СУННАТ МЕЗОНДИР

Ҳаким зотлардан бири айтган экан: «Бандалар Аллоҳ таоло буюрган ишларни адо қилишларида шайтоннинг икки ҳамласига учрашлари бордир: Бири - банданинг шу амалда нуқсонга йўл қўйиши бўлса, иккинчиси - банданинг шу амалда ҳаддан ошириб юборишидир. Шайтон буларнинг қайси бирида ғолиб бўлишига парво қилмайди».
Яъни, қайси бирида бўлса-да, ғолиб бўлиши унинг учун кифоядир.

Банда шайтоннинг мазкур икки ҳамласини даф этиши учун унинг амалларида нуқсон ҳам, ҳаддан ошиш ҳам бўлмаслиги лозим. Бунинг мезони – суннатдир.

«Ҳикматлар чашмаси»дан

ОГОХ БУЛИНГ

Огоҳ бўлинг биродарлар, уч нарсани севамиз, лекин уччаласи ҳам бизники эмас:
1. Жонимизни яхши кўрамиз, жон эса Аллоҳники;
2. Молу давлатни яхши кўрамиз, у эса меросхўрларники;
3. Дунёни севамиз, уни эса барибир тарк этамиз.

Абу Туроб Нахшабий қуддиса сирруҳу

"Тарбияланган нафс мақоми"
Абдул Ҳамид домла маъруза қиладилар

#audio

🎤Устоз Салоҳиддин домла

Пақилдоқ масаласи.

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

#Видео #Хайрия #Эҳсон #Вақф

Тошкент вилоятида «Вақф» хайрия жамоат фонди томонидан хайрия ишлари давом этмоқда

Пискент туманида амалга оширилган хайрия ишлари

Xalifa Sulaymon ibn Abdulmalik tobe’inlardan biri Abu Hozimdan so‘radilar:

– Nega biz o‘limni yomon ko‘ramiz?

– Chunki sizlar dunyoni obodonlashtirib, oxiratingizni xarobazorga aylantirdingiz. Kim ham obod yerdan xaroba yerga o‘tgisi kelardi?

Abu Bakr Dinavariy, "Mujolasa" kitobi, 2/138.

Alloh taolo biz noshud bandalarini ham o‘limni tez-tez eslab turuvchi, gunohlariga yig‘lovchi bandalaridan qilsin, qiyomatda yuzimizni yorug‘ etsin.

SAKIYNA DAFTARI

ЮҚОРИДАГИ ҚЎЛ ПАСТДАГИ ҚЎЛДАН ЯХШИДИР
Ҳаким ибн Ҳизом розиёллоу анҳу Расулуллоҳ саллоллоҳу алайҳи вас алламдан мол сўради. Унга мол бердилар. У яна сўради. Унга яна бердилар. Учинчи марта сўради. Учинчи марта ҳам бердилар. Сўнгра унга дедилар:
-Эй Ҳаким ибн Ҳизом! Бу мол ёқимли ва ширин. Ким уни нафс сахийлиги билан олса унга барака берилади. Ким уни нафси раҳбарлигида олса унга барака берилмайди. У ейди тўймайди. Юқоридаги қўл пастдаги қўлдан яхшироқдир.
Шунда Ҳаким ибн Ҳизом деди:
-Эй Аллоҳнинг Расули! Сизни ҳақ ила юборган Зот билан қасам ичиб айтаманки, дунёни тарк қилгунимча ҳеч кимдан ҳеч нарса сўрамайман!
Сўнгра Расулуллоҳ саллоллоҳу алайҳи ва саллам дунёдан ўтиб кетдилар. Абу Бакр розиёллоҳу анҳу халифалик даврларида инсонларга мол тарқатдилар. Ҳаким ибн Ҳизомни ҳам чақирдилар. Аммо у мол олишдан воз кечди.
Ундан сўнг Умар розиёллоҳу анҳунинг даврлари келди. У зот ҳам Ҳаким ибн Ҳизомнинг насибасини берганларида яна олишдан бош тортди. Шунда Умар розиёллоҳу анҳу кишиларга хитоб қилиб дедилар:
“Эй мусулмонлар жамоаси! Мен Ҳакимга ўлжадан улушини бердим. У қабул қилмади. Сиз бунга гувоҳ бўлинг!”.

Қадимда: “Мол ёмон хўжайин ва яхши хизматкордир”, дейишар эди. Яъни, мол жамлашни ғоя қилиб олган киши гўё унга қулдир. Мақсади фақат молни кўпайтириш, ўсдиришдир. Ҳалолми, ҳаромми парво қилмайди. Кимки уни ғоя эмас, васила қилиб олса карим ҳолда яшаб карим ҳолда ўлади. Мол жамлаш айб эмас, аксинча инсоннинг мол жамлайдиган асбобга айланиши айбдир!
Ким уни нафс сахийлиги билан олса унга барака берилади. Яъни, сўрамасдан, тамасиз,очкўзликсиз, берувчини мажбур қилмасдан, уни машаққатга қўймасдан олса унга барака берилади, кўпаяди, ўсади. Унга ҳалол ризқ бўлади. Инсон унинг лаззатини ҳис қилади.
Қадимгилар “Ҳаё қиличи билан олинган нарса ҳаромдир!”, дейишган. Ким молни нафс раҳбарлигида олса унга барака берилмайди. Яъни, агар молни сўрашда қаттиқ туриб олиб, инсонлар қўлидаги нарсага кўз тикиб, берадиган кишини ҳам машаққатга қўйиб олса Аллоҳ ундаги баракани йўқ қилади. У қаноат қилмайди, рози бўлмайди, тўймайди!
Аллоҳнинг азамати шундаки, у инсонларнинг баъзисини баъзисига муҳтож қилиб қўйди. Аммо Ўзининг ҳеч кимга эҳтиёжи йўқ. Тўғри, инсон мажбур бўлиб қолиб бировдан мол сўрашига тўғри келади. Биз бир-биримизни суяшга, қўллашга амр қилинганмиз. Шифохонага тушиб қолган пулсиз фақир қандай қилсин?! Оёқ-қўли ишламайдиган ота фарзандларини қандай боқсин?!
Бу кабиларни қидириб, уларга ёрдам бериш ҳаммамизнинг вазифамиз, бурчимиз. Агар уларни сўрашга мажбур қилмаганимизда янада гўзал бўлар эди. Кўпчилик инсонларнинг олийжаноблиги сўрашдан тўсиб туради. Улар ҳақида Роббимиз айтади: “Уларнинг иффатидан жоҳил киши уларни бой деб ўйлайди. Уларни сиймосидан танийсан. Улар инсонлардан хиралик қилиб сўрамайдилар”.
Аммо мусибат шундаки, баъзилар тўймайди. Агар нон пакетчалари тарқатилаётганини билиб қолса токи олмагунича дунёни остин-устун қилади. Агар қўшниси қурбонлик қилса унга бермагани учун қиёматни қоим қилади.
Заиф ҳадисларда келишича, унда шундай дейилади:
“Нарсаларни мағрурлик билан талаб қилинг. Чунки ишлар ўлчов билан жорий бўлган!”

@Abdulqodir_Polvonov

#Масжид_учун

Пискент туманида қурилаётган Масжид рўйхатини тақдим қиламиз бемалол гуруҳларига қўшилиб ўз ҳиссангизни қўшишингиз мумкин!👇👇


1) Пискент тумани саидобод м.ф.й да жойлашган "Саид Ота" жоме Масжиди 👉
@saidmasjiniqurish

Масжид курилишига эхсон учун очилган карта рақами:
1. 8600 0529 0630 1948
Eshonxodjaev Saidrahim
2. 9860 0101 2858 9156
Eshonxodjaev Saidrahim
3. Чет элдан 4097820120205460

+998936166600
Саидрохим домла



УНУТМАНГ ЗЕРО:

“Албатта, Аллоҳнинг масжидларини фақат Аллоҳга ва охират кунига иймон келтирганлар, намозни тўкис адо этганлар, закотни берганлар ва Аллоҳдан бошқадан қўрқмаганларгина обод қилурлар. Ажаб эмаски, ана ўшалар ҳидоят топгувчилардан бўлсалар” (Тавба сураси, 18-оят).

#Масжид_учун

Зарбулмасаллар туркумидан (таржима): ТУЛКИ ва УЗУМ ҳақида ҳикоят
(байтлар ҳазажи мусаддаси маҳзуф ва мақсурда битилди)

Ҳикоят этдилар: бир тулки ногоҳ,
Бўлуб ишком таги анга гузаргоҳ,

Узумлар кўрди: мармар, тилла янглиғ,
Яна хурмо мисоли қора ранглиғ.

Намозшомда, азондин сўнгра шундоқ,
Қорин очқаб, ани тутқанди чарчоқ.

Емоқ истаб узумдин гарчи шингил,
Урунди, хўп узанди, бўлди мушкил.

Неча ишком сари тортунса ҳам, ҳеч
Чиқолмай тоқига, тун ҳам бўлуб кеч,

Вужудин чулғаб очлиқдин аланга,
Қаёқдин келған эрса, кетти анга.

Кетаркан, айтти: "Шўр эркан узум, хом,
Ҳалабда ҳам кўрубдурман зўр ишком.

Бунинг устиға сўлмиш, ҳам бурушқон,
Кўруб дерсан: будир гўшти товушқон".

Жавоб келди шингилдин анга шунда:
"Жўна, эй тулки, зинҳор турма бунда,

Тилинг гап келса бурро, юз қаричсан,
Вале жиддий ўрунда ҳоли ҳечсан".

@Sayfulloh_Nosir

ШАЙХ МУҲАММАД СОДИҚ МУҲАММАД ЮСУФ
ҲАЗРАТЛАРИНИНГ НАШР ҚИЛИНГАН АСАРЛАРИНИ ЎҚИШ ТАРТИБИ

БИРИНЧИ БОСҚИЧ

1. Иймон
2. Соф табиат дини (Саййид Мубашшир Тарозийдан таржима)
3. Амаллар ниятга боғлиқдир («Исломнинг мадори бўлган ҳадислар» рукни)
4. Мўминнинг мерожи – муфассал намоз китоби (кирил ва лотин алифболарида)
5. Мўминнинг қалқони – муфассал рўза китоби
6. Мўминнинг нажоти – муфассал закот китоби
7. Мўминнинг умр сафари - муфассал ҳаж китоби
8. Ёлғон
9. Ижтимоий одоблар.
10. Бахтиёр оила
11. Исроф
12. Сунний ақийдалар
13. Ихтилофлар: сабаблар, ечимлар
14. Васатия – ҳаёт йўли
15. Тасаввуф ҳақида тасаввур
16. Самарқанднинг сара уламолари
17. Зикр аҳлидан сўранг (туркуми) 1-қисм

ИККИНЧИ БОСҚИЧ

18. Мукаммал саодат йўли
19. Ақоид илми ва унга боғлиқ масалалар
20. Кифоя (1, 2, 3-жуз)
23. Яхшилик ва силаи раҳм (1, 2-жуз)
25. Бозор ва унга боғлиқ масалалар
26. Қарз ва унга боғлиқ масалалар
27. Фолбинлик, сеҳргарлик, жин чиқариш ва ноанъанавий даволаш каби ишлар ҳақиқати
28. Дин насиҳатдир («Исломнинг мадори бўлган ҳадислар» рукни)
29. Очиқ хат
30. Руҳий тарбия (1, 2, 3-жуз)
33. «Ҳадис ва Ҳаёт» туркуми (1‒10-жузлар)
43. Зуҳд ва ҳаё («Исломнинг мадори бўлган ҳадислар» рукни)
44. Зикр аҳлидан сўранг (туркуми) 2-қисм

УЧИНЧИ БОСҚИЧ

45. Қуръон илмлари
46. Тафсири Ҳилол (1, 2, 3, 4, 5, 6-жуз)
52. Ҳадис ва Ҳаёт силсиласи (11‒20-жузлар)
62. Одоблар хазинаси («Адабул муфрад»: 1, 2, 3, 4-жузлар).
66. Мазҳаблар – бирлик рамзи
67. Соғлом бола
68. Ҳидоят имоми (Имом Абу Мансур Мотуридий)
69. Ҳалол очиқ ойдиндир, ҳаром очиқ ойдиндир («Исломнинг мадори бўлган ҳадислар» рукни)
70. Зикр аҳлидан сўранг (туркуми) 3-4-қисм

ТЎРТИНЧИ БОСҚИЧ

72. Ақидатут-Таҳовия шарҳининг талхийси
73. Тафсири Ҳилол (4, 5, 6-жузлар).
76. Мусталаҳул ҳадис
77. Расулуллоҳ соллаллоҳу алайҳи васаллам (таржима)
78. Ҳадис ва Ҳаёт силсиласи (21-30 ҳамда 34, 35, 36, 37-жузлар)
92. Хислатли ҳикматлар шарҳи (Ибн Атоуллоҳ Сакандарийнинг «Ҳикамул-Атоийя» китобларига таржима ва шарҳ; 1, 2, 3, 4, 5-жуз)
97. Фиқҳий йўналиш ва китоблар
98. Усулул фиқҳ
99. Зикр аҳлидан сўранг (туркуми) 5-6-қисм

ЭРКИН МАВЗУЛАР

101. Кексаларни эъзозлаш
102. Мазҳабсизлик – Ислом шариатига таҳдид солувчи энг хатарли бидъатдир (Муҳаммад Саййид Рамазон Бутийдан таржима)
103. Зикр аҳлидан сўранг (туркуми) 5-қисм
108. Қуръон Карим ва ўзбек тилидаги маʼнолари таржимаси
109. Олтин силсила («Саҳиҳул Бухорий» 8 жуз)
117. Ислом тарихи 1-2-қисм
119. Фақиҳ имомлар ихтилофида Ҳадиси шарифнинг ўрни (Шайх Муҳаммад Аввомадан таржима)
120. Сарахс аҳли сўраган масалалар (Муҳаммад Ҳаким Термизийдан таржима)
121. Нақшбандия
122. Қуръон ва суннатдаги илмий мўъжизалар
123. Олам ва Одам, Дин ва Илм

Манба: Ислом.уз. Асл рўйхатга қўшимча ва тузатишлар эгаси Жавоҳир Иззатуллоҳ

@dotsentuzkanal

#audio

🎤Устоз Салоҳиддин домла Шарипов

Мўмин инсон асаларига ўхшайди...

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

ЭНГ БУЮК ДАРС

"Ҳозир олдингизга Абужаҳлнинг ўғли Икрима мусулмон бўлиб киради. Унинг олдида отасини ёмонламанглар".

Хулқ фанидан пайғамбарона дарс.

Айримлар очиқчасига юзига айтишни қаҳрамонлик санаб, уни кишидаги шахсиятнинг кучга тўлганидан, деб биладилар.

Аслида эса бу иш заифлик аломатидир. Зеро, ҳикматнинг учдан бири одамларнинг ҳис-туйғуларига риоя қилиб, улар билан муроса қила билмоқдир.

Арабчадан Муқим Маҳмуд таржимаси
2020-12-31

#видеолавҳа

🎤Устоз Салоҳиддин домла Шарипов

Ислом қалбингиз ҳам покиза бўлсин деди.

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA

Инсонларнинг гуноҳига худди хўжайин каби боқма. Унга қул каби қара. Аллоҳ сенга ҳидоятни яхши кўрсатди. Бунинг закоти эса, сен ҳам инсонларни қўлидан тутиб, Аллоҳ томон бошламоғингдир...

Абдулқодир Полвонов

Ҳинд мутафаккири Ваҳидиддин Хон шундай дейди: "Сувга бўлган ташналик сув борлигига далолат қилганидек, адолатга бўлган ташналик ҳам, адолат борлигига далолат қилиши керак".
Лекин дунёда адолат йўқ. Бу эса ҳақиқий адолатни қарор топтирувчи охират борлигига далолат қилади.

Мустафо Маҳмуд

АССАЛОМУ АЛАЙКУМ ДЎСТИМ!
Менга ўтган йилнинг ёмон бўлганини, Аллоҳга шукрки, биз ундан эсон-омон чиққанимизни , зарар кўрмаганимизни, ўлмаганимизни айтасан. Аммо мен нажотни сиротдан ўтгандан кейин деб биламан. Бундан бошқалари беҳуда ғалабалардир!
Дўстим! Яшаш ғалаба эмас. Ўлиш эса мағлубият эмас. Маъно қандай яшашда. Ниманинг устида ўлишда.
Бугун сенга нима учун ёзаётганимни билмайман-у, аммо негадир ёдимга Уҳуд кунидаги Мусъаб ибн Умайр розиёллоҳу анҳу тушиб кетди. Макканинг энг гўзал. Энг бой, энг хушбўй йигити Мусъаб. Бугун у қумлар устида шаҳид бўлиб, қонга беланиб ётибди. Унга қабр қазишаяпти. Сўнгра уни ўрашга кафан топа олишмади. Кийимлари билан бошини беркитишса оёғи очилиб қолди. Оёғини беркитишса боши очилиб қолди.
Дунёнинг ҳисоби бўйича бундай ўлимлар ҳашаматли жанозалар билан солиштирганда ҳеч нарса бўлмай қолади. Ҳақиқатда эса ўша куни Муъаб ибн Умайр розиёллоҳу анҳунинг энг саодатли куни эди.
Агар яшаш нажот бўлса нақадар кўп нажотдагилар!
Агар ўлим мағлубият бўлса ҳаммамиз бир куни мағлуб бўламиз!
Нишонлашга арзийдиган нарса қабрдаги биринчи кунимиз қандай бўлишидир. Жаннат боғларидан бир боғми, дўзах чоҳларидан бир чоҳ?!
Мен билан бирга ишнинг оддийлигини ва мураккаблигини тасаввур қилиб кўр. Агар бошланғич дарсингдаги саволлар бўлмиш “Роббинг ким?”, “Дининг нима?”, “Пайғамбаринг ким?”, каби саволларнинг жавобини қалбингга маҳкам жо қилиб олмасанг докторлик унвонини олган бўлсанг ҳам бу унвон сенга фойда бермайди!
Саломлар бўлсин қалбингга!

@Abdulqodir_Polvonov

☂️⛅️ *همسات الصباح* ⛅️☂️

ОДДИЙ МАНТИҚ

Чанқадингизми, сув, чой, чанқовбосди ичимлик ва шарбатлар ичинг.

Очқадингизми, овқат енг, таом тановул қилинг.

Бу — оддий мантиқ.

Ташна киши тошқин дарё расмига соатлаб қараб ўтиргани билан чанқоғи босилмайди.
Тўлқинлар товушини эшитиш билан ташналик барҳам топмайди. Ҳеч бўлмаса бир ҳўплам сув ичиш керак!

Очқаган одам дошқозондаги ошни искашнинг ўзи билан қорни тўймайди. Тандир тўла патир ноннинг расмини томоша қилиш билан очлик кетмайди. Тўкин дастурхон акс этган натюрморт қоринни тўйғизмайди.
Очликни кетказиш учун лоақал бир чимдим овқат ёки қотган бўлса ҳам бир бурда нон еб қўйиши шарт, зарур!

Чайнашнинг ўзи бефойда, ютиш керак, томоқдан ичкарига ўтказиш лозим ва лобуд.
«Ютганим — ўзимники, чайнаганим — гумон».

Дори бемор ичига киргач, даво бўлади. Малҳамга қарашнинг ўзи билан яра битиб кетмайди.

Бу — оддий мантиқ.

Шунингдек, олим бўлмоқчимисиз, илм ўрганинг.

Бой-бадавлат бўлмоқчимисиз, унда касб-ҳунар ўрганинг, тижорат, савдо-сотиқ билан шуғулланинг.
«Олма пиш, оғзимга туш» билан иш битмайди.
«Тоққа чиқмасанг, дўлана қайда, жон чекмасанг, жонона қайда?» деб бежиз айтилмаган.

Қуёш чарақлаб турган иссиқ кунда офтоб зарбидан исиб кетдингизми, сояга ўтинг.
Қор паға-паға ёғаётган совуқ кунда совқатдингизми, тўн кийинг, қўлқоп тақинг, кўчага юпин чиқманг.

Қоронғида йўлни тополмаяпсизми, чироқ ёқинг, фонарни ишлатинг.
Ҳечқўрса шам ёқинг.

Манзилга тезроқ етиб бормоқчимисиз, уловга мининг, улов бўлмаса, оёқни қўлга олиб чопинг, югуринг. Ўтириб олманг, асло ётманг, ёнбошламанг. Ҳеч бўлмаганда, аста бўлса ҳам юриб туринг. Шунда манзилга тез етасиз.

Бу — оддий мантиқ.

Худди шунга ўхшаш, Қуръони карийм яхшиликларидан ва баракотларидан фойдаланмоқчимисиз, унда Қуръон оятларида тадаббур қилинг, ҳар бир оят мазмунида фикр юритинг, ҳар бир калиманинг мағзини чақинг, шунда муродингизга етасиз.

Мусҳаф муқовасини ўпиш билан ёки Қуръонни қуруқ ўқиш билан ёки чиройли овозли қорининг гўзал тиловатини эшитиш билан мурод ҳосил бўлмайди. Сув овозини эшитиш билан чанқоқ босилмаганидек, тадаббурсиз қуруқ тиловатнинг ўзи билан ҳам чанқоқ босилмайди.
Нон расмини ялаган билан қорин тўймаганидек, Қуръонни ҳам ҳа деб кўзга суртиш билан иш битмайди, онг, ақл тўймайди.

Зеро Қуръонни араб тилида нозил этган Ҳакийм Аллоҳ:

﴿كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ...﴾

«Эй Росулим, бу Қуръон — оятларида тафаккур қилишлари ва ақлли одамлар эслаб, ўйлаб ибрат олишлари учун Биз сизга нозил этган муборак КИТОБДИР».

«СОД» сураси 29-оят.

Қуръонни ўқиш билан ажр-мукофот ҳосил бўлади. Агарчи маъносини билмаса ҳам, савоб ёзилаверади, биизниллаҳ.

Аллоҳ учун холис Қуръон ўқиган кишига ҳар бир ҳарф учун биттадан ўнтагача ажр ёзилади. Савоб нақд.
Лекин Қуръонни бетафаккур ўқиган киши Каломуллоҳнинг кўп хойротларидан, баракотларидан бу дунёда маҳрум бўлиб қолади. Охиратда эса тиловат ажр-мукофотини олаверади.

Қуръондан тўлиқ фойдаланаман, икки дунё саодатига эришаман деган доно киши Каломуллоҳни тадаббур, тафаккур билан ўқийди.

Ҳаммага тадаббурли тонг тилайман.

Барча-барчага тафаккур нури билан ёришган сермазмун, файзли кун тилаб қоламан..

☀️ صباح التدبر ☀️

Жалол ИБРОҲИМ

Чивин шунингдек локал беҳушлик тизимига эга, шунинг учун чивин чақиши қонни сингдириш тугагандан бир неча сониядан кейин сезилади.

МУҲАББАТ
Набий саллоллоҳу алайҳи ва саллам хутба қилмоқчи бўлсалар масжиддаги хурмонинг тўнкаси устига чиқиб хутба қилар эдилар. У зотга минбар қилиб беришгач ўша минбарда туриб хутба қиладиган бўлдилар. Шунда ҳалиги хурмо тўнкаси инграй бошлади. Набий саллоллоҳу алайҳи ва саллам унинг олдига келиб уни юпатгандек бўлиб қўллари билан силадилар. Унинг инграгани тўхтади.
Ҳасан Басрий роҳимаҳуллоҳ мана шу ҳадисни эшитсалар йиғлаб шундай дер эдилар:
“Эй Аллоҳнинг бандалари! Битта тўнка Аллоҳнинг расулини Аллоҳ олдидаги маконлар туфайли шавқдан инграяпти. Бунга сизлар ҳақли эмасмисиз?!”.

Эй Аллоҳнинг Расули! Сизни севамиз. Сиздан ортда қолганимиз ўз истагимиз эмас, қадари илоҳийдир. Биз бунга розимиз!
Сизга илк ваҳий келганида Маккада сизнинг ёнингизда бўлиб Ҳадича онамиз каби сизни иссиқ бағримизга олишни истар эдик.
Тоифликлар сизни тошбўрон қилишганда ёнингизда бўлишини, сизга тошлардан қалқон бўлишни , ҳеч бўлмаганда қонаган оёқларингизни қалбимиз билан боғлаб қўйишни истар эдик.
Сизни Қурайш Абу Толиб дарасида қамал қилиб қўйганида сизнинг ҳузурингизда бўлиб сизга ўз қўлларимиз билан овқат едиришни, ҳеч бўлмаганда сиз билан бирга оч қолишни истар эдик.
Уқба ибн Муъайт сизнинг устингизга ичак-чавоқларни ташлаганида уни тишларимиз билан олиб ташлашни истар эдик. Ҳеч бўлмаганда уларни олиб ташлашда Фотима розиёллоҳу анҳога ёрдам беришни истар эдик.
Ҳижратга кетиш олдидан сизга фидо бўлиш учун Али розиёллоҳу анҳу билан сизнинг тўшагингизда бирга ётишни истар эдик.
Ҳижрат йўлида Абу Бакр розиёллоҳу анҳу билан бирга сизга ҳамроҳ бўлиб қалбларимизни оёқларингизга поёндоз қилиш истар эдик.
Мадинага борган кунингизда у ерда бўлганимизда бор овозимиз билан “Толаъал бадру” ни ўқир эдик.
Агар Бадр жанги куни ёнингизда бўлсак ансорлар каби “Агар сиз Биркул Ғамодга кирсангиз ҳеч биримиз қолмасдан, ҳеч иккиланмасдан сиз билан у ерга кирган бўлар эдик”, деган бўлар эдик.
Агар Уҳуд кунида сиз билан бирга бўлганимизда тоғдаги камончиларга “Жойингиздан жилманг!”, деган бўлар эдик. Умму Уммора каби сизни ҳимоя қилган бўлар эдик, юзингиздан оққан покиза қонингизни артиб қўйган, ҳеч бўлмаганда амакингиз Ҳамза шаҳид бўлганида сизга ҳамдард бўлиб сизни қучоқлаган бўлар эдик.
Ҳудайбийя кунида сиз билан бирга бўлганимизда сизга “Тинчликда ҳам, урушда ҳам биз сизнинг қўшинингизмиз”, деган бўлар эдик.
Фатҳ кунида сиз билан бирга бўлганимизда Аллоҳнинг нусрати сабаб сизнинг шодлигингизга шерик бўлган бўлар эдик.
Ҳажжатул вадоъда сизнинг ҳузурингизда бўлганимизда сизнинг овозингизни эшитиб: “Гувоҳлик берамизки, сиз рисолатни етказдингиз”, дер эдик.
Вафот қилганингизда Мадинада бўлганимизда вафотингиздан йиғлаган, бутун борлиғимизни сизга фидо қилган бўлар эдик.
Бизга сизнинг: “Сиз билан бирга ваъдалашган жойимиз дунё эмас, ваъдалашган жойимиз ҳавзнинг олдидир!”, деган гапингиз юпанч бўлади. Биз сизнинг ваъдангизга ишонамиз!
Сизнинг: “Киши қиёмат куни севгани билан бирга бўлади”, деган гапингиз бизга юпанч бўлади.
Аллоҳга қасамки, биз нотавон умматларингиз сизни севамиз!

@Abdulqodir_Polvonov