#САВОЛ_ЖАВОБЛАР

ЗАКОТ МАБЛАҒЛАРИНИ ИНВЕСТИЦИЯ ҚИЛИШ

САВОЛ: Закот маблағларини тўплаб, бирор бизнесга инвестиция қилиб, тушган фойдани камбағалларга эҳсон қилиб туриш жоизми? Масалан, ушбу маблағга бирор дўкон ёки корхона очилса ва фойдаси камбағалларга бериб турилса, бунда янги иш ўрни яратилган, ҳам камбағалларга доимий таъминот қилиб берилган бўларди.

ЖАВОБ: Бисмиллаҳир Роҳманир Роҳим. Йўқ, бундай қилиш дуруст эмас. Зеро, закот маблағларини Қуръони каримда баён қилинган тоифаларга тарқатиш лозим. Бошқа ўринларга сарфлаш жоиз эмас.

Чунки бу ҳолатда, биринчидан, закот маблағлари ҳақдорларнинг қўлига етиб бормай қолади. Иккинчидан, инвестиция қилинган маблағлар тижорий зарар туфайли йўқ бўлиб кетиши ҳам мумкин. Учинчидан, бу ҳақдорларнинг шошилинч эҳтиёжларини таъминлаш кечикишига сабаб бўлади.

Камбағалларни иш билан таъминлаш, уларга доимий даромад манбаи яратиб бериш мақсадида закот маблағларига ишлаб чиқариш ускунаси ёки бирор дўкон ёки автомобиль сотиб олиб, камбағалга мулк қилиб топширилса, закот дуруст бўлади. Аммо ушбу нарсалар камбағалга вақтинчалик фойдаланиб туриш учун берилса, закот дуруст бўлмайди.

Закот бирор фақир кишига берилса, бу унинг мулкига айланади. Агар у ушбу маблағни тижорий фаолиятга йўналтирса ёки бирор корхонанинг акциясини сотиб олса, дуруст бўлади.

Шунингдек, саволда берилган ҳолатни закотдан бошқа, ихтиёрий садақалар орқали амалга ошириш мумкин. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

Қуръон қалбингни очиши учун, Сен уни оч!

Қуръон шайдоларининг шиори: “Қуръон энг яхши дўстдир”. Бу Қуръонни севишга чақириқдир. Қуръон чинакам севгидир.

Уламолар айтадилар:

“Ким Аллоҳни ва Унинг Расулини хурсанд қилмоқчи бўлса, Мусҳафга қарасин. Ким Аллоҳ ва Унинг Расули мени яхши кўрсин деса, Мусҳафга қарасин”.

Қуръонга муҳаббат дунёдаги энг чинакам муҳаббатдир. Улуғлар айтадилар:

“Қуръон сенинг қалбингни очади, қалб кўзингни очади, йўлингни очади, сенга икки дунёда бахт-саодат эшигини очади, қабрингдан жаннат томон бир дарча очади, охи ратда сенга Жаннат дарвозаларини очади... Аммо бунинг учун сен бу дунёда Қуръонни очишинг керак, уни ўқишинг, тадаббур, тафаккур қилишинг, Қуръонга амал қилишинг керак”.

Дўстларингизга ҳам улашинг ⤵️

https://t.me/diyonatli

#Ҳадис

Авс ибн Авс ас-Сақафий розияллоҳу анҳудан ривоят қилинади:

«Набий соллаллоҳу алайҳи васаллам:
«Ким жума куни ювса ва ғусл қилса, сўнгра эрта борса, пиёда юриб, (улов) минмаса, имомга яқинроқ ўтирса ва тингласа, беҳуда (ҳаракат) қилмаса, унинг ҳар бир қадамига бир йилнинг амали берилур, унинг рўзаси ва бедорлиги ажри берилур», дедилар.

Сунан эгалари ривоят қилишган.

Дўстларингизга ҳам улашинг ⤵️

https://t.me/diyonatli

#Ҳадис

Расулуллоҳ соллаллоҳу алайҳи ва саллам: “Ким илм излаб йўлга чиқса, Аллоҳ унга жаннат йўлини осон қилиб қўяди”

Имом Муслим ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

ТАҲИЯТУЛ МАСЖИД НАМОЗИ

САВОЛ: Мен икки-уч маҳал намозимни уйим ёнидаги масжидда ўқийман. Масжидга киргач, таҳиятул масжид намозини ўқийман. Баъзида ўқий олмай қоламан. Шу намозни ҳар кирганимда ўқишим керакми?

ЖАВОБ: Бисмиллаҳир Роҳманир Роҳим. Таҳиятул масжид намози нафл намозлар сирасига киради. Шу боис бу намоз нафл намоз ўқиш макруҳ бўлмаган вақтларда ўқилади. Шунингдек, масжидга кирибоқ, тўғридан тўғри суннат ёки фарзни ўқиш ҳам мана шу намознинг ўрнига ўтади.

Бу намозни ҳар сафар кирганда эмас, бир кунда бир марта ўқилади ва шу билан суннат адо бўлади. Кейинги киришда истаса бошқа намоз ўқийди ёки зикр, тиловат билан машғул бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️
https://t.me/diyonatli

#КУН_ОЯТИ

Аллоҳ кеча ва кундузнинг ўринларини алмаштириб турар. Албатта, бунда кўз эгалари (оқиллар) учун ибрат бордир.

Нур сураси 44-оят

Ижтимоий тармоқлардаги саҳифаларимиз:
https://t.me/diyonatli

Агар бандага ғам ва хафалик етса

Абдуллоҳ розияллоҳу анҳудан ривоят қилинади: “Расулуллоҳ соллаллоҳу алайҳи ва ъалаа олиҳи васаллам бундай дедилар: “Агар бандага ғам ва хафалик етса бундай деган бўларди: “Аллоҳим, Сенинг қулингман, қулингнинг зурриётиман, чўрингнинг фарзандиман. Пешонам Сенинг “қўлинг”да (яъни мени Сен бошқарасан).

Ҳукминг менинг устимда жорийдир. Сенинг ҳук минг одилдир. Ўзингни номлаган ёки китобингда нозил қилган, ё халқингдан бирор кишига ўргатган, ёхуд ғайб илмингда сақлаб қўйган исмларинг билан сўрайманки, Қуръонни қалбимнинг баҳори, дилимнинг нури, маҳзунлигимни аритувчи ва ғамимни кетказувчи қил!”.

“Ё Аллоҳнинг Расули, биз бу калималарни ўрганишимиз керакми?” дедилар. У зот алайҳиссалом: “Ҳа, буни эшитган одам ўргатиши керак бўлади”, дедилар”.

“Муснади Шоший” асаридан
Даврон НУРМУҲАММАД таржимаси

Дўстларингизга ҳам улашинг ⤵️

https://t.me/diyonatli

#КУН_ОЯТИ

У тақводор зотлар яхши-ёмон кунларда инфоқ-эҳсон қиладиган, ғазабларини ичига ютадиган, одамларнинг (хато-камчиликларини) авф этадиган кишилардир. Аллоҳ таоло бундай яхшилик қилувчиларни севади.

Оли-Имрон сураси 134-оят

Ижтимоий тармоқлардаги саҳифаларимиз:

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#САВОЛ_ЖАВОБЛАР

ФАРЗ ВА ВОЖИБНИНГ ФАРҚИ

САВОЛ: Фарз ва вожибнинг фарқи нимада? Масалан, қурбонлик қилиш фарз эмас, вожиб экан. Фарз бўлмагани учун қурбонлик қилмаган киши гуноҳкор бўлмайдими?

ЖАВОБ: Бисмиллаҳир Роҳманир Роҳим. Уларнинг амал қилиш жиҳатидан фарқи йўқ, балки фарз ва вожибнинг ҳар иккаласига ҳам амал қилиш лозим ва зарурдир. Шу сабабли ҳам фарз учун гоҳида вожиб, вожиб учун эса гоҳида амалий фарз сўзи ишлатилади, чунки маъно жиҳатидан улар жуда яқин ва уларнинг иккаласига ҳам амал қилиш зарурдир. Иккаласини ҳам тарк этиш гуноҳдир. Лекин эътиқод жиҳатидан улар ўртасида истилоҳий фарқ мавжуд. Яъни, Фарзни инкор қилган киши кофир бўлади, вожибни инкор қилган киши эса, кофир бўлмайди, балки қаттиқ гуноҳкор бўлади. Шунга кўра, қурбонлик зиммасига вожиб бўлган одам беузр уни тарк қилса, гуноҳкор бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli