⚡️ “Umra” tadbirlarini tashkil etish va oʻtkazish vakolatiga ega tashkilotlar
ROʻYXATI

✅ Oʻzbekiston musulmonlari idorasi "Haj va Umra markazi"
(Manzil: Toshkent shahar, Chilonzor tumani "Novza" masjidi +998998821858, +998778821858)

🔨 “Umra” tadbirlarini tashkil etish va oʻtkazish faoliyatini amalga oshirish uchun yakka tartibdagi litsenziya berish boʻyicha Tanlov komissiyasining qaroriga muvofiq quyidagi talabgorlar tanlov gʻolibi deb topilgan:

1. “Ihlos travel 1” MChJ;
(Andijon viloyati, Andijon shahar, O’zbegim MFY, Bobur shox ko’chasi 40v-uy) +998979921311
2. “Yuksak travel Air” MChJ;
(Farg’ona viloyati, Farg’ona shahar, Al-Fargʻoniy shoh koʻchasi 20-uy) +998901621111, +998972341111
3. “Muhtasham travel” MChJ;
(Namangan viloyati, Namangan sh, Shodlik MFY, A.Navoiy ko’chasi 2/1-uy, 3s-xonadon) +998781130103, +998972507770
4. “Musaffo turizm xizmati” MChJ;
(Namangan viloyati, Namangan shahar, Bobur mavzesi 10, 4-uy) +998555162222, +998908864444
5. “Risola travel lux” MChJ;
(Namangan viloyati, Namangan shahar, Uychi ko’chasi 1-uy) +998781134444, +998918134444
6. “Xorazm umra jamiyati” MChJ
(Xorazm viloyati, Urganch shahar, P.Mahmud ko’chasi 350-uy) +998555169999, +998934676676
7. “Hikmat Umra Travel” MChJ;
(Toshkent shahar, Mirobod tumani, A.Temur shox ko’chasi 43-uy, 41-xonadon) +998555048888, +998951508788
8. “Real Dreams” MChJ;
(Toshkent shahar, Shayxontohur tumani, Suzuk ota ko’chasi 46-uy) +998781139988, +998887874443
Filial: (Samarqand viloyati, Samarqand shahar, Ibn Sino ko‘chasi 7-uy) +998886145555
Filial: (Qashqadaryo viloyati, Qarshi shahar, Nasaf ko‘chasi 291 A-uy) +998952418000
9. “Travel with family” MChJ;
(Toshkent shahar, Olmazor tumani, Kichik halqa yo’li 21-uy) +998712066666, +998886334444
10. “Sofa Marva tour” MChJ;
(Toshkent shahar, Olmazor tumani, Ziyo MFY, 14-to’pik, Kichik halqa yo’li 19-uy) +998974501682, +998335076666
11. “B2 Management” MChJ);
(Toshkent shahar, Yakkasaroy tumani, O’rikzor ko’chasi 124-uy) +998956309090, +998954449090
12. “Safar time exclusive” MChJ;
(Toshkent shahar, Chilonzor tumani, 2-Charx Kamolon MFY, Bunyodkor ko’chasi 2-uy) +998781502266, +998909702266
13. “Centrum holidays” MChJ;
(Toshkent shahri, Mirobod tumani, Oybek ko‘chasi 38-uy) +998555778888
Filial: (Farg’ona viloyati, Marg’ilon shahar, Mustaqillik ko‘chasi 692-uy) +998905854445
Filial: (Samarqand viloyati, Samarqand shahar, Amir Temur ko‘chasi 154-uy) +998915597771
Filial: (Surxondaryo viloyati, Denov tumani, Guliston ko‘chasi 247-uy) +998977722443
14. “Buxoro umra jamiyati” MChJ;
(Buxoro viloyati, Buxoro shahar, Abu Ali Ibn Sino ko'chasi 6-uy) +998553022222, +998937543424

🚫 Izoh: Litsenziyada koʼrsatilmagan manzil boʼyicha “Umra” tadbirlarini tashkil etish va oʼtkazish faoliyati bilan shugʼullanish ta’qiqlanadi.

❌ Ogoh boʻling, “Umra” tadbirlarini tashkil etish va oʻtkazishga oid xizmatlarni litsenziyaga ega boʻlmagan tadbirkorlik subyektlari tomonidan koʻrsatish taqiqlangan.

❗️ “Umra” tadbirlarini tashkil etish va oʻtkazish boʻyicha faoliyat uchun litsenziya olish sohasidagi huquqbuzarliklar uchun yuridik shaxslarga solinadigan jarimalar miqdori BHMning 200 baravari (82,4 mln. soʻm) etib belgilangan.

https://t.me/diyonatli

🌐 Din ishlari boʻyicha qoʻmita
Axborot xizmati

#Ҳадис

Расулуллоҳ соллаллоҳу алайҳи васаллам:
«Ким ҳалол топган молидан хурмо миқдорича садақа қилса — Аллоҳ таоло фақат ҳалол, пок нарсани қабул қилади - албатта, Аллоҳ уни ўнги билан қабул қилиб, сизлар кичкина тойчоқни парвариш қилганингиз каби ўстириб парваришлайди. Ҳатто ўша садақаси тоғ баробар бўлиб кетади» (Имом Бухорий ва Имом Муслим ривояти).

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

МАСЖИДУЛ ҲАРОМДА УХЛАСА, ТАҲОРАТИ СИНМАЙДИМИ?

САВОЛ: Масжидул ҳаромда намозларни жамоат билан ўқиб, кейинги намоз вақтини кутиб ўтирганимизда, айрим ҳожиларимиз ётган ҳолда ухлаб қолиб, кейинги намозга азон айтилганда, таҳорат қилмай намоз ўқишаётганига гувоҳ бўлдим. Бунинг хукми динимизда қандай? Чунки ухлаш таҳоратни бузади деб ўқиганмиз ва шунга амал қиламиз. Ёки масжидул ҳаромда айрим ҳукмлар ўзгарадими?

ЖАВОБ: Бисмиллаҳир Роҳманир Роҳим. Ҳанафий мазҳабига кўра, бирор нарсага суяниб, ёки ёнбошлаган ҳолда ухлаш таҳоратни синдиради. Бу ҳукм масжидул ҳаромга ҳам тегишли. Сиз айтган ҳожилар ерга ёнбошлаган ҳолда ухлаган бўлсалар, таҳоратлари синади. Лекин кўзини юмиб, ухламасдан, зикр қилиб ётадиганлар ҳам бўлади. Агар шундай қилган бўлсалар, табиийки таҳоратлари синмайди.

Масжидул ҳаромда дунёнинг турли нуқтасидан келган зиёратчилар ибодат қилади. Уларнинг ичида илмли инсонлар билан бир қаторда ибодатга энди кирган, шаръий ҳукмларни яхши ўзлаштирмаганлар ҳам бўлади. Уларнинг қилаётган ишини кўриб, анавилар қиляпти-ку, демак, нотўғри эмас эканда, деб қилиб кетавермаслик керак. Қолаверса, у ерда турли мазҳаб одамлари ибодат қилади. Айрим мазҳабларда ухлаш, бадандан қон чиқиш каби ишлар таҳоратни синдирмайди. Аммо бизнинг мазҳабимизда ҳар иккиси ҳам таҳоратни бузади ва бунга уламоларимиз бир қанча ҳадисларни далил ўлароқ келтирганлар.

Шу боис, улуғ маконларга ибодатга отланаётган одамлар: хоҳ эркак, хоҳ аёл киши бўлсин, шаръий ҳукмларни билиб олиши ёки биладиган одам ҳамроҳлигида бориши мақсадга мувофиқ бўлади. Акс ҳолда ибодат қиламан деб, гуноҳга ботиши ҳеч гап эмас. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

Ўзбекистон «Марказий Осиё – Россия» формати ва Мустақил Давлатлар Ҳамдўстлиги доирасидаги ҳамкорликни ривожлантириш, табиий шериклар ҳисобланган мамлакатлар билан амалий алоқаларни янада мустаҳкамлашдан манфаатдор.

https://t.me/diyonatli

Иймонларига зулмни аралаштирмаганлар

Абдуллоҳ розияллоҳу анҳудан ривоят қилинади: “Иймон келтирган ва иймонларига зулмни аралаштирмаганлар” ояти нозил бўлганда, одамлар: “Ё, Аллоҳнинг Расули, қай биримиз ўзига зулм қилмас экан?” дедилар.

У зот алайҳиссалом: “Бундай эмас, бу (айтилган зулм) ширкдир. Луқмоннинг ўғлига: “Эй, ўғилчам! Аллоҳга ширк келтирмагин! Чунки ширк улкан зулмдир”, деб айтганини эшитмаганмисизлар?” дедилар.

Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси

Дўстларингизга ҳам улашинг ⤵️

https://t.me/diyonatli

АССАЛОМУ АЛАЙКУМ!

Аллоҳ таоло кўнглимиздагини ҳаққимизда хайрли қилсин. Ҳаққимизда хайрли бўлганларга кўнглимизни рози қилсин...

Файзу баракотли кун тилаймиз!

https://t.me/diyonatli

#Ҳадис

Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Ким «Субҳаналлоҳи ва биҳамдиҳи», деса, у киши учун жаннатда бир хурмо экилади», дедилар.

Имом Термизий ривояти.

Дўстларингизга ҳам улашинг:

https://t.me/diyonatli

#мақола

Имомга иқтидо қилган кишининг қироат қилиши ҳақида

Баъзи кишилар намозда имом орқасида турувчи мўмин ҳам “Фотиҳа” сурасини ёки бошқа сураларни ўқиши керак, деб даъво қиладилар. Бу масалада Қуръон, ҳадис ва фиқҳ уламолари далилларини ўрганиб чиқсак, аслида иқтидо қилган кишининг қироат қилиши шарт эмаслиги очиқ-ойдин маълум бўлади.

Шунингдек, Аллоҳ таоло дейди:

وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُونَ

“Қуръон тиловат қилинса, уни тингланглар ва сукут қилинглар, шоядки сизларга раҳм қилинар.”
(Аъроф сураси, 204-оят)

Ибн Жарир, Ибн Абу Хотим, Ибн Мардавайх, ва Ибн Асокирлар Абу Хурайра розияллоху анхудан ушбу оят сахобалар намозда Расулуллох соллаллоху алайхи васалламнинг ортларида туриб, овоз чикариб қироат қилишганда нозил бўлганини ривоят килишган. Демак, бундан намозда имом қироат қилганида унга иқтидо қилган киши имомнинг қироатини тинглаши ва жим туриши лозимлиги келиб чиқади.

Соҳта Салафийлар томонидан юқорида келтирилган Фотиха сурасини ўқиш лозимлигига далолат қилувчи хадис ва ундан бошқа ривоятларга ханафий уламоларимиз "Ушбу ва ундан бошқа шу мазмундаги хадиси шарифлар ёлгиз намоз ўқувчи киши учун хосдир", дейдилар. Чунки кўплаб хадиси шарифларда имомнинг қироати унга иқтидо қилган киши учун хам кифоя қилиши очик айтиб ўтилган. Масалан, Абу Хурайра розияллоху анхудан ривоят қилинган хадиси шарифда Расулуллох соллаллоху алайхи васаллам шундай деганлар:

«إنَّا جُعِلَ الْإِمامُ لِيُؤْتَمَّ بِهِ فَإذا قرَأَ فَأَنْصِتُوا»

Яьни: "Имом унга иқтидо қилиниши учун тайинлангандир. Шундай экан, у қироат қилганда сизлар жим туринглар" (Имом Абу Довуд ва Имом Насаий ривоят қилишган).

"Имом Муслим ва бир қанча мухаддислар сахих деган хадисни бошқа биров заиф дейишининг эьтибори йуқ", деганлар.
Жобир розияллох анхудан ривоят қилинган хадисда Набий алайхиссалом:

«مَنْ كَانَ لَهُ إِمَامٌ فَقِراءَةُ الْإِمَامِ قِراءَةٌ لَهُ»

Яьни: «Имомнинг қироати унга иқтидо қилганнинг қироатидир», - деганлар (Имом Ибн Можа ривоятлари).

Баъзи олимлар томонидан ушбу хадиснинг санади заиф дейилган бўлсада, хадис матни Имом Абу Ханифа, Имом Ахмад, Ибн Маниъ ва бошка муххаддислар томонидан мутлақо бошқа сахих санад билан ривоят қилинган. Камол ибн Хумом уларнинг сахихлиги Имом Муслимнинг шартига тушишини таъкидлаган. Шунга кўра, мазкур хадис "сахих лигойрихи" даражасига кўтарилади ва хукмни ифодалашда хужжат бўла олади ("Фатхул Қодир" китоби).

Хулоса қилиб айтадиган бўлсак, юқоридаги оят ва хадислардан очик-ойдин қўриниб турибдики, имомнинг ортидаги иқтидо қилувчилар қироат қилмаслиги кўпчилик сахобалар ва салафи солихларнинг тутган йуллари экан. Шунинг учун хам ханафий мазхабимиз фуқахолари имом жахрий (овоз чиқариб) қироат қилганда хам махфий қироат қилганда хам унга иқтидо қилган киши қироат қилиши жоиз эмас, деганлар. Валлоху алам.

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli