Ибн Қаййим раҳимаҳуллоҳ айтади:

"Шайхулисломнинг ёнига келиб, у кишига жуда кўп озор бериб юрган бир ашаддий душманининг ўлганини бир хушхабар сифатида етказдим.

У зот бу ишимни маъқул кўрмай, мени койиб берди ва ўша заҳоти марҳумнинг уйига бориб, унинг оиласига таъзия билдириб, шундай деди:

"Унинг ўрнига мана мен турибман. Қандай эҳтиёжингиз бўлса, қанақа ёрдам керак бўлса, ўзим сизларга ёрдам бераман".

Бу гапдан марҳумнинг яқинлари хурсанд бўлдилар ва шайхулисломнинг ҳақига дуо қилдилар".

Арабчадан Муқим Маҳмуд таржимаси
2020-10-19

Бир кишини Аллоҳ олти қиз билан ризқлантирган эди. Хотини еттинчисига ҳомиладор бўлганида эри ўғил туғилишини истагани учун хотини қиз туғиб қўйишидан хавфсирар эди. Агар хотини еттинчисини ҳам қиз туғса, эр хотинига талоқ беришга азму қарор қилди. Эр ўша кеча ухлаб, туш кўрди.Тушида қиёмат қоим бўлиб, унга дўзах яқинлаштирилибди. У кишини дўзах эшикларидан бирига олиб борилса, тўсатдан бир қизи чиқиб, отасини мудофаа қилар ва отасини дўзахга киришига монеълик қилар эди.У киши қизларининг тўсқинлиги сабаб ҳатто жаҳаннамнинг олти эшигидан ҳам қутулиб қолди. Олдинда еттинчи эшик турар эди.У бу ҳолатдан саросимага тушди. Нияти ва азму қароридаги хатосини билди. Бу қилган ишидан пушаймон бўлди. Роббисига дуо қилиб: “Аллоҳим! Мени еттинчи қиз билан ризқлантир”, дея ёлворди...

Аҳмад Муҳаммаднинг “Улуғлар шундай яшашган” китобидан олинди.

АЛЛОҲНИНГ БОРЛИГИГА ДАЛИЛ

Бир куни олимлар имом Шофеъийнинг ҳузурига келиб, у кишидан Аллоҳ азза ва жалланинг борлигига битта далил айтишини сўрашди. У киши бироз ўйга чўмиб, сўнгра: “Аллоҳнинг борлигига тутнинг барги далилдир”, – деди.
Одамлар бу жавобдан таажжубга тушиб: “Қандай қилиб тутнинг барги Аллоҳнинг борлигига далил бўлади?” – дейишади.
Имом шундай деди: “Тут баргининг таъми бир хил.Лекин уни ипак қурти еса, ипак чиқади, асалари еса, асал чиқади, кийик еса, хушбўй мушку анбар чиқади.Ахир бу нарсаларнинг аслини бир, чиқишини ҳар хил қилган ким? Аниқки, унинг яратувчиси ушбу улкан коинотни яратган Аллоҳ таолодир!”

Аҳмад Муҳаммаднинг “Улуғлар шундай яшашган” китобидан олинди.

Ар-Роҳман сураси

Аллоҳ таоло:
“Қуръон тиловат қилинганда, уни тингланг ва жим туринглар, шояд, рахматга эришсангиз” – деди ("Аъроф" сураси, 204-оят).

​​Мисрда французларга қарши курашган Муҳаммад Каримни тутиб Наполеоннинг ҳузурига олиб келишди. Наполеон унга деди:
- Сен каби ўз халқининг ҳимоясига жонини тиккан қаҳрамонларни ўлдириш менга тўғри келмаяпди. Тарих мени халқ қаҳрамонларини қатл қилган киши сифатида ёд этишини истамайман. Сенга имкон бераман. Агар менга ўлдирилган аскарларимга эваз ўлароқ ўн минг қитъа олтин келтирсанг сени озод қиламан.
Муҳаммад Карим деди:
- Ҳозир менда бунча олтин йўқ. Аммо савдогарларга юз минг қитъа олтин қарз берганман. Улар беришса беришим мумкин.
Наполеон унга олтинларини кишилардан олиши учун муҳлат берди. У ҳар куни занжирбанд ҳолда, француз аскарлари қуршовида бозорга борар, уларни деб жонини фидо қилаётган кишилардан умид қилар эди. Аммо бирорта савдогар олтин бермади. Аксинча, уни Искандарияни вайрон бўлишига сабабчи ва иқтисодий таназзул сабабчиси деб маломат қилишди.
Муҳаммад Карим Наполеоннинг ҳузурига қуруқ қўл билан қайтиб келди. Наполеон деди:
- Сени ўлдиришдан бошқа иложим қолмади. Чунки сен тижоратини ватан ҳурриятидан афзал биладиган қўрқоқ инсонларни деб менинг аскарларимни қатл қилдинг.

Муҳаммад Рашид Ризо айтади:
"Жоҳил жамиятни деб ҳаётини таҳликага қўйган киши кўзи кўр инсоннинг йўлини ёритиш учун ўз жасадини ёққан кишига ўхшайди".

fikrbank©

ҚУДУҚ СУВЛАРИ МАСАЛАЛАРИ | 1

Агар қудуқнинг сувини тўлиғича тортиб олиш мумкин бўлса, қудуққа:
•сийдик
• тезак
• хамр – шароб (ароқ ё шунга ўхшаш нарсалар) тушса;
• бир томчи (қатра) бўлса ҳам нажосат тушса;
• катта ё кичик ҳайвон тушиб, ўлиб қолса;
• ё ўлик нарса тушиб, шишмаган ва титилмаган бўлса;
• қудуққа сичқоннинг думи ё ўзи ё ҳаром ўлган ҳайвоннинг бир парча гўшти тушса қудуқнинг ҳамма суви тортиб олинади.

• Қудуқ сувни тортиб олишнинг имкони бўлмаса, биладиган инсон қудуқдан қанча сув борлигини айтади. Ўша одамнинг гапига кўра, айтилган миқдор челакда сув олиб ташқарига тўкилади.

• Қудуққ истинжо қилмаган одам тушганда, ўлмаса ҳам, барча суви тортиб олинади.

• Қудуққа тушадиган тезак, таппи ёки қумалоқнинг фарқи йўқ – сувни нопок қилади, қудуқ суви тортиб олинади.

• Шаҳар ичидаги қудуқлар ва чўл, дала-даштдаги қудуқларнинг фарқи йўқ – ҳукм бир хил.

#фиқҳ #мажмаулмақсуд #таҳорат

“САБОТУЛ ОЖИЗИН” КИТОБИНИНГ ШАРҲИ
Матн:
Сулаймон хизматида қилди парвоз,
Ҳисобин билмаган шоҳину шоҳбоз.
Вале бир муштпар ҳудҳуд эди пайк,
Деди султониға: “Орийу лаббайк”.
Шарҳ:
Сулаймон алайҳиссалом хизматида лочин, қарчиғай, бургут каби беҳисоб қушлар улкан қанотларини ёзиб учар, у зотга соя солиб турар эди. Лекин тезлик ва эпчилликда бир-биридан ўтувчи шунча қушлар туриб, элчилик тожи бир мушт пар вазнича бўлган ҳудҳуд – попишакнинг бошига кийдирилди. Яъни, Яман мамлакатининг Сабаъ шаҳрида ҳукмронлик қилаётган Билқийс исмли аёлга Сулаймон алайҳиссаломнинг мактубини етказиш вазифаси Ҳудҳудга топширилди. Бу зийрак қуш ўзининг Султони Сулаймон алайҳиссалом юклаган вазифани “Лаббаи!” деб қабул қилди ва амрига итоат этди. Қиссадан ҳисса шуки, илоҳий иноят учун жуссанинг катта, кучнинг кўп бўлишига эътибор йўқ. Шу сабаб, бу қадар қувватли, баҳайбат қушлар ичидан ожиз бир қуш танланди ва ҳидоят элчиси бўлишдек улуғ шарафга Ҳудҳуд лойиқ кўрилди.
Манба: “Равойиҳур райҳон”, Рашид Зоҳид
#саботуложизин #равойиҳурр

Шайх Муҳаммад Содиқ Муҳаммад Юсуф раҳимаҳуллоҳ: "Ихлос билан ўқиладиган буюк зикр ҳақида".

УМАР ИБН АБДУЛ АЗИЗ ИБРАТИ

Халифа Умар ибн Абдулазиз масжидга кирдилар. Масжид қоронғи бўлганидан, ухлаб ётган бир одамни оёқлари билан туртиб юбордилар. Умар қоронғида кўрмасдилар.
У одам:
– Бу нимаси? Эшакмисан? – деди.
У киши:
– Йўқ, Умарман, – дедилар.
Шунда халифанинг ҳамроҳлари айтди:
– Эй амирал мўминин, у сизни эшак, деди.
– Йўқ, у эй эшак, демади. У сўради, мен жавоб қилдим, дедилар.

Мустафо Маҳмуд, “Жаннат ва дўзах узра баланд арқон” китобидан

Абдул Ҳамид домла жавоб берадилар (Аудио)

Савол:

Интернетдаги қимор ўйинларида ҳақида ёшларимизга насиҳат қилсангиз. Кўпчилик шу ўйинга муккасидан кетмоқда.
-------------------------------------------
Жавобни аудиода тингланг! ☝️

Абдул Ҳамид домла жавоб берадилар (Аудио)

Савол:

Блогерлик, хусусан, маънавий озуқа бермайдиган видеолар жойлаш орқали топилган пул ҳалолми? Мен блогерлик қилмоқчиман, шу масалада шариат нуқтаи назаридан қандай таклиф ва маслаҳат берасиз?
-------------------------------------------
Жавобни аудиода тингланг! ☝️

Абдул Ҳамид домла жавоб берадилар (Аудио)

Савол:

Кийимларни поклаш ҳақида маълумот берсангиз. Баъзан кийим қатрон қилинганда чўзилиб, сифатини йўқотади. Шундай кийимларни сиқиш шартми?
-------------------------------------------
Жавобни аудиода тингланг! ☝️

Абдул Ҳамид домла жавоб берадилар (Аудио)

Савол:

Дуони “Аттаҳиёт”дан олдин ўқиш керакми ёки саломдан кейин?
-------------------------------------------
Жавобни аудиода тингланг! ☝️

Абдул Ҳамид домла жавоб берадилар (Аудио)

Савол:

Эркак ва аёл аралаш гуруҳларда Исломдан савол-жавоб қилиш жоизми? Бу ҳақда шариатда нима дейилган?
-------------------------------------------
Жавобни аудиода тингланг! ☝️

Абдул Ҳамид домла жавоб берадилар (Аудио)
Савол:

Қизлар юзини ўзгартириб, ботекс, татуажлар қилишяпти. Бу гуноҳ ҳисобланадими? Бунга шариатда қандай қаралади? Баъзи болалар соқол ўстириш учун ҳам ҳар хил йўллардан фойдаланишяпти. Бу ҳақда қандай ҳукм бор?
-------------------------------------------

Жавобни аудиода тингланг! ☝️

Абу Ҳурайра розияллоҳу анҳудан ривоят қилинади:

“Набий соллаллоҳу алайҳи васаллам: “Қора дона ўлимдан бошқа ҳар бир дардга даводир”, – дедилар”.

Икки шайх (имом Бухорий ва имом Муслим) ва Термизий ривоят қилишган. Термизийнинг лафзи қуйидагича:
“Сизлар мана бу қора донани лозим тутинглар. Чунки унда сомдан бошқа барча дардга шифо бор. Сом – ўлимдир”.

Барчамиз бизни танимаганлар наздида оддий одамлармиз.
Ҳасад қилувчилар назарида мағрур кўринамиз, бизни тушунадиган учун эса ажойиб одаммиз. Севганларимиз назарида энг яхши, ёқтирмайдиганлар наздида ёмонмиз.
Ҳар кимнинг ўз нуқтаи назари бор. Бошқалар олдида яхши кўринишга уриниб, ўзингизни чарчатманг.

Аллоҳнинг Сиздан рози бўлиши етарли.
Одамларни рози қилиш етиб бўлмас орзу, Аллоҳнинг розилиги эса тарк этиб бўлмайдиган мақсаддир.
Бас, етиб бўлмайдиганни тарк қилиб, тарк қилинмайдиганга етишинг.

Алий Тантовий роҳимаҳумуллоҳ

Оқиллар билан ҳамсуҳбатлик ақлни зиёда қилади. Жоҳиллар билан ўтириш эса жоҳилликни. Мискинларга қўшилиб туриш бўлса кибрни кетказади.

Абул Фараж ибн Жавзий раҳимаҳуллоҳ

Воқеа сураси

Аллоҳ таоло:
“Қуръон тиловат қилинганда, уни тингланг ва жим туринглар, шояд, рахматга эришсангиз” – деди ("Аъроф" сураси, 204-оят).

​​ВОҚЕА СУРАСИНИНГ ФАЗИЛАТИ

Воқиъа сурасининг фазли ҳақида кўп ҳадислар келган. Бу сураи карима Ризқ сураси деб ҳам номланган. Абдуллоҳ ибн Масъуд розияллоҳу анҳудан қилинган ривоятда Набий алайҳиссалом: «Ким Воқиъа сурасини ҳар кеча ўқиса, камбағаллик ва ҳожатмандлик кўрмайди», – деганлар. Абдуллоҳ ибн Масъуд розияллоҳу анҳу ўлим тўшагида ётганларида, халифа Усмон ибн Аффон розияллоҳу анҳу кўргани келибдилар ва у кишига:

– Нимадан шикоятинг бор? – дебдилар. Шунда Абдуллоҳ ибн Масъуд:

– Гуноҳларимдан, – деб жавоб берибдилар.

– Нимани хоҳлайсан? – деб сўрабдилар ҳазрати Усмон.

– Роббимнинг раҳматини, – дебдилар Абдуллоҳ ибн Масъуд.

– Сенга табиб юборайми? – дебдилар ҳазрати Усмон.

– Табиб (яъни Аллоҳ) Ўзи касал қилди, – деб жавоб қилибдилар Абдуллоҳ ибн Масъуд.

– Бўлмаса, моддий ёрдам беришни буюрайин?

– Менинг унга ҳожатим йўқ!

– Сенга бўлмаса, ортингдан қолган қизларингга керак бўлар?

– Менинг қизларимнинг камбағал бўлишларидан қўрқяпсанми?! Менинг бешта қизим бор. Барчаларига ҳар кеча Воқиъа сурасини ўқишни буюрганман. Чунки Набий алайҳиссаломнинг «Ким Воқиъа сурасини ҳар кеча ўқиса, камбағаллик ва ҳожатмандлик кўрмайди», деганларини эшитган эдим», – деган эканлар Абдуллоҳ ибн Масъуд.

​Хизмат тақозоси билан, одатдагидек, чет давлатга сафар қилдим. Лекин бу гал айрим сабабларга кўра, сафарим чўзилиб кетди. Мана, келганимга ҳам тўққиз ойдан ошиб қолди. Шаҳарнинг кенг ва ёруғ кўчаларидан бирида юриб боряпман-у, аммо хаёлим уйимда, ёлғиз қолган қизларимда. Улардан хавотирланиб: «Уларга бирор нарса бўлдимикин?», «Соғ-омон юришганмикин?» − дея ўйлаб кетяпман. Шу пайт хаёлимни бир фикр чулғаб олди: «Эй Абдуллоҳ! Бу нимаси? Агар қизларинг учун қайғурадиган акалари ёки ҳимоя қиладиган боболари бўлганида, хавотирланармидинг? Йўқ, хавотир олмас эдинг, ҳатто ўйламасдинг ҳам. Шундай экан, уларни ҳимоя қилувчи Зот Аллоҳ таоло бўлса-ю, сен нега қайғурасан!


Қандай хавотир олишинг мумкин?!» Агар мен ҳозир уларнинг ёнида бўлганимда, бордию, Аллоҳ таоло уларнинг тақдирига қандайдир мусибатни битиб қўйган бўлса, мен нима қила олардим? Буларни ўйлаб борар эканман, ич-ичимдан қандайдир хотиржамликни ҳис қила бошладим…

Кутилмаганда бошимга бир ташвиш тушиб қолди. Кейин ундан халос бўлиш йўлларини излай бошладим. Шундай бўлса-да, эртага нима бўлар экан? − деб қўрқардим. Кейин: «Шунчалик нодон бўламанми?! Ишларимни ўзим бошқара оламан, ғам-ташвишларни елкамда кўтара оламан, деб ўйлаяпманми?! Ахир, гўдаклигимда, худди ёстиқ каби ерга ташлаб қўйилган пайтимда, ким мени асраган?! Ўшанда ҳеч нарсага тушунмас, гапира олмас эдим.

Агар бир чаён олдимга ўрмалаб келса ё бирор чивин атрофимда учиб юрса, ҳатто ўзимни ҳимоя қила олмаганман-ку! Ўшанда ҳам ўз ишларимни ўзим бошқарганманми?! Ундан олдин-чи, ким мени асраган? Буларнинг барчасини қилишга Қодир бўлган Зот энди мени ташлаб қўяр эканми?!» деб ўйладим.

Хаёлимдан шундай фикрлар ўтаркан, елкамдан тоғ ағдарилгандай бўлди. Тунда эса хотиржам уйқуга кетдим…

Хотиржамликнинг калити, иймон ҳаловатига етиш йўли – бу дуодир. Доимо дуо қилиб, Аллоҳ таолодан каттаю кичик ҳожатингизни сўранг. Дуо қилишнинг ўзи ҳам бир ибодатдир. Бунда сўзамол бўлиш шарт эмас. Энг муҳими қалбнинг тайёрлиги, дуо қилувчининг ихлосли бўлишидир.

Кўпинча, паст овозда айтилган, содда бўлиб кўринган, лекин ихлос билан қилинган дуо инсонлар кўнглини юмшатадиган, ҳамма қойил қоладиган, бироқ тил учида қилинган дуога нисбатан қабул бўлиши осонроқ бўлар экан.

Агар сиз солиҳ инсонларнинг суҳбатидан доимо баҳраманд бўлсангиз, Аллоҳ таоло доимо қалбингизда бўлса ва ҳар доим дуо қилиб юрсангиз, ҳар кечангиз «Лайлатул-қадр» бўлади. Агар сиз бунда нафснинг роҳати, руҳнинг ҳаловатидан бошқа нарсага эриша олмасангиз ҳам, майли, шунинг ўзи ҳам етарли. Бу орқали сиз Охират саодати, Ҳақ таолонинг розилигига эришасиз-у, нега етарли бўлмасин?!

Али Тантовийнинг «Роваиъут-Тантовий» китобидан

Ҳамидуллоҳ Нажмиддинов таржимаси