#Bosh_imom_minbari 

УМРИМИЗ ЖУДА ҚИСҚА

Дониёр домла Икромов
Тошкент вилояти бош имом-хатиби

https://t.me/diyonatli

Маънавий шифолар

Мендан азобга даво сўрашди…
– Сабр, – дедим.
Мендан муваффақиятсизликка даво сўрашди…
– Такрорлаш, – дедим.
Мендан ҳасадга даво сўрашди…
– Эътибор бермаслик, билмаганга олиш, – дедим.
Мендан камбағалликка даво сўрашди…
– Қаноат, – дедим.
Мендан заифликка даво сўрашди…
– Иймон дедим.
Мендан одобсизликка даво сўрашди…
– Яхши муомала, – дедим.
Мендан жаҳолатга даво сўрашди…
– Илм, – дедим.
Мендан сўкинишга даво сўрашди…
– Сукут, – дедим.
Мендан нафратга даво сўрашди…
– Муҳаббат, – дедим.
Мендан адоватга даво сўрашди…
– Яхшилик қилиш, – дедим.
Мендан оғриқларга даво сўрашди…
– Табассум, – дедим.
Балога даво сўрашди…
– “Алҳамдулиллаҳ”, дейиш дедим.
Мендан нафсга даво сўрашди…
– Мен (нафс хоҳишларидан) тийилиш, маҳрум қилиш дедим.
Буларнинг барчасидан даво сўрашди…
– “Ё Раббим, бир нафас ҳам ўз ҳолимга ташлаб қўйма”, деб илтижо қилиш, дедим.

“Мўминалар” журналидан

Дўстларингизга ҳам улашинг:

https://t.me/diyonatli

#Ҳадис

Абу Ҳурайрадан ривоят қилганади:
«Мен Расулуллоҳ соллаллоҳу алайҳи ва салламнинг: “Мен бир кунда етмиш мартадан кўпроқ истиғфор айтаман”, деганларини эшитдим».

Имом Бухорий ривояти.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ЗЕБРАНИНГ ГЎШТИ

САВОЛ: Мен яшаётган давлатда Зебра гўшти сотилади. Унинг гўштини еса бўладими?

ЖАВОБ: Бисмиллаҳир Роҳманир Роҳим. Зебрани араб тилидаги фиқҳий манбаларда (ҳимар ваҳший) ёввойи эшак деб аталган ва шаръий кўрсатмага мувофиқ сўйилган бўлса, уни истеъмол қилиш ҳалол ҳисобланади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#qadriyat

ҚАДРИЯТЛАРИНГНИ ОСОН ЙЎЛ ЭВАЗИГА СОТМА!

Агар дунё сени ўз синовлари билан чарчатса, машаққатларини кўрсатиб, аччиқлигини тоттирса, сўнг дининг, қадриятларинг ёки руҳингдан бир қисмини бой бериш эвазига осон ва ширин йўл таклиф қилса - асло бундай қилма!

Зеро, бу сенга безаниб кўринаётган "шанба кунининг балиқлари" кабидир. Яъни инсонни тақиқланган нарсага етиш учун ҳийла ишлатишга чорлайдиган васвасали имкониятлар.

Аллоҳ таоло бундай марҳамат қилади: "Эй, иймон келтирганлар! Аллоҳ Ундан ким ғойибона қўрқишини билиш учун сизларни қўлларингиз ва найзаларингиз етадиган овларда бир оз синаб кўрадир" (Моида сураси, 94-оят)

Бу оятдаги синовга ўхшаш воқеа Бани Исроил билан ҳам содир бўлган. Аллоҳ уларни шанба куни ов қилишдан қайтарган эди. Аммо балиқлар айнан шанба куни кўплаб қирғоққа яқинлашарди. Улар эса тақиқни четлаб ўтиш учун ҳийла изладилар.

Шунинг учун ҳаётдаги ҳар бир "осон ва ширин имконият" ҳам ҳақиқий нажот эмас.

Ўзингдан аввал ўтганлардан ибрат ол. Ҳолатингни солиҳ инсонларнинг ҳаёти билан қиёсла.

Ҳар бир машҳур кишилар муваффақиятнинг мезони эмас. Мезон — ҳақиқат, иймон ва солиҳ амалдир.

Дўстларингизга ҳам улашинг:

https://t.me/diyonatli

#Ҳадис

Жаннат сахийларнинг уйидир.

“Жавомиъул калим” китобидан

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

АЁЛ КИШИНИНГ УМРАДАН КЕЙИН СОЧИНИ КЕСМАЙ ЮРИШЛИГИ

САВОЛ: Аёлим билан умра амалларини қилдик. Мен сочимни олиб эҳромдан чиқдим. Икки кундан кейин аёлим сочини кесмаганини айтиб қолди. Энди қандай йўл тутайлик?

ЖАВОБ: Бисмиллаҳир Роҳманир Роҳим. Инсон модомики Маккада бўлса, сочини олмай ёки қисқартирмай юришининг ўзи гуноҳ эмас. Фақат у шу вақтгача эҳромда турган ҳисобланади ва шунинг учун у хушбўйлик ишлатиши, тирноқларини олиши ва бошқа эҳромда тақиқланган ишлардан бирини қилса, жиноятининг тури ва сонига қараб жарима тўлайди.

Шунга биноан ҳали Маккада бўлсаларингиз, аёлингиз дарҳол сочини қисқартирсин. Чунки эҳромдан чиқишда сочни олиш ёки қисқартириш ҳарам ҳудудида бўлиши вожибдир. Агар шу вақтгача тақиқланган иш қилган бўлса, унинг жаримасини тўлайди. Қилмаган бўлса, ҳеч қандай жарима тўламасдан эҳромдан чиққан бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Bosh_imom_minbari 

ХАФА ИНСОНГА ХУРСАНДЧИЛИК УЛАШИШ АЖРИ

Дониёр домла Икромов
Тошкент вилояти бош имом-хатиби

@Doniyor_domla_uz
https://t.me/+Pcr4a5gVZhQyODZi

Ибодатлар учун бўш вақт қидириб умрни ўтказмоқ, нафснинг ахмоқгарчилигидандир.

Атоуллоҳ Сакандарий (қуддиса сирруҳу)

@fitratuz