#Bosh_imom_minbari 

ТАҚВО АСЛИДА НИМА?

Дониёр домла Икромов
Тошкент вилояти бош имом-хатиби

https://t.me/diyonatli

Аллоҳ таолонинг “Самиъ” сифати

Аллоҳ таолонинг субутий сифатларидан яна бири “Самиъ”дир. “Самиъ” сўзи “эшитиш” маъносидадир. Аллоҳ таоло ҳар қандай овоз ва товушни, сўз ва гапни эшитади. Бақара сурасининг 137-оятида бундай марҳамат қилинади: “…У Самиъ (эшитувчи ) ва Алим (билгувчи)дир”. Эшитмаслик ожизлик ва нуқсондир. Аллоҳ таоло айбу нуқсонлардан муназзаҳдир, масъумдир, покдир.

Абу Мусо Ашъарий розияллоҳу анҳудан ривоят қилинади. Расулуллоҳ соллаллоҳу алайҳи ва саллам овозларини баланд кўтариб Аллоҳ таолога дуо қилаётган кишининг олдидан ўтаётиб, айтдилар: “Овозларингизни баланд кўтарманглар, сизлар дуо қилаётган Зот ғойиб ҳам ва кар ҳам эмас”(Имом Бухорий, Имом Муслим ривояти).

Ким Аллоҳ таолонинг сифатларини, жумладан, эшитиш ва кўриш сифатларини инкор этса, диндан чиқади. “(Эй Муҳаммад!) Аллоҳ сиз билан ўз эри ҳақида баҳслашаётган ва Аллоҳга шикоят қилаётган аёлнинг сўзини эшитди. Аллоҳ сиз иккингизнинг сўзлашувингизни эшитур. Албатта, Аллоҳ эшитувчи ва кўрувчидир” (Мужодала сураси, 1-оят).

Аллоҳ таоло оятда айтилган сўзларни эшитганини, келажакда ҳам, ҳозирда ҳам эшитишини баён этмоқда, ким уни инкор қилса, кофир бўлади (Ат-Тамҳид ли қоваъидит-тавҳид).

Соатмурод ПРИМОВ
Тошкент ислом институти проректори

Дўстларингизга ҳам улашинг:

https://t.me/diyonatli

#Ҳадис

Журмуз Ҳужаймий розияллоҳу анҳу айтдилар: "Ё Аллоҳнинг Расули, менга насиҳат қилинг". У зот соллаллоҳу алайҳи васаллам: "Сенга насиҳатим: асло лаънат айтувчи  бўлма", дедилар (Имом Термизий ривояти).

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ОҚ ХЎРОЗ ҲАҚИДАГИ ҲАДИС

САВОЛ: Мен яқинда бир видео кўрдим. Унда хўроз боқиш, айниқса, оқ хўроз боқиш суннат экани, Пайғамбаримиз алайҳиссалом ҳам уйларида хўроз боққанлари айтилган экан. Шундай мазмунда ҳадис борми?

ЖАВОБ: Бисмиллаҳир Роҳманир Роҳим. Ҳадис соҳасида етук алломалар хўроз ҳақида келган иккита ҳадис саҳиҳ, аммо бошқалари, хусусан, оқ хўроз ҳақидаги ҳадисларни тўқима ёки ўта заифдир деганлар. Икки ҳадиснинг бирини имом Абу Довуд раҳимаҳуллоҳ Зайд ибн Холид розияллоҳу анҳудан ривоят қилган:

“Расулуллоҳ соллаллоҳу алайҳи васаллам “Хўрозни сўкманглар, чунки у намозга уйғотади”, деганлар”.

Иккинчисини Абу Ҳурайра розияллоҳу анҳудан имом Бухорий ва Муслим раҳимаҳуллоҳлар ривоят қилган:

“Расулуллоҳ соллаллоҳу алайҳи васаллам: “Хўрознинг қичқиришини эшитсангиз, Аллоҳдан фазл-марҳамат сўранг, чунки у фариштани кўрган”, дедилар”. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

Энг афзал садақа

Афсуски, биз хорижий фильмларда эр хотинини овқатлантирса, ҳайратланамиз, аммо бир ҳадисни унутамиз: “Энг афзал садақа – эр ўз хотинининг оғзига солган луқмасидир”.
* * *
Одамлар гул совға қилишни Ғарб одати деб ўйлайдилар, аммо қуйидаги ҳадисни унутадилар: “Кимга райҳон таклиф қилинса, уни рад этмасин, чунки у енгил ва хушбўйдир”.
* * *
Ғарблик эр хотини учун машина эшигини очса, ҳайратланамиз, лекин Хайбар ғазотида Расулуллоҳ соллаллоҳу алайҳи ва саллам чарчаган ҳолда ерга ўтириб, Сафия онамизга муборак тиззаларини тутиб, туяга миндирганларини унутамиз. Жангдаки шундай бўлган бўлсалар, уйда қандай бўлганлар?!
* * *
Расулуллоҳ соллаллоҳу алайҳи ва саллам Ойша онамиз розияллоҳу анҳонинг бағрида вафот этдилар. Саждада вафот этишлари мумкин эди, аммо хотинларининг қучоғини танладилар.
* * *
Ойша онамиз у зот алайҳиссалом сув ичган косанинг айнан ўша жойидан ичар эдилар. Ғарб “этикети” бундай пайтда нима қилади? Расулуллоҳ соллаллоҳу алайҳи ва саллам дедилар: “Хотининг оғзига кўтарган луқманг учун ҳам ажр бор”. Бу – ҳақиқий муҳаббат ва фидокорлик.
* * *
Ойша онамиздан: “Расулуллоҳ соллаллоҳу алайҳи ва саллам уйда нима қилар эдилар?” деб сўралганда у зот: “Кийимларини тикар, қўй соғар, ўзларига ва аҳлига хизмат қилар эдилар”, деганлар. Ғарб этикетида эса “Ўзингга ўзинг хизмат қил”, дейилади. Зеро, Расулуллоҳ соллаллоҳу алайҳи ва салламга эргашмаган киши комил мўмин эмас.

Ҳомиджон қори ИШМАТБЕКОВ таржимаси

Дўстларингизга ҳам улашинг:

https://t.me/diyonatli