Ким бир қарич ерни зулм қилиб олса

Саид ибн Зайддан ривоят қилинади: “Расулуллоҳ соллаллоҳу алайҳи ва ъалаа олиҳи васаллам: “Ким бир қарич ерни зулм қилиб олса, Аллоҳ унга қиёмат куни бўйнига етти қават ерни осиб қўяди”, дедилар”.

Даврон НУРМУҲАММАД таржимаси

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

САФАРДА ҚАЗО НАМОЗИНИ ЎҚИШ ТАРТИБИ

САВОЛ: Сафардаги киши қазо намозларини ўқиши мумкинми? Агар ўқимоқчи бўлса, тартиби қандай?

ЖАВОБ: Бисмиллаҳир Роҳманир Роҳим. Ҳа, албатта мусофир ҳам зиммасидаги қазо намозларни ўқиши лозим бўлади. Бунда шу нарсага эътибор қаратиш керак бўлади яъни мусофир агар муқимлик пайтидаги қазо намозларини ўқимоқчи бўлса, уларни тўлиқ яъни қаср қилмай ўқийди. Аммо сафардаги қазолар муқимликда ҳам қаср қилиб ўқилади. Шуни ҳам таъкидлаш жоизки, бу ердаги сафардан мақсад-шаръий сафар яъни 90 км ва ундан узоқ масофага ўн беш кундан кам туришни ният қилиб борилган ҳолатларга хос бўлиб, агар бир одам олис жойга ишлаш ёки ўқиш мақсадида борган ва у жойда ўн беш кундан кўп муддат турган бўлса, у муқим ҳисобланади. Шунинг учун у одам ўша жойдаги қазоларини ҳам тўлиқ адо қилади. Фақатгина йўлдаги қазоларини қаср қилиб ўқийди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

Президентимиз АҚШ Президенти махсус вакили, "Air Products" компанияси бош ижрочи директори ва Жаҳон савдо ташкилоти бош директори билан учрашувлар ўтказди.
—

https://t.me/diyonatli

Нафсни поклашнинг уч усули

Бисмиллаҳир Роҳманир Роҳийм

Нафсни уч усул билан итоат эттириш мумкин:

Биринчи усул – нафсни барча хоҳиш ва истакларидан маҳрум этишдир. Қайсар ҳайвонга озуқа кам берилса, юввош тортгани каби нафс ҳам хоҳишларидан жудо этилсагина итоаткорга айланади.

Иккинчи усул – бўйнига ибодат юкини қўйиш. Шунда худди қайсар ҳайвон емиши озайиб, юки ортганида кучини йўқотиб, юввош бўлиб қолганидек нафс ҳам ўзини мулойим тута бошлайди.

Учинчи усул – нафсга қарши курашда уни яратган ва моҳиятини ҳаммадан яхши биладиган Буюк ва Қодир Аллоҳдан ёлвориб ёрдам ва мадад сўраш.

Шуни билишимиз лозимки, меҳрибон Парвардигоримиз бизга нафс билан кураш йўлини кўрсатди ва нафсни поклаш усулларини тушунтирди. Дейлик, агар бирон бир даҳрий табиб инсоннинг севимли таомлари зарарли эканини ва турли касалликларга олиб келишини тушунтирса, инсон ирода кучини намоён этган ҳолда ўз нафсига қарши боради ва бу таомларни тановул этишни тарк этади. Наҳотки, пайғамбарларнинг мўжизаларга тўла гапларини ва Буюк Аллоҳнинг амрларини банда ўша билим ва идроки чекланган бир даҳрий табибнинг маслаҳатичалик қадрлай олмаса?!.

Эҳ, кошки инсон ўзининг бўлмағур одатларини тарк этиш аламлими ё сўнгсиз жаҳаннам олови даҳшатлими, озгина бўлсада англаганида эди!

“Ахлоқус солиҳийн” (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.

Дўстларингизга ҳам улашинг ⤵️

https://t.me/diyonatli

#Аудео #Маъруза

СОХТА САЛАФИЙЛИК ИСЛОМ УММАТИ УЧУН ЭНГ ХАТАРЛИ ИЛЛАТДИР

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli

Таҳаллулчилар ва ташаддудчилар

«Таҳаллулчилар» динга жиддий қарамайдиган, кўпгина масалаларга фатволар бериб юборадиган одамлар тоифаси тушунилади. Бундай тоифанинг олдинга қўйган мақсади одамларни дин борасида енгил қарашга чақиришдир. Илмонийлар ва мусташриқлар айнан мана шу Таҳаллул мактабига оиддир. Шунингдек, шариат буюрган амрларни ўзларича таъвил қилиб, ҳавойи нафсларига кўра фатволарни ўйлаб топишади. Хулоса қилиб айтганда, улар шариатга ҳавойи нафсларига кўра амал қилишади.

«Ташаддудчилар» муайян масалаларга қаттиқ туриб олган, шундан бошқасини қабул қилмайдиган, исломни фақатгина бир неча масалаларгагина чеклаб, ўшани қаттиқ ушлаб оладиган инсонлар тоифаси тушунилади. Бу тоифанинг ҳам олдига қўйган мақсади одамларни динларидан совутишдир. Одамларга шундай фатволарни беришадики, натижада диндан узоқлашишларига сабаб бўлишади. Бугунги кунда ташаддуд йўналишининг ғоясини илгани сураётган тоифалардан бири - ваҳҳобийлар ҳисобланади. Динни нотўғри талқин қилишлари натижасида жамиятда турли парокандаликлар юзага келмоқда. Бундан қаттиқ огоҳ тортишимиз лозимдир!

Улашинг: @AhliSunnaValJamoaUz

https://t.me/diyonatli

Эркаклар намозда қўлларини киндик остига қўйишининг далиллари

Абдувоҳид домла Аҳмадалиев

Ўзбекистон мусулмонлари идораси
Фатво маркази мутахассиси

🔗 Улашинг: @AhliSunnaValJamoaUz

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

Қуръони каримни шарҳлаш – Набий алайҳиссаломнинг ҳуқуқ (ваколат)лари

Қуръони каримни шарҳлаш ва тушунтириш Набий алайҳиссаломга берилган иккинчи ҳуқуқдир. У зот соллаллоҳу алайҳи васалламнинг Қуръони карим оятига қилган тафсирлари ҳал қилувчи сўз саналади. Аллоҳ таоло бундай марҳамат қилади:

﴿بِالْبَيِّنَاتِ وَالزُّبُرِ وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ﴾

“Очиқ-ойдин баёнотлар ва китоблар ила (юбордик). Ва сенга одамларга нозил қилинган нарсани ўзларига баён қилиб беришинг учун зикрни нозил қилдик. Шоядки, тафаккур қилсалар” (Наҳл сураси, 44-оят).

Ушбу оятда Расулуллоҳ соллаллоҳу алайҳи васалламнинг асосий вазифаларидан бири – Қуръони каримни баён қилиш экани алоҳида таъкидланмоқда. Макка аҳли Қуръон оятларининг зоҳирий маъноларини шарҳланишига эҳтиёж сезишмаган. Чунки Қуръони карим уларнинг ўз она тилида ваҳий қилинарди. Арабларнинг аксарияти саводсиз бўлишига қарамай, тил ва адабиёт борасида жуда кучли билимга эга бўлганлар. Уларнинг сермазмун шеърлари, балоғатли нутқлари, таъсирли суҳбатлари араб адабиётининг бебаҳо хазинасини ташкил этарди.

Шу сабабли, араблар Қуръон оятларининг зоҳирий маъносини яхши тушинишган. Маъноларини англамай қолишлари амри маҳол бўлган.

Демак, бундан Расулуллоҳ соллаллоҳу алайҳи васалламга арабларга Қуръон оятларининг ботиний маъноларини ҳам баён қилиб бериш вазифаси юклангани маълум бўлади.

Аллоҳ таоло Қуръони каримда бундай марҳамат қилади:

﴿ثُمَّ إِنَّ عَلَيْنَا بَيَانَهُ﴾

“Сўнгра уни баён қилиб бериш ҳам Бизнинг зиммамиздадир” (Қиёмат сураси, 19-оят).

Бу оятни тафсир қилишга асло ҳожат йўқ. Аллоҳ таоло Ўзи Расулуллоҳ соллаллоҳу алайҳи васалламга Қуръон оятларининг тафсирини билдирган. Шунга кўра, Набий алайҳиссалом бирор оятни қандай тафсир қилган бўлсалар, албатта уни Аллоҳ таоло билдирган бўлади.

Расулуллоҳ соллаллоҳу алайҳи васалламнинг Қуръони карим тафсири ва шарҳида айтган сўзлари ҳал қилувчи сўнгги сўздир.

"Ислом шариатида суннатнинг ўрни" китобидан
Даврон НУРМУҲАММАД таржимаси.

Дўстларингизга ҳам улашинг ⤵️

https://t.me/diyonatli

#duo #salavot #juma #muborak

🕌 ЖУМА МУБОРАК БЎЛСИН!

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا}

📿 "Албатта, Аллоҳ ва Унинг фаришталари Пайғамбарга салавот айтурлар. Эй, мўминлар! (сизлар ҳам) унга салавот ва салом айтинг!" (Аҳзоб сураси, 56-оят).

🤲 Аллоҳумма солли ва саллим ъала Муҳаммадин ва ъала аали Муҳаммад.

https://t.me/diyonatli