Чивин шунингдек локал беҳушлик тизимига эга, шунинг учун чивин чақиши қонни сингдириш тугагандан бир неча сониядан кейин сезилади.

МУҲАББАТ
Набий саллоллоҳу алайҳи ва саллам хутба қилмоқчи бўлсалар масжиддаги хурмонинг тўнкаси устига чиқиб хутба қилар эдилар. У зотга минбар қилиб беришгач ўша минбарда туриб хутба қиладиган бўлдилар. Шунда ҳалиги хурмо тўнкаси инграй бошлади. Набий саллоллоҳу алайҳи ва саллам унинг олдига келиб уни юпатгандек бўлиб қўллари билан силадилар. Унинг инграгани тўхтади.
Ҳасан Басрий роҳимаҳуллоҳ мана шу ҳадисни эшитсалар йиғлаб шундай дер эдилар:
“Эй Аллоҳнинг бандалари! Битта тўнка Аллоҳнинг расулини Аллоҳ олдидаги маконлар туфайли шавқдан инграяпти. Бунга сизлар ҳақли эмасмисиз?!”.

Эй Аллоҳнинг Расули! Сизни севамиз. Сиздан ортда қолганимиз ўз истагимиз эмас, қадари илоҳийдир. Биз бунга розимиз!
Сизга илк ваҳий келганида Маккада сизнинг ёнингизда бўлиб Ҳадича онамиз каби сизни иссиқ бағримизга олишни истар эдик.
Тоифликлар сизни тошбўрон қилишганда ёнингизда бўлишини, сизга тошлардан қалқон бўлишни , ҳеч бўлмаганда қонаган оёқларингизни қалбимиз билан боғлаб қўйишни истар эдик.
Сизни Қурайш Абу Толиб дарасида қамал қилиб қўйганида сизнинг ҳузурингизда бўлиб сизга ўз қўлларимиз билан овқат едиришни, ҳеч бўлмаганда сиз билан бирга оч қолишни истар эдик.
Уқба ибн Муъайт сизнинг устингизга ичак-чавоқларни ташлаганида уни тишларимиз билан олиб ташлашни истар эдик. Ҳеч бўлмаганда уларни олиб ташлашда Фотима розиёллоҳу анҳога ёрдам беришни истар эдик.
Ҳижратга кетиш олдидан сизга фидо бўлиш учун Али розиёллоҳу анҳу билан сизнинг тўшагингизда бирга ётишни истар эдик.
Ҳижрат йўлида Абу Бакр розиёллоҳу анҳу билан бирга сизга ҳамроҳ бўлиб қалбларимизни оёқларингизга поёндоз қилиш истар эдик.
Мадинага борган кунингизда у ерда бўлганимизда бор овозимиз билан “Толаъал бадру” ни ўқир эдик.
Агар Бадр жанги куни ёнингизда бўлсак ансорлар каби “Агар сиз Биркул Ғамодга кирсангиз ҳеч биримиз қолмасдан, ҳеч иккиланмасдан сиз билан у ерга кирган бўлар эдик”, деган бўлар эдик.
Агар Уҳуд кунида сиз билан бирга бўлганимизда тоғдаги камончиларга “Жойингиздан жилманг!”, деган бўлар эдик. Умму Уммора каби сизни ҳимоя қилган бўлар эдик, юзингиздан оққан покиза қонингизни артиб қўйган, ҳеч бўлмаганда амакингиз Ҳамза шаҳид бўлганида сизга ҳамдард бўлиб сизни қучоқлаган бўлар эдик.
Ҳудайбийя кунида сиз билан бирга бўлганимизда сизга “Тинчликда ҳам, урушда ҳам биз сизнинг қўшинингизмиз”, деган бўлар эдик.
Фатҳ кунида сиз билан бирга бўлганимизда Аллоҳнинг нусрати сабаб сизнинг шодлигингизга шерик бўлган бўлар эдик.
Ҳажжатул вадоъда сизнинг ҳузурингизда бўлганимизда сизнинг овозингизни эшитиб: “Гувоҳлик берамизки, сиз рисолатни етказдингиз”, дер эдик.
Вафот қилганингизда Мадинада бўлганимизда вафотингиздан йиғлаган, бутун борлиғимизни сизга фидо қилган бўлар эдик.
Бизга сизнинг: “Сиз билан бирга ваъдалашган жойимиз дунё эмас, ваъдалашган жойимиз ҳавзнинг олдидир!”, деган гапингиз юпанч бўлади. Биз сизнинг ваъдангизга ишонамиз!
Сизнинг: “Киши қиёмат куни севгани билан бирга бўлади”, деган гапингиз бизга юпанч бўлади.
Аллоҳга қасамки, биз нотавон умматларингиз сизни севамиз!

@Abdulqodir_Polvonov

#Илм

🎤Устоз Салоҳиддин домла

Илм исломнинг жони ҳисобланади.

#audio

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

#мулоҳаза

​​Бир кун, эр ва хотин келишиб олишибди...
"Бугун уй эшигини ҳеч кимга очмаймиз!" Бироздан сўнг эшик қўнғироғи чалинибди. Қарашса, эрнинг ота-онаси экан. Келишилганидек, эшикни очмабдилар. Яна бироздан сўнг эшик қўнғироғи чалинибди. Бу сафар аёлнинг ота-онаси экан. Келишилганидек эшикни очишмабди-ю, аммо аёл йиғлашни бошлабди. Ноилож эр эшикни очиб меҳмонларни уйга киритибди. Орадан йиллар ўтиб улар 4 ўғилдан сўнг қиз фарзандли бўлибдилар. Эр жуда хурсанд бўлибди.
Буни кўрган танишлари ундан сўрабдилар: "Тўрт ўғил кўрганингда бунча хурсанд бўлмаган эдинг. Қиз фарзандга нега бунчалар шодсан?"
Эр жавоб берибди:
"Чунки энди менга эшик очадиган фарзанд дунёга келди..."

SAKIYNA DAFTARI

ШАЙТОННИНГ НАМОЗДАГИ ВАСВАСАЛАРИ

Шайтон айтар экан:
1. Банда намоз ўқимоқчи бўлса, «Ҳали вақт бор-ку, ҳозир бандсан, олдин ишингни битириб ол, кейин ўқирсан», дейман

2. Намозини ўзим кечиктира олмасам, одам-шайтонлардан бирини юбораман.

3. Буни ҳам қила олмасам, намоз ўқиётганида келиб, «Ўнгга қара. Чапга бир қара», дейман. Қараши билан юзидан «ўпиб», пешонасини силаб қўяман. Кейин эса: «Ана энди намозинг бузилди!» деган васваса билан намозини бузаман.

4. Ўнггу сўлига қарата олмасам, шошилтираман, шунда у худди хўроз дон чўқигандек тез-тез ўқийди.

5. Буни ҳам қилдира олмасам, жамоат билан намоз ўқиётганида келиб, шошилтираман, шунда у бошини саждадан имомдан олдин кўтаради. Ҳам намози бузилади, ҳам Аллоҳ бундайларни қиёмат куни эшак бошли килиб тирилтиради

6. Буни ҳам эплай олмасам, намозда бармоқларини қирсиллатишини айтаман. Бу эса менга тасбеҳ айтгани бўлади

7. Камбағал, бечоралаларга бориб, «Намоз сизлар учун эмас, бекорга вақт кеткизманглар!» дейман…

8. Касалларнинг ёнига бораман-да, «Касалларга мажбурият йўқ, тузалгандан кейин ўқирсан», дейман. Шунда улар ношукрлик қилиб, Аллоҳга исён қилади, баъзилари эса куфр сўзларни айтиб юборади

Аллоҳ таоло айтади:

«Иблис: «Мени иғвога учирганинг сабабли Сенинг тўғри йўлингда уларни тўсиб ўтираман. Сўнгра уларнинг олдиларидан, орқаларидан, ўнгу чап томонларидан келаман. Шунда уларнинг кўпларини шукр қилувчи ҳолда топмaссан», деди.
(Аъроф сураси, 16-17-оятлар)

Шайтон васваса қилса, Аллоҳ таолога дуо қилиб, шайтоннинг шарридан паноҳ сўранг. Роббимизнинг оятларига – далил-ҳужжатларига қулоқ солинг. Аллоҳ таолога яқин экансиз, қўрқманг, ғамгин бўлманг:
Роббимиз: «Шайтоннинг дўстларига қарши жанг қилинг, чунки шайтоннинг ҳийласи заифдир», деган (Нисо сураси, 76-оят) деган.

Машина ювган йигит

Доктор Мухаммад Хоний шундай дейди:
“Мен машинада ўтирганимда 16 ёшли йигит яқинлашиб “олд ойнани артиб бериш керакми?”, деб сўради.
“Ха”, дедим мен. У кўнглимдагидек тозалаб бергани учун мен унга 20 доллар бердим.
Йигит пулни кўриб мени яна саволга тутди:
"Сиз Америкадан қайтаяпсизми?"
Яна тасдиқ ишорасини қилдим.
У: "Шу берган долларингиз эвазига уларнинг университетлари тўғрисида айтиб бера оласизми?" - деди.
У жуда одоб ва фасохат билан гапирардики, мен беихтиёр уни машинага таклиф қилдим.
Мен унинг ёши билан қизиқдим.
У 16 ёшда экани ва 11-синфни тугатганини айтди. Мен бунга хайрон бўлдим, чунки 11-синфни одатда 18 ёшда тугатишади-да.
Йигит аъло бахоларга ўқигани учун мактабни хам икки йил олдинроқ битирганини айтди.
- Хўш, нега бу ерда ишлаяпсан? - қизиқиб сўрадим мен.
Унинг айтишича, отаси икки ёшида вафот этган, онаси бировнинг уйида ошпаз бўлиб ишлар, синглиси ва йигит шу ерда ишлар экан.
“Америка университетларида юқори натижаларга эришган энг яхши талабалар учун стипендиялар борлиги хақида эшитганман”, деди у.
- Сенга ёрдам берадиган одам борми?
- Йўқ, бу ерда шу иш билан машғулман, деб жавоб берди.
- Кел, овқатланиб оламиз, деб тамаддихонага бошладим.
Йигит машинанинг орқа ойнасини хам тозалаб, кейин киришини айтди.
Ресторанда йигитча овқатини емай, елимхалтага солиб олди. Кейин билсам у овқатни онаси ва синглисига олиб бормоқчи экан.
Мен унинг инглиз тилини мукаммал билишини ва ўз ишини астойдил, мохирона бажаришини пайқадим.
Мен унинг хужжатларини сўрадим ва унга университетга кириш учун қўлимдан келганича ёрдам беришга ваъда бердим.
Ярим йилдан кейин мен уни университетга қабул қилинишига эришдим. Унинг талаба бўлганини телефон орқали айтганимда трубканинг у томонидан қувонч йиғиси эшитилиб турар эди.
Икки йил ўтгач, “Нью-Йорк таймс” журналида унинг номини замонавий технологияларнинг энг ёш мутахассиси сифатида эълон қилишди.
Унинг муваффақиятидан мен ва оилам хам жуда мамнун бўлдик.
Хотиним унинг онаси ва синглиси учун виза олганини билмаган эдик. Йигит Америкада хузурида онаси ва синглисини кўргандан кейин у на гапира олди ва на йиғлай олди.
Бир куни у ва унинг оиласи уйимизга келишди ва мен тўсатдан уни ташқарида менинг машинамни юваётганини кўриб қолдим.
Мен бориб унинг қўлидан тутиб, нима учун бу ишни қилаётганини сўрадим.
У жавоб берди: "Илгари ким эканлигим ва мен учун қилган ишларингизни хеч қачон унутмайман".
Фарид Абдул Али исмли бу фаластинлик йигит Америкадаги машхур Гарвард университетининг энг иқтидорли профессорларидан бирига айланди.

#Мулоҳаза

#audio

🎤Устоз Салоҳиддин домла Шарипов

Суннатни тарк қилиб манманликка берилманг.

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

Исроиллик икки йигит намоз ўқиётган Фаластинликни олдига итини қўйиб юборди. Охиргача кўрамиз...

Оллоҳ барчасига қодир

👉 Yurist maslahati 👈

❓Ҳозирги кунда кўчада пишириб сотилаётган “грилл” (товуқ) маҳсулотларини ейиш ҳалолми?
-------------------

"САБОҚ"

Баъзи вақтларда буюртма бўлиб қолса сантехника ишлари билан ҳам шуғулланиб тураман.
Бир куни бир рус киши телефон қилди.
-- Ало.. сен сантехникмисан? Рақамингни дўстим берди, янги "кир ювиш машинаси" сотиб олган эдим шуни жойига ўрнатиш керак.
-- Хўп ўрнатиб берамиз, фақат хозир ишдаман, кечқурун ишдан кейин борсам бўладими?
-- Ҳа бўлади, фақат ёнингга битта шерик олиб кел "кир ювиш машинаси" пастда машинам юкхонасида турибди, кўтариб лифтгача олиб келиш учун сенга бир ёрдамчи керак бўлади.
-- Хўп кечга борамиз, мана шу рақамда ватсапим бор уй манзилингизни тўлиқ ёзиб юборинг,- дедим.
Кечқурун ишдан чиқиб, ёнимга яқинда Ўзбекистондан келган ёши ўн саккиздан ошган қишлоқдош йигитни шерик қилиб олдимда айтилган манзилга йўл олдик.
Яп-янги кир ювиш машинасини лифтда ўн тўққизинчи қаватга олиб чиқиб,кўрсатилган жойига кўйиб ўрнатаяпмиз.
-- Зўр машина экан-а ака, мен бунақасини биринчи марта кўришим,-деди ёш шеригим.
-- Ҳа машинанинг зўри экан, энг сўнгги моделлардан бири, кирларни ювиб ўзи қуритиб ҳам беради.
-- Қойил қолдим, ўзимизда ҳам бормикан?
-- Ўзимизда ҳам бор, бу жойда бор нарсанинг ҳаммаси Ўзбекистонда ҳам бор,-дедим.
-- Уйлансам битта оламан янгисидан,-деди шеригим машинага ҳавас билан тикилиб туриб.
-- Нега уйлансанг?-сўрадим.
-- Хотиним қўлда кир ювиб қийналиб юрмайди-да,-дейди у.
Бошига бир шапалоқ туширдим.
-- Вох! Оғриди, нега урасиз?
-- Бунақа ишламайдиган каллани уриб туриш керак, ҳозир ким юваяпти кирларни уйларингда?
-- Онам, синглим ювади.
--Улар шу пайтгача ҳам қўлда ювган-ку сенларнинг кир кийимларингни, улар қийналса майлими? Нега онам учун оламан, синглим учун оламан, ҳозир оламан демайсан? Улар учун ачинмайсанда, ҳали йўқ хотин учун ачинасан?
Нега ниятни тўғри қилмайсан?
Нега орзуингда бўлса хам Онангга енгиллик тиламайсан?
-- Узр ака.
-- Узрни онангдан сўра, сенга ҳайрон қоламан баъзида, у куни ҳам кўчада кетаётсак ёнимиздан чиройли сўнгги урфдаги машина ўтиб кетса, зўр машина экан-а, янгисидан олсам, орқасига хотинимни миндириб юрсам дейсан.
Барака топгур, отанг тирик онанг тирик, аввал уларни миндириб юрай деб ният қил!
Тўғри ният қилишни ўрган, уйингга телефон қил, отажон, онажон битта янги машина олишни ният қилдим, сизларни миндириб юраман, дуо қилинг, ниятларимга етай деб айт.
Ота-онанг дуо қилса машина ҳам оласан, хотин ҳам оласан уни ҳам миндирасан кейин,-дедим.
-- Тўғри айтасиз,-дея шеригим ер чизиб қолди.

Неъматга боймиз. Неъматларга ғарқ бўлиб яшаяпмиз.

• Инсон бўлиб мукаррам бўлишимиз неъматдир;
• Нафас олишимиз неъмат;
• Иймон аҳлидан бўлишимиз неъмат;
• Муҳаммад соллаллоҳу алайҳи васалламнинг уммати бўлиб туғилишимиз неъмат;
• Қуръондек китобимиз бўлиши неъмат;
• Атрофимиздаги инсонлар, ака-укаларимиз, дўстларимиз неъмат;
• Аёлларимиз, фарзандларимиз ҳам неъмат.

Булар баъзан ўзлари билан дард келтирсалар ҳам, барибир неъматлигича қолади. Ҳисоби берилмайдиган ҳеч қандай неъмат йўқ. Ҳар бир неъматнинг ҳисоби сўралади ва бу сўроқ бугунги куннинг шартлари асосида эмас, ўша даҳшатли Куннинг шартлари асосида бўлади. Ўша кун ҳақдир, ҳисоб-китоб ҳақдир.

© Нуриддин Йилдиз ҳафизаҳуллоҳнинг «Ҳур юракли йигит» китобидан

@AbdullohRahim

​#замонавий_ривоят

ЭНГ ҚИММАТ НАРСА

Бозорбоши давра қурган сотувчиларни бир-бир йўқлама қилди-да, сўнг ҳар кунлик ҳисоботга ўтди:
-Қани ким қанча сотди, битта биттадан айтинглар.
Давра бир қизиб олди. Шодлик ва ғурур кайфияти оловланган юзлар бозорбошига юзланди.
- Бугун икки қоп Нафрат сотдим,-деди бақалоқ эркак.
- Мен бир ярим қоп Ғийбат, - деди ёши ўтинқираган аёл.
- Бир қоп Ҳасад пулладим,- дея жавоб берди яна бир йигит.
- Ҳақоратлар нинг бозори чаққон бўлди бугун. Бирданига уч қопини сотиб юбордим,- ғурурла деди кекса чол.
- Мен ҳам яхши ишладим. Икки қоп Ёлғон ва бир ярим қоп Шубҳа сотдим,- деди бир жувон.
Бозорбоши ҳамма фурушчиларнинг қайдларини эскириб кетган қалин дафтарига белгилаб чиққач, бир чеккада ғамга ботиб ўтирган ёшгина сотувчи болага қаради.
- Хўш, сен нега индамайсан, бугун ҳам сотолмадингми? Гапир!
- Бир пайса ҳам сота олмадим. Харидорларнинг пули етмаяпти. Меҳр жуда ҳам қиммат экан дейишяпти?!

Умид Али

Мавлоно Ашраф Али Таҳонавий

Ҳадисда айтилишича, Расулуллоҳ соллаллоҳу алайҳи ва саллам: “Дўзахда аёллар кўп эканлигин кўрдим”, — дедилар. “Ё Расулуллоҳ! Нима учун кўплаб аёллар дўзахий бўлади?”, — деб сўрашди. У зот: “Улар бошқаларни кўп лаънатлайдилар ва ўз эрларига ношукрчилик қиладилар”, — дедилар.

Бу хусусда фикр юритинг ва ношукр бўлиш ва бошқаларни лаънатлаш қанчалик жиддий эканлигини ўйлаб кўринг.

@SakiynaDaftari

#Қуръоний дуо:

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ

Яъни: "Эй, Роббимиз! Бизни ҳидоятга бошлаганингдан кейин қалбларимизни оғдирмагин ва бизга Ўз ҳузурингдан хос раҳмат ато қилгин. Шубҳасиз, Сен Ўзинг кўплаб ато қилувчисан". (Оли Имрон, 8)
Омийн..!

SAKIYNA DAFTARI

ДАЙДИ ЭМАС ЭКАН !

Мен бу ҳикояни кўп айтаман. Чунки ундан кўп таъсирланганман.
Дaмашқ бозорларидан бирида кетаётган эдим. Маҳаллаларнинг биридан бир киши чиқиб йўлимни тўсиб деди:
- Сиз масжидда азон айтасиз-а?
- Ҳа!
- Кеча бир инсон менга айтишича, Дaмашқдаги ёпиқ бозорда отишма овози эшитилибди. Нима гаплигини билиш учун бошини кўтариб қарамоқчи бўлганида дайди ўқ келиб орқа миясига тегибди. У шол бўлиб қолибди. Унинг нима гуноҳи бор эди. Меҳнат қилиш ибодат эмасми?! Унинг хотини, бола-чақаси бор эди. Ишлаш гуноҳми? Унинг нима гуноҳи бор?! Хато қаерда? Ризқ топиш учун ҳаракат қилиш айбми?!
Мен дедим:
- Мен сабаб нимадалигини билмайман. Аммо шуни биламанки, Аллоҳ зулм қилмайди. У одилдир. Аммо бунинг жавобини билмайман!

Йиигирма йил ўтганидан сўнг Аллоҳнинг ҳикмати билан масжидда бир маъҳад мудири билан гаплашиб қолдим. У шундай деди:
- Мен Дамашқ маҳаллаларидан бири бўлмиш Майдонда яшайман. Бизнинг бир қўшнимиз бор эди. У акасининг етимларга тегишли уйни эгаллаб олди. Саккиз йил мобайнида уйни уларга бермай юрди. Болалар Шом қориларининг шайхи бўлмиш бир зотга шикоят қилишди. У зот ҳозир вафот қилиб кетган. Шайх уни чақиртириб етимларнинг уйини беришини сўради. У шайхга ниҳоятда қўпол гаплар билан гапириб, уйни бермаслигини айтди.
Шайх болаларни чақириб уларга деди:
- Болаларим! Бу сизнинг амакингиз. Ундан қозига шикоят қилиб юрманг. Тўғри Аллоҳга шикоят қилинг!
Бу гап кечқурун соат 21.00 да бўлиб ўтган эди. Эрталабки соат 9.00 да уларнинг амакиси отишмада хабарни билиш учун бошини кўтариб қараган ва орқа миясидан ўқ еган биз таниган ҳалиги киши эди.
Юқорида биз ўқни "дайди ўқ" дедик. У дайди эмас, тўғри топиб келган ўқ экан!


Муҳаммад Ротиб Нобулсий.

#audio

🎤Устоз Салоҳиддин домла Шарипов

Аллоҳ мўминларга ином қилди.

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

Ким биродарига ноҳақлик қилинаётганини кўрса, сўнг унинг ҳузурида кулса, биродарига хиёнат қилган бўлади.
Фузайл ибн Иёз роҳимаҳуллоҳ.
Абу Бакр Дайнурий роҳимаҳуллоҳ.
Ал мужаласа жаваҳир ал-илм.

Изоҳ: Биродарига қарши , камситиб, устидан кулиб, масҳаралаб пост ёзилган жойда лайк босадиган, куладиган "биродарлар" огоҳ бўлишсин.