#САВОЛ_ЖАВОБЛАР

САВДОДА ЧЕГИРМА МАСАЛАСИ

САВОЛ: Ҳозирда мол бозорларида бир нарса одат бўлибди. Харидор қорамол сотувчиси билан шундай келишув қиляпти: “Қорамолни сўямиз ва чиққан гўштига 100 мингдан бераман, сиз беш кг гўшт чегирма (скидка) қилиб берасиз”. Агар харидор ҳам шунга рози бўлса, бундай келишув тўғрими?

ЖАВОБ: Бисмиллаҳир Роҳманир Роҳим. Бундай келишув фақат қорамолда эмас, бошқа савдо маҳсулотларида ҳам учраб туради. Масалан, харидор картошка сотувчисига 20 кг сотиб оламан, бир кг чегирма (скидка) қилиб берасизми, дейди. Бундай келишув савдони фосид қилади. Чунки савдода икки томоннинг бирига фойда бўладиган шартлар қўшиш уни фосид қилади (бузади). Сўралаётган келишувда харидорга фойда бўладиган шарт қўйилмоқда. Чунки харидор ҳеч қандай тўловсиз 5 кг гўштга эга бўлмоқда.

Шу сабабли бундай келишув нотўғри ҳисобланади. Сотувчининг рози бўлиши бу ишни жоиз қила олмайди. Чунки гоҳида сотувчи пулга ўта муҳтож бўлганидан ёки маҳсулоти сотилмай қолишидан қўрқиб, мажбурий рози бўлади.

Бунинг ўрнига нархни 100 минг эмас, камроқ пулга келишилса, шариатга мувофиқ иш тутган бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Bosh_imom_minbari 

82 ЁШЛИ ҚУРЪОН ХАТМ ҚИЛУВЧИ АЁЛ

Дониёр домла Икромов
Тошкент вилояти бош имом-хатиби

https://t.me/diyonatli

#дуо

"Аллоҳим, ғам ва маҳзунликдан Сендан паноҳ сўрайман. Сендан ожизлик ва дангасаликдан, бахиллик ва қўрқоқликдан, диним оғир келишидан ва золимлар ғолиб бўлишидан паноҳ сўрайман".

Агар сиз ҳадисда келган ушбу дуони доимо ўқиб, унинг маъноларини чуқур тааммул қилсангиз Аллоҳ сиздан ғам-андуҳингиз ва ташвишингизни кетказади.

Дўстларингизга ҳам улашинг:

https://t.me/diyonatli

#Bosh_imom_minbari 

ҚУРЪОННИНГ МЎЖИЗАКОРЛИГИ

Дониёр домла Икромов
Тошкент вилояти бош имом-хатиби

https://t.me/diyonatli

#nafs_illatlari

НАФС ИЛЛАТЛАРИ: АЛЛОҲ ТАНЛАГАН ЙЎЛНИ РАД ЭТИШ

Даврон Нурмуҳаммаднинг "Нафс иллатлари ва уларнинг муолажаси" китобидан

https://t.me/diyonatli

#САВОЛ_ЖАВОБЛАР

ТАВОФ ВАҚТИДА НАМОЗГА ТАКБИР АЙТИЛИБ ҚОЛИШИ

САВОЛ: Баъзида тавоф қилаётган вақтда намозга такбир айтилиб қолади ёки жаноза намози бошланиб қолади. Шу ҳолатда тавофни давом эттириб кетсак бўладими ёки жамоатга қўшилиш керакми?

ЖАВОБ: Бисмиллаҳир Роҳманир Роҳим. Зиёратчи тавоф қилаётган вақтда жамоат томонидан фарз ёки жаноза намози бошланиб қолса, тавофни келган жойида тўхтатиб, намозни жамоат билан бирга ўқийди. Тугагандан кейин келган жойидан давом эттириб кетади. Шунда тавофни ҳам, жамоатнинг ҳам савобини олади. Тавоф айланалар орасини узрсиз ажратиш макруҳ саналади, аммо жаноза, беш вақт намоз, таҳорат олиш каби ишлар тавофни тўхтатиб туришга узр бўлади. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli

#САВОЛ_ЖАВОБЛАР

ОНАМНИНГ ХОЛАСИ МЕНГА МАҲРАММИ?

САВОЛ: Биз яқинда умрага бормоқчимиз. Онам, холам, бувим ва бувимнинг синглиси, яъни онамнинг холаси. Мен шу аёлга маҳрам бўламанми? Бирга умрага борсак бўладими?

ЖАВОБ: Бисмиллаҳир Роҳманир Роҳим. Ҳа, албатта, улар билан биргаликда умрага борсангиз бўлади. Сиз онангизнинг холасига маҳрам бўласиз. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli

#Ҳадис

РАСУЛУЛЛОҲ ﷺНИНГ ГЎЗАЛ ХУЛҚЛАРИ

Расулуллоҳ соллаллоҳу алайҳи васаллам тонг отса:

اللهُمَّ إِنِّي أَسْأَلُكَ عِلْمًا نَافِعًا وَرِزْقًا طَيِّبًا وَعَمَلاً مُتَقَبَّلاً

Ўқилиши: Аллоҳумма инний асалука ъилман наафиъан ва ризқон тоййибан ва ъамалан мутақоббалан, деб айтар эдилар.

Маъноси: Аллоҳим, Сендан фойдали илм, покиза ризқ, қабул бўладиган амал сўрайман.

https://t.me/diyonatli

#САВОЛ_ЖАВОБЛАР

АРАВАДА ТАВОФ ВА САЪЙ ҚИЛИШ

САВОЛ: Онам тавофнинг биринчи айланасидан кейин касал бўлиб қолди ва мен қолган тавоф ва саъйларини аравага ўтиргизиб қилдирдим. Биз жарима тўлаймизми?

ЖАВОБ: Бисмиллаҳир Роҳманир Роҳим. Юришга қодир бўлган киши учун тавоф ва саъйни юриб бажариш вожиб саналади. Шунинг учун юришга қодир бўла туриб, узрсиз аравада ёки электромобилда тавоф ёки саъй қилса, қайта бажариш ёки ҳарам ҳудудида жонлиқ сўйиши лозим бўлади. Юриб тавоф қилишга соғлиги тўғри келмаган шахслар эса узрли саналади. Бундай узрли инсонлар мазкур икки амални арава ёки бошқа жиҳозларда бажаришлари мумкин. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli