#Ҳадис

Баракалилик жиҳатидан аёлларнинг энг улуғи камроқ маҳр оладиганидир.

“Жавомиъул калим” китобидан

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ҚИЛИНМАГАН ИШГА ҲАҚ ОЛИШ

САВОЛ: Директоримиз менга 15 соат дарс ёзган. Лекин мен 10 соат дарс ўтаман. Директор ўтилмаётган 5 соатнинг пулини менга берасиз, мен у пулни мактабнинг турли тўловларга ишлатаман, деди. Унинг бу гапи қанчалик рост билмайман. Шу вақтгача унинг айтгани бўйича 5 соатнинг пулини унга бериб келяпман. Директорнинг ортиқча иш соати ёзиб, пулини олиши ҳалолми, менинг бу ишга рози бўлганим-чи?

ЖАВОБ: Бисмиллаҳир Роҳманир Роҳим. Бу иш ўзганинг ҳақини ноҳақ ўзлаштириш бўлиб, буни Аллоҳ таоло Ўз каломида очиқ-ойдин тақиқлаган:

وَلَا تَأْكُلُوا أَمْوَالَكُم بَيْنَكُم بِالْبَاطِلِ
Мол-дунёларингизни ораларингизда ноҳақ – ҳаром йўллар билан емангиз!.. (Бақара сураси, 188-оят).

Абу Бакр Сиддиқ розияллоҳу анҳудан ривоят қилинади: «Расули Акрам соллаллоҳу алайҳи васаллам айтдилар: «Ҳаромдан озиқланган ҳеч бир жасад жаннатга кирмайди» (Абу Яъло, Баззор ва бошқалар ривояти).

Директорингизнинг мактаб чиқимларини рўкач қилиб олаётган пуллари ҳалол эмас. Дарҳол бу ишни тарк этиб тавба қилиши, сизга ўтадиган дарс соатларингизни тўғри ёзиши лозим. Сизнинг унинг таклифига рози бўлишингиз ҳам гуноҳ саналади. Чунки шариатимизда маъсиятларга ёрдам бериш ҳам гуноҳ саналади. Шунинг учун сиз унга қилаётган ишини хато эканини бир иложини қилиб тушунтиринг ва бу иш унинг бошига дунёда ҳам, охиратда ҳам улкан мусибатлар олиб келишини айтинг. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Bosh_imom_minbari 

БИР КУНИ РОББИМИЗГА ЙЎЛИҚАМИЗ

Дониёр домла Икромов
Тошкент вилояти бош имом-хатиби

https://t.me/diyonatli

Ризқ эшиги

Мусо алайҳиссалом замонида бир камбағал эр-хотин яшар, йиллар давомида қашшоқликда кун кечирарди.

Бир куни хотини эрига:
– Мусо Аллоҳнинг пайғамбари эмасми? – деди.
– Ҳа, шундай, – деди эри. – Унинг ҳузурига бориб, аҳволимизни айтайлик. Раббига бизнинг ҳақимизда дуо қилса, балки Аллоҳ таоло бизга ҳам бойлик ато этар. Шунда қолган умримизни фаровонликда ўтказармидик?!

Эртаси куни улар Мусо алайҳиссалом ҳузурига бориб, аҳволларини баён қилди. Мусо алайҳиссалом муножот қилиб, уларнинг ҳақига дуо қилди. Шунда Аллоҳ таоло ваҳий юборди:
– Эй Мусо, уларга айтгин, Мен уларни бой қиламан, аммо фақат бир йилга. Бир йилдан сўнг яна аввалги ҳолларига қайтишади.
Мусо алайҳиссаломдан бу хабарни эшитган эр-хотин ўзларида йўқ хурсанд бўлишди. Орадан кўп ўтмай, уларнинг ризқлари кутилмаган томонлардан келиб, қавмининг бой кишисига айланди.

Бир куни хотин эрига бундай деди:
– Эсингизда бўлса, бу бойлик бир йилгагина. Эри бош ирғаб:
– Унда, кел, шу неъматлардан муҳтожларга улашайлик. Улар қилган яхшилигимизни эслаб, бизни дуо қилишар, – деди.

Шу мақсадда улар карвонлар кўп ўтадиган йўл юзида катта уй қуриб, ундан еттита эшик очди. Сўнгра кечаю кундуз йўловчиларни кутиб олиб, уларни меҳмон қилишарди. Шу тарзда бир йил ўтди. Улар эҳсон қилишдан тўхтамади. Лекин уларнинг бойлиги камаймас эди.

Мусо алайҳиссалом ажабланиб, Раббига муножот қилди:
– Эй Раббим, Сен уларга фақат бир йил, деган эдинг. Муддат ўтса-да, ҳануз бойлиги камаймаслигидан ажабланяпман.

Аллоҳ таоло марҳамат қилди:
– Эй Мусо, Мен уларга ризқ эшикларидан биттасини очдим. Улар эса бандаларимни ризқлантириш учун еттита эшик очдилар. Мен улардан ҳаё қилдим. Менинг бандам Мендан ҳам сахий бўладими?..

Субҳоналлоҳ! Аллоҳ ҳар бир сахийдан сахийроқ, ҳар бир раҳмлидан раҳмлироқдир!..

Илёсхон АҲМЕДОВ тайёрлади.

Дўстларингизга ҳам улашинг:

https://t.me/diyonatli