МЎМИН КИМ?

Расулуллоҳ соллаллоҳу алайҳи васаллам марҳамат қиладиларки:

"Мўминнинг елкаси юмшоқ бўлади, биродарига кенглик қилади, мунофиқ эса тўнгдир, биродарига танглик қилади.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ЗАКОТ ФОЙДАНИ ЎЗИДАН БЕРИЛАДИМИ?

САВОЛ: Мен ўтган йили 100 миллион сўмдан закот бергандим. Ҳозир пулим 120 миллионга етди. Шунда мен ҳозир кўпайган 20 миллионнинг ўзидан бераманми ёки 120 миллиондан бераманми?

ЖАВОБ: Бисмиллаҳир Роҳманир Роҳим. Инсон модомики закот нисобига етган мол-мулкка эгадор бўлиб турар экан, ҳар йили умумий қийматдан закот бериб боради. Шунингдек, йил асносида ўз жинсидан қўшилган нарсалардан ҳам закот беради.

Демак, сиз 20 миллиондан эмас, 120 миллиондан закот берасиз. Келаси йили ҳам худди шу каби умумий маблағга фойдаларни қўшиб, берасиз. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

Сиз энг бой одамсиз!

Инсоннинг феъли қизиқ: биз кўпинча ўзимизда йўқ нарсалар ҳақида қайғуриб, қўлимиздаги бебаҳо неъматларни одатдаги ҳолдек қабул қиламиз. Ваҳоланки, биз оддий деб билган қулайликлар, соғлиқ ва бошқа имкониятлар сайёрамизнинг миллионлаб аҳолиси учун энг катта орзу ҳисобланади.

Жумладан, бугунги тонгни дунё бўйича 174 мингга яқин инсон қарши ололмади. Айни дамда 50 миллиондан ортиқ одам саратон касаллиги билан курашмоқда. 300 миллион инсон ранглар жилосини кўриш бахтидан маҳрум. 400 миллионга яқин киши эса эшитиш мосламаларисиз дунё товушларини эшита олмайди. 770 миллиондан ортиқ катта ёшдаги инсон ҳанузгача ўқиш ва ёзишни билмайди. 2,5 миллиарддан зиёд аҳоли глобал ахборот ва интернет имкониятларидан узилган ҳолда яшамоқда. 6,5 миллиард инсон эса самолётда умуман учиб кўрмаган...

Бу рақамлар шунчаки қуруқ кўрсаткичлар эмас. Улар ортида миллионлаб инсонларнинг ана шундай аянчли тақдири ётибди.

Агар сиз ҳозир ушбу матнни ўқий олаётган, атрофдаги ранглар ва товушларни ҳис қилаётган, энг муҳими, янги кунни соғ-омон яшаётган бўлсангиз, демак, сиз сайёрадаги энг бахтли инсонлардан бирисиз. Шундай экан, турмуш ташвишларидан нолишни тўхтатинг. Ён-атрофга боқинг: сиз яшаётган бугунги кунга кимлардир етмади. Демак, ҳар бир хотиржам олинган нафас, ҳар тинч отган тонг учун Яратганга ҳамдлар айтиб, шукроналик кайфияти билан яшанг. Чунки сиз энг бой одамсиз!
 
Акбаршоҳ РАСУЛОВ

Дўстларингизга ҳам улашинг:

https://t.me/diyonatli

«“Ҳар бирингиз тун келиб, одамлар ухлаганида ва овозлар тинганида турсин ва таҳорат олсин, сўнг икки ракат намоз ўқиб: “Эй Раббим, мени Ўзингга яқин бўлган солиҳ бандаларингдан бири (муршид)га далолат қилгин. Токи у мени Сенга далолат қилсин ва йўлингни танитсин”, дея илтижо этсин. Зеро, сабаб фақат Ундандир. Аллоҳ таоло бирор анбиёсиз ҳам ҳидоят қилишга қодир. Оқил кишилар бўлинглар, аслида сизлар бирон нарсага эга эмассизлар, ғафлатдан уйғонинглар. Набий соллаллоҳу алайҳи ва саллам айтганлар: “Ким ўз раъйи, фикрига суянса, адашибди”, дедилар».

Абдулқодир Жийлоний раҳматуллоҳи алайҳ

Дўстларингизга ҳам улашинг:

https://t.me/diyonatli

МЎМИН КИМ?

Расулуллоҳ соллаллоҳу алайҳи васаллам марҳамат қиладиларки:

"Ҳақиқий мўмин бировга оғирлиги тушмайдиган кишидир".

Дўстларингизга ҳам улашинг:

https://t.me/diyonatli

#Bosh_imom_minbari 

ҚАЙНОНА ВА ҚАЙНОТАНИ ХИЗМАТИНИ ҚИЛИШ ЭРНИ РОЗИЛИГИГА САБАБ БЎЛАДИ

Дониёр домла Икромов
Тошкент вилояти бош имом-хатиби

https://t.me/diyonatli

#САВОЛ_ЖАВОБЛАР

ҲАЙВОН ВА ҚУШЛАРГА ИНСОН ОВҚАТИНИ БЕРИШ ИСРОФМИ?

САВОЛ: Уйда сақланадиган қушларга, масалан, тўтиқушлар ва товуқларга юмшоқ овқат сифатида қайнатилган тухум ва бошқа сабзавотлар, масалан, лавлаги, сабзи ва ҳоказоларни бериш исроф ёки беҳуда сарфлаш ҳисобланмайдими?

ЖАВОБ: Бисмиллаҳир Роҳманир Роҳим. Динимиз ҳар бир мусулмонга ўз қарамоғидаги инсонлар нафақасини вожиб қилган. Аммо бошқаларга таом ва сув бериш эса инсон учун мустаҳаб саналади. Уйдаги жонзотлар таъминоти ҳам ана шу мустаҳаб ҳукмлардан биридир. Шу боис уларга саволда айтилган озуқаларни бериш исрофга кирмайди. Аммо агар заруратдан ортиқча овқат бериш сабабли бирор диний ҳақ зое бўлаётган бўлса, масалан, хотини ва болаларига сарфлаш ўрнига тўтиқушлар ва товуқларни боқса, бундай озиқлантириш ножоиз саналади.

Шунингдек, қавми-қариндош ва қўни-қўшнилар ана шу озуқаларга муҳтож бўла туриб, уларни қуш ва паррандаларга беришни ҳам шариат маъқулламайди. Чунки Аллоҳ таоло мол-мулкни одамларнинг манфаатлари учун яратган, уларнинг ҳақларини адо этмасдан, бошқа жойга сарфлаш ўша манфаатларни ноҳақ совуриш ҳисобланади.

Демак, уйда боқилаётган ҳайвонлар ва қушларга яхши овқатлар бериб парваришлашда бирор диний ҳақ-ҳуқуқни поймол қилинмаётган бўлса, бу иш исрофга кирмайди. Зеро исроф керагидан ортиқчасини ёки қўл остидагилар муҳтож бўлиб турган нарсаларни берилганда ёки бу иш манманлик учун қилинганда содир бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

“Аллоҳдан солиҳ умр йўлдош сўраганингда, фақат уни талаб қилиш билан чекланиб қолма. Балки Аллоҳдан никоҳ билан бирга иффатни, ҳалим, ширинсўз умр йўлдошни ҳам сўра. Сафар узоқ ва машаққатли, сен эса (эй аёл,) яратилишинг, хилқатингга кўра заифасан. Қанча-қанча никоҳлар борки, унинг соҳиби ҳам, соҳибаси ҳам унинг ҳақиқий маъносини англамаганлар ва натижада динлари ҳам, дунёлари ҳам зое бўлган”.

Само Маҳмуд раҳматуллоҳи алайҳ

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

УЙИГА КАМ МУДДАТГА КЕЛГАННИНГ НАМОЗИ

САВОЛ: Мен иш юзасидан кўпинча вилоятларга сафар қилишимга тўғри келгани боис уйда кам бўламан. Бугун бир вилоятдан келсак, икки ёки уч кун туриб, бошқа вилоятга кетаман. Бошқа вилоятга борганимда одатда неча кун туришни ният қилиб кетаман ва шунга қараб, намозларимни тўлиқ ё қаср қилиб ўқийман. Саволим шуки, уйимда бир ёки икки кун турганимда намозларимни тўлиқ ўқийвераманми? Чунки уйимга қанча туришни ният қилиб келмайман.

ЖАВОБ: Бисмиллаҳир Роҳманир Роҳим. Инсонга ўзи туғилиб ўсган ва яшаётган жойи ватани аслий бўлади. Мусофирликдан ватани аслийга қайтишда ҳеч қандай ният қилинмайди ва бунга ҳожат ҳам йўқ. Чунки инсон ўз ватанига кириши билан муқимга айланади ва неча кун ёки соат туришига қарамай, намозларини тўлиқ ўқийди.

Демак, сиз ҳам ўзингиз яшайдиган шаҳар ёки қишлоққа киришингиз биланоқ муқимга айланасиз ва ибодатларингизни шунга биноан адо этасиз. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli