​​БИР АЗОННИ ИККИ КИШИ АЙТИШИНИНГ ҲУКМИ
#намоз #азон

❓1848-САВОЛ: Бир киши азон айтаётиб, ярмига етганида тугата олмай, тўхтаб қолди. Кейин бошқа одам давом эттириб кетди. Шу азоннинг ҳукми нима бўлади?

💬 ЖАВОБ: Бисмиллаҳир Роҳманир Роҳим. Муаззин азон айтаётиб, бирор сабаб туфайли охиригача айтолмай, тўхтаб қолса, бошқа одам азонни бошидан бошлаб айтади. Биринчи муаззин келган жойидан давом эттирса, азон айтилмаган ҳисобланади. Бу ҳолат намозга путур етказмаса-да, унинг бир суннати тарк бўлишига олиб келади.
Аллома Ибн Обидин раҳимаҳуллоҳ бу ҳақда қуйидагиларни айтганлар:
أنه إذا عرض للمؤذن ما يمنعه عن الإتمام وأراد آخر أن يؤذن يلزمه استقبال الأذان من أوله إن أراد إقامة سنة الأذان، فلو بنى على ما مضى من أذان الأول لم يصح فلذا قال في الخانية: لو عجز عن الإتمام استقبل غيره. اهـ. أي لئلا يكون آتيا ببعض الأذان.
“Муаззинга азонни охиригача етказиб қўйишига тўсқинлик қилувчи монеъ рўй бергани учун азон айтмоқчи бўлган бошқаси азон суннатини адо этишни хоҳласа, уни бошидан бошлаши лозим бўлади. Агар биринчи муаззин келган жойидан давом эттирса, жоиз бўлмайди. Шунинг учун "Хония"да бундай дейилган: "Агар биринчиси охирига етказа олмаса, кейингиси бошидан бошлайди". Яъни, азонни тўлиқ айтмаган бўлиб қолмаслик учун (бошидан бошлайди)”. (“Раддул муҳтор” китоби). Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

https://t.me/diyonatli

#КУН_ОЯТИ

Аллоҳ мўминлар ва мўминаларга остидан анҳорлар оқиб турадиган, мангу яшаладиган жаннат (боғ)ларидаги ёқимли масканларни ваъда қилди. Аллоҳнинг ризоси эса, (ҳаммасидан) буюкроқдир. Ана шу(лар) улкан ютуқдир.

Тавба сураси 72-оят

Ижтимоий тармоқлардаги саҳифаларимиз:

https://t.me/diyonatli

#САВОЛ_ЖАВОБЛАР

НАМОЗДАГИ ҲОЛАТ

САВОЛ: Намоз вақтида бировнинг таъсирида, яъни туртиб, оёқни ёки қўлни босиб ўтганида турли сўз ёки овоз чиқиб кетса, намоз бузиладими?

ЖАВОБ: Бисмиллаҳир Роҳманир Роҳим. Намоздаги инсоннинг инграши, уҳ тортиши, “уф” дейиши каби (камида иккита ҳарф пайдо бўладиган) амаллар билан намоз бузилади. Бу саволда айтилгани каби ташқи омил туфайли бўладими ёки ўзидаги дарднинг кучайиши туфайли бўладими, фарқи йўқ. Аммо оҳ-воҳлашдан, инграшдан ўзини тута олмайдиган беморларнинг намози бузилмайди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#Ҳадис

Анас ибн Молик розияллоҳу анҳу айтади: "Расулуллоҳ соллаллоҳу алайҳи васаллам менга: "Эй бола, агар уйингга кирсанг аҳлингга салом бер, сенга ва аҳли байтингга барака бўлади", дедилар".

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

СОҲИБИ УЗРНИНГ ТАҲОРАТИ МУДДАТИ

САВОЛ: Соҳиби узрнинг таҳорати қанча муддатга етади?

ЖАВОБ: Бисмиллаҳир Роҳманир Роҳим. Соҳиби узрнинг таҳорати (модомики узридан бошқа таҳоратни синдирувчи ҳолатлар топилмаса) намознинг вақти чиқиб кетгунича давом этади. Шу муддат ичида истаганича нафл, қазо намозлар ўқиши, Қуръон қироат қилиши мумкин. Намоз вақти чиқиши билан соҳиби узрнинг таҳорати синган ҳисобланади. Шунинг учун пешиндан бошқа барча намозларда вақти киргандан кейин таҳорат оладилар.

Ҳар намоз вақти чиқиши билан соҳиби узрнинг таҳорати бузилиши, қон оқиб турганда таҳорат олган ёки таҳорат олса-ю, кейин қон келган ҳолатга тегишли. Лекин соҳиби узр қон тўхтаганда таҳорат қилса ва намоз вақти чиқиб кетгунча узри келмаса ёки узридан бошқа таҳоратни бузувчи ҳолат бўлмаса ва кейинги намознинг вақти кирса, шу таҳорат билан кейинги намозни ўқийверади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#КУН_ОЯТИ

Албатта, бу Қуръон энг тўғри йўлга ҳидоят этур ва эзгу ишларни қиладиган мўминларга катта мукофот борлиги ҳақида башорат берур.

Исро сураси 9-оят

Ижтимоий тармоқлардаги саҳифаларимиз:

https://t.me/diyonatli

#imom_buxoriy

🗣 ЭЗГУ ВА МАЪРИФИЙ ИШЛАРНИНГ МУКОФОТИ

🎙Зайниддин домла Эшонқулов
Ўзбекистон мусулмонлари идораси раиси ўринбосари

https://t.me/diyonatli

#Ҳадис

Расулуллоҳ соллаллоҳу алайҳи васаллам: “Кимки бир бетоб мусулмонни эрталаб бориб кўрса, албатта, унга кечқурунгача етмиш минг фаришта салавот айтади. Агар кечқурун бориб кўрса, унга етмиш минг фаришта эрталабгача салавот айтади. Яна унга жаннатда бир боғ яратилади”, дедилар.

Имом Термизий ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

КАЪБА ДЕВОРИГА РЎМОЛНИ ТЕГИЗИШ ҲУКМИ

САВОЛ: Тавоф асносида Каъба олдига келиб, рўмолимни унинг деворларига тегизиб ишқаладим. Каъбага хушбўйлик суртилгани ҳисобга олинса, зиммамга бирор нарса вожиб бўладими?

ЖАВОБ: Бисмиллаҳир Роҳманир Роҳим. Одатда хушбўйлик ишлатиш киши эҳромда эканлигида тақиқланади. Шунинг учун рўмолни тегизиш ҳукми ҳам эгасининг ҳолатига боғлиқ бўлади. Агар эҳромда бўлмаган ҳолатда шундай иш содир этган бўлса, унга ҳеч қандай жарима лозим бўлмайди.

Шунингдек, Каъбага суртилган мушки-анбарнинг ўзи йўқолиб, ҳиди қолиб кетган вақтда ишқаланган бўлса ҳам жарима лозим бўлмайди. Чунки ҳиднинг ўзи бирор жаримага сабаб бўлмайди.

Агар рўмолга сурилган атирнинг айнан ўзи теккан бўлса, шу ҳолатдагина жиноят ҳисобланади. Бу ҳолатда рўмолни хушбўйлик текканидан бошлаб 12 соат ичида ювиб олса, садақа, 12 соатдан кейин ювса, қўй сўйиш лозим бўлади. Теккан заҳоти артиб ё ювиб ташласа ёки бошқасини ўраб олса, ҳеч қандай жарима лозим бўлмайди.

Аёлларнинг рўмолдан бошқа кийимлари ҳамда эркаклар эҳром либосларини каъбага тегишининг ҳукми ҳам мана шу билан бир хил бўлади.

Яна шуни ҳам таъкидлаш керакки, Каъба деворларига ёпишиш, кийим ва эҳромларини унга суртиш табаррук жиҳатидан мустаҳаб амаллардан ҳисобланади. Динимизда инсон жонини хатарга қўйиш мумкин бўлмагани учун Каъба атрофи қаттиқ тиқилинч бўлиб турган пайтларда унга яқинлашиб жонини хатарга қўйиш тўғри бўлмайди. Валлоҳу аълам.

Ўзбекистон мусулмонлари идораси
Фатво маркази.


Дўстларингизга ҳам улашинг ⤵️
https://t.me/diyonatli