Ким "Лаа илаҳа иллаллоҳ" деган бўлса

Бисмиллаҳир Роҳманир Роҳийм

Расулуллоҳ соллаллоҳу алайҳи васаллам: “Роббимдан шафоат сўрашда давом этаман. У мени шафоат қилади ва мен: “Роббим, Лаа илаҳа иллаллоҳ деган ҳар кимни шафоат қилгин”, дейман.
У Зот: “Эй Муҳаммад, бу фақат сен учун, сендан бошқа учун эмас. Иззатим ва Жалолимга қасамки, Лаа илаҳа иллаллоҳ деган бирон кимсани дўзахда қолдирмайман”, дейди”, дедилар.

Имом Муслим, Ибн Аби Осим "Сунна"сида ва Ибн Ҳузайма "Тавҳид"ида ривоят қилганлар.

Дўстларингизга ҳам улашинг ⤵️

https://t.me/diyonatli

#Ҳадис

Расулуллоҳ соллаллоҳу алайҳи васаллам: “Ким тунда уйғонса ва аёлини ҳам уйғотса, кейин иккаласи бирга икки ракат намоз ўқишса, Аллоҳни кўп зикр қилувчилар қаторига битилажак”, деганлар.

Имом Абу Довуд ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

САРМОЯДОРНИНГ МУЗОРАБА МОЛИДАН СОТИБ ОЛИШИ

CАВОЛ: Мен бир танишимга музораба қилиш учун пул берганман. У бу пулларга кийим-кечаклар олди-сотдиси билан шуғулланади. Мана шу кийимлардан сотиб олсам бўладими?

ЖАВОБ: Бисмиллаҳир Роҳманир Роҳим. Ҳа, сотиб олиши мумкин. Шунингдек, улардан музораба қилаётган савдогар ҳам ўзи учун сотиб олиши мумкин. Фақат сотиб олаётган савдогар ёки сармоядор бозорда бошқа мижозларга сотилаётган нархда сотиб олишлари лозимлигини уламолар таъкидлаб айтадилар. Ундан арзон нархда сотиб олишлари хато ҳисобланади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

ВАТАН УЧУН, МИЛЛАТ УЧУН, ХАЛҚ УЧУН!

Ҳар йили ҳурлик ва эркинлик байрамимиз – Мустақилликни орзиқиб кутамиз. Бу байрамнинг файзи, шукуҳи, таровати ўзгача. Айём кунлари истиқлолимиз учун жонини фидо қилган азиз инсонларни эслаймиз, уларнинг ҳақларига Қуръон тиловат қилиб, руҳларига бағишлаймиз.

Бу йилги Мустақиллигимизнинг ўттиз тўрт йиллик байрами ўзгача кайфиятла нишонланяпти. «Ватан учун, миллат учун, халқ учун!» деган ғоя байрамона тадбирларнинг мазмун-моҳиятига сингиб кетган. Ҳа, йиллар давомида шу Ватан учун, шу миллат учун, шу халқ учун амалга оширилаётган ислоҳотлар бугун ўз натижаларини бермоқда.
Шу ислоҳотлар натижаларини кўриб, кўз қуйнайди, дил яйрайди. Шу муқаддас Ватан диёримиз эканидан фахрланиб, ғурурланиб кетамиз. Юртимизга, элимизга, миллатимизга нафимиз тегаётганидан шодланамиз.

Инсон ўзи яшайдиган жойини яхши кўради, севади. Ўз ерини, уй-жойини қадрлайди ва уни ҳимоя қилади. Чунки у жойларда унинг яхши кунлари, қувноқ ёшлиги, ота-боболарининг хотиралари ва ўз фарзандларининг жарангдор кулгилари яққол намоён бўлиб туради.

Расулуллоҳ соллаллоҳу алайҳи ва саллам Макка шаҳридан чиқиб кетаётганларида: “Макка сендан кўра менга севимлироқ ва суюклироқ шаҳар йўқ. Агар қавмим сени ташлаб чиқишимга мажбур қилмаганида асло сендан бошқа жойни макон тутмасдим”, деганлар (Имом Термизий ривояти).

БАТАФСИЛ

Дониёр домла ИКРОМОВ,
Тошкент вилояти бош имом-хатиби

Дўстларингизга ҳам улашинг ⤵️

https://t.me/diyonatli

#Ҳадис

“Аллоҳга энг маҳбуб намоз Довуднинг намозидир. У туннинг ярмини уйқу билан ўтказар, учдан бир қисмида намоз ўқир ва олтидан бирида озгина мизғиб оларди”.

Имом Бухорий, Имом Муслим ривояти.

Дўстларингизга ҳам улашинг ⤵️

https://t.me/diyonatli