#Ҳадис

Расулуллоҳ соллаллоҳу алайҳи васаллам жанозада ғамгин бўлардилар.

Имрон ибн Ҳусайн розияллоҳу анҳудан ривоят қилинади: “Расулуллоҳ соллаллоҳу алайҳи васаллам жанозада ҳозир бўлганларида қайғулари ортар, ниҳоятда кам гапирар, фикр-мулоҳазага ғарқ бўлар эдилар”.

Имом Ҳоким ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

УЗРЛИ АЁЛНИНГ МАЙЙИТНИ ҒУСЛ ҚИЛДИРИШИ

САВОЛ: Мен аёл кишиман ва ғассоллик билан шуғулланаман. Баъзан узрли ҳолимда ҳам маййит ювишимга тўғри келади. Шу ҳолатда маййитни ғусл қилдиришимнинг зарари йўқми?

ЖАВОБ: Бисмиллаҳир Роҳманир Роҳим. Эркак ёки аёл жунуб ё ҳайз ҳолатида маййитни ғусл қилдирса, маййитнинг ғусли тўлиқ бўлган, аммо макруҳлик билан бажарилган бўлади.

Аслида маййитни ўз аҳллари, яқинлари ғусл қилдириши керак. Агар улар талаб даражасида юва олишмаса, шу бўйича яхши биладиган шахснинг ёрдамидан фойдаланишлари мумкин.

Ғассол аёлларга улар ҳайзли ҳолатида эҳтиёж туғилса, бундай ноқулайликнинг олдини олиш учун маййитнинг яқинларига қандай ювишни ўргатиб туришларида ҳеч қандай макруҳлик йўқ. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#Ҳадис

Расулуллоҳ соллаллоҳу алайҳи васаллам сафарга чиқсалар дуо қилардилар.

Али ибн Абу Толиб розияллоҳу анҳудан ривоят қилинади: «Расулуллоҳ соллаллоҳу алайҳи васаллам сафар қилмоқчи бўлсалар: “Аллоҳим, Сен билангина ғалаба қиламан, Сен билангина омонда бўламан, Сенинг ёрдаминг билангина душманим устига юриш қиламан”, деб дуо қилар эдилар».

Имом Аҳмад ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

ТАВОФ НАМОЗИНИ МЕҲМОНХОНАДА ЎҚИШ

САВОЛ: Тавофдан кейин ўқиладиган икки ракат намозни меҳмонхонада ўқиш мумкинми?

ЖАВОБ: Бисмиллаҳир Роҳманир Роҳим. Тавоф намози вожиб намозлар сирасига киради. Шу боис тавоф қилган шахс, хоҳ нафл, хоҳ фарз тавоф бўлсин, кетидан нафл намоз ўқиш мумкин бўлган вақтларда икки ракат намоз ўқийди. Ўқимагунича зиммасида тураверади. Ҳатто уйига қайтганида ҳам ўқиб қўйиши лозим бўлади. Тавоф намози учун энг афзал жой мақоми Иброҳимнинг орқаси ҳисобланади. Ундан кейинги ўринда Масжидул Ҳарамнинг ичи, ундан кейин Ҳарам ҳудуди ҳисобланади.

Ҳарамдан ташқарида ўқиш макруҳ бўлади. Лекин зиммасидан соқит қилиш учун ўқиб қўйиши мумкин. Кўп ҳолларда меҳмонхоналар ҳарам ҳудудининг ичида жойлашгани учун масжид ичида ўқий олмаган зиёратчи меҳмонхонада ҳам ўқиб қўйса бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#КУН_ОЯТИ

Эй, имон келтирганлар! Рукуъ қилингиз, сажда қилингиз ва Раббингизга ибодат қилиб эзгу иш қилингиз – шоядки, нажот топсангиз!

Ҳаж сураси 77-оят

Ижтимоий тармоқлардаги саҳифаларимиз:

https://t.me/diyonatli

​​БИР АЗОННИ ИККИ КИШИ АЙТИШИНИНГ ҲУКМИ
#намоз #азон

❓1848-САВОЛ: Бир киши азон айтаётиб, ярмига етганида тугата олмай, тўхтаб қолди. Кейин бошқа одам давом эттириб кетди. Шу азоннинг ҳукми нима бўлади?

💬 ЖАВОБ: Бисмиллаҳир Роҳманир Роҳим. Муаззин азон айтаётиб, бирор сабаб туфайли охиригача айтолмай, тўхтаб қолса, бошқа одам азонни бошидан бошлаб айтади. Биринчи муаззин келган жойидан давом эттирса, азон айтилмаган ҳисобланади. Бу ҳолат намозга путур етказмаса-да, унинг бир суннати тарк бўлишига олиб келади.
Аллома Ибн Обидин раҳимаҳуллоҳ бу ҳақда қуйидагиларни айтганлар:
أنه إذا عرض للمؤذن ما يمنعه عن الإتمام وأراد آخر أن يؤذن يلزمه استقبال الأذان من أوله إن أراد إقامة سنة الأذان، فلو بنى على ما مضى من أذان الأول لم يصح فلذا قال في الخانية: لو عجز عن الإتمام استقبل غيره. اهـ. أي لئلا يكون آتيا ببعض الأذان.
“Муаззинга азонни охиригача етказиб қўйишига тўсқинлик қилувчи монеъ рўй бергани учун азон айтмоқчи бўлган бошқаси азон суннатини адо этишни хоҳласа, уни бошидан бошлаши лозим бўлади. Агар биринчи муаззин келган жойидан давом эттирса, жоиз бўлмайди. Шунинг учун "Хония"да бундай дейилган: "Агар биринчиси охирига етказа олмаса, кейингиси бошидан бошлайди". Яъни, азонни тўлиқ айтмаган бўлиб қолмаслик учун (бошидан бошлайди)”. (“Раддул муҳтор” китоби). Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

https://t.me/diyonatli