#Ҳадис

Абу Ҳурайра розияллоҳу анҳудан ривоят қилинади: «Набий соллаллоҳу алайҳи ва саллам Раббилари азза ва жалладан ҳикоя қилиб айтадилар: “Бир банда гуноҳ қилиб қўйди ва: “Аллоҳим, гуноҳимни мағфират қил!” деди. Аллоҳ таборака ва таоло: “Бандам гуноҳ қилди ва гуноҳни кечирадиган ҳамда гуноҳ учун жазолайдиган Рабби борлигини билди”, деди. Сўнг банда яна қайтди ва гуноҳ қилди. У: “Эй Раббим, гуноҳимни мағфират қил!” деди. Аллоҳ таборака ва таоло: “Бандам гуноҳ қилди ва гуноҳни кечирадиган ҳамда гуноҳ учун жазолайдиган Рабби борлигини билди”, деди. Сўнг банда яна қайтди ва гуноҳ қилди. У: “Эй Раббим, гуноҳимни мағфират қил!” деди. Шунда Аллоҳ таборака ва таоло: “Бандам гуноҳ қилди ва гуноҳни кечирадиган ҳамда гуноҳ учун жазолайдиган Рабби борлигини билди. Хоҳлаган ишингни қил, сени мағфират қилдим!” деди”» (Имом Бухорий ва Имом Муслим ривояти).

“Ва гуноҳ учун жазолайдиган”, яъни ўша гуноҳни қилган кишини азоблашга қодир эканини билди. Имом Бухорий ривоятида: “Бандамни мағфират қилдим” деган зиёдаси бор.

Уламолар бу ҳадисни икки хил изоҳлаганлар:
Биринчиси, ким бир гуноҳига холис тавба қилиб, унга қайтмасликка қатъий қарор қилса, унинг тавбаси мақбулдир. Шундан кейин нафси ёки шайтон ғолиб келиб, яна ўша гуноҳни қилиб қўйса-ю, сўнг иккинчи бор пушаймон бўлиб, яна қайтмаслик аҳди билан холис тавба қилса, унинг тавбаси мақбулдир. Бу жараён шу тарзда давом этаверади. Ҳадисдан мурод – ҳар гал тавба қилаётганда “унга бошқа қайтмайман” деган азму қарорда бўлиш. Чунки тавба фақат қуйидаги икки асосий шарт билан мукаммал бўлади: гуноҳни дарҳол тўхтатиш ва унга бошқа қайтмасликка қатъий қарор қилиш. Агар инсон шу ният билан, яъни ҳар сафар “бошқа қилмайман” деган чин аҳд билан тавба қилса-ю, лекин инсоний ожизлик ёки шайтон ғолиб келиб, гуноҳни такрорласа ҳам, унинг тавбаси қабул қилинаверади. Бу ҳолат юз, ҳатто минг марта такрорланса ҳам. Модомики, ҳар тавбасини бошқа унга қайтмаслик азму қарори билан қилса, Аллоҳ уни кечиради.

“Хоҳлаган ишингни қил, сени мағфират қилдим!” Банда, модомики, ҳар сафар гуноҳ қилганида пушаймон бўлиб, истиғфор айтиб, тавба қилар экан, Аллоҳ таоло уни кечираверади. Бу асло гуноҳда давом этиш дегани эмас, балки ҳар гал хатодан сўнг янги тавба билан покланиш демакдир.

Иккинчиси, бу ўринда фақатгина истиғфор – Аллоҳ таолодан мағфират сўраш назарда тутилган бўлиши мумкин. Истиғфор тушунчаси тавбадан кўра кенгроқдир. Истиғфорда, тавбадан фарқли ўлароқ, гуноҳни дарҳол тўхтатиш ёки унга қайтмаслик аҳди шарт қилинмайди, балки мағфиратнинг ўзи сўралади, холос. Ким шу маънода истиғфор айтса, унинг гуноҳи кечирилишига кафолат берилмайди. Фақат Аллоҳ таоло унга Ўз лутфи ва марҳамати билан муомала қилиб, кечиб юборадиган ҳолатлар мустасно.

Дўстларингизга ҳам улашинг:

https://t.me/diyonatli

#Ҳадис

Ибн Аббос розияллоҳу анҳумодан ривоят қилинган ҳадисда Набий алайҳиссалом: “Гуноҳидан тавба қилган киши гўё гуноҳи йўқ киши кабидир. Гуноҳни тўхтатмай туриб истиғфор айтувчи кимса эса Раббисини масхара қилаётган киши кабидир”.

Имом Ибн Абу Дунё ривояти.

Дўстларингизга ҳам улашинг:

https://t.me/diyonatli

#Bosh_imom_minbari 

АЛЛОҲ УЧУН ЯХШИ КЎРСАНГИЗ АЙТИБ ҚЎЙИНГ

Дониёр домла Икромов
Тошкент вилояти бош имом-хатиби

https://t.me/diyonatli

#САВОЛ_ЖАВОБЛАР

ОИША ВА АСМО РОЗИЯЛЛОҲУ АНҲУМО

САВОЛ: Ҳазрати Абу Бакр Сиддиқ розияллоҳу анҳунинг икки қизлари Асмо ва Оиша оналаримиз ҳақида сўрамоқчиман. Улар ҳақида турли китоб ва маърузаларда икки хил эшитдим. Оиша онамиз розияллоҳу анҳо Асмонинг опасими ёки синглисими?

ЖАВОБ: Бисмиллаҳир Роҳманир Роҳим. Асмо розияллоҳу анҳо мўминлар онаси Оиша розияллоҳу анҳонинг опаси ҳисобланади. Имом Шамсуддин Заҳабий ва Мулла Али Қори раҳимаҳумаллоҳларга ўхшаш Ислом тарихи ва сийрат олимлари Асмо розияллоҳу анҳо Оиша онамиздан ўн ёш катта эканини айтиб ўтганлар. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#муфтий_минбари

📹 Рад этилмайдиган уч дуо
🎙 Шайх Нуриддин Холиқназар ҳазратлари

@diniysavollar

https://t.me/diyonatli

ЭР-ХОТИНЛИК АЛОҚАСИ СОДИР БЎЛГАНДА МАНИЙ ЧИҚМАСА ҲАМ ҒУСЛ ҚИЛИШ КЕРАКМИ?

❓2158-САВОЛ: Эр-хотин қўшилса-ю, лекин эр ҳам, аёл ҳам бўшанмаса, таҳорат олиш керакми ёки ғусл қилишми?

💬 ЖАВОБ: Бисмиллаҳир роҳманир роҳим. Бундай ҳолатда ғусл қилиш шарт ҳисобланади. Эр-хотин ўртасида жинсий алоқа бўлса, гарчи маний келмаса ҳам ғусл вожиб бўлади.
Фуқаҳолар мазкур ҳукмни Пайғамбаримиз соллаллоҳу алайҳи васалламнинг: “Агар икки жинсий аъзо бир-бирига йўлиқиб, хатна қилинган жой ғойиб бўлса, маний чиқса ҳам, чиқмаса ҳам ғусл вожиб бўлади”, деган сўзларидан олишган. Ҳадисни имом Ибн Можа раҳимаҳуллоҳ ривоят қилган. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli

ФАРЗАНДЛАРИ ОЛДИДАГИ ОТАЛИК БУРЧИНИ БАЖАРМАГАН ОТАНИНГ РОЗИЛИГИНИ ОЛИШ ШАРТМИ?

❓2159-САВОЛ: Менинг отам оталик бурчини бажармаган, моддий ва маънавий таъминламаганлар, ҳозир камдан кам кўришиб турамиз, лекин улар бефарқлар. Бу дунёда уларни розилигини олишим керакми? Нотўғри савол берган бўлсам узр

💬 ЖАВОБ: Бисмиллаҳир роҳманир роҳим. Шариатимизда отанинг ҳам, фарзанднинг ҳам ўз ҳуқуқ ва мажбуриятлари бор. Аммо отанинг масъулиятсиз ёки золим бўлиши фарзанд зиммасидан унга яхшилик қилиш, ҳурмат кўрсатиш ва силаи раҳм қилиш мажбуриятини асло соқит қилмайди. Қолаверса, ҳадисларда Аллоҳнинг розилиги отанинг розилигига боғлиқ экани айтилган.
Абдуллоҳ ибн Амр розияллоҳу анҳудан ривоят қилинади:
“Расулуллоҳ соллаллоҳу алайҳи васаллам: “Роббнинг розилиги отанинг розилигида ва Роббнинг ғазаби отанинг ғазабидадир”, дедилар” (Имом Термизий ривояти).
Шу сабабли, отангизнинг ўтмишдаги хатолари ва ҳозирги бепарволигига қарамай, бу дунёда унинг розилигини олишга ҳаракат қилишингиз, учрашганда очиқ юз ва ҳурмат билан кутиб олиб, ҳол-аҳвол сўрашингиз ва ундан алоқани бутунлай узиб юбормаслигингиз лозим. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli

#САВОЛ_ЖАВОБЛАР

ОИША ВА АСМО РОЗИЯЛЛОҲУ АНҲУМО

САВОЛ: Ҳазрати Абу Бакр Сиддиқ розияллоҳу анҳунинг икки қизлари Асмо ва Оиша оналаримиз ҳақида сўрамоқчиман. Улар ҳақида турли китоб ва маърузаларда икки хил эшитдим. Оиша онамиз розияллоҳу анҳо Асмонинг опасими ёки синглисими?

ЖАВОБ: Бисмиллаҳир Роҳманир Роҳим. Асмо розияллоҳу анҳо мўминлар онаси Оиша розияллоҳу анҳонинг опаси ҳисобланади. Имом Шамсуддин Заҳабий ва Мулла Али Қори раҳимаҳумаллоҳларга ўхшаш Ислом тарихи ва сийрат олимлари Асмо розияллоҳу анҳо Оиша онамиздан ўн ёш катта эканини айтиб ўтганлар. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

МЎМИН КИМ?

Расулуллоҳ соллаллоҳу алайҳи васаллам марҳамат қиладиларки:

"Мўмин барча инсонларнинг ишончли кишисидир".

Дўстларингизга ҳам улашинг:

https://t.me/diyonatli