#hikmat

Дунёда сувдан кўра юмшоқ ва заиф нарса йўқ. Аммо у энг қаттиқ тошни ҳам емириб, тешиб ўтади. Юмшоқлик қаттиқликни енгади - буни ҳамма билади, лекин ҳеч ким амал қилмайди.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

УЗРЛИ ВАҚТДАГИ КИЙИМЛАР

САВОЛ: Ҳайз кўрган пайтда кийилган кийимларни ҳайз тугаб, ғусл қилгандан кейин кийса бўладими? Уларни ювмасдан аввал кийиб намоз ўқиш мумкинми?

ЖАВОБ: Бисмиллаҳир Роҳманир Роҳим. Ҳайз, нифос, жунублик каби нопокликлар ҳукмий нопоклик ҳисобланади. Шунга биноан ҳайз ҳолатида кийилган кийимлар агар пок бўлса, яъни бирор нажосат тегмаган бўлса, ғуслдан кейин уларни ювмасдан қайта кийиш мумкин. Бу ҳеч шубҳасиз жоиз ва тўғри. Шу сабаб уларни кийиб ўқилган намоз ҳам ҳеч қандай макруҳликсиз адо топади. Чунки тананинг ҳукмий нопоклиги сабаб тоза кийимлар нопок бўлиб қолмайди. Агар сийдик, қон каби ҳақиқий нажосатлар теккан бўлса, уни ювиб поклаш лозим бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#СИЙРАТ СОЛНОМАСИ

Ҳижрий 6 йил, зулқаъда ойининг боши, душанба (милодий 628 йил март ўрталари):
– Расулуллоҳ соллаллоҳу алайҳи ва саллам умра қилиш нияти билан Макка сари 1400 (ёки 1500) саҳоба ҳамроҳлигида йўлга чиқдилар;

– Усфон водийсида аср намозидан олдин Аллоҳ таоло хавф намози ҳукмини туширди ва Расулуллоҳ соллаллоҳу алайҳи ва саллам саҳобаларни икки гуруҳга бўлиб, биринчи хавф намозини ўқидилар;

– Расулуллоҳ соллаллоҳу алайҳи ва саллам Ҳудайбияда саҳобалардан байъат олдилар;

– Қурайш мушриклари билан мусулмонлар ўртасида тўрт банддан иборат сулҳ битими имзоланди (ушбу битим Ислом тарихида «Ҳудайбия сулҳи» номи билан машҳурдир);

– Ушбу сафар асносида Аллоҳ таоло Бақара сураси 196-оятини нозил қилиб, бирон узр сабабли сочини олдирган эҳромдаги одамнинг уч кун рўза тутиш ё олти мискинга садақа бериш ёки бир жонлиқ сўйиш билан тўлайдиган фидясини баён этди.

Ҳижрий 6 йил, зулҳижжа ойи охири ёки 7 йил, муҳаррам ойи боши (милодий 628 йил май):
– Расулуллоҳ соллаллоҳу алайҳи ва саллам Ҳудайбиядан қайтиб келганларидан сўнг, Хайбарга юриш қилишларидан бир неча кун олдин Ҳабашистон, Миср, Форс, Рум ва Умон[9] подшоҳлари ҳамда Баҳрайн, Ямома ва Дамашқ амирларига мактублар юбордилар.

Дўстларингизга ҳам улашинг:

https://t.me/diyonatli

#ilm #oyat #hikmat

"Аллоҳ сизлардан иймон келтирганларни, хусусан, илмга берилганларни даражаларга кўтарур" (Мужодала сураси, 11-оят).

Ибн Аббос розияллоҳу анҳу дедилар: "Сулаймон алайҳиссаломга илм, мол ва подшоликдан бирини танлаш ихтиёри берилди. У зот илмни ихтиёр қилдилар. Натижада унга мол билан подшоҳлик ҳам қўшиб берилди".

Дўстларингизга ҳам улашинг:

https://t.me/diyonatli

ҚАНОАТ – БИТМАС ХАЗИНА

Тошкент вилояти бош имом-хатиби Дониёр домла Икромов билан суҳбат

– Ассалому алайкум. Бугунги суҳбатимизни инсон ҳаётида муҳим ўрин тутадиган, одамни борига рози бўлиб, йўғига сабр қилишга ундайдиган гўзал фазилат – қаноат ҳақида гаплашсак. Аввало, қаноат деганда нимани тушунамиз?

– Ваалайкум ассалом вараҳматуллоҳи вабаракотуҳ. Қаноат – инсонга берилган неъматларни қадрлаш, Аллоҳ таолонинг тақдирига рози бўлиш, бор нарсага шукр қилиш ва ҳалол йўл билан ҳаёт кечиришдир.

Қаноат – бу қўл қовуштириб ўтириш, меҳнат қилмаслик, бирор касбнинг бошини тутмаслик ёки “борига шукр” деб тараққиётдан ортда қолиб кетиш эмас. Мусулмон киши, ҳадиси шарифда таъкидланганидек, дунё ишларида ҳаракат қилади, ризқини излайди, касб-ҳунар ўрганади, оиласи учун меҳнат қилади. Аммо қалбида: “Менга берилган неъматнинг эгаси Аллоҳ таолодир”, деган эътиқодда бўлади.

Инсон қанча бой бўлмасин, агар қалбида қаноат бўлмаса, ўзини камбағал ҳис қилиши мумкин. Аксинча, мол-дунёси кўп бўлмаган инсоннинг қалби хотиржам, шукр қилувчи бўлса, у чинакам бойдир. Шу боис уламолар қаноатни қалбг бойлиги, деб таърифлашган.

БАТАФСИЛ

Дўстларингизга ҳам улашинг:

https://t.me/diyonatli

#Bosh_imom_minbari 

ИЛМ ВА АМАЛ

Дониёр домла Икромов
Тошкент вилояти бош имом-хатиби

https://t.me/diyonatli