Уйда ахлат тўплашнинг зарарлари

Расулуллоҳ соллаллоҳу алайҳи васаллам мусулмонларни уй ва ҳовлиларни озода тутишга, чиқинди ва ахлатларни тўплаб қўймасликка чақирганлар. У зот алайҳиссалом бундай деганлар: “Албатта, Аллоҳ хушҳолдир, хушҳолликни суядир. Озодадир, озодаликни суядир. Карамлидир, карамни суядир. Сахийдир, сахийликни суядир. Шундай экан, ҳовлиларингизни озода тутинг! Яҳудийларга ўхшаманг!” (Имом Термизий ривояти).

Уйда ахлат тўплаб қўйиш нафақат диний, балки тиббий ва психологик жиҳатдан ҳам катта зарарларга эга. Чиқиндиларни ўз вақтида олиб чиқиб ташламаслик уй муҳити ва инсон саломатлигига жиддий хавф туғдиради.

Тўпланган ахлат сувараклар, пашшалар, сичқон ва каламушларни ўзига тортади. Улар вабо, тиф ва дизентерия каби хавфли инфекцияларни ташийди.

Озиқ-овқат қолдиқлари тез чирийди. Натижада ҳавода кўзга кўринмас замбуруғ споралари кўпайиб, аллергия ва астмани қўзғатади.

Чириш жараёнида аммиак ва водород сулфид каби газлар ажралади. Бу газлар бош оғриғи, кўнгил айниши ва нафас қисишига сабаб бўлади.

Бетартиб ва ахлат тўла уйда яшаш инсон миясини толиқтиради. Бу доимий стресс, асабийлик ва сурункали чарчоқни келтириб чиқаради.

Ифлосланган ҳаво ва тартибсизлик одамнинг иш қобилиятини пасайтиради. Диққатни бир жойга жамлаш қийинлашади.

Даврон НУРМУҲАММАД

Дўстларингизга ҳам улашинг:

https://t.me/diyonatli

Германиядан муносабат: Ўзбекистон маърифат, тинчлик ва диний бағрикенглик ғояларини илгари сурмоқда

Германиялик исломшунос олима, “Cultur-Cooperation International e.V.” ташкилоти раҳбари Кэтлин Гёбель I Халқаро ислом цивилизацияси форумидаги иштироки бўйича таассуротлари билан ўртоқлашди, деб хабар бермоқда “Дунё” АА.

Олиманинг таъкидлашича, дунёнинг 50 та мамлакатидан келган етакчи олимлар, экспертлар ва жамоат арбобларини бирлаштирган ушбу нуфузли анжуман турли давлатлар ва илмий мактаблар вакиллари учун ўзаро ҳурмат, очиқ мулоқот ва ҳамжиҳатлик майдонига айланди.

Германиялик мутахассис Ўзбекистоннинг бой илмий-маърифий меросига юқори баҳо бериб, Имом Бухорий, Имом Термизий ва Имом Мотуридий каби буюк алломаларнинг жаҳон цивилизациясига қўшган ҳиссасини алоҳида эътироф этди.

Хусусан, Имом Бухорий мажмуасида амалга оширилган улкан бунёдкорлик ишлари, замонавий музей ва сунъий интеллект технологияларининг жорий этилгани унда катта таассурот қолдирган.

Кэтлин Гёбель Ўзбекистон Президенти Шавкат Мирзиёев томонидан илгари сурилаётган “Жаҳолатга қарши — маърифат” эзгу ғоясининг аҳамиятини алоҳида таъкидлади.

Унинг фикрича, Тошкентда барпо этилган Ислом цивилизацияси маркази нафақат миллий, балки бутун минтақа ва халқаро ҳамжамият учун очиқ бўлган, исломофобия ва адоватга қарши билим ва маърифат билан курашадиган ноёб платформадир.

Ўзбекистон мусулмонлари идораси Матбуот хизмати

Дўстларингизга ҳам улашинг:

https://t.me/diyonatli

#Bosh_imom_minbari 

СОЛИҲ ИНСОН БИЛАН ДЎСТЛАШИНГ

Дониёр домла Икромов
Тошкент вилояти бош имом-хатиби

https://t.me/diyonatli

#Ҳадис

Омир ибн Саъддан, у отасидан ривоят қилади: «Набий соллаллоҳу алайҳи ва саллам дедилар: “Албатта, сен аҳлингга ҳар қандай нафақа қилсанг, унга ажр оласан. Ҳаттоки, аёлингнинг оғзига тутган луқмага ҳам”».

Имом Аҳмад ривояти. 

Дўстларингизга ҳам улашинг:

https://t.me/diyonatli

“ОТА ЖАННАТНИНГ ЎРТА ЭШИГИДИР” ҲАДИСИ ШАРҲИ
#ҳадис

❓2156-САВОЛ: Пайғамбаримиз соллаллоҳу алайҳи васаллам: “Ота жаннатнинг ўрта эшигидир. Хоҳла, бу эшикни сақла, хоҳла зое қил”, деган эканлар. Шуни изоҳлаб берсангиз. Ўрта эшик деганда нима тушунилади?

💬 ЖАВОБ: Бисмиллаҳир роҳманир роҳим. Ҳа, ҳақиқатан ҳам шундай ҳадис бор, уни имом Термизий раҳимаҳуллоҳ Абу Дардо розияллоҳу анҳудан ривоят қилган.
Абу Дардо розияллоҳу анҳу айтадилар: “Мен Расулуллоҳ соллаллоҳу алайҳи васалламнинг “Ота жаннат эшикларининг ўртасидир. Хоҳласанг, ўша эшикни муҳофаза қил ёки зое қил”, деганларини эшитганман”.
Муҳаддис уламолар мазкур ҳадисни шарҳлаб, мазмунини тушунтириб берганлар. “Ўрта” деб таржима қилинган сўз ҳадисда “авсат” деб келган. Авсат сўзининг бир эмас, бир неча маънолари бор. Ўрта деган маънодан ташқари энг яхши, энг тўғри, мўътадил деган маъноларда ҳам келади.
Аллома Қози Байзовий раҳимаҳуллоҳ айтади:
“Яъни (жаннат) эшикларининг энг яхшиси ва энг олийсидир. Бунинг маъноси шуки: Жаннатга киришга ва унинг олий даражаларига эришишга восита бўладиган энг гўзал нарса ота-онага итоат қилиш ҳамда уларнинг ҳақ-ҳуқуқлари ва кўнгилларини риоя қилишдир”.
Бошқа уламолар бундай дейишган:
“Албатта, жаннатнинг бир неча эшиклари бор ва уларнинг ичида кириш учун энг гўзали ўртадагисидир. Ўша ўрта эшикдан киришга сабаб бўладиган амал эса ота-онанинг ҳақларини адо этишдир”. Валлоҳу аълам.

Ўзбекистон мусулмонлари идораси
Фатво маркази.

https://t.me/diyonatli