#САВОЛ_ЖАВОБЛАР

МУСКАТ ЁНҒОҒИНИ ИСТЕЪМОЛ ҚИЛИШ

САВОЛ: Мускат ёнғоғини даво учун истеъмол қилиш мумкинми?

ЖАВОБ: Бисмиллаҳир Роҳманир Роҳим. Соҳа мутахассислари мускат ёнғоғи таркибида инсонни маст қилувчи модда бор эканини таъкидлайдилар. Шу туфайли фуқаҳолар мазкур мевани маст бўлиш мақсадида истеъмол қилишни ҳаром санайдилар. Аммо даво мақсадида маст қилмайдиган даражада оз миқдорда истеъмол қилиш ёки таомга қўшишни жоиз, дейишган. Валлоҳу аълам

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#СИЙРАТ СОЛНОМАСИ

МАККА ДАВРИ

Ҳижратдан аввалги 13 йил, 17, 18, 21 ёки 27 рамазон ойи, душанба кечаси (милодий 610 йил август):
– Расулуллоҳ соллаллоҳу алайҳи ва саллам қамарий қирқ ярим ёш (шамсий 39 ёшу уч ойлик) бўлганларида Аллоҳ таоло у Зотга биринчи ваҳий юборди ва у Зот Набий бўлдилар;
– орадан бир неча кун ўтиб, иккинчи ваҳий келгач, Расул бўлдилар.

Ҳижратдан аввалги 13 йил охирлари (нубувватнинг 1 йили / милодий 610 йил охирлари):
– қуёш чиқиши ва ботишидан олдин икки маҳал намоз ўқиш буюрилди.

Ҳижратдан аввалги 13-11 йиллар (нубувватнинг 1 йилидан 3 йили охиригача / милодий 610 йилдан 612 йил октябрь ойи охиригача):
– даъват махфий равишда олиб борилди.

Ҳижратдан аввалги 10 йил боши, муҳаррам ойи (нубувватнинг 4 йили / милодий 612 йил ноябрь):
– ошкора даъват бошланди;
– саҳобалар сони тахминан бир юз ўттиз нафарга етди.

Ҳижратдан аввалги 10 йил (нубувватнинг 4 йили иккинчи ярми / милодий 613 йил):
– саҳобаларни Исломдан қайтариш ҳаракатлари бошланди;
– ҳаж мавсуми яқинлашганида Қурайш раҳбарияти ҳаж зиёратига келувчиларни исломий даъватни эшитишдан тўсиш мақсадида мажлис қилиб, Расулуллоҳни сеҳргар деб эълон қилди.

Дўстларингизга ҳам улашинг:

https://t.me/diyonatli

Набавий огоҳлантириш

Имрон ибн Ҳусайн розияллоҳу анҳу ривоят қилади. Набий соллаллоҳу алайҳи ва саллам дедилар: “…Шундай бир қавм келадики, улар гувоҳлик сўралмаган ҳолда гувоҳлик беришади, хиёнат қилишади, омонатдор бўлишмайди, назрига вафо қилишмайди, уларда семизлик пайдо бўлади” (Имом Бухорий ва Имом Муслим ривояти).

Шориҳ уламолар ушбу ҳадисдаги “семизлик пайдо бўлади” иборасида айнан овқатга очкўзлик ва нафсни тиймаслик, нотўғри овқатланиш оқибатида орттирилган семизлик ҳақида гап кетаётганини таъкидлашади.

Саодат асри кишилари семизликни хаёлларига ҳам келтиришмаган. Аммо бугун у инсониятни ташвишга солаётган улкан муаммолардан бири. Жаҳон соғлиқни сақлаш ташкилоти семиришни “глобал эпидемия” деб эълон қилган.

Таҳлилларга кўра, бугунги кунда Ер сайёрасида 2,5 миллиарддан ортиқ одам (38 фоиз) ортиқча вазнга эга. Агар шу ҳолат давом этса, 2035 йилга бориб бу кўрсаткич 50 фоиздан ошиши, яъни инсониятнинг ярмидан кўпи семириб кетиши кутилмоқда.

Ортиқча вазннинг хавфли томони шундаки, у турли саратон касалликларини келтириб чиқаради. Ҳар йили 2,8 миллион одам семизлик сабаб оламдан ўтиши ҳам бунинг исботи. Бу иллат ҳатто болалар ва ўсмирлар орасида ҳам оммалашаётгани янада хатарли. Шу боис киши соғлом овқатланишни йўлга қўйиб, нафсини тийиши, Пайғамбаримиз алайҳиссалом суннатлари асосида таомланишни одат қилиши, энг асосийси, жисмоний тарбия билан мунтазам шуғулланиши ва купроқ пиёда юриши шарт.

Даврон НУРМУҲАММАД тайёрлади.

Дўстларингизга ҳам улашинг:

https://t.me/diyonatli

#Bosh_imom_minbari 

РОБИЪУЛ АВВАЛ ОЙИДА УММАТ ЭКАНИМИЗНИ КЎРСАТИШИМИЗ КЕРАК

Дониёр домла Икромов
Тошкент вилояти бош имом-хатиби

https://t.me/diyonatli

#Ҳадис

РАСУЛУЛЛОҲ ﷺНИНГ ГЎЗАЛ ХУЛҚЛАРИ

Оиша розияллоҳу анҳо онамиз айтадилар: "Расулуллоҳ соллаллоҳу алайҳи васаллам гапни сизларга ўхшаб шошилиб гапирмас эдилар", дедилар (Имом Термизий ривояти).

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ОТА ЁКИ ОНАНИНГ АММАСИ МАҲРАММИ?

САВОЛ: Мен аёл кишиман. Жиянимнинг ўғли, яъни акамнинг ўғил бола невараси менга маҳрам бўладими?

ЖАВОБ: Бисмиллаҳир Роҳманир Роҳим. Ҳа, маҳрам бўлади. Чунки сиз мазкур ўғил бола томонидан қаралганда отасининг аммаси бўласиз. Ўғил болага нисбатан аммаси, ота ёки онасининг аммаси, ҳатто бобо ёки бувисининг аммалари ҳам маҳрам ҳисобланадилар. Валлоҳу аълам

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli