Аёлнинг ўз эрига ҳурмати.

Улуғ тобеин Саъид ибн Мусайиб раҳимаҳуллоҳнинг завжалари айтади:
- Биз эрларимиз билан худди сизлар амирларингиз билан гаплашгандай гаплашар эдик.

Абу Нуъаим, «Ҳилятул авлиё»

Тил офатлари. Муқаддима

Эрсиз ҳам Аллоҳ билан келишиб олса бўладими?

- Бир аёл шайхдан: “Шайх, турмушга чиқишимдан аввал кундузлари рўзадор ва тунлари эса ибодатда қоим қиз эдим. Қуръон тиловатида ажиб лаззатни туяр эдим. Ҳозир эса (турмушга чиққанимдан сўнг) ибодат ҳаловатини йўқотиб қўйгандекман”, деб айтган эди, шайх:
«Эрингга эътиборинг қанақа?» деб сўради. Аёл: «Эй шайх, мен сиздан Қуръон, рўза, намоз ва ибодат ҳаловатини гапирсам, сиз мендан эримни сўраяпсизми?», деди.
Шунда шайх: «Ҳа синглим, шундай. Нима учун баъзи аёллар иймон ҳаловати, тоат лаззати ва ибодат асоратини тополмай қолишади, биласанми? Чунки, Расулуллоҳ соллаллоҳу алайҳи васаллам бу ҳақда:
«Аёл киши токи эрининг ҳаққини адо этмас экан, иймон ҳаловатини топа олмайди», деб айтганлар», дея жавоб берди.

Анвар Аҳмад таржимаси
________________________________________

• Эр розилигини ўрнига Аллоҳ билан ўзим келишиб оламан, шу эрни розилигисиз ҳам Аллоҳ билан ўртамни чиройли қилиб оламан, деган аёл қаттиқ адашади. Бундай аёл Каъбайи муаззамани ичига кириб ибодат қилса ҳам иймон ҳаловатини, тоат-ибодат лаззатини асло топа олмайди. Росулуллоҳ саллоллоҳу алайҳи васалламнинг сўзларини ёлғонга чиқариш хеч кимнинг қўлидан келмайди.

Салмон Форисий разияллоҳу анҳу Абу Дардо разияллоҳу анҳуга қуйидагича мактуб йўллади:
–Нафс истагига берилиб, сўнг Аллоҳнинг раҳматига умидвор бўлган киши энг ожиз киши саналади. Бинобарин нафсингдан воз кеча олсанггина мақсадинга эришасан! Ёқимсиз-аччиқ кунларга сабр қилиб, орзуйинга етасан!

–Сўзинг зикрла, сукутинг фикрла, қарашинг ибратла бўлсин.
Жонини қийнаб, ўлимдан кейинги ҳаёт учун ҳозирлик кўрган киши энг ўткир, доно кишидир«.

»Баҳжатул-мажолис", 3/322.

Шайх Шинқитий айтади:

Иймонинг сустлашса ва ибодатларга дангасалик қила бошласанг, мана бу дуони канда қилма: "Аллоҳим, мени бадбахт ва маҳрум айлама".

Мусулмон ҳаётида сустлик ҳолатлари учраб туриши табиий бир ҳол. Лекин бўшашиш ўлжага ташланиш ва мусобақа онида бўлишидан эҳтиёт бўл!

Ўтган умринг ўтди. Яхшилик қилган бўлсанг, уни янада кўпайтир. (Динингдан) узоқлашган бўлсанг, ортингга қайт. Ироданг панд бераётган бўлса, Аллоҳ таолонинг "саноқли кунлар"гина деган оятини ёдга ол.

Ғанимат бил. Бу РАМАЗОНдир.

Арабчадан Муқим Маҳмуд таржимаси
2018-05-16

#Abri_nayson #Yangi_loyiha

🌥Aprel buluti
🌦Yomg'irning durga aylangan tomchilari

📌Qudratulloh Ahmad loyihasi - Abri nayson

📚Ma'no gavharlari - ahli ilmlar bilan qalbimiz tubiga yetib boradigan suhbat.

Irfon TVda

Rasmiy sahifalarimiz:
Telegram | Youtube | Instagram | Facebook | TikTok

#Ақида

Таҳовийя ақидасининг енгил шарҳи
4 матн: Аллоҳдан ўзга ибодатга ҳақли бирор илоҳ йўк.
Шарҳ: Бу тавҳид калимаси. Юқорироқда айтилганидек, барча пайғамбарлар ўз қавмларини шу калимага чақиришган.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Abri_nayson

🎥 Abri Nayson
🎞 Islomda Ilm
🎙 Ustoz Salohiddin
🎬 IRFON TV

Bu xususda bugun Toshkent vaqti bilan 23:00 da Youtube kanalimizda premyera.

https://youtu.be/C95GyfrmL4M

Ijtimoiy tarmoqlardagi sahifalarimiz:
Telegram | Youtube | Instagram | Facebook | TikTok

ҚАРЗДОРНИНГ ЖОНИ МУАЛЛАҚ ТУРИШИ ҲАҚИДА

Мўмин ҳеч қачон қарз масаласида беписанд бўлмаслиги керак. Суннат бизга қарзга жиддий қарашни буюради. Мўминнинг жони қарзига боғлиқ, ўлик қарзи сабаб тутиб турилади:

“Саъд ибн Атвал розияллоҳу анҳудан ривоят: Акам вафот этди. Ундан уч юз динор ва ёш болалар қолди. Уларга инфоқ қилмоқчи бўлдим.

- Аканг қарзи сабаб тутиб турилибди, бориб унинг қарзини адо қил, – дедилар Набий соллаллоҳу алайҳи ва саллам.
Бориб қарзларини тўлаб келдим.

- Эй Аллоҳнинг Расули, акамнинг қарзларини тўладим. Фақат икки динор даъво қилаётган бир аёл қолди, унинг ҳужжати йўқ, – дедим.
- Унга бергин, у ростгўй – дедилар Набий соллаллоҳу алайҳи ва саллам. (Имом Аҳмад ривояти);

“Абу Ҳурайра розияллоҳу анҳудан ривоят: Расулуллоҳ соллаллоҳу алайҳи ва саллам дедилар:
- Модомики қарзи бор экан, мўминнинг жони муаллақ туради” (Аҳмад, Термизий, Ибн Можа ривояти).

Демак, қарздор тезроқ қарзини адо қилиши керак, токи ўлим ундан аввалроқ келиб қолмасин. Чунки қарздорнинг жони қарзи сабабли ҳибс қилинади. Агар қарзингиз бўлмаса, офият учун Аллоҳга ҳамдлар айтинг. Модомики, қаттиқ эҳтиёж йўқ экан, ҳеч кимдан қарз олманг. Қарз ғамидан чўкмасдан, кутилмаган ғалваларидан саломат бўлиб, оқибатларидан чўчимасдан яшашга нима етсин.

“Уқба ибн Омир розияллоҳу анҳудан ривоят: Расулуллоҳ соллаллоҳу алайҳи ва саллам дедилар: Омон турган жонингизни хавотирга солманг.
- У нима, эй Аллоҳнинг Расули?
- Қарз – дедилар Набий соллаллоҳу алайҳи ва саллам” (Имом Аҳмад ривояти).

Яъни, қарз олишга ошиқманг, жонингизга қарз ғами ва оқибатлари билан хатар солманг.

ЧИН ДЎСТИМИЗ

Сизни намозга чорлаб, охиратни эслатиб турадиган,

Хато қилганингизда, индамай турмайдиган, аксинча, хатолардан тийилиб, ўзингизни тузатишингизга сабаб бўладиган, бунинг учун сизни шарманда қилмаслик мақсадида, ўша хато ва айбларингизни ҳаммага эмас, ўзингизга айтиб, насиҳат қиладиган улфатингиз борми?

Ундай киши улфат эмас, чин дўст бўлади! Агар шундай дўстингиз бўлса, модомики тирик экансиз, уни асло қўлдан чиқарманг!

Шайх Шаъровий раҳимаҳуллоҳ дедилар:

"Ким сенга Намозни қайта-қайта эслатиб насиҳат қилса, ўша одам сени энг қаттиқ яхши кўрадиган кишидир".

@nozimjonuz

РЎЗАДОР ДЕБ КИМНИ АЙТИЛАДИ?

— Рўзадор — тана аъзоларини гуноҳдан тийган киши.
— Тилини ёлғон, фаҳш ва сохта нарсалардан сақлаган киши.
— Қорнини овқат ва ичимликлардан, фаржи(жинсий аъзоси)ни жинсий қовушишдан сақлаган киши.
— Гапирса, рўзасига жароҳат етказадиган сўзни сўзламайди.
— Бирор ишни бажарса, рўзасини бузадиган ишга қўл урмайди.
— Сўзларининг барчаси фойдали ва яроқли бўлади.
— Шунингдек, бажарган барча ишидан шундай бир ифор таралсинки, суҳбатдоши унинг ҳидидан баҳраманд бўлсин.
— Ким рўзадор билан бирга ўтирса, унинг суҳбатидан манфаат олсин.
— Ўтирган киши сохталик, ёлғон, бузуқлик ва зулмдан омонда бўлсин.
— Мана шу фақат таом ва ичимликдангина тийилинмаган ҳақиқий рўзадир.
— Рўза аъзоларнинг гуноҳдан тийилишидир.
— Қориннинг таом ва ичимликдан тийилишидир.
— Таом ва ичимлик рўзани очиб, бузгани каби, гуноҳлар ҳам унинг савобидан маҳрум қилади. Оқибатда уни рўза тутмаганлар қаторига қўшиб қўяди.

"Рамазон ҳикматлари" китобидан.

АЛЛОҲ УНИ ДЎЗАХГА ТАШЛАШИДАН ҚЎРҚИБ
Саъд ибн Аби Ваққос розиёллоҳу анҳу айтади:
“Набий саллоллоҳу алайҳи ва салламнинг олдиларида ўтирган эдим. У зот кишиларга мол тарқатдилар. Фақатгина мен уларнинг энг афзали деб ўйлаган бир кишига мол бермадилар. Мен :
-Эй Аллоҳнинг Расули! Нега фалончига мол бермадингиз? Аллоҳга қасамки, мен уни мўъмин деб ўйлайман, дедим.
Расулуллоҳ саллоллоҳу алайҳи ва саллам менга жавоб бермадилар. Сўнгра мол олмаган кишининг солиҳ инсон эканлиги менга янада таъсир қилиб яна аввалги гапимни қайтардим:
-Эй Аллоҳнинг Расули! Аллоҳга қасамки, мен уни мўъмин деб ўйлайман.
У зот яна сукут сақлаб менга жавоб қайтармадилар. Мен ҳам озгина жим туриб яна гапимни такрорладим. Шунда менга дедилар:
-Эй Саъд! Мен учун бир инсон суюклироқ бўлсада, бошқасига бераман. Сабаби Аллоҳ уни дўзахга ташлашидан қўрқаман!

Бу ҳадис буюк ҳадис агар тушунсак. Агар буни англаганимизда Аллоҳнинг ризқни турлича тақсимлаганининг ҳикматини тушунишимиз осонроқ бўлар эди. Набий саллоллоҳу алайҳи ва саллам баъзи инсонларнинг иймони заиф бўлгани учун уларга мол бериб турар эдилар. Эҳтимол агар уларга мол бермасалар мусулмон эканликларига сабр қила олмаган бўлишар эди. Уларга мол беришлари раҳмат эди. Саҳобалардан баъзиларини яхши кўрсаларда, уларга мол бермас эдилар. Чунки улардаги иймон мустаҳкам тоғлар каби бақувват эканлигини билар эдилар. Уларга бир нарса бериш ёки бермаслик уларнинг иймонига таъсир қилмас эди. Аллоҳнинг ризқлардаги ўлчови ана шундай.
Аллоҳ таоло баъзи инсонларга раҳмат юзасидан мол беради. Зеро У азалий илми билан уларни фақатгина мол тузатишини билади. Худди шунингдек, У Ўзи севган баъзи бандаларини молдан маҳрум қилади. Чунки Аллоҳ у бандаларини фақатгина фақирлик тузатишини билади.
Аллоҳ таоло Хизр ва Мусо алайҳис саломни мискинларнинг кемасини тешишлари учун юборди. Агар улар у кемани тешмаганларида подшоҳ у кемани мусодара қилган бўлар эди.
Тафаккур қилинг! У бандалар Аллоҳ учун қанчалар азиз бўлишган. Ҳаттоки уларга Ўзининг солиҳ бандаси Хизр алайҳис саломни ва Калимуллоҳ Мусо алайҳис саломни юбораяпти. Уларни бой қилиш учун эмас, ҳаттоки фақир ва мискин ҳолда қолдирадиган ризқ манбаларини муҳофаза қилиши учун шундай қилаяпти. Аллоҳ уларни бой қилмади. Ваҳоланки, бунга қодир эди. Аллоҳ уларнинг ризқини узмади. Ваҳоланки, бунга қодир эди. Аммо уларга бўлган муҳаббати ўлароқ бу фақирона ризқлари уларга фойдали эканлигини билди
Агар ризқинг тор бўлса уларни эслаб овун. Эҳтимол сенга шу фойдалидир. Қўлингда молингни озлиги қалбингни юмшатади, табиатингни мулойимлаштиради. Бу сен учун сени туғёнга соладиган, Робингдан чалғитадиган молдан яхшиликдир.
Банда учун ўзи ихтиёр қилган нарсалардан Аллоҳ унга ихтиёр қилган нарсалар яхшидир. Умар ибн Хатто розиёллоҳу анҳу айтганларидек:
“Агар ғайб пардалари очилганида банда ўзи учун фақатгина Аллоҳ танлаган нарсаларнигина танлар эди!”.


@Abdulqodir_Polvonov

#Abri_nayson

🎥 Abri Nayson
🎞 Islomda ilm 2 - qism
🎙 Ustoz Salohiddin
🎬 IRFON TV

Bu xususda bugun Toshkent vaqti bilan 23:00 da Youtube kanalimizda premyera.

https://youtu.be/H1xGKJo0lo4

Ijtimoiy tarmoqlardagi sahifalarimiz:
Telegram | Youtube | Instagram | Facebook | TikTok

Жаннатдаги илк лаҳзалар

Жаннатдаги биринчи лаҳзаларимиз, биринчи кунимиз, биринчи кечамиз, биринчи тонг қандай бўлар экан..

Анҳорлар, қасрлар, мевалар, чодирлар, олтин, кумуш, ҳарирлар..
Бир неча замон аввал ўтиб кетган ва кўрмаган яқинлар билан дийдорлашув..

Онасини рози қилган йигит онаси билан, қари отахон қизи билан, ота-оналар ёшлигида уларни ташлаб вафот этиб кетган фарзандлари билан учрашган онлар..

Касаллар шифо топган, ғамгинлар бахтиёр бўлган, чоллар йигитга, кампирлар бокирага айланган онлар..

Пайғамбарлар билан учрашадиган, саҳобаларга салом берадиган, умматнинг буюк уламолари билан танишадиган, мужоҳид ва шаҳидларга боқадиган ва фаришталарни кўзимиз билан кўрадиган онлар..

Аллоҳ таолони ўн тўрт кунлик ойни кўргандек кўрадиган бахтли онларимиз..

Мажбурият ва амаллар бекор қилинган, одамлар ҳисоб-китобдан ўтиб бўлган, қора кунлар ортда қолган замон..

Нифоқ ва ёмонликлар, уруш ва адоватлар оламини тарк этиб келдик, қарилик, заифлик, сиқилиш, дард ва давони унутадиган онларимиз..

Аллоҳ таоло бизга "Сизлардан рози бўлдим, абадул-обод сизларга ғазаб қилмайман" дейдиган онлар..

Барчани шу лаҳзаларга етказсин.

©Ҳабибуллоҳ Абдулғаффор

"Рўзанинг инсонлар ижтимоий ҳаётини соғломлаштиришга қараган кўп ҳикматлари бор. Бири бу:
Инсонлар маишат жиҳатидан турли ҳолатларда яратилганлар. Аллоҳ ушбу турлиликка биноан, бойларни фақирларга ёрдам беришга чақиради. Ҳолбуки, бойлар фақирларнинг ачинарли, аччиқ ҳолларини ва очликларини, рўзадаги очлик билан тўла ҳис эта оладилар. Агар рўза бўлмаса, нафспараст кўп бойлар пайдо бўладиларки, очлик ва фақирлик нақадар аламли ва улар шафқатга нақадар муҳтож эканини идрок этолмайдилар. Аслида, шу жиҳатдан инсониятдаги бошқаларга нисбатан шафқат, ҳақиқий шукрнинг асосидир. Қайси бир инсон бўлса ҳам, ўзидан бир жиҳатдан янада фақирроқни топа олади. Унга нисбатан шафқатли бўлишга буюрилгандир.

Агар нафсига очлик чектириш мажбурияти бўлмаганда, шафқат воситаси билан ёрдам беришга мукаллаф бўлган эҳсонни ва ёрдамни қила олмас эди. Қилса ҳам, тўлиқ бўлмасди. Чунки, ҳақиқий у ҳолатни ўз нафсида ҳис этмайди."

Бизни Рамазоннинг файз ва ҳикматларини тўла ҳис қила оладиган инсонлардан қилсин!

#Раддия
ФИТНА ҚОТИЛЛИКДАН ҲАМ ЁМОН

Бир неча соат олдин ижтимоий тармоқларда Тошкент вилояти Қибрай туманидаги “Ўткир” жоме масжиди ашёлари сотиб юборилаётгани, бу ҳолат норозиликларга сабаб бўлаётгани ҳақида видеолавҳа тарқалди.

Видеолавҳанинг тагига “Яқиндагина масжидимизга ноиб бўлиб келган С.Р. жамоатимиз ўртасига турли низолар, фитналар солишга улгурди. Камига хароба ҳолдаги масжидимизни қайтадан обод бўлишига бош-қош бўлиб, катта ҳисса қўшган собиқ имом-хатиб Х.М. домламизга туҳмат ва бўҳтонлар уюштириб, ўзининг диний идорадаги танишлари орқали ишдан олдирди ва ўзи имом-хатиб лавозимини эгаллади, дейди намозхонлардан бири”, деган матн ҳам бор.

Хўш, масжиддаги вазият мазкур матнда ёзилганидекми?...

БАТАФСИЛ...
Дўстларингизга ҳам улашинг:
👉https://t.me/joinchat/AAAAAEGj0hkBXGlopIDbXA