиард риёлдан ортиқ.

У Саудия компанияси ва “Ар-Рожиҳий” банкининг соҳиби. Яқинда у коронавирусига қарши курашиш учун 170 миллион риёллик хайрия ва Маккадаги иккита меҳмонхонани Соғлиқни сақлаш вазирлигига ҳадя қилган.

Forbes журнали уни дунёдаги 20 энг буюк сахий одамлардан бири деб атаган.

Дунёдаги энг катта исломий банкини барпо этиш билан бир қаторда, Яқин Шарқдаги энг йирик паррандачилик фабрикаси бўлган Al-Watania Poultry компаниясига асос солган.

Саудия Арабистонида Рожиҳий оиласи томонидан масжид қурилмаган шаҳарни топа олмайсиз.

Энг муҳими, улар 1,5 миллион кишини иш билан таъминлаган.

У шундай дейди: «Мен саксондан ошдим! Менга энди нима керак? Жамғарма менинг тўловларимни тўлайди, мени турар жой, озиқ-овқат, тиббий хизмат ва транспорт билан таъминлайди, мен буни минимал даражада сақлашга ҳаракат қиламан. Мен яхши таъминланганман!"

Ундан сўрашди: “Пулсиз миллиардер ҳам бўладими?! Ўзингизни қандай ҳис қиласиз?" деб сўрашганда у яна табассум қилди, кўзлари чақнаб кетди ва деди: “Мен енгилман! Мен ўзимни эркин ҳис қиламан! Мен ўзимни қуш каби ҳис қиляпман... ва Аллоҳ мени чақирганда, Унинг ҳузурига енгил юк билан бораман!"

Ёқуб Умар тайёрлади.

Билол розияллоҳу анҳунинг Пайғамбаримизга муҳаббатлари

Устоз Исҳоқжон Муҳаммад

​“Ислом ёлғон ва Муҳаммад тўқима ва ёлғончи бўлган деган айбловни тинглаш ҳар ким учун катта шармандаликдир. Унинг принтсипларига қатъий ва қатъият билан содиқ қолганини кўрдик; меҳрибон ва саховатли, раҳмдил, тақводор, фазилатли, ҳақиқий эркаклик билан, меҳнатсевар ва самимий. Бу фазилатлардан ташқари, у бошқаларга нисбатан юмшоқ, бағрикенг, хушмуомала, қувноқ ва мақтовга лойиқ эди, эҳтимол у ҳазиллашиб, шерикларини масхара қилар эди. У адолатли, ростгўй, ақлли, пок, улуғвор ва замонавий фикрловчи эди; унинг юзи худди энг қоронғи тунларни ёритадиган чироқлари бор каби нур сочиб турарди; у табиатан буюк инсон эди, у мактабда ўқимаган ва ўқитувчи томонидан тарбияланмаган, чунки буларнинг ҳеч бирига муҳтож эмас эди".

Томас Карлейл (1795 - 1891)
Британиялик тарихчи, сатирик ёзувчи, эссеист, таржимон, файласуф, математик ва ўқитувчи.

“It is a great shame for anyone to listen to the accusation that Islam is a lie and that Muhammad was a fabricator and a deceiver. We saw that he remained steadfast upon his principles, with firm determination; kind and generous, compassionate, pious, virtuous, with real manhood, hardworking and sincere. Besides all these qualities, he was lenient with others, tolerant, kind, cheerful and praiseworthy and perhaps he would joke and tease his companions. He was just, truthful, smart, pure, magnanimous and present-minded; his face was radiant as if he had lights within him to illuminate the darkest of nights; he was a great man by nature who was not educated in a school nor nurtured by a teacher as he was not in need of any of this.”

― Thomas Carlyle, On Heroes, Hero Worship and the Heroic in History

Абдул Ҳамид домла жавоб берадилар (Аудио)
Савол:

Тоғамнинг қизи билан намоз ўқисам, бўладими? Севги борми ё йўқми?
-------------------------------------------
Жавобни аудиода тингланг!


Маърузади кўтарилган мавзулар:

✅тўйдан аввалги севгингиз қаерга кетяпти?

✅бобо ва бувиларимиз севги изҳор қилишганми?

✅севгининг маъноси нима?

Савол:

❓Эртага дугонамнинг туғилган куни. Уни табриклаб, совға берсам бўладими? Исломда туғилган кун нишонлаш ҳақида нима дейилган?

-------------------------------------------

Ушбу саволга шайх Муҳаммад Содиқ Муҳаммад Юсуф раҳимаҳуллоҳ жавоб берганлар:

✏️Бу гап бизда йўқ. Уламоларимизниннг бу ҳақда чиқарган фатволари йўқ. Чунки, бу масала аввалда умуман бўлмаган.

📖Манба:
https://savollar.islom.uz/smf/arxiv/17752.0

Абдул Ҳамид домла жавоб берадилар 🎧

Савол:

❓Ногирон қизим икки боласи билан бошқа шаҳарда яшайди. Касал бўлгач, эри ташлаб кетди. Қизим ишлай олмайди. Лекин алимент ва ногиронлик нафақасини олади. Шу қизимга ушр ва закотларимни берсам бўладими? Шариатга зид эмасми?
-------------------------------------------
❗️Жавобни аудиода тингланг! ☝️

Ибодатдаги камчилик қанчаликка етмасин, гўзал хулққа эътиборсиз бўлманг. Балки у олий жаннатларга киришингиз учун калит вазифасини ўтар.

Нима, солиҳларни бегуноҳ деб ўйлайсизми? Улар фақат гуноҳларини ошкор этмайдилар, (агар гуноҳ қилиб қўйсалар) одамлардан яширадилар.

Гуноҳда туриб олмай, (уни дарҳол тарк этиб) истиғфор айтадилар. Уни оқламайдилар, балки хатоларини эътироф этадилар. Гуноҳ иш ортидан, тезликда савоб амални эргаштирадилар.

Айтилишича, яхшиликнинг аввали очиқ юзлик, кейингиси муҳаббат кўрсатиш ва учинчиси одамларнинг ҳожатини чиқаришдир.

Ибн Қаййим раҳимаҳуллоҳ

☪https://t.me/MubashshirAhmad

Савол:

❓Улоқ ўйини ҳалолми?

❗️Ўзбекистон Мусулмонлари идораси Фатво ҳайъати жавоби:

❓Савол:

Ассалому алайкум..саволим шундан иборатки хар хил от ойинларига жумладан Купкари ойинига пул тикса ва ютса халол хисобланадими.

Жавоб:

❗️ Йўқ, бўлмайди. Бу қимор ҳисобланади. Қимор эса шариатимизда ҳаромдир

📖Манба:
http://savollar.muslim.uz/arxiv/index.php?start=2400

​Али розияллоху анҳу, одатда, Абу Бакр розияллоху анҳу билан кўришганда аввал салом берар эдилар. Бир куни ҳазрат Али розияллоҳу анҳу одатга хилоф тарзда биринчи бўлиб салом бермадилар.
Абу Бакр розияллоҳу анҳу салом берганларидан сўнг у киши алик олдилар. Бир одам бу ҳолатни Пайғамбаримиз соллаллоҳу алайҳи ва саллам етказиб: “Али розияллоҳу анҳудан доим Абу Бакр розияллоҳу анҳу билан кўришганда салом берардилар, бугун эса Абу Бакр розияллоҳу анҳу билан кўришганда салом бермадилар, балки Абу Бакр садом бергач, алик олдилар”, – деди.
Бу шикоятни эшитган Пайғамбаримиз соллаллоҳу алайҳи ва саллам Али розияллоҳу анҳуни чақириб, нимага аввал салом бермаганини сўрадилар. У киши: “Мен ҳамиша ҳазрат Абу Бакрга салом берар эдим. Бу кеча тушимда бир боғ кўрди. Одамлардан: “Бу боғ кимники?” – деб сўрадим, улар: “Бу боғ дўстига биринчи бўлиб салом берган кишига насиб қилади”, – дейишди. Мен бугун Абу Бакр биринчи бўлиб салом бериб, ўша боққа ҳақдор бўлсинлар, деб у кишига салом бермай турдим”, – деб жавоб бердилар.

📖 Аҳмад Муҳаммад Турсуннинг “Улуғлар шундай яшашган” китобидан олинди.

​​🕋УМРА ТАДБИРИНИ ТАШКИЛ ЭТИШ ЮЗАСИДАН ХАБАРНОМА

✅Сўнгги йилларда ҳаж ва умра тадбирларини ташкил этиш, зиёратчиларга қулай шарт-шароит ва енгилликлар яратиш борасидаги ишлар, шубҳасиз янги босқичга кўтарилди. Буни ташкилий ишлар ҳамда Макка ва Мадина шаҳарларида юртдошларимиз учун яратилган янгилик ва қулайликлар мисолида яққол кўриш мумкин.

📍Мазкур сафарларни ташкил этиш дунёда кечаётган мураккаб эпидемиологик вазият, қолаверса Саудия Арабистонидаги коронавирус касаллиги билан боғлиқ жиддий ҳолатдан келиб чиқиб, вақтинчалик тўхтатилган эди. Шундан буён “Ҳаж” ва “Умра” тадбирларини ташкил этиш ва ўтказиш масалалари бўйича Жамоатчилик кенгаши Саудия томони билан мазкур тадбирлар билан боғлиқ янгилик ва жараёнлар борасида мунтазам мулоқот қилиб келмоқда.

❇️Аввал хабар бериб ўтганимиздек, Саудия Арабистони Подшоҳлиги Ҳаж ва умра вазирлиги ўзининг расмий интернет нашрлари орқали тақдим этган маълумотларга кўра, Умра зиёрати тўрт босқичда, Саудия Арабистони Подшоҳлиги Соғлиқни сақлаш вазирлиги таклиф ва тавсиялари асосида қайта ташкил этиши баён этилган. Бугунга қадар умра тадбирлари 2 та босқичда қайта йўлга қўйилди. Шу йилнинг
4 октябрдан биринчи ва 18 октябрдан иккинчи босқичлар бошланди. Ҳозирга келиб кунлик зиёратчилар сони 15 мингтани ташкил этмоқда.

Шуни алоҳида таъкидлаш керакки, ушбу икки босқичда Умра ибодатини адо этувчилар сони чекланган бўлиб, махсус онлайн навбат дастури орқали рўйхатга олинмоқда ва зиёратчиларнинг Масжидул Ҳарам ҳудудига киришлари ташкилий равишда амалга оширилмоқда.

Шунингдек, Ҳаж ва умра вазирлигининг баёнотида жорий йил 1 ноябридан эътиборан, Умра ибодатини адо этиш учун хорижлик зиёратчиларни қабул қилиш назарда тутилган эди. Рухсат этилган давлатлар рўйхати мамлакатларнинг эпидемиологик ҳолатидан келиб чиқиб, Саудия Арабистони Подшоҳлиги Соғлиқни сақлаш вазирлиги томонидан шакллантирилиши алоҳида таъкидланган.

❗️Шу ўринда, интернет сайтлари ва ижтимоий тармоқ саҳифаларида жорий йилнинг 1 ноябрь кунидан эътиборан, хорижий зиёратчиларга умра қилиши учун рухсат берилмоқда, мазмунида тарқалган хабарга ойдинлик киритиб ўтиш лозим. 1 ноябрь кунидан хорижий фуқароларга рухсат бериш юзасидан билдирилган Ҳаж ва умра вазирлиги баёнотида Умра ибодатига келувчилар учун бир қанча шарт ва талаблар белгилаб қўйилган.

Жумладан, унда умра зиёратчисининг ёши 18 дан 50 ёшгача бўлиши (Саудия Арабистони Подшоҳлиги Соғлиқни сақлаш вазирлиги таклифига кўра), коронавирусдан ҳоли эканини исботловчи манфий натижали ПЦР анализни тақдим этиши, ушбу анализ 72 соат ичида олинган бўлиши ва ишончли лабораторияда амалга оширилиши зарурлиги, "Умра қилдик" программаси орқали (Икки Ҳарамга кириш учун онлайн навбат) рўйхатдан ўтиб, ўз онлайн тартибига кўра умра ибодатини адо этиш, Масжидул Ҳаромда намоз ўқиш, Масжидун Набавийни зиёрат қилиш ва Равзаи шарифда намоз ўқиш билан боғлиқ режали ишлар учун олдиндан буюртма бериш, Саудия Арабистонига етиб келгандан сўнг белгиланган меҳмонхонада 3 кун карантинда бўлиши ва бошқа шу каби талаблар белгиланган.

Шунингдек, Саудия мутасадди идоралари томонидан эпидемиологик ҳолат бўйича Умра зиёратини ташкил этиш учун рухсат этилган давлатлар рўйхати алоҳида эълон қилиниши қайд қилинган.

✅Ўз навбатида, «Ҳаж» ва «Умра» тадбирларини ташкил этиш ва ўтказиш масалалари бўйича жамоатчилик кенгаши Саудия Арабистони расмийлари билан мазкур масалалар бўйича белгиланган карантин талаблари асосида Умра зиёратини ташкил этиш юзасидан музокаралар ўтказмоқда.
Шунингдек, ушбу тадбирларни ташкил этишга ваколатли ташкилот – Ўзбекистон мусулмонлари идораси юртдошларимизнинг тўлиқ тиббий хавфсизлигини таъминлаган ҳолда, расмий, ишончли, хавфсиз ва қулай Умра хизматларини тақдим этиш устида ҳамкорлар билан жадал иш олиб бормоқда.

❗️Эслатиб ўтамиз, Умра сафари билан боғлиқ якуний қарорлар юзасидан тез кунларда расмий баёнот берилади.

Дин ишлари бўйича қўмита ва
Ўзбекистон мусулмонлари идораси
@muslimuzportal | @mp3muslim | @diniysavollar

​​#МУНОСАБАТ:
ҚУРЪОНИ КАРИМНИ ТАҲҚИРЛАШГА ҲЕЧ КИМНИНГ ҲАҚҚИ ЙЎҚ!

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту саломлар бўлсин.

Азиз мўмин-мусулмон юртдошлар! Куни кеча ижтимоий тармоқ саҳифаларида динимизнинг илоҳий манбаси ва энг муқаддас китоби – Қуръони каримга нисбатан ҳурматсизлик акс этган видеолавҳа тарқалди ҳамда кескин баҳс-мунозара ва норозиликларга сабаб бўлди.

Маълумки, Аллоҳ таоло Қуръони каримни инсониятга ҳидоят ва эзгулик манбаи ўлароқ нозил қилган. Шу нуқтаи назардан, қолаверса, қонунчиликка кўра, инсон ким бўлишидан қатъий назар муайян дин вакилининг диний туйғулари, қадриятлари ҳурмат қилиниши шарт, уларнинг таҳқирланишига йўл қўйилмайди.

Ота-боболаримиз қадим-қадимдан Қуръони каримни кўксиларидан пастда тутмаганлар, жойнамозларини ҳам доимо баланд жойга қўйганлар. Масжид атрофидан оҳисталик билан ўтганлар. Азон айтилаётганда беҳуда сўз айтмаганлар. Ана шу жиҳатлардан келиб чиққанда, тарқалган видеолавҳадаги ҳолат юртимиз мўмин-мусулмонларининг кескин норозилигига сабаб бўлди.

Шу ўринда, Ўзбекистон мусулмонлари идораси Қуръони каримни оёқ ости қилиш ҳолатини қаттиқ қоралашини ҳамда бу ноинсоний ҳаракат ҳеч қайси диний таълимотга ҳам, ақлга ҳам, умуман олганда, инсонийлик тамойилига ҳам тўғри келмаслигини билдиради.

Кези келганда, мўмин-мусулмон юртдошларимизга бундай манфур хатти-ҳаракатларга нисбатан тажовузкорона эмас, балки ақлни ишлатиб муносабат билдириш лозим эканини таъкидлаймиз. Чунки, қонун ҳужжатларига мувофиқ миллий, ирқий, этник ёки диний мансублигига қараб, аҳоли гуруҳларига нисбатан адоват, муросасизлик ёки нифоқ келтириб чиқариш мақсадида миллий шаън-шараф ва қадр-қимматни камситишга, фуқароларнинг ҳис-туйғуларини ҳақоратлашга қаратилган қасддан қилинган ҳаракатлар жавобгарликка асос бўлади. Шундай экан, бу фуқаронинг қилмиши ҳам, албатта, қонуний асосда кўриб чиқилади.

Ўз навбатида, Қуръони каримни таҳқирлаган мазкур фуқаронинг шахсини аниқлаш бўйича ҳуқуқни муҳофаза қилувчи ташкилотлар томонидан амалий саъй-ҳаракатлар олиб борилаётгани ҳамда конституция ва қонун ҳужжатларига зид равишда диний адоват чиқаришга йўналтирилган хатти-ҳаракатларига нисбатан қонуний чора кўрилишини таъкидлаймиз.

Ўзбекистон мусулмонлари идораси

🔆ИБРАТ: ОНАЛАР ҚАЛБИ ОЗОРЛАНМАСИН!

Тобеъинлардан бири бетоб бўлиб колди. Онаси у кишини кўргани келган эди, бетоб ётган одам кийимларини кийиб, хеч нарса бўлмагандек ҳушёр тортиб қолди, аммо онаси чиқиб кетганидан кейин эса ҳушидан кетиб йиқилди.
У кишига: “Онангизнинг ёнларида ҳеч нарса бўлмаган эди. Энди нима бўлди?” – дейишди. У киши: “Фарзандларнинг оҳ-воҳ тортиши оналар қалбига озор беради”, – деб жавоб берди.

📚Аҳмад Муҳаммад Турсун “Улуғлар шундай яшашган” китобидан олинди.

​БАҚАРА СУРАСИ ТАФСИРИ

11 - 16-оятлар

وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ
11. “Уларга: "Ер юзида бузғунчилик қилманглар", дейилса, "Биз ислоҳ қилувчилармиз", дейдилар”.
Куфр, гуноҳлар ва бошқа ишлар билан заминни бузишдан, булғашдан қайтарилсалар, айбларини тан олмай, ўзларини солиҳ ва муслиҳлар (ислоҳ қилувчилар) қилиб кўрсатадилар.
أَلَآ إِنَّهُمۡ هُمُ ٱلۡمُفۡسِدُونَ وَلَٰكِن لَّا يَشۡعُرُونَ
12. "Огоҳ бўлингизким, айнан ўшалар бузғунчилардир, лекин ўзлари буни сезмаслар".
Ҳақиқат шуки, айнан уларнинг ўзлари бузғунчилардир. Лекин улар буни сезмайдилар. Қилаётган ишлари айни фасод эканини ҳис этмайдилар.
وَإِذَا قِيلَ لَهُمۡ ءَامِنُواْ كَمَآ ءَامَنَ ٱلنَّاسُ قَالُوٓاْ أَنُؤۡمِنُ كَمَآ ءَامَنَ ٱلسُّفَهَآءُۗ أَلَآ إِنَّهُمۡ هُمُ ٱلسُّفَهَآءُ وَلَٰكِن لَّا يَعۡلَمُونَ
13. “Уларга, мана бу одамларга ўхшаб иймон келтиринглар, дейилса, эси пастларга ўхшаб иймон келтирайликми, дейдилар. Огоҳ бўлингки, уларнинг ўзлари эси пастлардир. Лекин буни билмаслар”.
Пайғамбар алайҳиссаломнинг саҳобалари каби иймон келтиришга буюрилсалар, уни масхара оҳангида рад этиб, эси пастларга ўхшаб иймон келтирайликми, дейишади. Аслида эса уларнинг ўзлари эси пастлардир. Лекин буни ўзлари билмайдилар.
وَإِذَا لَقُواْ ٱلَّذِينَ ءَامَنُواْ قَالُوٓاْ ءَامَنَّا وَإِذَا خَلَوۡاْ إِلَىٰ شَيَٰططِينِهِمۡ قَالُوٓاْ إِنَّا مَعَكُمۡ إِنَّمَا نَحۡنُ مُسۡتتَهۡزِءُونَ
14. "Мўминларга йўлиққанларида, иймон келтирдик, дерлар, шайтонлари билан холи қолганда эса, биз сизлар биланмиз, биз уларнинг устидан куляпмиз, холос, дерлар".
Мўминлар билан учрашганларида қўрққанларидан, сизлар иймон келтираётган ваҳийни рост деб биламиз, дейдилар. Ўзларининг бошлиқлари, раҳбарлари билан холи қолганларида эса, биз ҳали ҳам сизлар биланмиз, сизларнинг йўлингиздамиз, мўминларнинг устидан кулиш, уларни масхара қилиш учун тил учида уларни тасдиқлаб қўйяпмиз, дейдилар.
ٱللَّهُ يَسۡتَهۡزِئُ بِهِمۡ وَيَمُدُّهُمۡ فِي طُغۡيَٰنِهِمۡ يَعۡمَهُونَ
15. "Аллоҳ уларнинг устидан кулади ва ўз туғёнларида адашиб юришларига қўйиб беради".
Улар мўминларнинг устидан кулаётган бўлсалар, Аллоҳ уларнинг устидан кулади. Нима эккан бўлсалар, ўшани ўрадилар. Шунинг учун уларга бу дунёда мусулмонларнинг ҳукмлари жорий қилинса-да, охиратда мукофот олиш ўрнига кофирлиги ва мунофиқлиги туфайли жазога тортиладилар. Айни пайтда Аллоҳ уларни ўз туғёнларию залолатлари гирдобида қолиб кетишларига қўйиб беради. Шу билан ҳайронлигу иккиланиш уларнинг доимий ҳамроҳига айланади.
أُوْلَٰئِكَ ٱلَّذِينَ ٱشۡتَرَوُاْ ٱلضَّلَٰلَةَ بِٱلۡهُدَىٰ فَمَا رَبِحَت تِّجَٰرَتُهُمۡ وَمَا كَانُواْ مُهۡتَدِينَ
16. "Улар ҳидоятнинг ўрнига залолатни сотиб олган кимсалардир. Бас, бу савдоларида фойда қилмадилар ва ҳидоят топганлар қаторидан жой олмадилар".
Улар чин маънодаги эси пастлардир. Чунки иймон турганда куфрни танладилар, сотиб олдилар. Табиийки, бу савдоларида фойда қилмадилар, аксинча, зарар кўрдилар. Аллоҳга бўлган иймонни қўлдан бой бердилар. Айни пайтда ҳақиқат йўлини топганлар қаторидан ҳам жой олмадилар.
Саркашликлари ва ваҳийни ёлғонга чиқарганлари сабабли Аллоҳ қалбларини муҳрлаб қўйган бадбахтларга ҳар қанча кўп, улкан бўлмасин, ҳеч қандай оятлар фойда бермайди.
Аллоҳ таолонинг ёлғончига чиқарувчи золимларни маълум муддат ўз ҳолига ташлаб қўйиши билмай қолгани ёки ночорлигидан эмас, балки уларнинг гуноҳлари ортиши ва шу билан уларга бериладиган азоб ҳам янада улканлашиши учун бўлган.

azon.uz сайтидан олинди

Абдул Ҳамид домла жавоб берадилар 🎤

Савол:

❓Бир дугонам турмуш ўртоғи билан уч ойдан бери яшамагани учун никоҳ ўқитиб яшамоқчи. Эр-хотин қанча вақт бирга яшамаса, талоқ тушиб қолади?
-------------------------------------------
🎧Жавобни аудиода тингланг!

Абдул Ҳамид домла жавоб берадилар 🎤

Савол:

❓Нега Пайғамбаримиз соллаллоҳу алайҳи ва салламни сизлаб, Аллоҳни сенлаймиз?
-------------------------------------------
🎧Жавобни аудиода тингланг!

​Франциянинг Ниса шаҳрида бир мусулмон черковга пичоқ билан бостириб кириб, 3 одамни ўлдирибди. Бирининг бошини кесибди.
Дин эгалари, мўмин - мусулмонлар бундай ишларни оқлашдан йироқ бўлишлари керак. Исломда ҳеч бир жон маҳкама ва қози ҳукмисиз ҳалол бўлмайди.

Францияда 5-6 миллион мусулмон яшайди, кўпчилиги - ё ўзлари ёки ота-боболари мусулмон юртлардан кўчиб бориб, ўша ерни ватан тутганлар. Давлат уларга виза ёки бошқа ҳужжатлар берган, бу эса барча замонамиз уламолари иттифоқи билан ўша мусулмонлар ва маҳаллий халқ ўртасида муаҳада - ўзаро омонлик, тинчлик битими ҳисобланади.
Бундай битим ортидан хиёнат қилиб, айби исботланмаган одамларни бошбошдоқлик билан қатл қилиш асло шариатимизга тўғри келмайди.
Биз у ифлосларнинг саййидимиз Росулуллоҳ соллаллоҳу алайҳи васаллам зоти олийларига қилган ҳақоратлари учун уларни ёмон кўрамиз.

Бироқ асло уларнинг дуч келган бирини тутиб олиб, ўлдиришни ҳалол демаймиз. Айниқса, ўртада муаҳада - омонлик битими бўлса.
Ахир, ўша ўлдирганлар аслида Росулуллоҳ соллаллоҳу алайҳи васалламни таҳқир қилишга қарши бўлишлари ҳам мумкин.
Ҳатто уруш пайтида ҳам жумҳур уламолар наздида аёллар, қўлига қурол олмаганлар ва руҳонийлар ўлдирилмайди.

Хуллас, қайси томондан қарасангиз ҳам бу иш шариатга зиддир.

Унутмайликки, бир миллатни ёмон кўриш билан унинг муайян шахслари қонини ўзбошимчалик билан ҳалол қилиб олиш ўртасида улкан фарқ бор.

Асло ҳаром ишни оқловчи, зулмни қўллаб қувватловчи бўлмайлик.

Шу билан бирга, Макрон каби иблислар ўз жиноятлари билан мана шундай низолар қўзғаётганларини англашлари ва нафрат уруғи экишдан тўхташлари лозим.

Яқинда Ўзбекистонда бир Ифлос динни ҳақорат қилиб видео олибди, ҳукумат бундай ишлар диний адоват ва низо қўзғашини инобатга олиб вақтида кескин чора кўришини кутиб қоламиз.

Аллоҳ бизни золим бўлишдан ҳам, мазлум бўлишдан ҳам асрасин!

Mahmud Usmon