Prezidentimiz Bahouddin Naqshband maqbarasini ziyorat qildi.

Дўстларингизга ҳам улашинг:

https://t.me/diyonatli

ҲАР ҚАНДАЙ ИСРОФ ГУНОҲДИР

Ойша розияллоҳу анҳодан ривоят қилинади. Набий соллаллоҳу алайҳи ва саллам марҳамат қилдилар: “Энг баракали никоҳ – харажатлари енгил бўлганидир” (Имом Байҳақий ривояти).

Бугун баракали никоҳлар кўпаяётганидан халқимиз хурсанд. Тўй-ҳашамларни ихчамлаштириш тўғрисида қарор ва низом сабаб “кимўзар”га қилинаётган маросимлар анча камайди. Халқимиз 30– 40 кишилик тўй қилишнинг ҳам уддасидан чиқса бўлар экан, деган хулосага келди.

Алҳамдулиллаҳ , “Нон синдирди”, “Фотиҳа” тўйларида 10 ёки 20, никоҳда эса 200 – 250 нафар кишилар қатнашадиган тўйлар бўляпти. Дастурхонга ҳам илгаригидек меҳмонлар еса-емаса ҳар хил таомларни қўйишнинг олди олиняпти. Тўй -ҳашамларни ўтказишдан камида бир ҳафта олдин маҳалла раиси ва унинг ёрдамчилари билан маслаҳатлашади.

Оилавий тадбирларда диний мавзуда маъруза кўзда тутилган бўлса, ушбу маъруза Диний идоранинг вакили томонидан ўтказилмоқда. Ортиқча вақт ва харажат талаб қиладиган расм-русумлар, яъни “келин навкари”, “чорлар”, “ота кўрди”, “сеп ёйди”, “қуда чақирди”, “куёв чақирди”, “келин чақирди”, “тоғора юбориш”лар бўлмаяпти. Таъзия маросимлари билан боғлиқ тадбирлар, яъни “етти”, “пайшанбалик”, “якшанбалик”, “йигирма”, “қирқ”, “ҳайит”, “йил оши”, “пул тарқатиш”, “мато улашиш” кабилар ҳам ўтказилмайдиган бўлди.

Халқ ичида юрганимиз учун айрим аёлларнинг гап-сўзларига гувоҳ бўламиз. Қулоқ солсангиз, тўғри айтишади. Масалан, бир қайнона бундай дейди:
– Мен фарзандларимни уйлантириб бўлганман, у вақтлар қиз томон сарпо қиларди. Қизни онаси керак-керакмас буюмларни ҳам қилган вақтлари бўлган. Баъзи қайноналар эса қудаларидан сўнгги русумдаги, хорижники бўлган қиммат сарпою мебеллар келтиришни талаб қилишарди. Ҳозирги тўйларда куёв томон қўлидан келганча нарса-буюмларни оляпти, келинга аввалгидай “солиқ” солинмайди. Шунинг олди олинганига хурсанд бўламан.

Имом Аъзам раҳматуллоҳи алайҳ: “Хайру эҳсонда исроф бўлмаганидек, исрофда ҳам ҳеч қандай хайр йўқдир”, деган. Баъзан олдимга тўй эгалари бирор маросимини ўтказиш ўрнига маҳалладаги етим-муҳтож инсонларга эҳсон ёки умрага йиғилган пулга хайр-саховат истагини айтиб, маслаҳат қилишади.

Афсуски, “Элникини еганман, қилмасам бўлмайди”, дейдиганлар ҳам йўқ эмас. Улар билан ишлаймиз, тушунтирамиз. Исрофнинг энг хайрсизлиги шундаки, қарзга тўй қилиб натижада уни тўлаш учун оиласини ташлаб кетаётган эркакларимиз бор. Бир кунлик тўй, ҳашамат оиладан узоқда яшашга, меҳнат қилишга арзимайди. Орзу-ҳавасимиз исрофли тўй эмас, илм-маърифат бўлсин. Тўй-маъракаларни исрофгарчиликсиз ўтказиш сиз билан бизга боғлиқ. Ақл билан иш юритсак, ҳаммаси яхши бўлишига аминмиз.

Интизор КАМОЛОВА,
Тошкент вилояти бош отинойиси

Дўстларингизга ҳам улашинг:

https://t.me/diyonatli

МЕҲР ҚУТҚАРАДИ, НАФС ҲАЛОК ҚИЛАДИ

Аллоҳнинг раҳмати чексиз: гуноҳ қилаётган бандасини жазолашга шошилмайди, ҳидоятга юз тутиб, қалби покланиши учун имкон беради. Кимдир меҳр-шафқат ва силаи раҳм билан юксалса, кимдир нафс ва манфаатни деб тубанликка юз тутади. Умиджон тўрт нафар опасига меҳрибон. Улардан доим хабар олиб туради. Яқин йилларда бир опаси турмуш ўртоғидан айрилиб бева қолди. Устига-устак, оғир жигар хасталигига чалинди.

Умиджон опаси учун елди-югурди, борини аямади. Аммо шифо топавермади. Шифокорлар зудлик билан хорижда жарроҳлик амалиёти ўташ кераклигини айтишди. Буни эшитган Умиджон сира иккиланмай, шаҳардаги уч хонали уйини сотиб, опасини хорижга муолажа учун олиб кетди.

Ўзи донор бўлиб, жигарининг бир парчасини опасига берди. Жарроҳлик амалиёти муваффақиятли ўтди. Бунга бир неча йил бўлди. Ҳозир Умиджон ҳам, опаси ҳам соғ-саломат. «Яқининг – жон-жигаринг» дегани шу бўлса керак-да.
* * *
Ўтган йили содир бўлган даҳшатли воқеа кўпчиликнинг қалбини ларзага солди. Мерос талашиб, икки ука ўз опасининг қотилига айланди.

Воқеа бундай бўлган эди. Ота-она сара тонга чалинган қизига икки хонали уйни ва сият қилиб қолдиради. Буни кутмаган укалар уйга ўзларига эга чиқиш учун опасининг жонига қасд қилиб, жиноятни беркитишга уринишади. Аммо оз фурсатда қотиллар панжара ортига равона бўлади. Бунинг ортидан уларнинг оиласи ҳам, опасининг фарзандлари ҳам етим қолди.
* * *
Бир томонда жигари ва маблағини аямаган раҳмдил ука, иккинчи томонда мол-дунё учун диёнатидан айрилган ваҳшийлар. Бири силаи раҳм, савоб йўлини лозим кўрди, бош қаси нафс, зулм ва ҳалокатни танлади. Ҳаёти ҳам уларнинг танловига яраша бўлди. Инсон доим танлов орасида яшайди. У Аллоҳ рози бўладиган йўлни танласа, ҳеч қачон қоқилмайди.

Анвар ҒУЛОМОВ,
меҳнат фахрийси

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ЙИРТҚИЧ ҲАЙВОНЛАРДАН ҚОЛГАН СУВДА ТАҲОРАТ ОЛИШНИНГ ҲУКМИ

САВОЛ: Йиртқич ҳайвонлардан қолган сувда таҳорат олса бўладими?

ЖАВОБ: Бисмиллаҳир Роҳманир Роҳим. Гўшти еб бўлмайдиган йиртқич ҳайвонлар ва қушлардан қолган сувлар нажосат ҳисобланади. Шу боис ундан таҳорат олиш, ғусл қилиш мумкин эмас. Агар мазкур сув кийим, бадан ёки бирор нарсага тегса, уларни нажосат қилади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli