#ANONS
#Muslim_podcast
#16_son 

📱🗣UXLAYOTGAN OFATNI UYG'OTMANG!⚡️

🎙 Ekspert: Miftohiddin domla Rojiddinov – Andijon shahar bosh imom-xatibi

📱🗣 Podkastning o‘tgan sonidagi savollar:

1. 02:34 NIMA UCHUN FITNA OG'IR GUNOH HISOBLANADI❓

2. 04:21 FITNANI TARQATISH QANCHALIK XAVFLI❓

3. 07:37 ISHONCHSIZ XABARNI TARQATISH GUNOHMI❓

4. 09:58 JANJALLI XABAR TARQATISHGA SHARIATIMIZ QANDAY QARAYDI❓

5. 12:54 FITNANI TARQATGAN UNING GUNOHIGA SHERIKMI❓

6. 14:45 "U ADASHGAN, BU KOFIR" DEYOTGANLAR KIM❓

7. 17:23 G'IYBAT FITNAGA SABAB BO'LADIMI❓

8. 19:15 CHETDAGI DA'VATCHILARNING ASL MAQSADI NIMA❓

9. 22:07 FITNA CHIQQANDA NIMA QILISH KERAK❓

10. 24:40 TINCHLIKNI ASRASH UCHUN QANDAY TAVSIYALAR BOR❓

📝

Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentabrdagi 02-07/7319-sonli xulosasi asosida tayyorlandi.

🎞 Toʼliq👉FULL HD: @Muslim_podcast_uz

Дўстларингизга ҳам улашинг:

https://t.me/diyonatli

#Muslim_podcast

📱🗣CHETDAGI DA'VATCHILARNING ASL MAQSADI NIMA❓

🎙 Ekspert: Miftohiddin domla Rojiddinov – Andijon shahar bosh imom-xatibi

🎞 To‘liq 👉FULL HD: @Muslim_podcast_uz da ko‘ring!

📝 Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentabrdagi 02-07/7319-sonli xulosasi asosida tayyorlandi.

🥺Telegram🛍Instagram

🤪Facebook😍YouTube

🟢 MUSLIM.PODCAST.UZ GA 📲 OBUNA BO'LING ✅ VA ULASHING🗣

ПИСКЕНТ ЖОМЕ МАСЖИДИДА НАМОЗ ВАҚТЛАРИ

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2026 - ЙИЛ 1-НОЯБР
1448 - ҲИЖРИЙ JUMADUL AVVAL ОЙИНИНГ 21-КУНИ УЧУН НАМОЗ ВАҚТЛАРИ ТАҚВИМИ

⏱️ТОНГ - 05:31
⏱️БОМДОД - 06:15 (ўқилиш вақти)
⏱️ҚУЁШ - 06:51
⏱️ПЕШИН - 13:00
⏱️АСР - 15:50
⏱️ШОМ - 17:26
⏱️ХУФТОН - 19:00

🔗 Улашинг:
https://t.me/diyonatli

#САВОЛ_ЖАВОБЛАР

НАМОЗГА КЕЧИККАН КИШИНИНГ ИМОМ БИЛАН БИРГА САЛОМ БЕРИШИ

САВОЛ: Учинчи ракатда имомга иқтидо қилган киши намоз охирида имом билан бирга адашиб салом берса ва тўртинчи ракатга туриб, намозини давом эттирса, намози тўғри бўладими?

ЖАВОБ: Бисмиллаҳир Роҳманир Роҳим. Ҳа, бу кишининг намози дуруст бўлади. Лекин баъзи тафсилотлар бор.

Мазкур киши намозга кечикканини унутиб, имомдан кейин салом берган бўлса, ҳамда намозга зид амал қилмаган бўлса, дарҳол тўртинчи ракатга туриб, намозини давом эттиради, намоз охирида саждаи саҳв қилади.

Агар улгурмаган ракатлари эсида турган ҳолда салом берса, намози бузилади ва уни қайта ўқийди. Валлоҳу аълам.

Ўзбекистон мусулмонлари идораси
Фатво маркази.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

“Масжидун Набавий”да зиёратчилар ҳаракатини енгиллаштирувчи янги навигация тизими ишга туширилди

Саудия Арабистонидаги Ҳарам масжиди ва Масжиди Набавий ишлари бўйича Бош бошқарма Масжиди Набавийда зиёратчилар ва намозхонларнинг ҳаракатланишини енгиллаштириш мақсадида ягона навигация тизимини жорий этди.

IQNA агентлигининг «WAS» агентлигига таяниб хабар беришича, янги тизим Масжиди Набавий ва унга туташ ҳудудларни қамраб олади.

Ушбу тизим доирасида:
274 та йўналтирувчи кўрсаткич;
106 та электрон ахборот дисплейи ўрнатилган.

Янги навигация тизими зиёратчиларга масжиднинг турли қисмлари, хизмат кўрсатиш нуқталари ва кириш-чиқиш жойларини осон топиш имконини беради.

Кўрсаткичларда ягона визуал услуб ва ранглар тизимидан фойдаланилган. Бу эса йўналишларни тез ва осон аниқлашга ёрдам беради.

Электрон дисплейларда кириш йўлаклари, амал қилиниши лозим бўлган қоидалар, тақиқланган ҳаракатлар ҳамда дарвозаларнинг жорий ҳолати ҳақида маълумотлар акс эттирилади.

Мазкур янгилик зиёратчилар оқимини самарали бошқариш, тирбандликларни камайтириш ва намозхонлар учун янада қулай муҳит яратишга хизмат қилади.

Таъкидланишича, ушбу ташаббус муқаддас масжидларда хизмат кўрсатиш сифатини ошириш ва навигация хизматларини рақамлаштириш дастури доирасида амалга оширилган.

И.Аҳмедов таржимаси.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Ризқ

Ҳеч кимга ризқи сабабли ҳасад қилманг. Зеро, Аллоҳнинг унга берган неъмати сизники эмас, сизга берган неъмати эса уники эмас.

Сиз ўз ҳаққингиздан ортиғини асло ололмайсиз ва Аллоҳ сиз учун ёзиб қўйганидан ҳеч нарса камайиб қолмайди. «Аллоҳ ризқда баъзингизни баъзингиздан юқори қилиб қўйди» (Наҳл сураси, 71 оят).

“Мўминалар” журналидан

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Muslim_podcast

📱🗣CHETDAGI DA'VATCHILARNING ASL MAQSADI NIMA❓

🎙 Ekspert: Miftohiddin domla Rojiddinov – Andijon shahar bosh imom-xatibi

🎞 To‘liq 👉FULL HD: @Muslim_podcast_uz da ko‘ring!

📝 Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentabrdagi 02-07/7319-sonli xulosasi asosida tayyorlandi.

🥺Telegram🛍Instagram

🤪Facebook😍YouTube

🟢 MUSLIM.PODCAST.UZ GA 📲 OBUNA BO'LING ✅ VA ULASHING🗣

#Ҳадис

Пайғамбаримиз соллаллоҳу алайҳи васаллам: “Нафсингизни очлик ила ибодатга ўргатинг ва уни чанқатинг”, деганлар.

Имом Табароний ривояти. 

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР

РЎЗАДОРНИНГ ҚАЙТ ҚИЛИШИ

САВОЛ: Мен бугун рўза тутгандим. Лекин кўнглим айниб, икки уч марта оз-оздан қайт қилдим. Бу ҳолатда рўзам очилмайдими?

ЖАВОБ: Бисмиллаҳир Роҳманир Роҳим. Агар қасдан эмас, беихтиёр қайт қилган бўлсангиз, рўзангиз очилмайди. Қайт оз-оздан бўлсин, бирданига оғиз тўла ҳолда чиқсин, фарқи йўқ, бу ҳолатда рўза очилмайди.

Агар рўзадор эканингиз эсингизда туриб, ўзингизни мажбурлаб қайт қилган бўлсангиз ва турли ҳолатларда, вақтларда оз-оздан қайт қилган бўлсангиз, бу ҳолатда ҳам рўза очилмайди. Лекин бир вақтнинг, ҳолатнинг ўзида оғиз тўла, ёки бир неча марта оз-оздан қайт қилган бўлсангиз ва улар оғиз тўладиган даражада бўлса, рўзангиз очилади ва ўша куннинг рўзаси қазосини тутиб берасиз. Валлоҳу аълам.

Ўзбекистон мусулмонлари идораси
Фатво маркази.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Имом Ғаззолий раҳимаҳуллоҳ

“Кўк юзидан Ер юзига индирилган барча яхшиликларнинг асоси очликдир. Ер-кўк орасидаги барча ёмонликларнинг боши эса тўқликдир”,

дейдилар.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Ҳасадгўй ўз чоҳига ўзи йиқилади

Имом Абу Ҳомид Ғаззолий роҳимаҳуллоҳ “Иҳёу улумид-дин” асарида Бакр ибн Абдуллоҳ Музанийдан қуйидаги ибратли ҳикояни келтирадилар.

Бир киши подшоҳга яқин бўлиб, унинг энг ишончли кишиларидан бирига айланди. У доимо подшоҳнинг ёнида юрар ва ҳар сафар бир ҳикматли гапни такрорлар эди:
“Яхшилик қилганга яхшилик қилгин, ёмоннинг ёмонлиги ўзига кифоя!”.

Бир куни бошқа бир киши унинг подшоҳга бўлган яқинлигини кўролмай, унга ҳасад қилди. Уни подшоҳнинг кўзидан қолдириш мақсадида ҳузурига бориб, туҳмат қилди:
– Подшоҳим, сизнинг яқин кишингиз сизнинг оғзингиз бадбўй эканини айтади, — деди.
Подшоҳ ҳайрон бўлиб сўради:
– Бу гапинг ростлигини қандай исботлайсан?
Ҳасадгўй жавоб берди:
– Уни ҳузурингизга чақиринг. Агар у оғзини қўли билан беркитса, менинг гапим рост эканини биласиз.

Сўнг ҳасадгўй подшоҳнинг дўстини зиёфатга таклиф қилди ва унга саримсоқ солинган таом едирди. Зиёфатдан кейин подшоҳ уни чақиртираётганини айтди.

Подшоҳнинг дўсти саройга келди. Оғзидан саримсоқ ҳиди келмаслиги учун подшоҳга яқин ўтиришдан тийилди. Подшоҳ эса уни ёнига чақирди. У ҳид безовта қилмаслиги учун оғзини қўли билан беркитиб гапирди.

Подшоҳ ҳасадгўйнинг гапига ишонди.
Подшоҳ бирор кишига мукофот берса ҳам, жазо тайинласа ҳам, ҳукмни ўз қўли билан ёзар эди. У дўстига бир мактуб бериб, уни волийларидан бирига етказишни буюрди.

Мактубда шундай ёзилган эди:
“Мактубни олиб борган кишини қатл эт, терисини шилиб, ичига сомон тўлдир ва менга юбор!”.

Подшоҳнинг дўсти саройдан чиқиб, йўлда ҳасадгўйга дуч келди. Ҳасадгўй мактубни кўриб, уни мукофот деб ўйлади ва:
– Мактубни менга бер, уни мен етказиб қўя қолай, – деди.

Дўсти мактубни унга берди. Ҳасадгўй эса мактубни волийга олиб борди. Волий мактубни ўқиб, ундаги ҳукмни бажаришга киришди. Ҳасадгўй ўзини оқлашга уринди:
– Бу мактуб менга эмас, подшоҳнинг дўстига тегишли. Истасангиз, подшоҳдан сўраб кўринг!
Волий эса:
– Подшоҳнинг ҳукмига эътироз билдирилмайди, – деб жавоб берди.

Шундай қилиб, ҳасадгўйнинг ўзи ўзига қазилган чоҳга йиқилди. У подшоҳнинг дўстига раво кўрган жазонинг қурбони бўлди.

Эртаси куни подшоҳнинг дўсти ҳузурига келгач, подшоҳ ундан мактубни нима қилганини сўради. У бўлган воқеани бирма-бир айтиб берди.

Подшоҳ ҳайрат билан сўради:
– Сен менинг оғзим бадбўй эканини айтмаганмидинг?
Дўсти эса саримсоқли таом егани ва шу сабаб оғзини беркитганини тушунтирди.

Шунда подшоҳ ҳақиқатни англади: ҳасадгўйнинг макри ўз бошига етган эди. У дўстига қараб:
– Ўша ҳикматли қоидани маҳкам тут! – деди.
Ҳасад ва макр инсонни яхшиликдан узоқлаштириб, охир-оқибат ўзини ҳалокатга етаклайди. Ким бировга чоҳ қазиса, ўзи унга йиқилиши мумкин. Ким фитна оловини ёқса, бир кун келиб ўша оловда ўзи ҳам куйиши эҳтимол.

Ҳаётда ҳар бир инсон қилган ишининг оқибатига дуч келади. Яхшилик қилган яхшиликнинг самарасини кўради, ёмонлик қилган эса қилмиши оқибатидан қочиб қутула олмайди.

Ҳасадгўйнинг энг катта мусибати – ўз қўлидаги неъматларни кўра олмаслигидадир. Бировнинг бахти уни қувонтирмайди, аксинча, қалбини изтиробга солади. Шу тариқа у ўз ҳаётидаги бор неъматларнинг қадрини унутиб, ўзгаларнинг бахти билан яшайди.

Ҳасаднинг энг хатарли жиҳати ҳам шундаки, у фақат инсонлар ўртасидаги муносабатни бузмайди, балки бандани Аллоҳ таолонинг тақдирига норозиликка ҳам етаклайди. Чунки неъматларни берувчи ҳам, тақсимловчи ҳам Аллоҳ таолодир. Бировнинг ризқига ҳасад қилиш эса Аллоҳнинг ҳикмати ва тақсимотига нисбатан норозилик туйғусини кучайтиради.

Ҳасадгўй бошқаларнинг неъматини кўролмайди, уларни бу неъматга муносиб деб билмайди. Ҳолбуки, ҳар бир инсоннинг ризқи, насибаси ва синови турличадир.

Шунинг учун мўмин киши ўз қалбини ҳасаддан поклаши, бошқаларга берилган неъматни кўрганда барака тилаши ва ўз насибасига шукр қилиши лозим. Зеро, бировнинг неъмати камайиши билан бизнинг неъматимиз кўпаймайди. Бировнинг бахтини кўролмаслик – ўз бахтингни ҳис қила олмасликдир.

Абдулқодир ПОЛВОНОВ

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

ПИСКЕНТ ЖОМЕ МАСЖИДИДА НАМОЗ ВАҚТЛАРИ

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2026 - ЙИЛ 2-НОЯБР
1448 - ҲИЖРИЙ JUMADUL AVVAL ОЙИНИНГ 22-КУНИ УЧУН НАМОЗ ВАҚТЛАРИ ТАҚВИМИ

⏱️ТОНГ - 05:32
⏱️БОМДОД - 06:20 (ўқилиш вақти)
⏱️ҚУЁШ - 06:52
⏱️ПЕШИН - 13:00
⏱️АСР - 15:50
⏱️ШОМ - 17:24
⏱️ХУФТОН - 18:55

🔗 Улашинг:
https://t.me/diyonatli

#muftiy_minbari

Энди навбат сизники

🎙 Шайх Нуриддин Холиқназар ҳазратлари

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР

ЖУМА НАМОЗИДА ПЕШИННИ НИЯТ ҚИЛИШ

САВОЛ: Биз яқинда умрага бордик. У ерда аёллар ҳам икки муқаддас масжидда имомга иқтидо қилиб намоз ўқишар экан. Биз жума намозида нима қилишни билмай қолдик. Уйда жума куни пешинни ўқиганимиз учун пешин ўқишни ният қилиб, имомга иқтидо қилдик. Намозимиз тўғри бўлганми?

ЖАВОБ: Бисмиллаҳир Роҳманир Роҳим. Сизлар ўша куни жума намози деб ният қилишингиз лозим эди. Энди сизлар ўша кунги пешиннинг қазосини ўқиб қўйинглар. Чунки имом жума намозини бошлаган. Сизлар эса пешин намозини ният қилгансизлар. Фиқҳий манбаларда бир турдаги фарз намоз ўқиётган имомга бошқа фарзни ўқимоқчи бўлган шахс иқтидо қила олмайди, дейилган. Қолаверса, жума намозини пешиннинг нияти билан ўқиш мумкин эмас. Валлоҳу аълам.

Ўзбекистон мусулмонлари идораси
Фатво маркази.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Бир кунда неча соат ухлаш керак?

ВАҚТ ҚАДРИ ВА УНДАН УНУМЛИ ФОЙДАЛАНИШ

Баъзи инсонларда соғлом ҳаёт кечириш учун ҳар куни албатта саккиз соат ухлаш керак, деган тушунча бор. Аммо аслида уйқу миқдори ҳар бир инсоннинг ҳолати, эҳтиёжи ва организмига боғлиқ. Асосий мақсад — маълум бир соатни тўлдириш эмас, балки тетик ва фаол ҳолатда уйғонишдир.

Кимдир олти соат ухлаб ҳам кун давомида самарали фаолият олиб бориши мумкин, бошқа бировга эса кўпроқ дам олиш керак бўлади. Муҳими — инсон уйқусини тартибга солиши ва вақтини қадрлаши лозим.

УЛУҒ ЗОТЛАР ҲАЁТИДАН НАМУНАЛАР

Имом Муҳаммад ибн Ҳасан Шайбоний раҳматуллоҳи алайҳ бир китобдан чарчаса, бошқасига ўтар, уйқуси келганда эса ўзини сув билан сергаклаштириб, яна илм билан машғул бўлар эди.

Муфассир Алусий раҳматуллоҳи алайҳ кечалари тафсир ёзар, кундузлари эса дарс берар эдилар. Унинг илмий мероси қанчалик улкан экани бу меҳнатнинг самарасидир.

ВАҚТНИ БЕҲУДА САРФЛАМАСЛИК

Инсон ҳаётида энг қимматли бойлик — вақтдир. Пулни йўқотган одам уни қайта топиши мумкин, аммо ўтган вақт ҳеч қачон қайтмайди.

Имом Ҳофиз Мунзирий раҳматуллоҳи алайҳ ҳақида айтади: “Мен кечаю кундуз илм билан машғул бўлган, ҳатто овқатланаётганда ҳам илмдан узилмайдиган инсонларни кўрдим”.

БЎШ ВАҚТНИ ТЎҒРИ БОШҚАРИШ

Баъзан инсон бир неча дақиқа дам олиш учун ўтиради, аммо бу вақт сезилмай соатларга айланиб кетади. Натижада умрнинг катта қисми фойдасиз ишларга сарфланади.

Шунинг учун ҳар бир инсон: “Мен сарфлаётган бу вақтим менга ёки бошқаларга қандай фойда келтиради?” деб ўзидан сўраши керак. Агар жавоб бўлмаса, у ишдан воз кечиш афзал.

ВАҚТДАН ФОЙДАЛАНИШГА ЗАМОНАВИЙ МИСОЛ

Баъзи ривожланган жамиятларда инсонлар ҳатто қисқа кутиш вақтларидан ҳам унумли фойдаланишга одатланган. Масалан, транспортда, навбатда ёки учрашув бошланишини кутаётганда улар китоб ўқийди, режалар тузади ё бирор иш билан шуғулланади.

Бу янги одат эмас. Аслида бу – мусулмон уламолари асрлар давомида амал қилган тамойилдир.

ҲАР БИР ЙИҒИЛИШ ФОЙДАЛИ БЎЛСИН

Абу Амр ибн Аъло раҳматуллоҳи алайҳи Асмоийга бундай насиҳат қилган: “Агар бирор жойга боришинг илм олиш, яхшилик қилиш ёки фойдали мақсад учун бўлса — бор. Аммо беҳуда суҳбат, ғийбат ва вақтни исроф қилиш учун бўлса — ундан сақлан”.
Инсоннинг учрашувлари ҳам, суҳбатлари ҳам фойдали бўлиши керак. Овқатланиш, меҳмончилик, дўстлар билан учрашиш — барчаси яхши ният ва фойдали мақсад билан бўлса, қадрлидир.

ХУЛОСА

Улуғ инсонларнинг ҳаёти бизга бир ҳақиқатни ўргатади: Вақт – Аллоҳ берган энг катта неъматлардан бири. Уни қадрлаган инсон дунёси ва охирати учун катта ютуқларга эришади.

Шунинг учун ҳар бир лаҳзамизни илм, ибодат, меҳнат ва фойдали ишлар билан безашга ҳаракат қилайлик.

Даврон НУРМУҲАММАД

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA