Нима учун Аллоҳга ҳамд айтишим керак?

Осмонлару ерни яратган Зотнинг қаршисига маъсиятлар ила чиқа кўрманг, ғазабига тоқатингиз, иқобига сабрингиз ва азобига қудратингиз етмайди.

Доктор Абдул Муҳсин Аҳмад ўзининг бир қариндоши билан бўлган воқеани айтиб берди. Воқеага кўра бир йигит укасига доим “Аллоҳга ҳамд айтгин” деса, укаси: “Нима учун Аллоҳга ҳамд айтишим керак?” – дер, Яратганга бўйин эггиси келмасди.

Ахир унинг бу гапини оламлар Рабби бўлган Зот эшитиб турибди! Аллоҳ уни икки оёғи билан юрғизиб қўйибди, қанча одамлар юра олишмайди. Неча-неча инсонлар кўриш неъматидан мосуво бўлганида, унинг кўзлари кўриб турибди.

Вақт ўтиб йигит автоҳалокатга учрайди. Унинг аъзолари қаттиқ шикастланади. Операциядан сўнг доктор Абдул Муҳсин Аҳмад уни бир умр ногирон бўлиб қолганлигини, танасининг ярми ишламаслигини, аниқроғи, бир ўлимдан қолганлигини айтади.

Аллоҳ буюк! Унинг неъматлари чексиз. Биз бандалар доим шукрда бўлмоғимиз лозим. Зеро, Аллоҳ таоло айтади: «...Албатта, Унинг ушлаши аламли ва шиддатлидир»[1].

Тасаввур қилинг, борди-ю, сиз дўзахийлардан бўлсангиз, у ердаги азобга чидай оласизми?! Албатта, йўқ.

Шундай экан Аллоҳга тавба қилинг! У Зотга хуш келмайдиган ишлардан қайтинг. Солиҳ амаллар ила Раббингизга яқинлашинг.

Аллоҳ берган неъматларга шукр қилинг. Гуноҳ ва маъсиятнинг кичиклигига қараманг. Аллоҳнинг буюклигини назарингиздан қочирманг.

Аллоҳ буюк! У Зот сизни кутилмаганда ушламасидан аввал қалбингизни қўрқув ила тўлдиринг. Қазоингиз яқинлашмасидан аввал покланинг. Ўлим келгандаги пушаймондан наф йўқ ва бунинг учун имкон берилмас...

“Жаннат бўстонидаги оилавий оқшомлар” китобдан

Дўстларингизга ҳам улашинг ⤵️

https://t.me/diyonatli

#Ҳадис

Муғийранинг котиблари Варрод розияллоҳу анҳудан ривоят қилинади. Муғийра розияллоҳу анҳу Муовия розияллоҳу анҳуга жўнатиш мақсадида бир мактуб ёздирдилар. У қуйидагича эди:
«Расулуллоҳ соллаллоҳу алайҳи васаллам ҳар фарз намози сўнггидан «Ла илаҳа иллаллоҳу ваҳдаҳу ла шарика лаҳу, лаҳул мулку ва лаҳул ҳамду ва ҳува ъала кулли шайъин қодир. Аллоҳумма ла маниъа лима аътойта ва ла муътия лима манаъта ва ла янфаъу зал жадди минкал жадд»ни ўқирдилар».

(Маъноси: «Аллоҳдан ўзга илоҳ йўқ, Унинг шериги ҳам йўқ. Мутлақ мулк Уники ва ҳамд ҳам Унгадир. У ҳар нарсага қодирдир. Эй Раббим, Сен берган нарсани ман қилувчи йўқ. Ва Сен ман қилган нарсани бергувчи йўқ. Буюклик Сендандир, бошқанинг буюклиги фойда бермайди»).

Ва яна Варрод розияллоҳу анҳу мактубда қуйидагиларни ёздилар: «Расулуллоҳ соллаллоҳу алайҳи васаллам фойдасиз сўзларни гапиришдан, мол-дунёни беҳудага сарф қилишдан, кўп савол беришдан, оналарга оқ бўлишдан, қизларни тириклай кўмишдан, вожиб амалларни тарк этишдан ва хиралик билан сўраб олишдан ман этдилар».

Имом Бухорий ва Муслим ривоятлари.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

ПАЙҒАМБАРИМИЗ АЛАЙҲИССАЛОМ ЖАБРОИЛ АЛАЙҲИССАЛОМНИ АСЛ ҲОЛИДА КЎРГАНМИЛАР?

CАВОЛ: Пайғамбаримиз алайҳиссалом Жаброил алайҳиссаломни асл суратида кўрганмилар?

ЖАВОБ: Бисмиллаҳир Роҳманир Роҳим. Ҳа кўрганлар. Расули акрам соллаллоҳу алайҳи васаллам Жаброил алайҳиссаломни асл суратларида икки марта кўрганлар. Имом Бухорий раҳимаҳуллоҳ Оиша розияллоҳу анҳо онамиздан ривоят қилган узун ҳадисда бундай деганлар:

“Лекин у зот Жаброил алайҳиссаломни икки марта ўз суратида кўрганлар”. Кўплаб уламолар икки мартанинг бир мартаси Расулуллоҳ ерда, Жаброил алайҳиссалом уфқда бўлган ҳолатда, иккинчиси Исро ва меърож кечаси Расулуллоҳ осмонга кўтарилганларида Сидратул мунтаҳо олдида Жаброил алайҳиссаломни кўрганлар, дейишган (“Умдатул қорий” китоби). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг ⤵️

https://t.me/diyonatli

АССАЛОМУ АЛАЙКУМ!

Аллоҳ таоло кўнглимиздагини ҳаққимизда хайрли қилсин. Ҳаққимизда хайрли бўлганларга кўнглимизни рози қилсин...

Файзу баракотли кун тилаймиз!

https://t.me/diyonatli

#Muslim_podcast 

📱 ISLOMDА HIJRАT QАNDАY MА'NONI АNGLАTАDI❓


🎙 Ekspert: Аbduvohid domla Аxmadaliev – Oʼzbekiston musulmonlari idorasi Fatvo markazi katta ilmiy xodimi

🎞 Toʼliq👉FULL HD: https://www.youtube.com/watch?v=sXWvBUavx2M

@Muslim_Podcast_uz

https://t.me/diyonatli

🧐Sahifalarimizga obuna boʼling va ulashing! ✅

🟥 КОФИРГА ЧИҚАРИШГА ШОШИЛМАНГ!
🎙 Ҳусниддин домла Турсунзода

✅ Дин ишлари бўйича қўмитанинг хулосаси асосида тайёрланди

#Видеолавҳа #Раддиялар
🚀 https://t.me/solihlar_yoli

🔗 Улашинг: @AhliSunnaValJamoaUz

https://t.me/diyonatli

ИЛМНИНГ ШИРАСИ

Талаба устозига:
– Устоз, сизнинг дарсингизни яхши англаймиз, бутун вужудимиз билан тинглаймиз, кейинги сабоқни интиқ бўлиб кутамиз. Лекин ўзимиз китоб ўқисак, дарсингиздаги каби лаззатни ҳис қилмаймиз, – деди.

Устози:
– Асалари асални нимадан олади? – деб сўради.
– Гулларнинг ширасидан.
– Гулларни еб кўрганмисан, таъми қандай?
– Албатта, уларнинг таъми аччиқ, – деди. Устоз шунда:
– Илм бериш ҳам шундай. Устоз кўп манбалардан илм олиб, уларнинг ширасини талабаларининг олдига тайёр асал каби тақдим қилади, – деди.

Ибрат ва хулоса:
Таассуфки, бугун ўзларини саҳобийларга эргашган, энг тўғри йўлдаги кимсалар дея таърифлаб, салафий деб атайдиган айрим кимсалар саҳобийлардан то шу кунга қадар силсилалари боғланиб келаётган мўътабар уламоларимизнинг асалари мисол илм йўлида чеккан машаққатли хизматларини кўр-кўрано "таҳлил" қилиб, уларнинг шарафли номлари ва меҳнатларига нисбатан ҳурматсиз муносабатда бўлмоқдалар. Уларнинг ягона мақсадлари "чўқиб-чўқиб" олган "илмлари" орқали уламоларимизни обрўсизлантириш ва оммани ўзларининг залолат сари етаклайдиган қора йўлларига жалб этишдан ўзга нарса эмас.

Дониёр домла ИКРОМОВ,
Тошкент вилояти бош имом-хатиби

Дўстларингизга ҳам улашинг ⤵️

https://t.me/diyonatli