#САВОЛ_ЖАВОБЛАР

РЎЗАНИ БУЗУВЧИ ОМИЛЛАР

CАВОЛ: Қандай нарсалар рўзани бузади? Шу ҳақида батафсил маълумот берсангиз.

ЖАВОБ: Бисмиллаҳир Роҳманир Роҳим.

🔹Рўзадор қасддан овқат еса, сув ичса, дори ичса ёки жинсий алоқа қилса рўза бузилади. Бу ҳолатларда ҳам қазо, ҳам каффорат вожиб бўлади.

🔹Рамазон рўзасидан бошқа рўзаларда каффорат йўқ.

🔹Қуйидаги ҳолларда рўзадор одамнинг рўзаси бузилади ва қазосини тутиб бериши вожиб бўлади, каффорат вожиб бўлмайди:
- Тонг отмаган деб ўйлаб, саҳарлик қилса ёки кун ботди деб ўйлаб оғзини очиб юборса-ю сўнг тонг отиб қолгани ёки кун ботмагани билинса;
- аёлини ўпиши, ушлаши орқали жунуб бўлиб қолса;
- ҳўқна (клизма) қилдирса;
- бурнига дори томизса.

🔹Беихтиёр қайт қилса рўза бузилмайди. Лекин қасддан, зўрлаб, оғзи тўлиб қайт қилса, рўзаси бузилади, кейин қазосини тутиши вожиб бўлади.

🔹Қуйидаги ҳолатларда рўза бузилмайди:
- Рўзадор эсида йўқ ҳолатда еса, ичса, жинсий алоқа қилса;
- Уйқусида ёки аёлига қараб жунуб бўлиб қолса;
- Қон олдирса;
- Сурма қўйса;
- Аёлини ўпса-ю, жунуб бўлмаса.

Лекин рўзадор одам иложи борича ўзини бундай ҳолатдан узоқ қилмоғи лозимдир.

🔹Рўзадор учун қуйидаги ишлар макруҳдир:
- Ўз нафсига ишонмаган кишининг ўз аёлини ўпиши. Агар нафсини жиловлай олса зарари йўқ;
- Бирор нарсани татиб кўриш ва мисвоқдан бошқа нарса билан тишни тозалаш;
- Эмизикли рўзадор аёл ўз боласига заруратсиз таом чайнаб бериши. Бунда агар чайнамасликни имкони бўлса, чайнамаслик маъқул. Аммо имкони бўлмаса чайнаб беришнинг зарари йўқ. Валлоҳу аълам.

Ўзбекистон мусулмонлари идораси
фатво ҳайъати.

Дўстларингизга ҳам улашинг

https://t.me/diyonatli

Ислом цивилизацияси маркази дунёнинг энг гўзал музейлари рўйхатига киритилди

Ўзбекистондаги Ислом цивилизацияси маркази Prix Versailles талқинига кўра 2026-йилги дунёдаги энг гўзал музейлари рўйхатидан жой олди.

Хабарда айтилишича, шу йил 28 февраль куни марказ раҳбарияти номига нуфузли халқаро меъморий мукофот — Прих Версаиллес танлов қўмитасидан расмий мактуб келиб тушган.

Мактубда Ислом цивилизацияси маркази 2026 йил учун дунёдаги энг гўзал музейлар глобал рўйхатига киритилгани маълум қилинган.

Маълумот учун, ушбу рейтинг инновационлик, креатив ёндашув, миллий меросни акс эттириш ҳамда экологик самарадорлик каби қатъий мезонлар асосида шакллантирилади.

Прих Версаиллес бош котиби Жером Гуаден ўз мактубида мазкур саралаш муносабати билан самимий табриклар йўллаб, марказнинг 2026-йилги рўйхатда иштирокини тасдиқлаш бўйича расмий йўриқномани ҳам тақдим этган.

Таъкидланишича, марказ нафақат 2026 йилнинг энг гўзал музейлари рўйхатига киритилган, балки учта олий жаҳон унвонларидан бирига даъвогарлик қилиш ҳуқуқини ҳам қўлга киритган. Булар — Гранд Прих Версаиллес, "Интерьер" номинацияси ёки "Экстерер" номинацияларидир.

Жаҳон унвонлари соҳибларини тантанали эълон қилиш маросими 2026 йил якунида Париж шаҳридаги ЮНЕСКО қароргоҳида ёки Мукофот котибияти томонидан белгиланадиган бошқа қабул қилувчи шаҳарда ўтказилиши белгиланган.

Эслатиб ўтиш лозим, Ўзбекистондаги Ислом цивилизацияси марказининг очилиши 2026 йил март ойига режалаштирилган.

Дўстларингизга ҳам улашинг:

https://t.me/diyonatli

Рамазон – дуо ойи: Аллоҳнинг раҳматини сўраш

Бисмиллаҳир Роҳманир Роҳийм

رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ

Ўқилиши: Роббиғфир варҳам ва анта хойрур рооҳимийн

Маъноси: “Роббим, мағфират қил, раҳим қил. Ўзинг раҳм қилгувчиларнинг яхшисисан” (Муьминун сураси, 118-оят).


وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ

Ўқилиши: Ваъфу ъаннаа вағфир ланаа варҳамнаа анта мавлаанаа фансурнаа ъалал қовмил каафирийн

Маъноси: “Бизни афв эт, мағфират қил ва раҳм эт. Сен хожамизсан. Бас, кофир қавмларга бизни ғолиб қил” (Бақара сураси, 286-оят).

Дўстларингизга ҳам улашинг:

https://t.me/diyonatli

Агар рўзадор тилини тиймаса…

Бисмиллаҳир Роҳманир Роҳийм

Умар ибн Абдулазиз раҳимаҳуллоҳ дедилар:

“Биз солиҳ зотларни топдикки, улар ибодатни фақат рўза тутиш ёки намоз ўқишда эмас, балки одамларнинг обрўсига (тил билан) тегишдан тийилишда деб билардилар. Зеро, тунлари қоим ва кундузлари рўзадор бўлган киши агар тилини сақламаса, Қиёмат куни муфлислардан бўлиб қолади”

(Ибн Абдулбарр раҳимаҳуллоҳ. “Ат-Тамҳид”).

“Муфлис” – мол-мулкидан айрилган, касодга учраган (банкрот) одам.

Дўстларингизга ҳам улашинг:

https://t.me/diyonatli

#Рамазон #Эҳсон #Ифторлик

FALASTINLIK OILALAR UCHUN IFTORLIK TASHKIL ETILIB, MODDIY YORDAM KO‘RSATILDI

✅RAMAZON – MEHR-MURUVVAT, AHILLIK VA SHUKRONALIK OYI

Дўстларингизга ҳам улашинг:

https://t.me/diyonatli