#САВОЛ_ЖАВОБЛАР

МУЗОРАЪАДА УШРНИ КИМ БЕРАДИ?

САВОЛ: Музораъада ушрни ер эгаси берадими ёки деҳқон берадими?

ЖАВОБ: Бисмиллаҳир Роҳманир Роҳим. Музораъа – ҳосилни муайян нисбатда бўлиб олиш учун ер эгаси ва деҳқон ўртасида тузиладиган битимдир. Унга кўра ер эгаси ўз ерини ишлов бериш учун деҳқонга беради, деҳқон эса, экин экиб, ишлайди ва ҳосилдан маълум улушни олади. Музораъа битими тузилган ердан чиққан ҳосилнинг ушрини ер эгаси ва деҳқон ўз ҳиссалари миқдорича адо қиладилар. Яъни уларнинг ҳар бирига ҳосилдан қанча улуш тегадиган бўлса, ушрнинг шунча қисмини тўлаши керак бўлади. Томонлар ўзаро келишиб, тақсимотдан олдин, умумий ҳосилдан ушрни бериб юборсалар ҳам бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#мақола

ЎЗБЕК ТИЛИ — МИЛЛАТ РУҲИ, ВАТАН ИФТИХОРИ

Ҳар бир миллатнинг ўзлигини белгилайдиган энг муҳим омил — бу "Oна тили"дир. Тил — халқнинг руҳи, тафаккури ва маънавиятининг кўзгусидир. Шу боис, 1989-йил 21-октябрь куни "Давлат тили тўғрисида”ги Қонуннинг қабул қилиниши — ўзбек халқининг тарихида унутилмас сана, миллий ўзлигимизни тиклаш йўлидаги улкан қадам бўлди.

Бугун 21-октябрь — Ўзбек тили куни сифатида юртимизда кенг нишонланади. Бу кун ҳар бир юракда фахр ва ғурур туйғусини уйғотади, она тилимизни янада улуғлашга, асраб-авайлашга чорлайди.

Она тилининг қадрига етиш — бу шунчаки одоб эмас, балки илоҳий бурчдир. Аллоҳ таоло “Ар-Раҳмон” сурасида шундай дейди:
الرَّحْمَٰنُ، عَلَّمَ الْقُرْآنَ، خَلَقَ الْإِنسَانَ، عَلَّمَهُ الْبَيَانَ
“Ар-Раҳмон. Қуръонни ўргатган Зот. Инсонни яратган. Унга сўзлашни (баён қилишни) ўргатган.”
(Ар-Раҳмон сураси, 1–4-оятлар)

Бу оятларда инсонга берилган энг улуғ неъмат — сўзлаш, фикрни ифода этиш қобилияти эканлиги таъкидланади. Демак, тилда барака, баёнда ҳикмат бор.

Расулуллоҳ ﷺ марҳамат қиладилар:

"Ким Аллоҳга ва охират кунига иймон келтирган бўлса, яхшилик сўзласин ёки жим турсин."
(Бухорий ва Муслим ривоятлари)

Демак, тил — бу фақатгина алоқа воситаси эмас, балки инсоннинг иймони ва одобининг кўзгусидир.

Ўзбек тили — асрлар давомида буюк алломалар, шоир ва мутафаккирлар томонидан илм ва маънавият хазинасига айланган улуғ тилдир.
"Алишер Навоий", "Заҳириддин Муҳаммад Бобур", "Аҳмад Яссавий", "Имом ал-Бухорий" каби зотлар шу тилда илм, ҳикмат ва маърифатнинг энг юксак намуналарини қолдирганлар.

Навоий ҳазратлари шундай деганлар:

“Тил шунчалик улуғ неъматки, у билан одам одамлик мақомига етади.”

Тилни асраш, уни ривожлантириш — ҳар бир фуқаронинг ижтимоий ва виждоний бурчидир.
Бугун ёшларимиз она тилида сўзлашиш, ёзиш ва адабий нутқни бойитиш орқали ўз халқига бўлган муҳаббатини намоён этаяпти — бу эса миллат ғурурининг белгисидир.

Она тилини қадрлаш — миллатни қадрлашдир.

Элини севадиган инсон, аввало, унинг тилини ҳам севади. Тил — юракдан чиқиб, юракларга кирадиган йўлдир.
Шу боис ҳар бир дарсда, ҳар бир ёзувда, ҳар бир нутқда она тилимизнинг мусаффолигини сақлаш ва сўз бойлигимизни кенгайтириш — бизнинг умумий масъулиятимиздир.

Ўзбек тили — бизнинг миллий ифтихоримиз, маънавиятимиз пойдеворидир.
Уни асраш, улуғлаш ва ривожлантириш — фақатгина муаллимлар ёки адабиётчиларнинг эмас, бутун халқнинг муқаддас бурчидир.

Тилга ҳурмат — бу ўзлигимизга ҳурмат, аждодлар меросига эҳтиром демакдир.

Аллоҳ таоло барчамизга тилимизни пок сақлаш, сўзимиз орқали эзгулик ёйишни насиб этсин.

Абдуҳамид домла Маликов
Тошкент вилояти Пискент тумани
“Пискент” жоме масжиди имом-хатиби

https://t.me/diyonatli

#Ҳадис

Абу Саид розияллоҳу анҳудан ривоят қилинган ҳадиси шарифда Набий алайҳиссалом марҳамат қиладилар: “Мусулмон банда бир гуноҳ ёки бирор қариндоши билан ораси очилиши (шариатга уйғун бўлмаган нарсалар)ни сўрамагунича ўзига уч нарса берилмасидан дуоси қайтарилмайди: дуоси қабул бўлиб, дунёда ўзига берилади ёки дуоси охиратга олиб қўйилади ёхуд дуоси қадар бир ёмонликдан узоқлаштирилади”.

Имом Ҳоким ривояти.

Дўстларингизга ҳам улашинг ⤵️

https://t.me/diyonatli

#brifing
#haj_umra_portali

⚡️ “Haj va Umra yagona portali” ishga tushirilishi bo‘yicha
BRIFING

📌 Portalni yaratishdan maqsad:
– hajga boruvchilarga qulaylik yaratish, shaffoflikni ta'minlash va navbat shakllanishida inson omilini bartaraf etish;
– “Haj” safariga boruvchi fuqarolarning yagona elektron navbatini shakllantirish va ariza berishni elektron shaklga o‘tkazish;
– hajga doir ma’lumotlarni yig‘ish va rasmiylashtirish bilan bog‘liq jarayonlarni raqamlashtirish.

✅ Aholimiz uydan chiqmasdan masofadan navbatga yozilish imkoniyati yaratildi, tashkilotlarga ovora bo‘lib borish, hujjatlar yig‘ish va qog‘ozbozlik kabi turli byurokratik jarayonlarga barham berildi.

♻️ Talabgor fuqaro 2 xil usulda ya’ni Yagona interaktiv davlat xizmatlari portali www.my.gov.uz va www.haj-umra.gov.uz sayti orqali elektron navbatga yozilishi mumkin.

📞 Ishchi guruhi telefon raqamlari

👉 HD format

🌐 Din ishlari boʻyicha qoʻmita
Axborot xizmati

Telegram | Instagram| Facebook | X |Youtube

https://t.me/diyonatli

#infografika
#haj_umra_portali

📌 “Haj va Umra yagona portali” orqali ariza berish tartibi

✅ Talabgor fuqaro 2 xil usulda ya’ni Yagona interaktiv davlat xizmatlari portali www.my.gov.uz va www.haj-umra.gov.uz sayti orqali elektron navbatga yozilishi mumkin.

🌐 Din ishlari boʻyicha qoʻmita
Axborot xizmati

Telegram | Instagram| Facebook | X |Youtube

https://t.me/diyonatli

#duo #salavot #juma #muborak

🕌 ЖУМА МУБОРАК БЎЛСИН!

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا}

📿 "Албатта, Аллоҳ ва Унинг фаришталари Пайғамбарга салавот айтурлар. Эй, мўминлар! (сизлар ҳам) унга салавот ва салом айтинг!" (Аҳзоб сураси, 56-оят).

🤲 Аллоҳумма солли ва саллим ъала Муҳаммадин ва ъала аали Муҳаммад.

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#Ҳадис

...дўзахга кирмайди

Абдуллоҳ розияллоҳу анҳудан ривоят қилинади. Расулуллоҳ соллаллоҳу алайҳи ва ъалаа олиҳи васаллам: “Қалбида хантал уруғи оғирлигича кибри бор одам жаннатга кирмайди. Қалбида хантал уруғи оғирлигича иймони бор одам дўзахга кирмайди”, дедилар.

Изоҳ: “Қалбида хантал уруғи оғирлигича кибри бор одам жаннатга кирмайди” жумласининг маъноси “жазо ва маломатга учрамай жаннатга кирмайди” деганидир.

“Қалбида хантал уруғи оғирлигича иймони бор одам дўзахга кирмайди” жумласининг маъноси эса, “дўзахга кофирлар каби абадий қолувчи бўлиб кирмайди” деганидир.

“Муснади Шоший” асаридан
Даврон НУРМУҲАММАД таржимаси

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ИПАКДАН ТЎҚИЛГАН ЖОЙНАМОЗДА НАМОЗ ЎҚИШНИНГ ҲУКМИ

САВОЛ: Ипакдан тўқилган жойнамозда эркак киши намоз ўқиши мумкинми?

ЖАВОБ: Бисмиллаҳир Роҳманир Роҳим. Динимизда ипакдан тўқилган матодан фойдаланиш фақат аёллар учун ҳалол саналади. Аммо айрим ўринларда ипакдан фойдаланишга эркаклар учун ҳам рухсат этилади. Жумладан: Имом Абу Ҳанифа раҳимаҳуллоҳ наздиларида ипакдан ёстиқ қилиш, тўшак қилиб, устига ўтириш ёки ётиш эркаклар учун жоиз саналади. Шунингдек, жойнамоз сифатида фойдаланиш ҳам мумкин. Аммо бошқа матодан тайёрланган жойнамоздан фойдаланиш афзалдир. Чунки Абу Ҳанифа раҳимаҳуллоҳ рухсат берган нарса икки шогирдлари имом Абу Юсуф ва Муҳаммад роҳимаҳумуллоҳларга кўра, ножоиз саналади. Шу боис барча фақиҳлар томонидан рухсат этилган нарсадан фойдаланиш мақсадга мувофиқ саналади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli