Сурияда болалик даври:

- Муҳбир: Устингдаги куртканг қани?
- Болакай: Курткам йўқ. Дадам ўлгандан кейин ҳеч ким менга куртка сотиб олиб бермади. 😢

Аллоҳ юртларимизни тинч-омон қилсин!

Муҳаммад пайғамбар (с.а.в.) севган 10 та озиқ-овқат

1. Арпа
У организмни зарарли моддалардан тозалайди, овқат ҳазм қилишни йўлга қўяди ва ичакда фойдали бактериялар ўсишига имкон беради.
2. Хурмо (финик)
Пайғамбар (с.а.в.) уйда хурмосиз озиқ-овқат бўлмайди, деганлар. У соч ва тери учун фойдали, шунингдек, кўриш қобилияти билан боғлиқ ва жигар касалликлари олдини олишда ёрдам беради. У юрак учун ҳам фойдали.
3. Анжир
Ҳазм қилишни яхшилайди ва ҳорғинликда ёрдам беради.
4. Узум
Пайғамбар (с.а.в.) қонни тозаловчи, тетикликни оширувчи, буйракларни мустаҳкамлаб, ичакларни тозаловчи узумни яхши кўрганлар.
5. Асал
Овқат ҳазм қилишни яхшилайди, қувватни тиклайди, иммунитетни оширади.
6. Тарвуз
Пайғамбар (с.а.в.) тарвуз айниқса ҳомиладор аёллар саломатлиги учун фойдали, деганлар. Унинг таркибидаги ферментлар ичакнинг нормал фаолият юритишини таъминлайди. «Тарвузни истеъмол қилган ҳар қандай ҳомиладор аёл ташқи кўриниши чиройли ва феъл-атвори ҳам гўзал бўлган болани дунёга келтиради», — деганлар пайғамбар (с.а.в.).
7. Сут
Пайғамбар (с.а.в.) тозалиги бўйича сутга тенглаша оладиган бошқа ҳеч қандай ичимлик йўқлигини айтганлар. Сут белни ва мияни бақувват қилади, кўриш қобилиятини ва хотирани яхшилайди.
8. Қўзиқорин
Муҳаммад пайғамбар (с.а.в.) у кўз учун яхши восита эканлигини айтганлар.
9. Зайтун ёғи
У тери, соч учун ажойиб восита, шунингдек, кексайиш жараёнини секинлаштиради ва овқат ҳазм қилишни яхшилайди.
10. Анор
Пайғамбар (с.а.в.) анор 40 кун ичида шайтондан ва ёвуз ниятлардан тозалашини айтганлар.

“Рақоиқ ул аҳбор” китобида бундай хабар бор: “Қиёмат куни бир кишини олиб келишади. Савоблари билан гуноҳлари қиёсланади, лекин гуноҳлари оғирроқ чиқади. Шунга яраша жазо тортиш амри берилганда, киприкларидан бир толаси тилга кириб, дейдики : “Я Роббим, Сенинг росулинг Муҳаммад (соллаллоҳу алайҳи васаллам): «Ким Аллоҳдан қўрққанидан йиғласа, Аллоҳ у кўзни жаҳаннам оташига ҳаром қилади», - деб марҳамат қилган эдилар. Дунёдалигимда Сендан қўрқиб йиғлаган эдимку...”

Шунда Аллоҳ ўша кишини афв этади, дунёда Роббидан қўрқиб йиғлаган бир киприк толасидаги нам туфайли уни азобдан қутқаради”.

“Мукошафат-ул Қулуб” китобидан

Абу Ҳомид Ғаззолий

Энди намозга кирган вақтим эди. Ислом қалбимда очилгач, ҳижобли қизга уйланиш истаги пайдо бўлди. Бир қизга совчи қўйдим. Вакиллар гувоҳлигида кўришдик. У:
- Неча пора биласиз?-,деб сўради. Жуда уялдим. Унинг саволларига қизариб, ерга қараб жавоб берардим:
- Оз-моз биламан.
- Нечта сура биласиз?
- 6-7тача.
- Мен ҳам 10-12тача биламан. “Оят ал Курсий“ни биласизми?
- Ҳа.
- Ҳижолат бўлманг. Мен ҳам Қуръонни билмайман. “Мулк“ни биласизми?
- Йўқ.
- Мен яқинда ўргана бошладим. 7-8та оятини биламан...
Хуллас учрашувдан сўнг уйга келдим. Менимча қизга ёқмадим шекилли. Мендай имонсизга қайси тақволи қиз тегарди, деб ўйлаб турганимда қиз томондан розилик жавоби келди. Исломий тўй бўлди... Кунларнинг бирида аёлим “Келинг, биргалашиб суралар ёдлайлик. Баҳонада ҳеч бўлмаса бир пора ўрганардик“ деди. Орзум ҳижобли қиз бўлгани боис, мен уни севардим, йўқ дея олмадим. Кунига 7-8 оятдан бирга ёд ола бошладик. “Менга Нисо сураси ёқади. Уни ҳам ёд олайлик“ деди. Биргалашиб бу гўзал сурани ҳам ёдладик. “ЯСин Қуръоннинг қалби. Уни ҳам ёдлайлик илтимос“ деди.
“Мулк“ қабр азобидан сақлайди“...
Шу тахлит у илтимос қилар, мен эса уни севганим боис кўнардим. Орадан 3йил ўтиб қори ҳам бўлиб қолибман. Аёлим ҳам ёд олибди. Эркатой аёлим энди “Саҳиҳул Бухорий“ни ҳам ёд олишни ўтинди. Мамнуният ила рози бўлдим. Ҳар куни 1-2тадан ҳадис ёд ола бошладик.
Кунларнинг бирида шубҳа аралаш қайнотамникига бордим. У кишимга:
- Қизингизни Исломда илми қандай эди?
- Қизим Қуръонни ёд билади. “Саҳиҳул Бухорий“ни ҳам ёдлаган. Мана қаранг, сертификат ва ютуқлари ҳам бор. Ўзи уйда ўрганган, ҳеч қаерни битирмаган...

Уйга келиб аёлимдан нега шунча пайт мендан яширганини сўрадим. У эса:
- Учрашган кунимиз илмингиз камлигини билгач, ўзингизни паст ҳис қилишингизни истамадим. Мен сизга турмушга чиқишда асло қўрқмадим. Илмингиз саноғини ўлчамадим. Сизда Аллоҳга нисбатан қўрқув бор эди. Аллоҳ мен орқали сизга Каломини ўргатди, мен бундан бахтиёрман. Мана бир паста кучли илм соҳиби бўлдингиз. Энди оиламизда ўзингиз фатво чиқараябсиз. Мен эса аёлингизман. Сизни кучли тақвога йўналтириш - менинг вазифам...“ деди.

© Shaydoi Jannat

#Ҳикмат

Амалларнинг энг афзали тафаккур ва парҳезкорлик (тақво)дир. Кимнинг ҳаёти ана шундай бўлса, нажот топибди. Агар ундай бўлмаса, ҳаётини бир ҳисоб китоб қилиб олсин.

Ҳасан Басрий роҳимаҳуллоҳ.

Қизиқ бир ҳолат! Мени ҳайратда қолдирди!

Яқинда бир кишиникида меҳмон бўлдик.

Дастурхон атрофида суҳбатлашар эканмиз кўзим девор бурчагига илинган қопчага кўзим тушди.

- Анави нима?
- Ҳа, уми? У Қуръон!
- Нега деворга осилган?
- Ёмон кўздан асрайдида!
- Илиб қўйса асрайдими?
- Ҳада!
- Ўқисачи?
- Бизда ҳеч ким ўқимайдида! Ота-боболарим илиб қўйишарди. Биз ҳам илиб қўйдик.

Бироз ҳайрон бўлдим.

- Майлими очиб кўрсам?
- Ҳа! Ҳозир олиб бераман!

Бироз эскирган китоб экан. Устида ёзуви йўқ. Ичини очиб кўрдим. Илк саҳифаларда кириллчада қайсидир афғон шоирининг шеърий тўплами эканлиги ёзилганди.
Ҳарфлари арабий бўлсада, шеър форс тилида эди. Ўзим тожик бўлганим боис менга тушуниш қийинчилик туғдирмади. Илк саҳифаларда кирилл ёзувида китобнинг нималиги баён қилинган бўлсада, хонадон эгаси бу ҳақида билмас экан. Демак, умуман очиб кўрмаган.

- Бу Қуръон эмаску! Мана қаранг, ёзилган! Шеърий тўплам экан!
- Йўғеэе!

Тан олмади. Қуръон дея таъкидлайверди. Бироз баҳс-мунозарадан сўнг тушунди. Энди китобни олиб ташлайдими десам, пинагини узмай:
- Шеър бўлса ҳам арабча ёзилгани учун шунча пайт бизни асраган экан!

Ҳафсалам пир бўлди. Бошқа бу хонадонга келмайман дедим ичимда...

Қуръон илиб қўйиладиган китоб эмас. У - ҳақ Китоб! У осилиши эмас, ўқилиши ва амал қилиниши керак!

Ҳозироқ ўқилиши керак!

БЎЛАЖАК ФАРЗАНДИНГИЗНИНГ ҚОРИ БЎЛИШИНИ ИСТАЙСИЗМИ?

Бунинг йўли сиз ўйлаганчалик қийин эмас. Озгина диққат-эътибор қаратсангиз, қарабсизки, фарзандингиз Аллоҳнинг каломи бўлмиш Қуръони каримни тез ва осон ёд олишга эришади. Бу иш тажрибадан ўтган ва ўз самарасини берган.

Яқинда бир киши билан гаплашиб қолдим. Икки нафар фарзанди бўлиб, ҳар иккиси ҳам 7 ёшида Қуръони каримни мукаммал ёд олибди. Тўғриси ажабландим. Ундан бунинг услубини сўраганимда, шундай жавоб эшитдим:
“Янги уйланган вақтимда турмуш ўртоғим фақат намоз ўқир аммо араб алифболаридан мутлақо бехабар эди. Унга аста-секин Қуръони каримни ўқишни ўргата бошладим. 3-4 ой деганда Қуръони каримни ўзи мустақил ўқийдиган бўлди.

Биринчи фарзандимиз туғилгунга қадар Қуръонга меҳр қўйди, туну кун тиловат этарди. Бирор юмуш билан машғул бўлган пайтларида ҳам имкон қадар кассета ёки дисклардан тиловат эшитишни канда қилмасди.
Тўйимизга бир йил тўлар-тўлмас Аллоҳ бизга ўғил фарзанд ато этди. Аёлим эса Қуръон тиловатида бардавом эди. Қуръон тиловати билан бешикни тебратарди, чақалоқни эмизарди...

Бир куни ажойиб воқеа рўй берди. Хуфтон намозидан кейин Мулк сурасини тиловат қилиш чоғида қайсидир оятда адашиб кетдим. Шунда уйнинг бурчагида ўйнаб ўтирган, эндигина 3 ёшга кирган ўғлим мен чалғиган оятни тузатиб қўйди. Бир муддат ўзимни йўқотиб қўйдим. Карахт аҳволда эдим. Кўзимдан тирқираб ёш чиқиб кетди. Ҳали тўлиқ гапиришга ҳам улгурмаган ўғлим Мулк сурасида менга луқма берганди. Қувончим ичимга сиғмасдан уни қаттиқ бағримга босдим. Аёлим иккимиз бошқа кичик сураларни бирма-бир ўқисак, ўғлим биз билан бирга лаблари пичирлаб давом этарди.

Шу кундан бошлаб кучимизга куч қўшилди. Олдингиданда кўпроқ Қуръонга меҳр қўйдик. Бир йил ўтиб қизчамиз туғилди. У ҳам худди акасининг йўлини тутди...

Ана шунақа. Аллоҳ бизни икки нафар фарзанд неъмати билан сийлади. Ҳар иккиси 7 ёшида Қуръони каримни мукаммал ёд олишга муваффақ бўлишди. Ҳозирда араб тилини ўрганишмоқда.
Агар бошқа фарзандларим ҳам бўлганида эди, иншааллоҳ, уларни ҳам қори қилишга астойдил бел боғлаган бўлардим”.

Эркин ҚУДРАТОВ

ҲИКМАТ
Мурид шайхдан сўради: «Нафс ўтини қандай ўчирамиз?».

Шайх деди: «Беҳожатлик билан, беҳожат бўл болам. Ким (бировлардан нарса сўрашни) тарк қилса эга бўлади».

«Инсонлар ҳақида нима дейсиз?».

Шайх деди: «Улар икки хил бўлади. Ким сендан узоқлашишни истаса, эшик тирқишида чиқиш ўрнини топади. Ким сен билан дўстона муносабатда бўлишни истаса, кириш учун харсанг тошни ҳам тешиб ўтади».

Мурид сўради: «Аллоҳга бўлган йўл қандай?»

Шайх деди: «Аллоҳ йўлида ҳаёт кечириш унинг йўлида вафот этишдан аламлироқ, қийинроқдир. Чунки унинг йўлида қатл бўлсанг, бир неча саноқли лаҳзалар, дақиқалар ичида охират томонга, руҳлар оламига ўтиб шод бўласан. Лекин Унинг йўлида ҳаёт кечиришда сен тубанликка қараб кетаётган омма ва оломонга қарама-қарши юришингга тўғри келади. Мана шу улкан курашдир».

"Солиҳлар йўли"📚
Shavkat Usmonov саҳифасидан олинди.

Абдул Ҳамид домла | Ёшликни ҳимоя қилинг

Каналимиз кузатувчилари таклифларини ҳисобга олган ҳолда Устоз Абдул Ҳамид домла ваъзларининг тўлиқ шаклини ҳам эътиборингизга ҳавола этишга қарор қилдик.

Ҳажми: 69:7 МБ
Давомийлиги: 32:58 дақиқа.

Дўстларингизга улашинг ва хайр иш қилганлар қаторида бўласиз, иншаа Аллоҳ.

👉@diyonatli

Яҳё ибн Муознинг ҳузурида: «Бас, унга (Фиръавнга) юмшоқ сўз айтинглар», ояти ўқилди. Шунда у киши шундай дедилар:

«Эй Роббим! Бу «Мен сизларнинг энг олий Роббингизман», деган Фиръавнга бўлган марҳаматинг бўлса, «Сен бизнинг Ҳожамизсан», деганларга марҳаматинг қандай экан?!».

© Имом Бағовий, «Тафсири Бағовий», 1-жилд, 274-саҳифа

Бир куни бир подшоҳ далаларни сайр қилгани чиқибди. Шунда шудгорда ишлаётган бир деҳқонни учратибди. Деҳқон ҳуш кайфиятда ҳиргойи қилиб ишлар эди. Подшоҳ ундан: Эй деҳқон, ўз меҳнатингдан хурсанд бўлиб ишлаяпсан. Бу ер ўзингникими? - деб сўрабди. Деҳқон: йўқ, хўжайин. Мен бу ерда мардикорчилик қиламан, дебди. Шунча меҳнатингга қанча ҳақ оласан? - деб сўрабди подшоҳ. Кунига тўрт чақага ишлайман, деб жавоб берибди деҳқон. Шу сенга етадими? - сўрабди подшоҳ. Ҳа, етиб ортади ҳам. Бир чақани рўзғоримга ишлатаман, бир чақани қарзимга тўлайман, бир чақани қарзга бераман ва яна бир чақани Аллоҳ йўлида эҳсон қиламан, дебди деҳқон. Гапингга яхши тушунмадим, тушунтириброқ гапир, дебди подшоҳ. Ундай бўлса эшитинг: рўзғорим учун ажратган чақамни мен ўзим ва хотинимга сарфлайман. Қарзга тўлайман деганим, мени дунёга келтириб, боқиб катта қилган ота-онамга сарфлайман. Улар менга болалигимдан борларини сарфлаганлар ва ҳозирда кексайиб менинг кўмагимга муҳтожлар. Мен ўша қарзимни узяпман. Қарз бераман деганим, фарзандларимга сарфлайман, уларни едириш ва кийдириш менинг зиммамда. Вақти келиб улар ҳам мендан қарзларини узадилар. Аллоҳ йўлида эҳсон қиламан деганим, мени иккита бемор синглим бор. Уларни парвариши учун сарф қиламан, дебди. Буни эшитган подшоҳ деҳқонга тасаннолар айтиб, оддийгина инсоннинг ҳикматга бой сўзига қойил қолибди ва унга анчагина маблағ инъом қилиб йўлида давом этибди.

👉@diyonatli

✍ Ҳомидбек Ишматбеков саҳифасидан олинди

Султонга дарс берган қул

Аёз исмли бир қул тақдир бўлиб, Султон Маҳмуднинг хизматкори бўлибди. Султон қулининг одоб-ахлоқини кўриб, уни яхши кўриб қолибди. Шунчалик ишончини қозонибдики, бутун салтанатнинг хазинабони этиб тайинланиб, саройнинг барча хазина-бойликлари унга топшириладиган бўлибди. Бу ҳолатни кўрган саройдагиларнинг баъзилари бунга ҳасад қилишибди. Ҳасад ва кибрлари туфайли “шундай оддий бир қулга бунчалик катта мавқеъ берилиши”ни ва ўзларининг шу даражада ҳам обрўлари йўқлигини ўзларига сингдира олмабдилар. Ҳолат шундай давом этгач, Султонга ҳар куни, ҳар хил баҳона билан Аёздан шикоят қила бошлашибди. Унинг обрўйини тушириш учун қўлларидан келган ҳамма йўлни синаб кўришибди.

Кунларнинг бирида Султоннинг ҳузурида бир сарой аъёни иккинчисига: “Қул Аёз хазинага тез-тез қатнайдиган бўлиб қолди, биласанми? Менимча у гавҳарларимизни ўғирлаб юрибди. Бунга аминман”, дебди.

Буни эшитган Султон қулоқларига ишонмай “Ҳақиқатдан ҳам шундаймикин, шундай бўлса ўз кўзим билан кўрайин” деб, хазина хонаси деворига кичкинагина тешикча тешдирибди. Шундай қилиб, ичкарида бўлаётган нарсаларни томоша қилишни бошлабди.

Кеч тушибди, қул секин сарой хазинасига бориб, эшикни ҳам билдирмасдан ёпиб ичкарига кирибди. Султон қулнинг сандиқ олдига яқинлашганини кўрибди. У ерда яшириб қўйгани кичкинагина бир тугун экан. Тугунни ўпиб, пешонасига суртиб уни очибди. Ичидан қуллик пайти кийган эски-туски кийими чиқибди. Уни кийиб ойнанинг олдига ўтибди. Ўзига ўзи: “Авваллари шу кийимни кийиб юрганингда ким эканлигингни эслайсанми?” – деб сўрабди. – Ҳеч ким… Бор йўғи сотиладиган қул эдинг, холос. Аллоҳ сенга Султоннинг қўли билан, лойиқ бўлмасанг ҳам Ўз раҳматидан шундай неъматларини лутф қилди. Асло қаердан келганингни унутма! Чунки мол-мулк инсоннинг ақлини олади, унутишга мажбурлайди. Шундай экан, сен ҳам сендан камроқ неъматга эга бўлганларга паст назар билан қараб, кибрланма! Буни асло унутма, эй Аёз! – деб сандиқни ёпиб, қулфлабди ва секингина эшикдан чиқибди. Хазинадан чиқар-чиқмас, Султон билан юзма-юз келибди. Шунда Султон Аёзга қараб туриб, кўзидан дона-дона ёш оқа бошлабди. Султон гапиришга ҳам қийналиб, томоғи ҳам тиқилиб қолибди ва ўзини мажбурлаб бўлса ҳам қулига шундай дебди:

— Бугунга қадар бойликларимнинг хазинабони эдинг. Энди… Қалбимизнинг ҳам хазинабонига айландинг. Менга, ҳақиқий Султоним олдида ҳеч ким эканлигимни ва унга қандай муносабатда бўлишим кераклигини ўргатдинг…

Турк тилидан Абдуллоҳ Раҳимбоев таржимаси.

#Тафакур

Ким илм олмоқчи бўлса, тўрт нарсага одатланмоғи лозим, токи унга илм олиш осон бўлади:
1) Мисвок ишлатиш;
2) Тунги намоз. Икки ракъат бўлса ҳам ўқиш;
3) Ичи ва ташини бир хил қилиш;
4) Таҳоратли юришга одатланиш.

✍ Имом Иброҳим Нахаий роҳимаҳуллоҳ

Бугун амал бору, ҳисоб йўқдир. Эртага эса ҳисоб бору, амал йўқдир.

• Ҳазрати Али розияллоҳу анҳу

Бахиллик хорлик келтиради...

Ҳикоя қилинишича, эр ва хотин товуқ гўштидан тайёрланган таомни еб ўтиришганда, тўсатдан эшик тақиллаб қолибди. Иштаҳасини бузиб, бемаврид эшикни қоққан кишидан жахли чиққан хонадон соҳиби эшик қоққан кишини койиб, қувиб юборди. Кунлар ўта бошлади, ҳалиги кишининг турмуши кун сайин қийинлаша борди, кўп ўтмай бор бойлигидан ажралиб қолди. Ҳатто, ейишга таом ҳам тополмай, охир оқибат аёли билан ажрашиш даражасигача етиб борди. Аёли бошқа кишига турмушга чиқиб кетди. Кунларнинг бирида, аёл турмуш ўртоғи билан собиқ турмуш ўртоғи сингари пиширилган товуқ гўштидан истеъмол қилиб турганда, бир киши эшикни тақиллатди. Шунда хонадон соҳиби келган сўровчига таомни бериб юборишини аёлига буюрди. Аёл уйдан ташқарига чиқиб, сўровчига таомни берди ва таажжубда қолди, чунки сўровчи ўзининг биринчи турмуш ўртоғи эди. Сўнгра, аёл йиғлаган ҳолда қайтиб келди. Ундан турмуш ўртоғи йиғисининг сабабини сўраганида, аёл тиламчи унинг биринчи турмуш ўртоғи эканини ва у билан турмушида худди шундай воқеа содир бўлганида, тиламчини койиб, қувиб солганини айтиб берди. Шунда эри аёлига қараб, нимага таажжубланасан, Аллоҳ номи билан қасам ичаманки, мен эринг ҳайдаб солган тиламчи бўламан.

Қиссадан ҳисса шуки, саховат соҳиби иззат-ҳурматда ва бахиллик соҳиби хор бўлур. Ҳазрат Али каррамоллоҳу важҳаҳу айтганларидек, «Бойлик эҳсон қилинса – иззат, беркитилса хорлик келтиради».

👉@diyonatli

Ҳикмат

1. Сирингни икки кимсадан бошқаси билмасин: Сен ва Роббинг.

2. Дунёда икки кишининг розилигини олишликда ҳарис бўл: Онанг ва Отанг.

3. Қийинчилик ва мусийбатларга икки нарса билан Аллоҳга сиғин: сабр ва намоз.

4. Икки нарсадан ҳеч қўрқма: Ризқ ва Ажал. (чунки ризқинг ва жонинг Аллоҳга омонат.)

5. Икки нарсани ҳеч эслама: бошқасига қилган яҳшилик ва бошқасидан кўрган ёмонлик.

6. Икки нарсани ҳеч унутма: Роббингни ва Охиратни.

"Ҳидоят. уз" дан олинди.

👉@diyonatli