#САВОЛ_ЖАВОБЛАР

НАМОЗДА БИТТА САЖДАНИ ТАРК ҚИЛИШ

САВОЛ: Имом охирги ракатда битта сажда қилган ва намоз охирида саждаи саҳв билан намозни тугатган. Шу намозни қайта ўқиш керакми?

ЖАВОБ: Бисмиллаҳир Роҳманир Роҳим. Ҳа, қайта ўқиш лозим бўлади. Чунки битта саждани тарк этиш билан намоз бузилган ҳисобланади. Намозда иккинчи сажда ҳам биринчи сажда каби фарз ҳисобланади. Уни унутиб тарк этган киши намоз асносида эсига келганида бажариб қўйиши ва намоз охирида саждаи саҳв қилиши лозим бўлади. Агар сажда қилмаса, намози бузилган ва қайта ўқиши керак бўлади. Саждаи саҳв қилишнинг ўзи билан тўғрилаб бўлмайди. Чунки саждаи саҳв унутиб тарк этилган вожиб амал учун қилинади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#КУН_ОЯТИ

Уларнинг ҳидояти Сизнинг зиммангизда эмас (эй, Муҳаммад!), балки Аллоҳ (Ўзи) хоҳлаган кишиларни ҳидоятга йўллагай. Неки қилган хайр-эҳсонларингиз бўлса, у ўзларингиз учундир. Фақат Аллоҳнинг «юзи» учунгина эҳсон қилгайсиз. Қилган ҳар бир хайр-эҳсонингиз (савоби) сизларга адолатсизлик қилинмаган ҳолда мукаммал қайтарилур.

Бақара сураси 272-оят

Ижтимоий тармоқлардаги саҳифаларимиз:

https://t.me/diyonatli

Қуръон ўқувчининг вазифалари

Бисмиллаҳир Роҳманир Роҳийм

Қуръон тиловатини муҳофаза қилиш.

Аллоҳ таоло Қуръонда бундай марҳамат қилган:
إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ
“Аллоҳнинг Китобини тиловат қиладиган, намозни баркамол адо этадиган ва Биз уларга ризқ қилиб берган нарсалардан махфий ва ошкора эҳсон қиладиган зотлар сира касод бўлмайдиган тижоратдан (ажру савоб бўлишидан) умидвордирлар”  (Фотир сураси, 29-оят).

Мўмин киши ҳар ойда Қуръонни камида бир марта хатм қилиб туриши керак. Қуръондан бир пора ўқиш учун ярим соатдан бироз кўпроқ вақт кетади. Бизни яратган, қаддингни ростлаган, зоҳирий ва ботиний неъматларини устингдан ёғдириб турган, сенга офият берган, сенга молу дунё, бола чақа берган, сенга ақл-заковат берган Роббингнинг Каломи учун ҳар куни ярим соат ёки бир соат  вақт ажрата олмаймиз-ми?! Шунча неъматларни берган Зотга бу борада бахиллик қилган бўламиз-ку ахир деб ўйламайман!

Абу Зарр розияллоҳу анҳудан ривоят қилинади. Набий соллаллоҳу алайҳи васаллам: “Қуръон тиловатини, Аллоҳнинг зикрини лозим тут! Чунки у сенга ерда нур, осмонда захирадир”, дедилар (Имом Ибн Ҳиббон ривояти).

Пайғамбаримиз соллаллоҳу алайҳи васаллам дедилар: “Қуръонни ўқинглар. Албатта, у қиёмат куни соҳибига шафоатчи бўлади” (Имом Муслим ривояти).

Қуръон ёдлашга уриниш.

Бу иш олийҳиммат ва азми чин бўлган кишиларнинг ўлжасидир. Аллоҳдан улар учун дўзахдан саломат бўлиш башорати бордир. Пайғамбар соллаллоҳу алайҳи васаллам дедилар: “Агар Қуръон бир терида жамланса, Аллоҳ уни дўзахда куйдирмайди”.
 
Қуръон оятларини тадаббур қилиш ва унинг маъноларини тушуниш.

Бу Қуръоннинг энг катта ҳақларидандир. Аллоҳ таоло Қуръони каримда бундай марҳамат қилади:
كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آَيَاتِهِ وَلِيَتَذَكَّرَ أُولُو الْأَلْبَابِ
“(Эй, Муҳаммад! Ушбу Қуръон) оятларини тафаккур қилишлари ва ақл эгалари эслатма олишлари учун Биз Сизга нозил қилган муборак Китобдир” (Сод сураси, 29-оят).
 
Қуръонга амал қилиш ва у билан хулқланиш.
Қуръон билан хулқланиш банданинг дунё ва охиратда нажотга эришишининг асосидир. Қуръонни ўқишдан, ёдлашдан ва тадаббур қилишдан мақсад ҳам шудир. Аллоҳ таоло Қуръонда бундай деган:
وَهَذَا كِتَابٌ أَنْزَلْنَاهُ مُبَارَكٌ فَاتَّبِعُوهُ وَاتَّقُوا لَعَلَّكُمْ تُرْحَمُونَ
“Мана бу Биз нозил қилган муборак Китоб (Қуръон)дир, унга эргашингиз ва тақволи бўлингиз, токи раҳм қилингайсиз” (Анъом сураси, 155-оят).

Бошқа бир оятда Аллоҳ таоло бундай деган:
كَذَلِكَ يُبَيِّنُ اللَّهُ آَيَاتِهِ لِلنَّاسِ لَعَلَّهُمْ يَتَّقُونَ
“Одамлар (ман этилган ишлардан) сақланишлари учун Аллоҳ ўз оятларини мана шундай аниқ баён қилади” (Бақара сураси, 187-оят).
 
Қуръонни бошқаларга ўргатиш.

Усмон розияллоҳу анҳудан ривоят қилинади. Набий соллаллоҳу алайҳи васаллам: “Сизларнинг яхшиларингиз Қуръонни ўрганганларингиз ва ўргатганларингиздир”, дедилар (Имом Бухорий, Имом Абу Довуд, Имом Термизий ривояти).

"Исломда саломатлик" китобидан
Муҳаммад Зариф Муҳаммад Олим ўғли

Дўстларингизга ҳам улашинг:

https://t.me/diyonatli

Жаннат ёқутларидан икки ёқут

Бисмиллаҳир Роҳманир Роҳийм

Абдуллоҳ ибн Амр розияллоҳу анҳудан ривоят қилинади. У: “Расулуллоҳ соллаллоҳу алайҳи васаллам: “Рукн (қора тош) ва мақом (мақоми Иброҳим) жаннат ёқутларидан икки ёқут (тош) эди. Аллоҳ у иккисини нурини ўчирди. Агар у иккисини нурини ўчирмаганида, машриқ билан мағриб ўртасини ёритар эди” деяётганларини” эшитдим” деди (Имом Термизий ривояти).

Дўстларингизга ҳам улашинг

https://t.me/diyonatli

#Савол_жавоблар

ҲАЙИТ ВА ЖУМА НАМОЗЛАРИДАН КЕЙИН ҲАМ ТАКБИРИ ТАШРИҚ АЙТИЛАДИМИ?

САВОЛ: Қурбон ҳайити ҳамда жума намозларидан кейин ҳам такбири ташриқ айтиладими ёки фақат кунлик беш маҳал намозда айтиладими?

ЖАВОБ: Бисмиллаҳир Роҳманир Роҳим. Ҳайит намозидан кейин айтилмайди. Аммо жума намозидан кейин айтилади. Чунки такбири ташриқни фарзи айн бўлган намозлардан кейин айтиш вожиб ҳисобланади. Шунга кўра жаноза каби фарзи кифоя бўлган намоз ҳамда витр ва ҳайит каби вожиб бўлган намозлардан кейин такбири ташриқ айтиш вожиб бўлмайди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг

https://t.me/diyonatli

#Ҳадис

“Ким дуосининг мустажоб бўлишини ва ғам-ташвишдан қутулишни истаса, ёрдамга муҳтожларга ёрдам берсин”.

Имом Аҳмад ривояти.

Дўстларингизга ҳам улашинг

https://t.me/diyonatli