#САВОЛ_ЖАВОБЛАР

ЧЕТДАН КЕЛАЁТГАН ҚИМИЗЛАРНИНГ ҲУКМИ

САВОЛ: Ҳозирги кунда қимиз ичиш урфга кирмоқда. Олдинлари ҳам ичилар эди-ю, лекин ҳозиргидек омма орасида урф эмас эди. Ҳар хил қимиз турлари қўшни давлатлар орқали кириб келмоқда. Асл қимиз шариатда ҳалол деб билардик. Лекин баъзи ҳолларда ташқаридан кириб келган қимизларни одамлар ичганида бош айланиши, тана бўшашиши ва бошқа ҳолатлар бўлаяпти экан. Саволим шуки қайта ишлов берилган қимизларни ичса бўладими?

ЖАВОБ: Бисмиллаҳир Роҳманир Роҳим. Маълумки, қимиз отнинг сути ва уни фақиҳларимиз бир овоздан ҳалол деб ҳукм қилишган. “Ҳидоя” китобида от сутини ичишда ҳеч қандай зарар йўқлиги айтилади.

Демак, табиий, ҳеч нарса қўшилмаган қимиз ичишнинг ҳеч қандай зарари йўқ. Четдан келадиган қимизлар табиий қимизнинг ўзи бўлса, ичиш мумкин. Лекин бу борада маълумотга эга айрим одамларнинг гувоҳлик беришича, бу турдаги қимизларга қорамол сути, асал ва турли ачитқилар қўшилар экан. Асал эса маҳсулотнинг ачитиш жараёнини тезлаштиради. Шу боис қимизга қўшимча моддалар (асал, ачитқилар, қатиқ бактериялари) қўшилиб ачитилган бўлса ва инсонни маст қиладиган даражага етказса, бу ҳолда унинг озини ҳам, кўпини ҳам истеъмол қилиш ножоиз саналади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#КУН_ОЯТИ

Инсонга зарар етганда, ётган ҳолда ё ўтириб ёки тик туриб ҳам Бизга илтижо қилади. Ундан зарарини кетказганимизда эса, гўё етган зараридан Бизга дуо қилмагандек кетаверади. Мана шу тарзда исрофчи (тажовузкор)ларга ўз қилмишлари зийнатли (чиройли) қилиб қўйилди.

Юнус сураси  12-оят

Ижтимоий тармоқлардаги саҳифаларимиз:

https://t.me/diyonatli

#Ҳадис

Ҳазрат Ойша розияллоҳу анҳодан ривоят қилинади: “Расулуллоҳ соллаллоҳу алайҳи васаллам ҳар бир ишни яхшиликка йўйишни ёқтирар, бадгумонликни ёмон кўрар эдилар”.

Ибн Можа ривояти.

Дўстларингизга ҳам улашинг ⤵️

https://t.me/diyonatli

Ким бир қарич ерни зулм қилиб олса

Саид ибн Зайддан ривоят қилинади: “Расулуллоҳ соллаллоҳу алайҳи ва ъалаа олиҳи васаллам: “Ким бир қарич ерни зулм қилиб олса, Аллоҳ унга қиёмат куни бўйнига етти қават ерни осиб қўяди”, дедилар”.

Даврон НУРМУҲАММАД таржимаси

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

САФАРДА ҚАЗО НАМОЗИНИ ЎҚИШ ТАРТИБИ

САВОЛ: Сафардаги киши қазо намозларини ўқиши мумкинми? Агар ўқимоқчи бўлса, тартиби қандай?

ЖАВОБ: Бисмиллаҳир Роҳманир Роҳим. Ҳа, албатта мусофир ҳам зиммасидаги қазо намозларни ўқиши лозим бўлади. Бунда шу нарсага эътибор қаратиш керак бўлади яъни мусофир агар муқимлик пайтидаги қазо намозларини ўқимоқчи бўлса, уларни тўлиқ яъни қаср қилмай ўқийди. Аммо сафардаги қазолар муқимликда ҳам қаср қилиб ўқилади. Шуни ҳам таъкидлаш жоизки, бу ердаги сафардан мақсад-шаръий сафар яъни 90 км ва ундан узоқ масофага ўн беш кундан кам туришни ният қилиб борилган ҳолатларга хос бўлиб, агар бир одам олис жойга ишлаш ёки ўқиш мақсадида борган ва у жойда ўн беш кундан кўп муддат турган бўлса, у муқим ҳисобланади. Шунинг учун у одам ўша жойдаги қазоларини ҳам тўлиқ адо қилади. Фақатгина йўлдаги қазоларини қаср қилиб ўқийди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

Президентимиз АҚШ Президенти махсус вакили, "Air Products" компанияси бош ижрочи директори ва Жаҳон савдо ташкилоти бош директори билан учрашувлар ўтказди.
—

https://t.me/diyonatli

Нафсни поклашнинг уч усули

Бисмиллаҳир Роҳманир Роҳийм

Нафсни уч усул билан итоат эттириш мумкин:

Биринчи усул – нафсни барча хоҳиш ва истакларидан маҳрум этишдир. Қайсар ҳайвонга озуқа кам берилса, юввош тортгани каби нафс ҳам хоҳишларидан жудо этилсагина итоаткорга айланади.

Иккинчи усул – бўйнига ибодат юкини қўйиш. Шунда худди қайсар ҳайвон емиши озайиб, юки ортганида кучини йўқотиб, юввош бўлиб қолганидек нафс ҳам ўзини мулойим тута бошлайди.

Учинчи усул – нафсга қарши курашда уни яратган ва моҳиятини ҳаммадан яхши биладиган Буюк ва Қодир Аллоҳдан ёлвориб ёрдам ва мадад сўраш.

Шуни билишимиз лозимки, меҳрибон Парвардигоримиз бизга нафс билан кураш йўлини кўрсатди ва нафсни поклаш усулларини тушунтирди. Дейлик, агар бирон бир даҳрий табиб инсоннинг севимли таомлари зарарли эканини ва турли касалликларга олиб келишини тушунтирса, инсон ирода кучини намоён этган ҳолда ўз нафсига қарши боради ва бу таомларни тановул этишни тарк этади. Наҳотки, пайғамбарларнинг мўжизаларга тўла гапларини ва Буюк Аллоҳнинг амрларини банда ўша билим ва идроки чекланган бир даҳрий табибнинг маслаҳатичалик қадрлай олмаса?!.

Эҳ, кошки инсон ўзининг бўлмағур одатларини тарк этиш аламлими ё сўнгсиз жаҳаннам олови даҳшатлими, озгина бўлсада англаганида эди!

“Ахлоқус солиҳийн” (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.

Дўстларингизга ҳам улашинг ⤵️

https://t.me/diyonatli