#САВОЛ_ЖАВОБЛАР

АЗОН ДУОСИНИ ҲАР КИМ ЎЗИ ҚИЛАДИМИ?

САВОЛ: Азон дуосини ҳар ким ўзи қиладими ёки имом ё муаззин ўқиса, бошқалар омин деб турадими? Чунки бу ҳолат турли жойларда турлича экан.

ЖАВОБ: Бисмиллаҳир Роҳманир Роҳим. Азонга жавоб бериш, дуоларини қилиш шариатимизда жорий этилган ва ҳар бир шахс айтиши керак бўлган зикр ҳисобланади. Ҳожатхонага кириш ва чиқишдаги, тонгги ва кечки дуолар ҳам шу туркумдаги зикрга киради. Яъни ҳар бир шахс алоҳида қилиши афзал саналади. Шу боис ҳам айрим фуқаҳолар азон тугагач, унинг дуосини муаззин ҳам, эшитувчи ҳам ўқийди, деганлар. Шуни унутмаслик лозимки, бу ишнинг асоси фарз ёки суннат амалга эмас, балки афзалликка бориб тақалади.

Агар қавмдан кўпчилик азон дуосини билмаса, имом ёки муаззин бир муддат таълим учун баланд овозда ўқиб туришида гуноҳ йўқ, лекин доимий равишда баланд овозда бир киши ўқиб беришни одат қилиб олмаслик тавсия қилинади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#chumoli

ЧУМОЛИ САҚЛАГАН ДОН МЎЪЖИЗАСИ

Таржимон: Даврон Нурмуҳаммад
Матнни Неъмат Мусаев ўқиди

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

АЁЛ ЭРИНИНГ ФАМИЛИЯСИГА ЎТИШИ МУМКИНМИ?

САВОЛ: Хотин эрнинг фамилиясига ўтиши мумкинми? Бу ишда хотинни мажбурлаб бўладими?

ЖАВОБ: Бисмиллаҳир Роҳманир Роҳим. Шаръий жиҳатдан хотин эрнинг фамилиясига ўтиши жоиздир. Аёл бу масалада ихтиёрий бўлиб, уни бу ишга мажбурлаб бўлмайди.

Лекин зарурат бўлганда, масалан, яшаб турган давлатида талаб шундай бўлса ёки урфда эрининг фамилиясига ўтиш мавжуд бўлса, эрнинг фамилиясига ўтиши жоиздир. Чунки бу ҳолатда аёл отасининг исми ўзгартирилмайди ва у эрининг отасини "менинг отам", деб даъво ҳам қилмайди. Бу ҳолатда фамилиянинг ўзгариши Исломдаги "ҳамма ўз отасининг номи билан чақирилиши керак", деган қоидага зид келмайди.

Қадимдан одамлар орасида ўзаро бир-бирларини таниш турли йўллар билан бўлган. Фалончининг ўғли, фалончининг хотини каби нисбат бериш ҳолати жорий бўлган. Эрининг фамилиясига ўтиш ҳам гўё фалон оилага келин бўлган дегани кабидир. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Ҳадис

Ё РАСУЛУЛЛОҲ, МЕНИ ДУО ҚИЛИНГ

Оиша розияллоҳу анҳо айтадилар: "Набий соллаллоҳу алайҳи васалламнинг меҳрлари ортиб турганини кўрган вақтимда у зотга: "Ё Расулуллоҳ, Аллоҳга мен учун дуо қилинг!", дедим.

У зот алайҳиссалом: "Аллоҳим, Оишанинг олдинги ва кейинги, ошкораю махфий гуноҳларини мағфират қилгин!" деб дуо қилдилар.

Оиша розияллоҳу анҳо жуда хурсанд бўлиб, кула бошладилар.

Расулуллоҳ соллаллоҳу алайҳи васаллам: "Дуоим сени қувонтириб юбордими?" дедилар.

Оиша розияллоҳу анҳо: "Ахир қандай қилиб дуоингиз қувонтирмасин, албатта хурсанд бўлдим!" дедилар.

У зот алайҳиссалом: "Аллоҳга қасамки, ушбу дуони умматим учун ҳар намозимда сўрайман", дедилар (Ибн Ҳиббон ривояти).

Дўстларингизга ҳам улашинг:

https://t.me/diyonatli

#саловат

Имом Суютий раҳимаҳуллоҳ айтадилар: "Расулуллоҳ соллаллоҳу алайҳи васаллам га кўп салавот айтиш ризқларни кўпайтиради, баракаларни зиёда қилади, ҳожатларни қондириб беради, ғам-ташвиш ва барча қайғуларни кетказади".

Ибн ал-Жавзий раҳимаҳуллоҳ айтадилар: "Агар Аллоҳ бир бандасига яхшиликни истаса, унинг тилини Расулуллоҳ ﷺга салавот айтишга осон қилади".

Дўстларингизга ҳам улашинг:

https://t.me/diyonatli

#Ҳадис

РАСУЛУЛЛОҲ ﷺНИНГ ГЎЗАЛ ХУЛҚЛАРИ

Оиша розияллоҳу анҳо онамиз айтадилар: "Расулуллоҳ соллаллоҳу алайҳи васаллам таҳажжуд намозини асло тарк этмас, бемор ё беҳол бўлсалар ўтирган ҳолларида ўқир эдилар" (Имом Абу Довуд ривояти).

Абу Вакил розияллоҳу анҳудан ривоят қилинади: "Расулуллоҳ соллаллоҳу алайҳи васаллам жамоат билан бирга намоз ўқиганда ғоят енгил ва қисқа кўринишда, ёлғиз ўзлари ўқисалар, узун ўқир эдилар" (Имом Аҳмад ривояти).

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ИККИНЧИ САЖДАНИ ҚИЛГАНИ АНИҚ БЎЛМАСА

САВОЛ: Намоз ўқиётган одам саждада иккинчи саждани қилдимми ёки қилмадимми деб шубҳаланиб қолса, қандай йўл тутади?

ЖАВОБ: Бисмиллаҳир Роҳманир Роҳим. Намоз ўқиётган одам иккинчи саждани қилдимми, йўқми деган шакка борса, қилган қилмаганини аниқлашга ҳаракат қилади. Агар гумони бир томонга кўпроқ бўлса, шунга асосан йўл тутади. Агар аниқ бир тўхтамга кела олмай, иккиланиб қолса, бажармаган деб ҳисобланади ва намознинг қаерига келган бўлса, ўша ерда битта саждани қилиб қўяди ва намоз охирида саждаи саҳв қилади. Бу намоз ичида шак қилишга тегишли. Агар намоздан кейин шундай шакка тушиб, қилган-қилмаганини аниқ билмаса, унга аҳамият бермайди ва намозини қайта ўқимайди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Bosh_imom_minbari 

ҚУРЪОН АМАЛ ҚИЛИШ УЧУН ТУШИРИЛГАН

Дониёр домла Икромов
Тошкент вилояти бош имом-хатиби

https://t.me/diyonatli

Фахриддин Розийнинг тавозеси

Насабшунос олим Исмоил ибн Ҳусайн Ғанавий бундай ҳикоя қилади: «Фахриддин Розий Марв шаҳрига келди. Шу қадар мақоми улуғ, ҳайбатли эдики, у кишининг сўзига ҳеч ким эътироз билдирмас, ҳузурида бирор киши сўз айтишга журъат қилолмасди.

Мен у кишининг дарсларига қатнаб юрардим. Бир куни менга: “Ўқиб, ёдлаб олишим учун “Толиблар насабномаси” ҳақида кичик бир китоб ёзиб берсангиз”, деб қолди.

Мен у кишининг талаби билан “Ал-мусаннаф ал-Фахрий” номли асарни таълиф қилдим. Китобни унинг ҳузурига олиб келганимда, у киши ўтирган еридан пастга тушиб, бўйра устига ўтирди ва менга: “Сиз бу ерга ўтиринг!” деб ўзининг ўрнини кўрсатди. Мен ўтиришдан тортиндим. Шунда у киши қатъий овозда: “Мен айтган жойга ўтиринг!” деб буюрди. У кишининг ҳайбатидан дарҳол буюрилган жойга ўтирдим. Кейин у киши китобимни қўлига олиб, ўқий бошлади. Ора-орада тушунмаган жойларини мендан сўраб турди. Китобни тўлиқ ўқиб бўлгач: “Энди хоҳлаган жойингизга ўтираверинг. Чунки бу илмда сиз менинг устозимсиз. Мен эса сиздан фойда олувчи ва сизга шогирдман. Одоб шуки, шогирд устозининг олдида ўтиради”, деди.

“Солиҳлар ва солиҳалар ҳаётидан минг бир қисса” китобидан

Дўстларингизга ҳам улашинг:

https://t.me/diyonatli

#chumoli

ЧУМОЛИ САҚЛАГАН ДОН МЎЪЖИЗАСИ

Таржимон: Даврон Нурмуҳаммад
Матнни Неъмат Мусаев ўқиди

Дўстларингизга ҳам улашинг:

https://t.me/diyonatli

#Ҳадис

РАСУЛУЛЛОҲ ﷺНИНГ ГЎЗАЛ ХУЛҚЛАРИ

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам ўзларини маҳзун қиладиган бирор ҳолат ёки воқеа содир бўлса осмонга қарар ва "Субҳаналлоҳил аъзийм" дер эдилар, дуоларида энг кўп такрорлаганлари эса “Йа Ҳаййу, йа Қойюм" эди» (Имом Термизий ривояти).

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ОНАМНИНГ ХОЛАСИ МЕНГА МАҲРАММИ?

САВОЛ: Биз яқинда умрага бормоқчимиз. Онам, холам, бувим ва бувимнинг синглиси, яъни онамнинг холаси. Мен шу аёлга маҳрам бўламанми? Бирга умрага борсак бўладими?

ЖАВОБ: Бисмиллаҳир Роҳманир Роҳим. Ҳа, албатта, улар билан биргаликда умрага борсангиз бўлади. Сиз онангизнинг холасига маҳрам бўласиз. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli