«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2024/1445 Ҳ. ЙИЛ, 11-ФЕВРАЛ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 06:09
⏱БОМДОД - 06:45 (ўқилиш вақти)
⏱ҚУЁШ - 07:28
⏱ПЕШИН - 13:00
⏱АСР - 16:20
⏱ШОМ - 17:58
⏱ХУФТОН - 19:30

🔗 Улашинг: @diyonatli

АССАЛОМУ АЛАЙКУМ!

Аллоҳ таоло кўнглимиздагини ҳаққимизда хайрли қилсин. Ҳаққимизда хайрли бўлганларга кўнглимизни рози қилсин...

Файзу баракотли кун тилаймиз!

@diyonatli

#ТАЪЗИЯ

Иннаа лиллааҳи ва иннаа илайҳи рожиъун!

Ўзбекистон мусулмонлар идораси Тошкент вилояти вакиллиги жамоаси, вилоятдаги барча масжидлар имом-хатиблари ва имом ноиблари Қибрай тумани «Байтқўрғон» жоме масжиди имом-хатиби Абдуссамад домла Жаббаровнинг падари бузрукворлари Абдуқаҳҳор отанинг вафоти муносабати билан уларнинг оила аъзоларига чуқур таъзия изҳор этамиз.

Аллоҳ таоло марҳумни Ўз раҳматига олиб, охиратини обод қилсин, маконини жаннатлардан айласин. Бу дунёда қилган барча хайрли ва эзгу ишларини бошига соябон, охиратига захира қилсин.

#Видео #Маъруза

СОҒЛОМ БЎЛИШ КАФОЛАТИ

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР

ТАҲАЖЖУДНИ УХЛАБ ТУРИБ ЎҚИШ ШАРТМИ?

CАВОЛ: Таҳажжуд намозини ухлаб туриб ўқиш шартми, яъни ухламаган бўлса ҳам ўқиса бўладими?

ЖАВОБ: Бисмиллаҳир Роҳманир Роҳим.
Бир ухлаб туриб ўқилса, суннатга мувофиқ бўлади. Лекин тунда ҳеч ўйғонолмаса ёки таҳажжуддан ухлаб қолиши аниқ бўлса, ухлашдан аввал ўқиши ҳам жоиз. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2024/1445 Ҳ. ЙИЛ, 12-ФЕВРАЛ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 06:08
⏱БОМДОД - 06:45 (ўқилиш вақти)
⏱ҚУЁШ - 07:28
⏱ПЕШИН - 13:00
⏱АСР - 16:20
⏱ШОМ - 17:59
⏱ХУФТОН - 19:30

🔗 Улашинг: @diyonatli

АССАЛОМУ АЛАЙКУМ!

Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади, иншааллоҳ!..

Аллоҳим хайрли дуоларингизни мустажоб қилсин, кунингиз файзу баракотли ўтсин!!!

@diyonatli

#архив #ТАРОВЕҲ_ШУКУҲИ_2023

Пискент тумани

"Пискент" жоме масжиди

Таровеҳ намози (15-кун )дан
лавҳалар.
Абдуқодиров Аъзамжон қори

Дўстларингизга хам улашинг
👉 @Diyonatli

#Ҳадис

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Садақа бериш билан мол-дунё камайиб қолмайди. Аллоҳ кечиримли банданинг иззатини зиёда қилади. Киши Аллоҳ учун тавозуъда бўлса, Аллоҳ у банданинг даражасини кўтаради», дедилар.

Имом Муслим ривоятлари.

@fitratuz

#САВОЛ_ЖАВОБЛАР

НАМОЗ ВАҚТИ КИРМАСДАН ОЛДИН АЗОН АЙТИШ МУМКИНМИ?

CАВОЛ: Баъзида намоз вақти киришидан олдин азон айтилади. Шундай қилиш ҳам мумкинми?

ЖАВОБ: Бисмиллаҳир Роҳманир Роҳим.
Намоз вақти кирмасдан олдин азон айтиш тўғри эмас. Шариатимиз кўрсатмаси бўйича, бу азон бекор бўлиб, буни ўрнига вақт киргандан кейин қайта яна азон айтилади.

Шундай экан, тақвимдаги намоз вақти киргандан кейин азон айтиш керак. Ундан олдин айтилмайди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Муносабат

ҲЕЧ КИМ ҲЕЧ КИМНИ ОБУНАГА МАЖБУРЛАГАНИ ЙЎҚ

Ижтимоий тармоқларда, интернет сайтларида “Имомлар обунага мажбурланмоқда” деган асоссиз хабарлар, гаплар тарқалди. Унда айтилишича, имомлар “Тошкент ҳақиқати”, “Ташкентская правда” ва “Адабиёт зиёси” газеталарига обуна бўлишга мажбурланаётган ва бу ишларнинг бошида Тошкент вилояти ҳокимлиги мутасаддиси турибди эмиш.

Бу хабарга шу иғвони тарқатган кишидан бошқа ҳеч ким ишонмагани аниқ. Чунки мусулмон киши, ояти каримага мувофиқ: «Эй мўминлар! Агар сизларга бирор фосиқ кимса хабар келтирса, сизлар (ҳақиқий аҳволни) билмаган ҳолингизда бирор қавмга азият етказиб қўйиб, (кейин) қилган ишларингизга пушаймон бўлмаслигингиз учун (у хабарни) аниқлаб (текшириб) кўрингиз!» (Ҳужурот сураси, 6-оят) иш тутади.

Ҳадиси шарифда: “Эшитган нарсасини гапиравериши, кишининиг гуноҳкор бўлишига кифоя” (Имом Муслим ривояти), дейилган.

Жамиятда ғийбат, бўҳтон, ёлғончилик каби иллатларнинг илдиз отиши ишончсизлик, ҳатто адоват ва нафратни юзага келтириши мумкин. Тўғрилигига аниқ ишонмай туриб миш-миш тарқатиш бўҳтон саналади.

Мажбурий обуна қилиняпти, деган асоссиз хабарлар ҳам бўҳтондан бошқа нарса эмас. Шу миш-мишларни тарқатаётганлар ўзларига нимани асос қилиб олишган?
Қуръони каримда: «(Эй инсон!) Ўзинг (аниқ) билмаган нарсага эргашма! Чунки қулоқ, кўз, дилнинг ҳар бири тўғрисида (ҳар бир инсон) масъул бўлур (жавоб берур)» (Исро сураси, 36-оят), дейилган.

Инсон ўзи аниқ билмаган ва ишонч ҳосил қилмаган нарса кетидан қувиб, аниқ эшитмаган, кўрмаган нарсаларни гапириш, тарқатишнинг оқибати жуда хатарли.

Ҳеч ким ҳеч қайси даврий наршга обуна бўлишга мажбурланмаяпти. Бу ҳолат бўлиши ҳам мумкин эмас. Имомларга: “Фалон-фалон нашрга обуна бўлишингиз тавсия этилади” деган гапни обунага мажбур қилиняпти, деб тушуниш ва шундай талқин қилиш ғаламисларнинг ишидир.

“Тавсия қилиш” билан “мажбурлаш” бутунлай бошқа-бошқа нарса. Даврий нашрларга тавсия қилиш – бу одамларнинг маърифати, маънавияти юксалишига ҳисса қўшишдир. Чунки юртдошларимиз мамлакатимизда муҳтарам Президентимиз раҳбарликларида амалга оширилаётган барча соҳалардаги ислоҳотлардан хабардор бўлиб боришининг нимаси ёмон?

Айтилган (тарқатилган гап) – отилган ўқ. Унинг ҳам масъулияти, жавобгарлиги бор. “Имомлар обунага мажбурланяпти” деб асоссиз гап тарқатган кимса Аллоҳ таолонинг олдида қандай жавоб бераркин?

Хулоса қилиб айтганда, динимиз тилни фақат яхшилик йўлида ишлатиш, ёмон сўзлардан тийилиш, эзгу нарсалар ҳақида фикр юритишни буюради. Зеро, сўзлаш ва тафаккур қилишда эҳтиёт бўлишимиз, ҳар бир сўзимиз фойда ёки зараримизга ҳужжат бўлишини унутмаслигимиз лозим. Зотан, Каломи Мажидда: «У бирор сўзни талаффуз қилса, албатта, унинг олдида ҳозиру нозир бўлган бир кузатувчи (сўзни ёзиб олувчи фаришта) бордир», дея марҳамат қилинган.
Шуни унутмасак бўлгани.

Жасурбек домла РАУПОВ,
Тошкент вилояти бош имом-хатиби

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA