#Раддия #Мақола

СОХТА САЛАФИЙЛИК ИСЛОМ УММАТИ УЧУН ЭНГ ХАТАРЛИ ИЛЛАТДИР...

“Салаф” сўзи луғатда – “аввал яшаб ўтганлар”, “аждодлар”, “ўтмишдошлар” деган маъноларни англатади. Шаръий истилоҳда “салаф” сўзи муайян бир давр билан боғлиқ маънони англатади. Яъни, Набий алайҳиссалом замонларида ва ундан кейинги икки асрда яшаган мусулмонлар “салафи солиҳ”, яъни, “солиҳ аждодлар” дейилади. Бу борада Пайғамбаримиз саллаллоҳу алайҳи васаллам ўзларининг муборак ҳадисларида шундай деганлар:

Батафсил

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Дўстларингизга ҳам улашинг:
https://t.me/diyonatli

Ҳалол турмуш тарзи

Ҳалоллик фақат озиқ-овқат ва молиявий ишлар билан чекланиб қолмайди. Инсоннинг ҳаёт тарзи ҳам ҳалолликка асосланган бўлиши лозим. Бу дегани, инсон ҳалол мулоқот қилиши, ҳалол ишлар билан шуғулланиши ва адолатли йўл тутиши керак. Бу хусусда Қуръони каримда шундай марҳамат қилинади:

“ У (пайғамбар) уларни яхшиликка буюради, ёмонликдан қайтаради ва пок нарсаларни ҳалол қилиб, нопок нарсаларни уларга ҳаром қилади…..” (Аъроф сураси, 157-оят)

Илёсхон Аҳмедов тайёрлади

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

БОЛАЛАР ПУЛИНИ ИШЛАТИШ

САВОЛ: Болаларга давлат томонидан бериладиган ёрдам пулини ота-она ўз эҳтиёжига ишлатиб юборса бўладими?

ЖАВОБ: Бисмиллаҳир Роҳманир Роҳим. Ислом динида инсон мол-мулкининг ҳимояси худди ҳаёт ва дин муҳофазаси каби асосий тамойиллардан ҳисобланади. Шунинг учун киши мол-мулкини бировлар томонидан ўзлаштирилиб юборилишига ҳеч қачон йўл қўйилмайди. Айниқса, мол-мулкини ўзи тасарруф қила олмайдиган ақлан ёки жисмонан заифлар ва балоғатга етмаган болаларнинг ҳақларини ноҳақ ейиш ўта оғир гуноҳ саналади.

Саволда сўралган балоғатга етмаган болаларга давлат томонидан бериладиган нафақа пуллари уларнинг ўзларига тегишли ҳисобланади ва уни ота-онаси ёки васийлар ўз шахсий эҳтиёжлари учун ишлатиб юбориши мумкин эмас. Ҳаттоки, болалар рози бўлган тақдирда ҳам ишлатиш жоиз эмас, чунки балоғатга етмаган болаларнинг розилиги эътиборга олинмайди. Шуни қайд этиш керакки, қонунчиликда ҳам болани таъминотсиз қолдириб, уларга аталган нафақа пулларини ўзининг шахсий манфаати йўлида ишлатиб юборадиган ота-она ёки васийларга турли чоралар кўрилиши таъкидланган.

Ўта муҳтож аҳволда бўлган ота ёки онага ушбу пулдан инсоф билан ишлатишга рухсат берилади. Муҳтож бўлмаса, ўзи учун ишлатмайди. Ишлатиб қўйган бўлса, ўша миқдорни тўлаб қўяди.

Балоғатга етган боланинг пулларини эса уларнинг розилиги билан ишлатиш мумкин бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Bosh_imom_minbari 

АЛЛОҲ БИЗДАН РОЗИЛИГИНИ ҚАНДАЙ БИЛАМИЗ?

Дониёр домла Икромов
Тошкент вилояти бош имом-хатиби

https://t.me/diyonatli

#Bosh_imom_minbari 

ЎЗИМИЗ НАМУНА БЎЛАМИЗ

Дониёр домла Икромов
Тошкент вилояти бош имом-хатиби

https://t.me/diyonatli

#САВОЛ_ЖАВОБЛАР

ЎН БЕШ КУНГА ЕТМАГАН САФАРДАГИ НАМОЗЛАР

САВОЛ: Мен ўзим яшайдиган шаҳардан 200 км узоққа бориб ишлайман. Иш куним ўн тўрт кун тўлиқ бўлади ва ўн бешинчи куни пешин вақтида йўлга чиқиб, уйга қайтаман. Шунда намозимни тўлиқ ўқийманми ёки қаср қиламанми?

ЖАВОБ: Бисмиллаҳир Роҳманир Роҳим. Сиз мазкур ҳолатда намозларни қаср қиласиз. Чунки иш жойингизда тўлиқ ўн беш сутка эмас, ўн тўрт кун ва ўн бешинчи куннинг бир қисмида турар экансиз. Инсон сафар масофаси чиқадиган жойда ўн беш кечаю кундуз туришни ният қилса, шу ҳолатда намозларини тўлиқ ўқийди. Ундан кам муддатда қаср қилиб ўқийди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#КУН_ОЯТИ

Эсланг (эй, Муҳаммад!), Иброҳим: «Эй, Раббим, менга ўликларни қандай тирилтиришингни кўрсат», – деганида, Аллоҳ: «Ишонмадингми?» – деди. Иброҳим айтди: «Йўғ-е, лекин дилим янада таскин топсин». Аллоҳ айтди: «Тўртта қушни олиб, ҳузурингга жамла (ва уларни майдалаб), сўнгра (атрофингдаги) ҳар бир тоғнинг устига уларни бўлак-бўлак қилиб қўйгинда, кейин уларни чақиргин, (улар тирилиб) дарҳол ҳузурингга келадилар. Билгинки, албатта, Аллоҳ қудрат ва ҳикмат эгасидир.

Бақара сураси 260-оят

Иброҳим (а.с.) Аллоҳнинг қудрати чексиз эканига, ўликларни тирилтириш Унинг учун қийин эмаслигига ишончи комил бўла туриб, мазкур саволни беришига боис – жавобидан бошқалар ҳам эшитиб баҳраманд бўлишлари эди. Шунингдек,  эшитиш билан ҳосил қилинган билимга мушоҳада ҳам қўшилса, инсон қалбидаги таскин ва барқарорлик зиёда бўлади (Мд.).

Иброҳим (а.с.) дарранда қушлар томонидан парча-парча қилиб ташланган ўлаксани кўргач, Аллоҳ таолога мазкур саволни бердилар. Бу гўё мўмин-мусулмонларнинг имонлари бут бўла туриб, пайғамбар ва Аллоҳ таоло жамолини кўришга муштоқ эканликларига ўхшаш бир талаб эди (Хз.).

Тўрт қуш – хўроз, қарға, товус ва каптар.

Ижтимоий тармоқлардаги саҳифаларимиз:

https://t.me/diyonatli