Агар бандага ғам ва хафалик етса

Абдуллоҳ розияллоҳу анҳудан ривоят қилинади: “Расулуллоҳ соллаллоҳу алайҳи ва ъалаа олиҳи васаллам бундай дедилар: “Агар бандага ғам ва хафалик етса бундай деган бўларди: “Аллоҳим, Сенинг қулингман, қулингнинг зурриётиман, чўрингнинг фарзандиман. Пешонам Сенинг “қўлинг”да (яъни мени Сен бошқарасан).

Ҳукминг менинг устимда жорийдир. Сенинг ҳук минг одилдир. Ўзингни номлаган ёки китобингда нозил қилган, ё халқингдан бирор кишига ўргатган, ёхуд ғайб илмингда сақлаб қўйган исмларинг билан сўрайманки, Қуръонни қалбимнинг баҳори, дилимнинг нури, маҳзунлигимни аритувчи ва ғамимни кетказувчи қил!”.

“Ё Аллоҳнинг Расули, биз бу калималарни ўрганишимиз керакми?” дедилар. У зот алайҳиссалом: “Ҳа, буни эшитган одам ўргатиши керак бўлади”, дедилар”.

“Муснади Шоший” асаридан
Даврон НУРМУҲАММАД таржимаси

Дўстларингизга ҳам улашинг ⤵️

https://t.me/diyonatli

#КУН_ОЯТИ

У тақводор зотлар яхши-ёмон кунларда инфоқ-эҳсон қиладиган, ғазабларини ичига ютадиган, одамларнинг (хато-камчиликларини) авф этадиган кишилардир. Аллоҳ таоло бундай яхшилик қилувчиларни севади.

Оли-Имрон сураси 134-оят

Ижтимоий тармоқлардаги саҳифаларимиз:

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#САВОЛ_ЖАВОБЛАР

ФАРЗ ВА ВОЖИБНИНГ ФАРҚИ

САВОЛ: Фарз ва вожибнинг фарқи нимада? Масалан, қурбонлик қилиш фарз эмас, вожиб экан. Фарз бўлмагани учун қурбонлик қилмаган киши гуноҳкор бўлмайдими?

ЖАВОБ: Бисмиллаҳир Роҳманир Роҳим. Уларнинг амал қилиш жиҳатидан фарқи йўқ, балки фарз ва вожибнинг ҳар иккаласига ҳам амал қилиш лозим ва зарурдир. Шу сабабли ҳам фарз учун гоҳида вожиб, вожиб учун эса гоҳида амалий фарз сўзи ишлатилади, чунки маъно жиҳатидан улар жуда яқин ва уларнинг иккаласига ҳам амал қилиш зарурдир. Иккаласини ҳам тарк этиш гуноҳдир. Лекин эътиқод жиҳатидан улар ўртасида истилоҳий фарқ мавжуд. Яъни, Фарзни инкор қилган киши кофир бўлади, вожибни инкор қилган киши эса, кофир бўлмайди, балки қаттиқ гуноҳкор бўлади. Шунга кўра, қурбонлик зиммасига вожиб бўлган одам беузр уни тарк қилса, гуноҳкор бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#Ҳадис

Анас ибн Молик розийаллоҳу анҳудан ривоят қилинади: «Расулуллоҳ соллаллоҳу алайҳи ва саллам: “Ҳар бир мусулмон кишига илм талаб қилиш фарздир”», дедилар.

Имом Ибн Можа ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

АЁЛЛАРНИНГ НАМОЗИ

САВОЛ: Бомдод намозини эркаклар масжидда тонгни ёришган пайтида ўқишлари мустаҳаб эканини ўқиб қолдим. Аёллар ҳам бомдод намозини тонгни ёриштириб ўқишлари мустаҳабми, ёки азон айтилганидан кейин ўқисалар бўлаверадими?

ЖАВОБ: Бисмиллаҳир Роҳманир Роҳим. Муздалифада турган ҳожилардан бошқа барча эркакларнинг бомдод намозини тонгни ёриштириб ўқишлари мустаҳаб саналади. Лекин бу ҳукм аёлларга тегишли эмас. Чунки аёллар бомдод намозини вақти киргандан кейин, тонг ёришмай ўқишлари мустаҳабдир.

Аёллар учун бомдоддан бошқа барча намозларни масжиддаги жамоат ўқиб бўлганидан кейин ўқишлари мустаҳаб саналади, яъни шундай қилсалар, савоб оладилар, аммо қилолмасалар, балки намознинг вақти кириши билан ўқисалар, гуноҳкор бўлмайдилар. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#мақола

ЎҚИТУВЧИ ВА МУРАББИЙЛАР – МАЪРИФАТ ВА МАЪНАВИЯТ СОҲИБЛАРИ

Ўқитувчи ва мураббий шахси жамиятда беқиёс аҳамиятга эга. Улар авлоддан-авлодга илм ва маънавиятни етказувчи, миллатнинг маърифатпарвар келажагини бунёд этувчи шахслардир. Шу боис ҳам 1-октябрнинг мамлакатимизда Ўқитувчи ва мураббийлар куни сифатида нишонланиши миллий маънавиятимизнинг муҳим кўрсаткичидир.

Таълим тарихига назар ташласак, ўқитувчи ҳамиша жамиятда билим тарқатиш, маърифат уруғини ёйиш, ёшларни инсоний фазилатлар асосида тарбиялаш билан шуғулланган. Шарқ мутафаккирлари таъкидлаганидек, илм – инсонни камолотга етаклайдиган асосий йўлдир. Бу йўлда устозлар энг масъулиятли ва шарафли вазифани бажаради.

Сўнгги йилларда мамлакатимизда педагогик соҳани ривожлантириш, таълим тизимини модернизация қилишга катта эътибор қаратилмоқда. Янги ўқув дарсликлари, замонавий лабораториялар, рақамли технологиялар таълим жараёнига жорий этилаётгани устозлар меҳнатини самарали қилишга хизмат қилмоқда. Шу билан бирга, ўқитувчиларнинг моддий ва маънавий қўллаб-қувватланиши давлатнинг устозларга бўлган юксак эҳтиромидан далолатдир.

Ўқитувчи фақат билим берувчи эмас, балки маънавий тарбиячи ҳамдир. У ҳар бир шогирднинг қалбида инсонпарварлик, ватанпарварлик, меҳр-оқибат ва адолат ҳисларини уйғотади. Жамиятнинг маънавий қиёфаси, авлодлар орасидаги узвийлик айнан устозлар орқали таъминланади.

Ўқитувчи ва мураббийлар жамиятнинг маърифатли, комил ва ватанпарвар авлодини тарбиялайдиган буюк шахслардир. Уларнинг меҳнатини қадрлаш, уларнинг мақомини юксалтириш – бу миллатнинг келажагига бўлган энг катта сармоядир.

Тошкент вилояти Пискент тумани "Пискент" жоме масжиди имом-хатиби Абдуҳамид домла Маликов

https://t.me/diyonatli

#Ҳадис

Расулуллоҳ соллаллоҳу алайҳи васаллам: “Сизнинг энг яхшиларингиз – Қуръонни ўрганиб, уни бошқаларга ўргатганингиздир”, деганлар.

Имом Бухорий ривояти.

Дўстларингизга ҳам улашинг ⤵️

https://t.me/diyonatli