#xushxabar
⏺Қурбон ҳайити арафасида 10 минг болада жарроҳлик амалиёти, 2,3 минг беморни даволаш, 8 минг етим болага пул маблағи, 500 та масжидда қулай шароитлар яратиш ва қабристонларни обод қилиш каби хайрия ишлари амалга оширилади

🇺🇿 21 май куни Президент Шавкат Мирзиёев Қурбон ҳайити муносабати билан эҳтиёжманд аҳолини ижтимоий-иқтисодий жиҳатдан қўллаб-қувватлаш юзасидан таклифлар тақдимоти билан танишди.

🇺🇿Мамлакатимизда инсон қадрини улуғлаш, аҳолини ижтимоий ҳимоя қилиш, жамиятда меҳр-оқибат, саховат ва ҳамжиҳатлик муҳитини мустаҳкамлаш давлат сиёсатининг устувор йўналишларидан бири ҳисобланади. Бу тамойиллар, айниқса, халқимизга хос эзгу фазилатларни мужассам этган муборак Қурбон ҳайити кунларида янада ёрқин намоён бўлади.

🟢Тақдимотда Ўзбекистон мусулмонлари идораси, Ижтимоий ҳимоя миллий агентлиги, Соғлиқни сақлаш вазирлиги, Иқтисодиёт ва молия вазирлиги, Ўзбекистон маҳаллалари уюшмаси ҳамда “Вақф” хайрия жамоат фонди томонидан ишлаб чиқилган таклифлар ҳақида ахборот берилди.

🗓

Уларга кўра, Қурбон ҳайити муносабати билан кенг кўламли тадбирларни амалга ошириш назарда тутилмоқда...

Манба: https://president.uz/oz/lists/view/9235

#Mirziyoyev #taqdimot #ijtimoiyhimoya #Qurbonhayiti

✅ Ўзбекистон мусулмонлари идораси
Матбуот хизмати

https://t.me/diyonatli

#xabar #haj2026 #makka
🕋 Сўнгги гуруҳ зиёратчилари ва "Президент ҳожилари" Маккада тантанали кутиб олинди

🇺🇿🇺🇿 “Ҳаж – 2026” мавсуми доирасида Мадинаи мунавварадаги зиёратларини якунлаган ўзбекистонлик зиёратчиларнинг сўнгги гуруҳлари Маккаи мукаррама шаҳрига етиб келди. Улар сафида Давлатимиз Раҳбари томонидан алоҳида эъзозланиб, юксак бахтга мушарраф бўлган 100 нафар "Президент ҳожилари" ҳам бор.

🤝 Булғуси ҳожиларимизни муқаддас шаҳарда “Ҳаж–2026” ишчи гуруҳи раҳбари – Дин ишлари бўйича қўмита раиси Содиқжон Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Ўзбекистон Республикасининг Саудия Арабистонидаги элчиси Нодир Турғунов, “Ҳаж” ва “Умра” ишлари бўйича атташе Шуҳрат Амоний ҳамда бошқа мутасаддилар самимий ва юксак эҳтиром билан кутиб олдилар.

🎉📍Макка шаҳридаги “Al-Ayam Elite” меҳмонхонасида ҳам ҳамюртларимиз учун юқори даражадаги қулайликлар ҳозирланган. Меҳмонхонада илиқ ва кўтаринки кайфиятда кутиб олинган зиёратчиларимиз замзам суви, хурмо, ширинликлар, гуллар ҳамда эсдалик совғалари билан икром қилинди. Шунингдек, улар ватандош моҳир ошпазларимиз томонидан тайёрланган лаззатли миллий таомлардан баҳраманд бўлдилар.

💬 Бундай юксак эътибор ва ғамхўрликдан мамнун бўлган бўлғуси ҳожиларимиз, жумладан, "Президент ҳожилари" Аллоҳ таолога беҳисоб шукроналар айтиб, Юртбошимиз томонидан кўрсатилаётган бу меҳр-эътиборни нафақат юртимизда, балки муқаддас заминларда ҳам ҳар қадамда ҳис этаётганларини алоҳида таъкидладилар.

🕋 Меҳмонхонага эсон-омон жойлашиб, бироз ҳордиқ чиқарганларидан сўнг, таматту ҳажини ният қилган зиёратчиларимиз катта ҳаяжон ва ихлос билан умра амалларини тўлиқ адо этдилар. Муқаддас заминда туриб, ҳамюртларимиз юртимиз тинчлиги, халқимиз фаровонлиги ва дунёдаги барча эзгуликлар учун хайрли дуолар қилмоқдалар.

🤲 Аллоҳ таоло барча зиёратчиларимизнинг сафарларини муборак, ибодату дуоларини мақбул айлаб, Ватанимизга соғ-саломат қайтишларини насиб этсин!

✅ Ўзбекистон мусулмонлари идораси
Матбуот хизмати

Дўстларингизга ҳам улашинг:
https://t.me/diyonatli