ТАҲОРАТНИ БУЗАДИГАН НАРСАЛАР | 1

• бир марта қилинган таҳорат бузилмасдан илгари ҳар қанча намоз ўқиса бўлур

• одамнинг икки йўлидан – олд ва орқа чиқариш йўлидан чиққан нарса таҳоратни бузади

• эркакнинг закари ва аёлнинг фаржидан чиқадиган ел таҳоратни синдирмайди

• икки чиқариш йўли бир бўлиб кетган аёлнинг фаржидан ҳаво чиқса, таҳорат қилиш мустаҳаб

• икки чиқариш йўлидан пешоб, ғоит (катта ахлат) ёки қуртга ўхшаган нарса чиқса, таҳорат бузилади

• закардан чиқадиган ел, ел эмас, балки унинг ўрнидан қимирлаши ва таранглашмоғидир, бу таҳоратни синдирмайди

• қоринда жароҳат бўлса, ўша жароҳатдан ҳаво – ел чиқса, жароҳат синмайди

• агар жароҳатдан ел чиқса, нажосат чиқадиган аъзодан чиқмагани учун таҳорат синмайди, чунки унинг манбаси нажосат эмас

• демак, орқа чиқарув йўлидан бошқа аъзолар чиқарган ҳаво – ел таҳоратни синдирмайди, чунки у тоза елдир, орқадан чиққан ел эса нажосатдандир

• истинжо қилгандан сўнг қолган нам иштонга тегса, иштон бундан нам тортса, иштон нажосат тегган ҳисобланмайди, таҳорат қилиб, унда намоз ўқиш мумкин, фатво шунга берилган.

• бирор эркак одам закаридан пешоб томчилаб қолишидан қўрқиб, тешигига пахта тиқиб қўйса, агар пахта тиқмаса, пешоб чиқиб кетадиган бўлса, пахта тиқиб қўйишнинг зарари йўқ. Шу пахтанинг устида пешоб кўринмагунча таҳорати синмайди.

#фиқҳ #мажмаулмақсуд #таҳорат

—————-
Улашинг! 👇
https://t.me/diyonatli/155

“САБОТУЛ ОЖИЗИН” КИТОБИНИНГ ШАРҲИ

Байт:

Калим илгиндаги қутлуғ асое,
Гаҳе кўфрук эди, гаҳ аждаҳое.

Ғараз қудратнамолиғ эрди, эй дўст,
Вагарна эрди бир қад чўби бепўст.


Байтдаги “калим” – гапирувчи сўзидан мурод Мусо алайҳиссаломдир. Нисо сурасининг 164-оятида: “Мусо билан Оллоҳнинг Ўзи (бевосита) гаплашди” – дейилади.
Яна бир оятда келади: “Қачонки Мусо ваъдалашган вақтимизда (Тур тоғига) келиб, Парвардигори унга (бевосита) сўзлагач, у: “Парвардигорим, менга (жамолингни) кўрсатгин, Сенга бир қарай” – деди. (Оллоҳ) айтди: “Сен Мени (бу дунёда) ҳаргиз кўролмайсан. Аммо мана бу тоққа боқ. (Мен унга кўринурман.) Бас, агар у (Мен кўринганимда) ўрнашган жойида тура олса, сен ҳам Мени кўражаксан”.
Қачонки, Парвардигори у тоққа кўринган эди, уни майда-майда қилиб ташлади ва (бу ҳолни кўрган) Мусо ҳушсиз йиқилди...
(Оллоҳ) айтди: “Эй Мусо, ҳақиқатан, Мен сени одамлар устида пайғамбарим бўлишга ва (бевосита) Каломимни эшитишга танлаб олдим”.

Калим сифатига эга Мусо алайҳиссаломнинг қўлидаги ҳассаси гоҳ сувдан ўтишга кўприк, гоҳ душманлар учун аждарга айланарди. Ҳикоя қилинишича, золим Фиръавн сеҳргарларни чорлаб, Мусо алайҳиссаломга қарши ўз ҳунарларини кўрсатишга буюради ва айни пайтда Мусодан мўъжиза келтиришни талаб қилади. Шаҳар четидаги бир водийга тўпланган халойиқ олдида минглаб сеҳргарлар қўлларидаги таёқча ва ипларини ташлаганларида бутун водий устма-уст қалашиб ётган илонларга тўлиб кетади. Одамлар бу ҳолдан даҳшатга тушади, ҳатто Мусо пайғамбарни ҳам хавотир эгаллайди. Шунда Мусога Оллоҳ таоло тарафидан “Асойингни ташлагин” деган ваҳий бўлади. Мусо қўлига тутиб турган асони ташлаганида, асо ростакам аждарга айланиб, уларнинг ёлғондакам “илон”ларини юта бошлайди...

Эй дўст! Аслида Мусо алайҳиссаломнинг қўлидаги ҳассаси пўсти шилинган бир ёғоч эди. Лекин Оллоҳ таоло Ўз қудратини намойиш этиш учун оддий бир ёғочга мўъжизакор қувват ато этди ва Мусо алайҳиссаломнинг душманлари бу илоҳий қудрат олдида ожиз қолди.

#саботуложизин #равойиҳуррайҳон #шарҳ #ақийда

«Мен иймонимдан эмас, фарзандимдан айрилдим!»

Суратда: Туркиядаги кучли зилзиладан сўнг қутқарилган Онахон.

Ўлим билан юзма-юз келганига қарамасдан, ҳимоя нимчасини бошига таққан ҳожи онани кўриб, тарихда бир саҳоба Онамиз ёдга тушади…

Фарзандининг ўлим хабарини эшитган Онамиз хомуш, ҳорғин ҳолда, Аллоҳнинг буйруғига муносиб тарзда тўсиниб (ҳижобланиб) дарҳол уйдан чиқадилар ва вафот этган боласининг ёнига кетадилар. У ердаги жамоат бу Онамизни кўриб: «Эй аёл, сенинг фарзандинг ўлгану, сен эса юзингни, кўзингни тўсиб келганингни қара», дейишади. Иймон аҳлидан бўлган Онамиз шундай жавоб берадилар:

- «Мен иймонимдан эмас, фарзандимдан айрилдим!»

©https://www.facebook.com/100048056975119/posts/188563142755584/

​​ОНАНГГА, ЯНА ОНАНГГА!
Бир киши Расулуллоҳ саллоллоҳу алайҳи ва салламнинг олдиларига келиб сўради:
-Эй Аллоҳнинг Расули! Кимга яхшилик қилай?
Расулуллоҳ саллоллоҳу алайҳи ва саллам дедилар:
-Онангга.
-Сўнгра кимга?
-Онангга.
-Сўнгра кимга?
-Онангга.
-Сўнгра кимга?
-Отангга.

Одам ўлдириб қўйган киши Абдуллоҳ ибн Аббос розиёллоҳу анҳунинг ҳузурига келиб деди:
-Қотил тавба қилса бўладими?
Ибн Аббос розиёллоҳу анҳу деди:
-Онанг ҳаётми?
-Йўқ.
-Унда истиғфорни кўпайтир.
У киши кетганидан сўнг ибн Аббосдан шогирди Ато ибн Ясор сўради:
-Эй Расулуллоҳнинг амакиваччалари! Ундан онаси ҳақида сўраганингизни кўрдим?
Ибн Аббос розиёллоҳу анҳу дедилар:
-Онага қилинган яхшиликдан кўра Аллоҳга маҳбуброқ ишни билмайман.

Асарларда келишича, Фиръавн шунча золим ва тоғийлигига қарамасдан онасига жуда меҳрибон экан. У онасига меҳрибонлиги сабабли Аллоҳ ундан азобни кечиктириб турган экан. Онаси вафот этиши билан уни ҳалок қилган экан.

Аллоҳдан вафоли ким бор?! У зот вафони севгани учун ота-онага яхшилик қилишга бандаларини амр қилган. Хусусан онага. Чунки она асли яратилишида отадан заиф қилиб яратилган. У ҳомиладорлик азобларини тортади. Шундай бўлсада боласига отадан кўра кўпроқ меҳр беради. Аксар аёллар бегона жойга турмушга чиқишади. Унга қилинадиган яхшилик оиласидан ажралгани эвазигадир. Эркаклар ана шу нуқтани яхши англашса яхши бўлар эди.

Бу умматнинг қаҳрамонларини бизга оналар тақдим қилишган. Имом Аҳмад роҳимаҳуллоҳниннг онаси Бағдоднинг совуқ кечаларида уни уйғотар, унга таҳорат учун сув иситиб берар, сўнгра унга ҳамроқ бўлиб масжидга борар эди. Намоздан сўнг бирга қайтишар эди. Имом Аҳмад роҳимаҳуллоҳ улғайиб Мўътазила фитнасида, қуръонни махлуқ деганларга қарши туриб динни муҳофаза қилди.

Имом Бухорий роҳимаҳуллоҳ етиб ҳолда онаси қучоғида катта бўлди. онаси унга гўзал тарбия берди. Уни илмга қизиқтирди, тарғиб қилди. У билан бирга илм чун сафар қилди, унга борини сарфлади. Бу хизматнинг натижаси ўлароқ имом Бухорий роҳимаҳуллоҳ ҳадис илмида мўъминлар амирига айланди.

Имом Шофиъий роҳимаҳуллоҳнинг отаси ёшлигида вафот этган эди. Унинг тарбияси билан онаси машғул бўлди. унга тарбия бериш мақсадида турмушга чиқмади. Аёл бўла туриб ўғлининг насабини сақлаш мақсадида аҳлини Ғаззада қолидириб Маккага сафар қилди. Чунки ўғли Оли Байтдан эди. Унинг тарбияси ва риояси сабаб имом Аҳмад роҳимаҳуллоҳ айтганидек, имом Шофиъий дунёнинг қуёши ва инсонларнинг офияти бўлиб етишди.

Суфён Саврий роҳимаҳуллоҳнинг отаси ёшлигида вафот этган эди. У зот оиласига ёрдам бериш учун ишламоқчи бўлганида онаси шундай деган эди:
“Йўқ! Сен илм олишинг керак. Мен ип йигириб сени таъминлайман”.
У ип йигириб ўзини ҳам, ўғлининг ҳам эҳтиёжларини қоплади. Натижада унинг ўғли замонасининг энг буюк олимларидан бири, улуғ мужтаҳидларидан бири бўлиб етишди.

Онангизнинг оёқларини маҳкам тутинг. Жаннат у ерда!

https://t.me/Abdulqodir_Polvonov

Бир одам Вакеъ ибн Жарроҳ раҳимаҳуллоҳ★ни сўкди. У сўкканга жавоб қайтармади.
- Нега индамайсиз? - дейишди унга.
- Нега илм олдик унда? - деб жавоб берди имом.

Равзатул уқало, 166- бет

=====
★ Ҳишом ибн Урва, Сулаймон Аъмаш каби кичик тобеинлардан, кўплаб табаа тобеинлар илм олган муҳаддис. 129 йил туғилиб, 197 йил вафот этган.

Манба: 👇
https://www.facebook.com/1524694981/posts/10224025073004359/

Ассалому алайкум ва раҳматуллоҳи ва барокатуҳ!

Ибн Қаййим раҳимаҳуллоҳ айтади:

"Қалбнинг занглаши ғафлат ва гуноҳ билан бўлса, унинг жилоси истиғфор ва зикр биландир".

(Арабчадан Муқим Маҳмуд таржимаси)

Қалбимизни истиғфор ва зикр ила занглардан поклашга жидду жаҳд этайлик!
————————
Улашинг! 👇
https://t.me/diyonatli/161

Росулуллоҳ ﷺ марҳамат қилиб дедилар:

"Кишиларнинг яхшиси ғазаби секин, ризоси тез бўлганидир.
Кишиларнинг ёмони ғазаби тез, ризоси секин бўлганидир".

Изоҳ:

Арзимаган сабаб билан ғазабланмаслик, озгина нарсага рози бўлиб, хурсанд бўлишл, инсоний фазилатларнинг энг яхшисидир.

———————-
Улашинг! 👇
https://t.me/diyonatli/162

Ҳазрати Умар бир куни Пайғамбаримизнинг муборак қабрларини зиёрат қилади. Қабри ёнида бадавийнинг дуо қилётганини кўради ва орқасига ўтиб дуосини эшитади. Бадавий шундай дуо қиларди:
«Ё Робби, бу Сенинг Ҳабибинг, мен ҳам қулингман. Шайтон эса душманинг. Агар мени мағфират қилсанг Ҳабибинг хурсанд бўлади, қулинг нажот топади, душманинг эса хафа бўлади.
Мени авф қилмасанг, Ҳабибинг хафа бўлади, душманинг хурсанд бўлади, қулинг эса ҳалок бўлади.
Роббим, Сен Ҳабибингни маҳзун қилмайсан, душманингни ҳам севинтирмайсан, қулингни ҳалок қилмайсан, Карами кенг, Марҳамати чексиз Зотсан.
Роббим, араблар орасида аслзода инсонлар вафот этганида қулини озод қилиш урфи бор. Мана Оламларга раҳмат бўлган зот вафот этди. Қабри олдида мен турибман. Мени жаҳаннамдан озод қил».
Буларни эшитиб турган Ҳазрати Умар овозининг борича:
«Эй Роббим, бу бадавий сўраётган нарсани мен ҳам истайман», деб бақирди ва соқоли хўл бўлгунча ҳўнграб йиғлади.

————————-
Улашинг! 👇
https://t.me/diyonatli/163

Ривоят қилиинишича, бир киши ҳазрати Aбу Бакр Сиддиқ розияллоҳу анҳуни ҳақорат қилди. Пайғамбаримиз соллаллоҳу алайҳи ва саллам ҳам ўша жойда эдилар. У зот бўлаётган воқеадан ажабланиб, ҳатто, табассум ҳам қилдилар. Ҳалиги кимса ҳақоратни жуда кўпайтириб юборгач, Aбу Бакр розияллоҳу анҳу ҳам унга бир-икки оғиз гап билан жавоб қайтарди. Шунда Набий соллаллоҳу алайҳи ва салламнинг ғазаблари чиқди ва жойларидан туриб кетдилар. Aбу Бакр розияллоҳу анҳу ҳам ортларидан эргашиб: “Эй Aллоҳнинг Расули, у мени сўкканида индамай ўтирган эдингиз, базъи сўзларига жавоб қайтарганимда эса ғазабланиб турб кетдингиз?!.” – дедилар. Шунда Пайғамбаримиз соллаллоҳу алайҳи ва саллам: “Олдин ёнингда бир фаришта туриб ҳақоратларни сендан қайтараётган эди, бир-икки сўз айтганиндан кейин фаришта кетиб, шайтон келди мен шайтон бор жойда ўтирмайман”, – дедилар.
Манба: Aҳмад Муҳаммад Турсун, “Улуғлар шундай яшашган” китоби.

أعوذ بالله من الشيطان الرجيم.
"Бас, фақат Аллоҳгагина қочинг. Албатта, мен сизларга Ундан (келган) очиқ-ойдин огоҳлантирувчиман".

Аз-зарият сураси 50 оят.

(Одатда инсон хавфу хатардан, бало-офатдан қочади. Бу оятда тилга олинган хавф-хатар - динсизлик, ғафлат ва осийликдир, ундан қочиш гуноҳ ва ҳаром ишларни тарк этиб, Аллоҳга илтижо этиш билан бўлади. Аллоҳга қочишда инсон учун улуғ саодат ва мартаба бордир.)

Шайх Муҳаммад Содиқ Муҳаммад Юсуф ҳазратларининг тафсиридан.

7256. Абу Ҳурайра розияллоҳу анҳудан ривоят қилинади:
Бир киши Расулуллоҳ соллаллоҳу алайҳи васаллам ҳузурларига келиб, «Эй Аллоҳнинг расули, менинг чиройли муомала қилишим учун инсонларнинг қайси бири ҳақлироқ?» деганида, у зот: «Онанг», дедилар. «Кейин ким?» деди. «Онанг», дедилар. «Кейин ким?» деди. «Онанг», дедилар. «Кейин ким?» деди. «Отанг», дедилар.
Муттафақун алайҳ.

Набий саллаллоҳу алайҳи васалламнинг онани ҳаққини уч марта такрор айтишларига сабаб, она ҳомиладор бўлиши, туғиши ва эмизишини эътиборга олганлар.

"Шундай қилиб, Биз (Мусонинг онасининг) кўзлари шодланиши ва ғам чекмаслиги учун уни онасига қайтардик" (Қасас сураси, 13 оят).

Она учун фарзанди билан бирга ўтириши, у билан суҳбат қуриш катта шодлик, олий саодатдир. Унинг ўрнини мол дунё ва қисқа зиёрат боса олмайди.

@arabicuz

ТАҲОРАТНИ БУЗАДИГАН НАРСАЛАР | 2

• олд ва орқа чиқариш йўлидан бошқа жойдан чиққан нарса нажосат бўлса, чиққан замон атрофга ёйилса, таҳоратни бузади

• олд ва орқа чиқариш йўлидан бошқа жойдан чиққан нарса нажосат бўлса, атрофга ёйилмаса,таҳоратни бузмайди

• олд ва орқа чиқариш йўлидан бошқа жойдан чиққан нарса пок бўлса – кўзёши, аёлнинг сути ва одамнинг тери каби, таҳоратни бузмайди

• суюқ қон қусиш, тупук ранги қизил бўлса, таҳорат бузилади

• тупук ранги сариқ бўлса, таҳоратни бузмайди

• суюқ қондан бошқа нарса қусилса, қусиқ билан оғиз тўлса, таҳорат бузилади, оғиз тўлмаса, таҳорат бузилмайди

• балғамни оғиз тўлиб ёки тўлмай қусиш таҳоратни бузмайди

#фиқҳ #мажмаулмақсуд #таҳорат

Улашинг! 👇
https://t.me/diyonatli/168

Имом Ибн Қоййим (роҳимаҳуллоҳ) шундай дейди:

"Аллоҳ таоло Бадр аҳлига: «Истаган ишингизни қилаверинг, Мен сизларни кечирдим», – деди. Бу сўзнинг маъносини тушунишлик кўпчилик одамларга мушкул бўлиб қолди. Аллоҳ таоло бу сўзни шундай қавмга айтдики, улар динларидан асло воз кечмайдиган ва Исломда вафот этадиган кишилардир. Улар ҳам бошқа одамлар сингари баъзи хато-камчиликларга йўл қўйишлари мумкин, аммо-лекин Аллоҳ субҳанаҳу ва таоло уларни ўша гуноҳларда бардавом эттириб қўймайди. Балки, уларни тезда гуноҳларини ўчириб юборадиган насуҳ тавбага ва истиғфорга ва улкан савобли ишларга муваффақ қилади".

«Ал Фавоид»

@VorisMedia

ШАЙТОННИНГ БЎЙНИНИ СИНДИР!
Бомдод намозини қазо қилиб қўйсанг унинг қазосини ўқиб унга зуҳо намозини ҳам қўшиб қўй.
Беш вақт намозлардан бирини ўқий олмасдан қолсанг уларнинг қазосини ўқи ва уларга нафлларни ҳам қўшиб қўй.
Кундузи бирор бир маъсият қилиб қўйсанг кечаси намозга туриб Аллоҳимиздан мағфират сўрашга ҳаракат қил.
Зикрларинг қўлдан чиқса икки саҳифа қуръон ўқиб қўй. Бир гуноҳ қилсанг уни бир яхшилик билан маҳв қил.
Аллоҳ таоло: “Яхшиликлар ёмонликларни маҳв қилади”, дейди.
Шайтонга умид бермайлик!
Аллоҳ қувват берсин!

https://t.me/Abdulqodir_Polvonov

Шайтоннинг инсонни камбағаллик билан қўрқитишдан ҳам афзалроқ қуроли йўқдир. Агар бу ҳавф инсон қалбига тушиб қолса, Ҳақдан тўсади, ҳавои нафсига кўра гапиради ва Роббисига ёмон гумонда бўлади.



Суфён Саврий раҳимаҳуллоҳ

МАНБА: 👇
«Олим, одам ва олам» китоби

ТАҲОРАТНИ БУЗАДИГАН НАРСАЛАР | 3

• таҳоратни нажосат бузади, бу – аниқ, шунингдек, нажосат бўлмаган нарса ҳам бузиши мумкин, масалан, ухламо ва орқадан ел чиқиши каби

• таҳорат олган одам бирор нарсага суяниб ухлаб қолса, суянган нарса олиб қўйилса, йиқилиб кетадиган даражада бўлса, таҳорат бузилади

• бирор нарсага суяниб ухлаб қолган инсондан суянган нарсаси олиб қўйилса, йиқилмаса, таҳорати синмайди

• намозда тик туриб, рукуъда, саждада ухлаб қолса, таҳорат синмайди

• таҳоратли одамнинг ҳушдан кетиши ё жинни бўлиб қолиши (эсини йўқотиб қўйиши) таҳоратни бузади

• балоғатга етган одамнинг рукуъли ва саждали намозда қаҳқаҳа отиб кулиши таҳоратни бузади

• балоғатга етмаганнинг жаноза ёки бошқа ҳар қандай намозда қаҳқаҳаси таҳоратини бузмас

• кўзнинг касал бўлиши билан доим оқиб турадиган ёш таҳоратни бузмас

• эрнинг закари яланғоч ҳолда аёлнинг фаржига тегиши , суйкалиши иккисининг таҳоратини бузади

• ўз қўли билан ўзининг ёки хотинининг андоми (жинсий аъзосини) ушласа, таҳорат бузилмас

#фиқҳ #мажмаулмақсуд #таҳорат

Улашинг!👇
https://t.me/diyonatli/173

“САБОТУЛ ОЖИЗИН” КИТОБИНИНГ ШАРҲИ

Байт:

Агар амр айласа, кавнайн барпой,
Бўлур бир пистанинг пўчоғина жой.

Дедилар, ҳазрати Руҳул аминни,
Қанот ёзса, тутар рўйи заминни.

Анингдек Жаброиле сидра парвоз,
Муҳаммад енгида айтур эди роз.

Шарҳ:

Агар Оллоҳ таоло амр этса, барпо қилинган бу дунё ва охират ичидаги барча мавжудоти билан кичкинагина бир пистанинг пўчоғига жойлашади. Айтилишича, “Руҳул амин” – ишончли Руҳ деган сифат билан васфланган ваҳий фариштаси Жаброил алайҳиссалом қанотларини ёзса, қанотлари Ер юзини тутар эди.
“Сидратул мунтаҳо”, яъни жаннат четидаги Нилуфар олдига лаҳзада учиб борадиган шундай улуғ фаришта – Жаброил алайҳиссалом Пайғамбаримиз Муҳаммад соллаллоҳу алайҳи ва саллам енглари ичига жойлашиб, ваҳийни етказарди. Байтда нақадар улкан зотнинг либос енгига сиғдирилиши Оллоҳнинг қудратидан бир аломат экани таъкидланяпти ва ваҳийнинг шу қадар махфий бўлишига ишора қилиняпти.

Шундай экан, бу тасвир Китоб ва суннатда хабари берилган ваҳий нозил ҳолатларига ҳақиқатан мувофиқ келмаса-да, мажозий маънода, Оллоҳнинг қудрати ва ваҳийнинг сирлилигини ифодалаяпти.

#саботуложизин #равойиҳуррайҳон #шарҳ #ақийда

ДУО ҚИЛИШНИ ЎРГАНАМИЗ!

Қуръонда – Оли Имрон сурасида айтиладики, Закриё алайҳиссалом Аллоҳ таолодан солиҳ фарзанд сўраб дуо қилади, Аллоҳ ўз набийси бўлган Закариё алайҳиссаломнинг дуосини қабул қилади. Закариё алайҳиссалом қилган дуо Оли Имрон сурасининг 38-оятида келган:

رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ (38)

“Робби ҳабли милла дунка зурриййатан тоййибатан иннака самиъ ъуд дуъаа”

Маъноси:

“Эй Роббим!Менга ўз ҳузурингдан пок зурриёт ато эт! Дарҳақиқат, Сен дуони Эшитгувчисан!”

Ушбу дуони фарзу нафл ибодатлардан кейин ва умуман ҳамиша сидқидилдан, Аллоҳга юзланиб, ёлвориб, маъноларини қалбдан ўтказиб айтиб юрилса, Аллоҳ Ўзи хоҳласа, ижобат қилади. Дуонинг ҳикмати шуки, у ҳам қабул бўлади, ҳам дуо учун савоблар ёзилади.
#дуолар #зикрлар #ихлос #мусулмоннингқўрғони

​#Солиҳлар_гулшани

ОМОНАТДОРЛИКНИНГ МУКОФОТИ

Маккада бир фақир киши яшарди. Унинг солиҳа аёли бор эди. Бир куни аёли унга: «Уйда бирор егулик қолмади», деди. У киши Ҳарами шарифга чиққан эди, ерда ётган бир ҳамённи топиб олди. Ҳамённинг ичида анчагина пул бор эди. У хурсанд бўлиб, ҳамённи уйига олиб келди. Хотинига: «Ҳарамда бир ҳамён тушиб қолган экан. Мен уни топиб олдим», деди. Хотини: «Ҳарамдан топиб олинган нарсами? Уни эълон қилиш керак», деди. У киши кўчага чиқса, бир одам: «Ким ҳамён топиб олди? Ичида фалон динори бор, фалон сифатли ҳамён эди!» деб бақириб юрган экан. У: «Уни мен топиб олдим, мана у, сифати ҳам, ичидагилари ҳам сен айтганингдек», деди. Бақириб юрган одам унга: «Ҳамённинг ичидаги пуллар ҳам сенга, яна мана бу тўққиз юз динор ҳам сенга», деди. Ҳамён топган киши: «Мени масхара қиляпсанми?» деган эди, у: «Йўқ, жиддий айтяпман. Бир ироқлик бир киши менга минг динор бериб, «Бунинг бир қисмини Ҳарамга олиб бориб, ташлаб қўй. Кейин унинг йўқолганини эълон қил. Топиб олган одам уни сенга қайтариб берса, бу пулларнинг ҳаммасини унга бер, чунки у ишончли одамдир. Ишончли одам ўзи ҳам ейди, садақа ҳам қилади. Шу тариқа бизнинг садақамиз омонатдор одамга етиб бориб, мақбул садақалардан бўлади», деган эди», деди.

✍️ Ҳоний ал-Ҳаж

📖 "Солиҳлар гулшани" китобидан

Манба: 👇
https://t.me/c/1317191732/737

Расулуллоҳ ﷺ дедилар:

«كُلُّ أُمَّتِي يَدْخُلُونَ الجَنَّةَ إِلَّا مَنْ أَبَى» قالوا: يا رسولَ الله! ومن يأبَى؟ قال: «مَنْ أَطَاعَنِي دَخَلَ الجَنَّةَ، وَمَنْ عَصَانِي فَقَدْ أَبَى»

«Бош тортганларидан ташқари умматимнинг бари жаннатга киради». (Саҳобалар): «Эй, Аллоҳнинг элчиси! Ким ҳам бош тортади?» – дедилар. У киши ﷺ дедилар: «Ким менга итоат қилса жаннатга киради. Ким менга итоатсизлик қилса, дарҳақиқат, бош тортибди».

📚 Бухорий (7280).