#САВОЛ_ЖАВОБЛАР

МУСУЛМОН БЎЛМАГАН ШАХСЛАР БИЛАН САВДО ҚИЛИШ

CАВОЛ: Мен юртимизга чет элдан баъзи маҳсулотларни импорт қилиш билан шуғулланиб келаман. Яқинда бир танишим: "Бу ишинг жоиз эмас, Чунки сен кофирлар билан савдо-сотиқ қиляпсан", деб қолди. Шу гап тўғрими?

ЖАВОБ: Бисмиллаҳир Роҳманир Роҳим. Йўқ, бу гап тўғри эмас. Чунки динимизда савдо битимини тузувчилар мусулмон бўлишлари шарт қилинмаган. Бу борада “Фиқҳул-буюъ” китобида шундай дейилган:

لَا يُشْتَرَطُ لِصِحَّةِ الْبَيْعِ إسْلاَمُ الْمُتَعَاقِدَيْنِ. فَيَصِحُّ الْبَيْعُ وَ الشِّرَاءُ مِنْ غَيْرِ مُسْلِمٍ, سَوَاءٌ أَ كَانَ ذِمِّيًّا, أَمْ حَرْبِيًّا, أَوْ مُسْتَأْمِنًا.

яъни: “Савдо битимининг дуруст бўлиши учун битим тузувчиларнинг мусулмон бўлишлари шарт қилинмайди. Шунга кўра, мусулмон бўлмаган шахс билан олди-сотди қилиш жоиз бўлади. Бунда унинг зиммий (мусулмонлар юртида доимий яшовчи бошқа дин вакили) бўлиши ёки мусулмонларга қарши уруш қилаётган ёхуд ислом юртида вақтинча яшаб турган номусулмон бўлишининг фарқи йўқдир” (“Фиқҳул-буюъ”).

Бу масала ҳақида “Кувайт фиқҳ энциклопедияси”да шундай дейилган:
اَلْأَصْلُ أَنَّ تَصَرُّفَاتِ غَيْرِ الْمُسْلِمِيْنَ مَعَ الْمُسْلِمِيْنَ وَغَيْرِهِمْ صَحِيْحَةٌ

яъни: “Шаръий қоида шуки, номусулмонларнинг мусулмонлар билан ёки бошқалар билан ўзаро алоқалари дурустдир” (“Ал-Мавсуа ал-фиқҳийя ал-кувайтийя”). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

#Muslim_podcast 

📱🗣AHLI SUNNA VAL-JAMOA QADAR (TAQDIR) MASALASINI QANDAY TUSHUNTIRADI❓

🎞 Toʼliq👉FULL HD: https://www.youtube.com/watch?v=XnauMXsGjgk

https://t.me/diyonatli

​​ШУНДАЙ САВДО ДУРУСТМИ?

❓1830-САВОЛ: Репититорлар тест китобларини сотади ва савдода: "Бошқага бермайсан, сотмайсан", деб шарт қўяди, шу дурустми?

💬 ЖАВОБ: Бисмиллаҳир Роҳманир Роҳим. Бу масаланинг бироз тафсилоти бор. Репититор тестларни ўзи тузиб, меҳнат қилган ва китоб шаклига келтирган бўлса, улардан тижорий ниятда нусха кўчиришдан ман қилишга ҳақли бўлади. Зеро, муаллифлик ҳуқуқи ҳам динимизда эътироф этилувчи ҳақлардан саналади. Аммо сотувчи харидорга: “Мендан олган китобни фақат ўзинг ўқийсан, бошқасига бермайсан ёки сотмайсан”, деган шартлар қўйиши жоиз бўлмайди. Чунки бу савдо тақозо қилмайдиган шартларга киради. Мободо шундай шартлар қўйган бўлса ҳам, улар бекор бўлади ва уларга амал қилинмайди. Зеро, харидор сотувчига келишилган пулни бериб, молни харид қилганидан кейин, уни қандай тасарруф қилишда ихтиёрли бўлади. Истаса, ўзи фойдаланади, истаса, бошқага сотади ёки совға қилади (“Дурарул-Ҳуккам”, “Фатҳу бабил-иноя”, "Фиқҳул-буйуъ" китоблари асосида). Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

https://t.me/diyonatli

#Ҳадис

Қачон банда намоз ўқиса

Ибн Умар розияллоҳу анҳудан ривоят қилинади, у киши айтадилар: "Мен Расулуллоҳ соллаллоҳу алайҳи васалламнинг бундай деганларини эшитдим: "Қачон банда намоз ўқигани турса, гуноҳлари унинг боши ва елкаси устига олиб келинади. Ҳар гал руку ва сажда қилганида гуноҳлари бирин кетин тўкилади".

Имом Байҳақий ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

МЕВАЛИ ДАРАХТЛАРНИ БИР-БИРИГА ПАЙВАНДЛАШ

CАВОЛ: Мевали дарахтларни бир-бирига пайвандлаш Аллоҳ таоло яратган хилқатга ўзгартириш киритиш бўлиб қолмайдими?

ЖАВОБ: Бисмиллаҳир Роҳманир Роҳим. Аллоҳ таоло еру осмондаги барча нарсаларни инсоният фойдаланиши учун яратганини Ўз каломининг бир неча ўринларида айтиб ўтган. Жумладан, Жосия сурасининг 13-оятида бундай дейилган:

“Ва сизга осмонлардаги нарсаларни ва ердаги нарсаларни – ҳаммасини Ўз томонидан беминнат хизматкор қилиб қўйди” (Жосия, 13).

Мевали дарахтларни бир-бирига улаш, пайвандлаш ёки бир-бирига чатиштириш орқали меванинг янги турларини етиштириш ёки сифатини яхшилаш ҳеч қандай гуноҳ ёки шариатга хилоф иш эмас. Чунки Аллоҳ таоло дунёдаги барча ишларнинг юзага чиқишини сабабларга боғлаб қўйган. Инсонлар ана шу сабабларни ишга солиш орқали инсоният учун манфаатли бўладиган турли серҳосил ва чидамли навларни кашф қилиб келмоқдалар. Шунинг учун бу иш шаръан ҳалол ҳисобланади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

Аллоҳ берган неъматлари миқдорича берамиз

Бир аёл Лайс ибн Саъддан озроқ асал беришини илтимос қилди. Лайс унга бир меш асал олиб келишларини буюрди. Атрофидагилардан бири: “Нима учун бу аёлга бунча асал беряпсиз? Ахир у сиздан озгина асал сўради, холос”, деди. Лайснинг жавоби мана шундай бўлди: “У биздан ўзига керагини сўради, биз эса унга Аллоҳ таоло бизга берган неъматлари миқдорича берамиз”.

Лайс ибн Саъд ҳар куни уч юз олтмиш бечораҳолга садақа улашмасидан бурун биров билан гаплашмас экан. Биз-чи, биз?! Ҳар куни яримта хурмо бўлса-да, садақа қиляп­мизми?! Агар мол-дунёингиз етарли бўлса, Расулуллоҳ соллаллоҳу алайҳи васалламнинг “Мол-дунё садақа сабабли камаймайди” (Имом Термизий ривоят қилган) деган гапларини эсингиздан чиқарманг!

“Жаннат бўстонидаги оилавий оқшомлар” китобдан

Дўстларингизга ҳам улашинг ⤵️

https://t.me/diyonatli