#Ramazon_2024


8 - АПРЕЛЬ / РАМАЗОННИНГ ЙИГИРМА ТЎҚҚИЗИНЧИ КУНИ ДУШАНБА

ИФТОРЛИК: 18:58
⏰ (Тошкент вақти билан)

ИФТОРЛИК (ОҒИЗ ОЧИШ) ДУОСИ:

اَللَّهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْتطرْتُ، فَاغْفِرْ لِى مَا قَدَّمْتُ وَ مَا أَخَّرْتُ بِرَحْمَتِكَ يَا أَرْحَمَ الرَّاحِمِينَ

Аллоҳумма лака сумту ва бика аманту ва ъалайка таваккалту ва ъала ризқика афтарту, фағфирли я ғоффарума қоддамту ва ма аххорту.

Маъноси: Эй Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Эй гуноҳларни афв қилувчи Зот, менинг аввалги ва кейинги гуноҳларимни мағфират қилгил.

Яқинларингизга ҳам эслатинг:
@diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2024/1445 Ҳ. ЙИЛ, 9-АПРЕЛ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 04:31
⏱БОМДОД - 05:15 (ўқилиш вақти)
⏱ҚУЁШ - 05:53
⏱ПЕШИН - 13:00
⏱АСР - 17:10
⏱ШОМ - 19:04
⏱ХУФТОН - 20:35

🔗 Улашинг: @diyonatli

#Ramazon_2024

9 - АПРЕЛЬ / РАМАЗОННИНГ ЎТТИЗИНЧИ КУНИ СЕШАНБА

САҲАРЛИК: 04:31
⏰ (Тошкент вақти билан)


САҲАРЛИК (ОҒИЗ ЁПИШ) ДУОСИ:

نَوَيْتُ أَنْ أَصُومَ صَوْمَ شَهْرَ رَمَضَانَ مِنَ الْفَجْرِ إِلَى الْمَغْرِبِ، خَالِصًا لِلهِ تَعَالَى أَللهُ أَكْبَرُ

Навайту ан асума совма шаҳри рамазона минал фажри илал мағриби, холисан лиллаҳи таъала. Аллоҳу акбар.

Маъноси: Рамазон ойининг рўзасини субхдан то кун ботгунча тутмоқни ният қилдим. Холис Аллоҳ учун. Аллоҳ буюкдир.

Яқинларингизга ҳам эслатинг:
@diyonatli

🌙 ФИТР САДАҚАСИ: КИМЛАР НИМА УЧУН ВА КИМЛАРГА, ҚАЧОН ВА ҚАНЧА МИҚДОРДА БЕРАДИ?

2024 йил учун ҳар бир жон бошига фитр садақасининг миқдори:
• буғдойдан – 14 000 (ўн тўрт минг) сўм;
• арпадан – 20 000 (йигирма минг) сўм;
• майиздан – 110 000 (бир юз ўн минг) сўм;
• хурмодан – 180 000 (бир юз саксон минг) сўм деб белгиланди.

Ҳар ким ўз имкониятига қараб ушбу тўрт маҳсулотнинг хоҳлаган бир туридан фитр садақасини берса кифоя.

Эслатма! Фитр садақаси қийматлари Тошкент шаҳар бозорларидаги нархга асосан белгиланган бўлиб, ҳар бир вилоят ўз бозорларидаги нархга қараб фитр садақасини белгилайди.

📋 Видеолавҳанинг матни

#fidya #fitr #sadaqa #nima #kimlar

@diyonatli

#САВОЛ_ЖАВОБЛАР

Ҳайит намозидан кейин

САВОЛ: Ассалому алайкум! Устозлар, биз томонларда Рамазон ва Қурбон ҳайити намозидан сўнг қабристонга ва вафот этган инсонларникига зиёратга боришади. Шу амаллар шариатимизда борми? Жавобингиз учун олдиндан раҳмат. Аллоҳ таоло қилаётган хайрли ишларингизни ажр савобини кўпайтириб берсин. Омиин!

ЖАВОБ: Ва алайкум ассалом! Ҳайит кунларини азага айлантириб олиш. Икки ийд кунлари мўмин-мусулмонларнинг энг улуғ байрамлари ҳисобланади. Диний манбаъларимизда бу кунларни хурсандчилик, шодлик руҳида, байрам кайфиятида ўтказилиши кераклиги таъкидланган. Аммо ҳайит кунлари фотиҳахонлик қилиш, Ҳайит кунларини азага айлантириб олиш мутлоқ жоиз эмас. Бугунги кунда бу одат мусийбат аҳилларига ҳам кўплаб қийнчиликлар туғдираётгани ҳеч кимга сир эмас. Баъзан бу нарса азадорларнинг ярасини янгилаш, машаққатлари устига яна машаққат туғдириш бўлаётганининг ҳам гувоҳи бўлмоқдамиз. Шунинг учун ҳам уламоларимиз уч кундан кейин таъзия билдириш узоқдаги кишилар учундир. Бошқаларнинг мазкур муддатдан кейин таъзия билдириши мусийбатни янгилаш бўлади, бу эса мусийбат аҳлига оғир келади, кўзланган мақсадга зид иш бўлади, деб айтганлар. Тўғри, мусийбатга учраган айрим кўнгил яқин кишиларни ҳайит муносабати билан йўқлаш мумкин. Аммо бу ҳам аза тутиш кайфиятида қилинмайди. Эҳтимол, ана шундай кўнгиловлаш шаклида йўлга қўйилган иш кейинчалик фотиҳахонликка айланиб кетгандир. Шу боис, ҳайит кунларини азага айлантириб олиш тўғри бўлмайди. Ушбу кўрсатмалардан ҳам маълум бўладики, мусулмонларнинг байрам нишонлаши ўзига хос тарзда бўлади. Аввало улар ушбу кунларга етказганининг шукронаси маъносида Аллоҳ таолога бандалик изҳор қилишади – жамоат бўлиб, ҳаммалари бир бўлиб намоз ўқишади, Аллоҳ таолога илтижолар қилишади, берган неъматлари учун У Зотга ҳаду шукрлар айтишади. Кейин бир-бирларини ҳайит билан қутлаб, зиёратлар қилишади. Бева-бечоралар, беморлар ҳолидан хабар олишади, қариндош-уруғ, қўни-қўшнилар билан ўзаро борди-келдилар қилишади. Ўйин-кулгиларини ҳам ахлоқ-одоб доирасида, Аллоҳ таолога осий бўлмаган ҳолда олиб боришади. Ана шундоқ қилиб, ҳайит кунларини фақат яхшилик билан, эзгу амаллар билан ўтказишади. Шунинг учун, уларнинг байрамларида турли тартибсизликлар, ҳар хил нохушликлар юз бермайди, балки ҳолатлари янада гўзаллашади. Зотан, мўмин банданинг ҳайити – Аллоҳга боғлиқлиги гўзал бўлган кунидир. Валлоҳу аълам!

"Зикр аҳлидан сўранг" ҳайъати

Дўстларингизга улашинг:
@diyonatli

🌙 Рамазон ҳайити намозини ўқиш тартиби

Ўзбекистон мусулмонлари идораси Матбуот хизмати
#namoz #Ramazon #hayit
@diyonatli

Рамазон

Мана пoёнига етди кунларинг,
Ўтказдик ихлос-ла тун-у кунларинг.
Балким ранжигансан бордир унларинг,
Рамазон, бизлардан рози бўлиб кет!

Аллоҳ сен-ла берди бизга кўп имкон,
Кундузи рўзалар, тун хатмул қуръон.
Биз сени дўст тутдик, дўст тутдик инон,
Рамазон, бизлардан рози бўлиб кет!

Ғофилмиз билмаймиз бор нарса қадрин,
Ҳаётда кўп инсон ўйламас қабрин.
Шу сабаб билмадик бу йил ҳам қадринг,
Рамазон, бизлардан рози бўлиб кет!

Насиб этармикан яна кўришмоқ,
Куйдирди сендаги ўтли бир фироқ.
Ранжитдик биз сени гуноҳ-ла бироқ,
Рамазон, бизлардан рози бўлиб кет!

Бир йил соғинч ичра яшаймиз кутиб,
Учрашайлик яна қўлга қўл тутиб.
Насиб этсин қадр яна йил ўтиб,
Рамазон, бизлардан рози бўлиб кет!

Миршавкат Тўйчиев

@diyonatli

Ўзбекистон халқига Рамазон ҳайити табриги
—
Поздравление народу Узбекистана с праздником Рамазан хайит

@diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2024/1445 Ҳ. ЙИЛ, 10-АПРЕЛ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 04:29
⏱БОМДОД - 05:15 (ўқилиш вақти)
⏱ҚУЁШ - 05:51
⏱ПЕШИН - 13:00
⏱АСР - 17:10
⏱ШОМ - 19:05
⏱ХУФТОН - 20:35

🔗 Улашинг: @diyonatli

АССАЛОМУ АЛАЙКУМ!

РАМАЗОН ҲАЙИТИ МУБОРАК!

АЛЛОҲИМ ТАНИНГИЗНИ САЛОМАТ, РИЗҚИНГИЗНИ БАРАКОТЛИ, ИБОДАТЛАРИНГИЗНИ ЎЗ ДАРГОҲИДА БЕНУҚСОН ҚАБУЛ ҚИЛСИН! СОЛИҲ АМАЛЛАРИНГИЗ, ЭЗГУ НИЯТ ВА ИСТАКЛАРИНГИЗНИ ЮКСАК АЖРУ САВОБЛАР БИЛАН МУКОФОТЛАСИН! ХОНАДОНЛАРИНГИЗГА ФАЙЗ, ҚАЛБЛАРИНГИЗГА ХОТИРЖАМЛИК АТО ЭТСИН!

ИККИ ДУНЁДА САОДАТМАНДЛАРДАН БЎЛИНГ!

САБР МЕВАСИ, МЕҲР-ОҚИБАТ, САХОВАТ АЙЁМИ ИЙД АЛ-ФИТР МУБОРАК, АЗИЗЛАР!!!

@diyonatli

Тошкент вилояти бош имом-хатиби ўринбосари Абдуҳамид домла Маликовнинг Рамазон ҳайити табриги

Бисмиллаҳир Роҳманир Роҳим!

Аллоҳ таолога беадад ҳамду санолар, пайғамбаримиз Муҳаммад Мустафо соллаллоҳу алайҳи васалламга салавоту саломларимиз бўлсин!

Азизлар, мана бу йилги муборак Рамазон ойимиз ҳам ўз поёнига етди. Аллоҳ субҳанаҳу ва таоло бизларни сабр меваси, шодлик – ҳуррамлик, ҳузур – ҳаловат, хайр – эҳсон, саховат, меҳр - мурувват айёми - Ийд ал-Фитрга тинчликда – омонликда, соғу – саломат, ҳотиржамликда етишлигимизни муяссар айлади. Ушбу гўзал айём билан Сиз - Азизларни муборакбод этаман.

Ҳаммамизга маълумки, юртимизда дин равнақи, миллат келажаги, эл фаровонлиги йўлида салмоқли ишлар, хайрли ислоҳотлар амалга ошириб келинмоқда. Бу муборак Рамазон ойи давомида Республикамиздаги мингдан зиёд, жумладан, Тошкент вилояти вакиллигига қарашли масжидларда Қуръон Хатмлари ташкил этилганлигида ҳам намоён бўлади. Шуни таъкидлаш жоизки, ушбу Хатмоналар кўтаринки кайфиятда, ўзгача шукуҳу тароватда ўтказилдики, халқимиз бир неча ижтимоий тармоқлар орқали онлине тарзда бунинг гувоҳи бўлиш имконига эга бўлдилар.

Қадрли ватандошлар, мўмин – мусулмон биродарлар, муниса опа – сингиллар, ана шундай юртда яшаётганимизга ҳар биримиз чексиз шукроналар айтишимиз ва бу кунларнинг қадрига етишимиз лозим. Зеро, шукр неъматни зиёда қилади.

Аллоҳ таоло жаннатмонанд юртимизга тинчлик, оилаларимизга фаровонлик, иймон – эътиқодимизга мусаффолик, ризқу рўзимизга баракот ато қилсин! Ийд ал – Фитр барчаларимизга муборак бўлсин!

Тошкент вилояти бош имом-хатиби ўринбосари Абдуҳамид домла Маликов
@diyonatli