#Ҳадис

Расулуллоҳ соллаллоҳу алайҳи васаллам: “Кимки бир бетоб мусулмонни эрталаб бориб кўрса, албатта, унга кечқурунгача етмиш минг фаришта салавот айтади. Агар кечқурун бориб кўрса, унга етмиш минг фаришта эрталабгача салавот айтади. Яна унга жаннатда бир боғ яратилади”, дедилар.

Имом Термизий ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

КАЪБА ДЕВОРИГА РЎМОЛНИ ТЕГИЗИШ ҲУКМИ

САВОЛ: Тавоф асносида Каъба олдига келиб, рўмолимни унинг деворларига тегизиб ишқаладим. Каъбага хушбўйлик суртилгани ҳисобга олинса, зиммамга бирор нарса вожиб бўладими?

ЖАВОБ: Бисмиллаҳир Роҳманир Роҳим. Одатда хушбўйлик ишлатиш киши эҳромда эканлигида тақиқланади. Шунинг учун рўмолни тегизиш ҳукми ҳам эгасининг ҳолатига боғлиқ бўлади. Агар эҳромда бўлмаган ҳолатда шундай иш содир этган бўлса, унга ҳеч қандай жарима лозим бўлмайди.

Шунингдек, Каъбага суртилган мушки-анбарнинг ўзи йўқолиб, ҳиди қолиб кетган вақтда ишқаланган бўлса ҳам жарима лозим бўлмайди. Чунки ҳиднинг ўзи бирор жаримага сабаб бўлмайди.

Агар рўмолга сурилган атирнинг айнан ўзи теккан бўлса, шу ҳолатдагина жиноят ҳисобланади. Бу ҳолатда рўмолни хушбўйлик текканидан бошлаб 12 соат ичида ювиб олса, садақа, 12 соатдан кейин ювса, қўй сўйиш лозим бўлади. Теккан заҳоти артиб ё ювиб ташласа ёки бошқасини ўраб олса, ҳеч қандай жарима лозим бўлмайди.

Аёлларнинг рўмолдан бошқа кийимлари ҳамда эркаклар эҳром либосларини каъбага тегишининг ҳукми ҳам мана шу билан бир хил бўлади.

Яна шуни ҳам таъкидлаш керакки, Каъба деворларига ёпишиш, кийим ва эҳромларини унга суртиш табаррук жиҳатидан мустаҳаб амаллардан ҳисобланади. Динимизда инсон жонини хатарга қўйиш мумкин бўлмагани учун Каъба атрофи қаттиқ тиқилинч бўлиб турган пайтларда унга яқинлашиб жонини хатарга қўйиш тўғри бўлмайди. Валлоҳу аълам.

Ўзбекистон мусулмонлари идораси
Фатво маркази.


Дўстларингизга ҳам улашинг ⤵️
https://t.me/diyonatli

#Bosh_imom_minbari

ДУНЁ ЎТКИНЧИ

Дониёр домла Икромов
Тошкент вилояти бош имом-хатиби

https://t.me/diyonatli

#ақида #сохта_салафийларга_раддия

"Ким Аллоҳ таолога нисбат берилган яд (қўл) лафзини ҳақиқий луғавий маънода деса, шубҳасиз мужассималик ва мушаббиҳалик қилган бўлади. Кейин "Бу Аллоҳнинг зотига лойиқ тарзда" дейиши фойда бермайди. Чунки Аллоҳ таолога бу умумий маъно асло тўғри келмайди. Бу худди "Аллоҳ таолога Унга лойиқ бўлмаган сифатни Унга лойиқ бўлган тарзда нисбат бераман" деган гапга ўхшайди. Унинг бу сўзи залолатдир".

📚Шайх Сайф ибн Алий Асрийнинг "Ал-Қовлут-тамам" китоби, 103-бет.

_______
Муносабат: "Аллоҳ таоло ўзига лойиқ тарзда осмонда" дейиш ҳам мужассималик эътиқодидир. Чунки аҳли сунна эътиқодига кўра, Аллоҳ таоло маконда бўлишдан пок Зот. Оят ва ҳадислардан осмонда деган юзаки маъно тушунилмайди, балки шаъни олий деган маъно ирода қилинади.

Улашинг: https://t.me/diyonatli

#Ҳадис

Расулуллоҳ соллаллоҳу алайҳи васаллам: “Ким Аллоҳга ва охират кунига иймон келтирган бўлса (фақат) яхши сўзларни сўзласин ёки сукут сақласин”, деганлар.

Имом Бухорий, Имом Муслим ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

УЙ СОТИБ, ЎРНИГА УЙ ОЛМАСА, БЕБАРАКА БЎЛАДИМИ?

САВОЛ: Бир ҳадис ўқиб қолдим. Пайғамбаримиз соллаллоҳу алайҳи васаллам: “Сизлардан ким ҳовли ёки уй сотса, шу маблағи баракасиз бўлиб кетади. Илло, (маблағни) шунга ўхшашига сарфласа, бундан мустаснодир”, дедилар. Шундай ҳадис борми? Агар бор бўлса, тўлиқроқ шарҳлаб берсангиз.

ЖАВОБ: Бисмиллаҳир Роҳманир Роҳим. Ҳа, шу мазмунда саҳиҳ ҳадис бор. Бу ҳадисни Имом Аҳмад ва имом Ибн Можа роҳимаҳумуллоҳлар ўз китобларида ривоят қилишган. Бошқа бир ҳадисда “Заруратсиз сотса”, деган лафз билан ҳам келган. Бу маънода келган барча ҳадисларни атрофлича ўргангач, уламолар қуйидагиларни айтишган:

“Аллоҳ таоло ер, уй каби кўчмас мулкларга ўзига хос барака ато этган. Шунинг учун зарур бўлмаса, сотмаслик, сотса ҳам ўрнига бошқа кўчмас мулк олиш афзал ҳисобланади. Шунингдек, кўчмас мулкларнинг фойдаси кўп, зарари кам, ўғри ўғирлай олмайди, талончи тортиб олиб кетолмайди”.

Шуни билиш лозимки, бундай қилиш фарз, вожиб каби мажбурий иш эмас, балки афзал саналиб, бундай йўл тутган инсон барака топади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#Буюк_имом

Буюк муҳаддис олим Яҳё ибн Маин раҳимаҳуллоҳ Имом Абу Ҳанифа ҳақларида айтадилар:

"Имом Абу Ҳанифа илмнинг мағзидирлар".

📚"Ал-Интиқо" китоби, 213-бет.

❗️Изоҳ: Имом Яҳё ибн Маин буюк муҳаддисларнинг шайхи ҳисобланадилар. У зотнинг илми ҳадисларни ва барча ровийларини тўла қамраб олганидан Имом Аҳмад: "Яҳё ибн Маин билмаган ҳадис — ҳадис эмас", — деганлар. Ҳадислар борасида шунча илмга эга бўлишларига қарамасдан фиқҳда Имом Абу Ҳанифанинг мазҳабларида бўлганлар. Имом Бухорий, Имом Муслим ва Имом Аҳмад ибн Ҳанбалларнинг устози Яҳё ибн Маиндек зотлар Имом Абу Ҳанифани "илмнинг мағзидирлар", дея мадҳ этиб, бошларига кўтарган экан, баъзи салафий тушунчадаги илмсиз кишилар ушбу буюк имомга таъна қилишдан уялсалар яхши бўлар эди.

Дўстларингизга ҳам улашинг ⤵️

https://t.me/diyonatli

#Ҳадис

Оиша розияллоҳу анҳодан ривоят қилинади. Расулуллоҳ соллаллоҳу алайҳи васаллам: “Мисвок оғизни покловчи ва Аллоҳни рози қилувчидир”, дедилар (Имом Бухорий, Имом Насоий ривояти).

Мисвок милкни бақувват қилади. Тиш тошларини, оғиздаги нохуш ҳидлар ва бактерияларни йўқотади. Хотирани мустаҳкамлайди, нутқни равон қилади. Кўз нурини равшанлаштиради, ошқозон-ичак хасталикларининг олдини олади.

Дўстларингизга ҳам улашинг ⤵️

https://t.me/diyonatli

Президент Шавкат Мирзиёев:

"Таълим сифатини ошириш ҳамда устоз ва мураббийларнинг меҳнат ва яшаш шароитини яхшилаш ислоҳотларимизнинг энг устувор йўналиши бўлиб қолади. Зеро, Янги Ўзбекистонда энг муҳим соҳа – таълим, энг ҳурматли инсонлар – ўқитувчи ва мураббийлардир!"

https://t.me/diyonatli

#САВОЛ_ЖАВОБЛАР

ТИЛЛА ЁКИ КУМУШДАН ЯСАЛГАН ПРОТЕЗ ТИШЛАРНИНГ ЗАКОТИ

САВОЛ: Тилла ёки кумушдан ясалган протез тишлардан ҳам закот бериладими?

ЖАВОБ: Бисмиллаҳир Роҳманир Роҳим. Тилла ёки кумушдан ясалган протез тишлар инсон танасига қотириб қўйилган ва уларни осонликча ечиб олиш имконсиз бўлса, улардан закот берилмайди. Чунки бу ҳолатда ушбу протезлар инсоннинг табиий аъзоси каби ҳукмда бўлади. Агар протез тишлар осонликча ечиб олиб, кейин яна жойига ўрнатиб қўйиладиган бўлса, улардан закот берилади. Чунки бу ҳолатда улар тақинчоқ ҳукмида бўлади. (“Навозилул фиқҳийя”). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli