🎙 Ekspert: Miftohiddin domla Rojiddinov – Andijon shahar bosh imom-xatibi

Ўзбекистон мусулмонлари идораси
Фатво маркази мутахассиси

📖 Аллоҳ таоло Қуръони каримда марҳамат қилади:
﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾
«Ўзингизни ҳалокатга дучор қилманг» (Бақара сураси, 195-оят).

⏺ИС ГАЗИДАН САҚЛАНИШ УЧУН ҚУЙИДАГИЛАРГА АМАЛ ҚИЛИНГ!

✅Газ ва иситиш қурилмаларини мунтазам текширтириб туринг.

✅Носоз иситиш ускуналаридан фойдаланманг.

✅Газ жиҳозларини ёқилган ҳолда назоратсиз қолдирманг.

✅Мўриларни мавсум бошланишидан олдин тозалатинг ва созлигини текширинг.

✅Хонада ҳаво алмашинуви учун зарур шароит яратинг.

✅Газ плитасидан хонани иситиш мақсадида фойдаланманг.

✅Уйқуга ётишдан олдин иситиш воситалари ва электр жиҳозларининг хавфсизлигини текширинг.

✅Ис гази датчигини ўрнатишга эътибор беринг.

❗️ Эсда тутинг! Ис гази рангсиз ва ҳидсиз бўлиб, инсон уни сезмаслиги мумкин. Шунинг учун хавфсизлик чораларини олдиндан кўриш жуда муҳим.

📿 Расулуллоҳ соллаллоҳу алайҳи васаллам: “Ётишдан олдин чироқларингизни ўчиринг. Чунки сичқон пиликни тортиб олиб, хонадон аҳлини ёқиб юбориши мумкин” (Имом Бухорий ривояти).

💬 Ушбу ҳадис бизга оддий кўринган эҳтиёт чоралари ҳам инсон ҳаётини асраб қолиши мумкинлигини ўргатади.

✅Демак, хавфсизлик қоидаларига риоя қилиш нафақат ўз ҳаётимизни, балки оиламиз, фарзандларимиз ва қўни-қўшниларимизнинг ҳаётини асраш ҳамдир.
 
❓ХАВФ СЕЗИЛГАНДА НИМА ҚИЛИШ КЕРАК?

Агар газ ҳиди ёки ис газидан заҳарланиш аломатлари сезилса:

✅Дарҳол барчани хавфсиз жойга, очиқ ҳавога олиб чиқинг.

✅Электр чироқлари ва жиҳозларини ёқманг ёки ўчирманг, очиқ оловдан фойдаланманг.

✅Хавфсиз бўлса, газ таъминотини тўхтатинг ва эшик-деразаларни очинг.

✅Ташқарига чиққач, 112 ёки 104 рақамига қўнғироқ қилинг.

✅Заҳарланган инсонга зудлик билан тиббий ёрдам чақиринг.

💬 Азизлар! Бир лаҳзалик бепарволик бир умрлик пушаймонга сабаб бўлмасин.
 
⏺ Ушбу маълумотни яқинларингиз ва қўни-қўшниларингизга ҳам улашинг. Балки, айнан шу огоҳлантириш кимнингдир ҳаётини сақлаб қолар.

🤲 Аллоҳ таоло хонадонларимизни, фарзандларимизни ва барча яқинларимизни турли офат ва балолардан Ўз паноҳида асрасин!

🎙 Ekspert: Zuhrobiddin domla Olimov – Andijon shahar “Xonaqo” masjidi imom-xatibi, “Sayyid Muhyiddin maxdum” o‘rta-maxsus islom ta’lim muassasasi o‘qituvchisi.