#САВОЛ_ЖАВОБЛАР

ФАРЗАНДНИНГ ОТАГА ИМОМ БЎЛИШИ

САВОЛ: Мен бир ҳадис ўқиб қолдим. Унда отага имомлик қилиб бўлмайди, дейилган. Отага имомлик қилиб бўлмайдими?

ЖАВОБ: Бисмиллаҳир Роҳманир Роҳим. Бу Расулуллоҳ соллаллоҳу алайҳи васаллам айтган ҳадис эмас, балки тобеинларнинг улуғ олимларидан бўлган Ато ибн Абу Рабоҳ раҳимаҳуллоҳга мансуб гапдир. У зот ўз сўзларини отага эҳтиром кўрсатиш, унинг олдида одоб билан туришга тарғиб маъносида айтганлар. Фиқҳий қоидаларга кўра ҳар бир масжидда унга тайинланган доимий имоми энг ҳақли бўлади. Ҳатто отаси ёки ундан кўра фақиҳ ёки тақводорроқ одам турганда ҳам у имомликка ўтишга ҳақли бўлаверади.

Шунингдек, намоз қоидалари ва қироатни намозни адо этадиган даражада биладиган инсон ўз уйида имомликка ўтишда бошқалардан кўра ҳақли ҳисобланади. Бу ҳолатда ота ва бошқалар тенг бўлади. Фақатгина султон ёки унинг ноиби уй эгаси ва масжид имомидан кўра ҳақли саналади. Инсон ёки доимий имом ўзи ҳақли бўлса-да, ўша ерда ундан афзалроқ одам бўлса, унга имомликка ўтишни таклиф қилиши мустаҳаб саналади.

Демак, фарзанд ўз уйида ёки ўзи имом бўлган масжидда имомликка ўтиши отадан кўра ҳақли бўлса-да, унга таклиф қилиш ёки унинг рухсати билан ўзи ўтиши афзал ва одоб ҳисобланади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

🌙 МУФТИЙ ҲАЗРАТЛАРИ ЖУМА НАМОЗИНИ ТОШКЕНТ ВИЛОЯТИ "МУШКИ АНБАР” МАСЖИДИДА АДО ЭТАДИЛАР

🕌 Бугун, 2 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Тошкент вилояти Бўстонлик туманидаги "Мушки анбар" жоме масжидига жума намозини адо этиш учун борадилар.

📖 Инша Аллоҳ, жума намозидан аввал хушовоз қориларнинг қалбга ҳузур бағишловчи қироатлари ва Муфтий ҳазратларининг манфаатли ва гўзал суҳбатларидан баҳраманд бўламиз.

📍 Масжид манзили

https://t.me/diyonatli

#Bosh_imom_minbari 

ҚУРЪОН ТИЛОВАТИ — ЮЗГА НУР, ОХИРАТГА ЗАХИРАДИР

Дониёр домла Икромов
Тошкент вилояти бош имом-хатиби

https://t.me/diyonatli

Азоб-уқубатлар замиридаги ҳикматлар

Кўпчиликни бундай саволлар қийнаши табиий: “Агар борлиқни яратган Зот раҳмли ва меҳрибон бўлса, нега дунёда касалликлар, оғриқлар, қарилик, очлик ва ўлим каби азоб-уқубатлар бор? Нега бегуноҳ болалар азоб чекиб қийналишади?” Бу саволлар инсоннинг чекланган ақли билан буюк ҳикматни ўлчашга уринишидир. Азобнинг мавжудлиги Яратувчининг меҳрибон эмаслигини эмас, балки ҳаётнинг мақсадини кўрсатади.

Азоб – ҳушёрлик қўнғироғи

Жисмоний оғриқни олинг. Агар оғриқ бўлмаганида, инсон ҳалокатга маҳкум бўларди. Агар қўлингиз оловда куйганида оғриқ сезмасангиз, қўлингиз кўмирга айланиб кетгунча уни ўтдан олмас эдингиз. Оғриқ – бу тананинг нажот сўровчи бақириғи, хавфдан огоҳлантириш қўнғироғи.

Руҳий азоб ҳам худди шундай. Хато қилганимиздаги виждон азоби ёки йўқотишдан келадиган қайғу бизни ҳушёр торттиради. Агар инсон ҳеч қандай азоб чекмаганида, у буткул ғурур ва худбинлик ботқоғига ботиб, ўзини “худо” деб ҳис қилган бўларди.

Қийинчилик ва машаққат – ривожланиш омили

Инсон шахсияти фақат роҳатфароғат ичида эмас, балки қийинчиликлар ва азоблар тегирмонида шаклланади. Қийинчилик иродани чиниқтиради. Маҳрум бўлиш сабрни ўргатади. Касаллик соғликнинг қадрини ва инсоннинг ожизлигини эслатади.

Агар Ер юзида фақат роҳат бўлганида, тараққиёт, ривожланиш тўхтаб қолган бўларди. Илм-фан, тиббиёт ва кашфиётларнинг аксарияти инсоният ҳаётини яхшилаш, машаққатларни аритиш, қулайликлар яратиш мақсадида қилинган.

Бу дунё роҳат диёри эмас

Азобни танқид қилаётганларнинг асосий хатоси – дунёни жаннат деб ўйлашларида. Ваҳоланки, дунё ҳузур-ҳаловат маскани эмас, балки синов, имтиҳон майдонидир. Имтиҳонда эса савол ва топшириқлар мураккаб бўлиши табиий. Аллоҳ таоло бизни азоблаш учун эмас, балки поклаш ва юксалтириш учун имтиҳон қилади. Худди олтин оловда тобланиб, ёт унсурлардан тозалангани каби инсоннинг қалби, руҳи ҳам синовлар орқали покланади.

Болаларнинг азобланиши ҳақида

Бегуноҳ болалар чекаётган азоблар биз учун ўтакетган ноҳақликдек туюлади. Чунки биз фақат ҳозир ва шу ердаги манзарани кўрамиз, холос. Аммо бу азоблар, оғриқлар эвазига охиратда уларга нақадар улуғ мукофот ва юксак мақомлар берилишини ўйлаб кўрмаймиз. Адолатнинг қарор топиши фақат шу дунё ҳаёти билан чекланиб қолмайди.

Доктор Мустафо Маҳмуднинг “Шубҳадан иймон сари саёҳатим” китобидан Ҳомиджон қори ИШМАТБЕКОВ таржимаси

Дўстларингизга ҳам улашинг:

https://t.me/diyonatli

АССАЛОМУ АЛАЙКУМ!!!

Ҳар бир янги кун янгиланган умидларнинг, кўпайган имкониятларнинг хабарчисидир...

Кунингиз файзу баракотли,  хайр манфаатли ўтсин!!!

https://t.me/diyonatli

#Ҳадис

Муовия ибн Абу Суфёндан ривоят қилинади: “Расулуллоҳ соллаллоҳу алайҳи васалламнинг: “Албатта, амаллар идиш сингаридир. Агар таги яхши бўлса, юқориси ҳам яхши бўлади, агар таги яроқсиз бўлиб қолган бўлса, юқориси ҳам яроқсиз бўлиб қолади”, деётганларини эшитдим”.

Ибн Можа ривоят қилган.

Дўстларингизга ҳам улашинг:

https://t.me/diyonatli

#Muslim_podcast 

SHIFO BOʼLUVCHI SАLOVАTLАR QАYSILАR?

🎙Ekspert: Bahodirjon domla Bahromjon o’g’li – Toshkent islom instituti "Hadis va islom tarixi fanlari" kafedrasi katta o‘qituvchisi

📝 Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentaybrdagi 02-07/7320-sonli xulosasi asosida tayyorlandi.

Дўстларингизга ҳам улашинг:

https://t.me/diyonatli