احمد المحضار
--------------
يــافـاتـنـي زيـــــن الله الــســمـاء بـاالـنـجـوم
وزيـــــن اوقــاتــنـا بـــــك يــاشـبـيـه الــقــمـر

كـنت اسـري الـليل وابـذر فـي ضـياك الـهموم
واصـبـح وهــي فـاقـعة بـاالـخير مـثل الـزهر

واجلس معك جلسة المشتاق وان قمت اقوم
وان رحــت روح مـعـك فــي ظـهـر ولاعـصـر

وان غـبـت كــل الـمشاعر فـي غـيابك تـصوم
وان جـيت جـاء الـعيد فـي شـعبان ولا صـفر

يـاسـلوة الــروح فــي الـعهد الـظلوم الـغشوم
يـاضـحكة الـسـن ذي تـجـلى الاســى والـكدر

يـابـدر لاهــو حـجـب وجـهـك ســواد الـغيوم
لاهــلــت الــمــزن بـااتـخـبـر عــلـيـك الـمـطـر


الــنــاس بـاتـنـتـظر لـلـسـيـل لـحـظـة قـــدوم
وانــا افــرز الـقطر وابـحث ويـن بـاالقى خـبر

يــاعــاذلــي لاتــعـاتـبـنـي وتــبــطــي تـــلــوم
مــن حــب مـايـنتظر فـي الـحب وجـهة نـظر

يــبـنـي لـمـحـبـوبه الــغـالـي مــحـبـة تــــدوم
وان غــاب يـوقـف عـلـى اطـلالـه ويـتبع لـثر

الـبـعد لــه لـفـح يـكـوي مـثـل لـفـح الـسـموم
والـصـبر مـايـظفر الا فــي الـهـواء مــن صـبر

يقول بن طالب العشقه من الشقيات
وشقت القلب مابين الكبد والريات
و عذبتني و جابتني طرق محويات
من حيث لا بل تجي فيها ولا الصيد جات
نشدتها من ضنيني جاتني عصفات
قالت ضنينك يحظونه على لوقيات
باسير بنشد على هلي لا يقولون مات
ولا يقولون طحل من شريب الهمات
ياسبع عولات ياذي باالشقق مبردات
ياريتني صقر باخيم على الاولات
بعمد بهن حصن جدي دي بناء لي ومات
بنات ولله مسيبان يّخير بنات
خضيضات المباسم كلهن موشمات
ياريتهن زع في مالي وطوفه نبات
ولا يقع حب في سفلي وكيله ميات

احمد بن طالب

بعض الناس لا شفته زقل عزه ومقداره
جنب منه ودور لشرف والعز والمقدار

ولا تستامنه ولا تشل شي نار من ناره
ولا تقرب من السده طياله سد باب الدار

لأنه آدمي مايعرف الجودات لجواره
ولا هو شي من أصحاب الكرم ولا يحب الجار

سنابيق اللخم ما روحوا لن نوخذ خصاره
خرج سنبوق سيلومي من الغبه بدون خصار

زعيمه طارحه مدت ثنعشر ألف دواره
وحوت البحر بطلها ولا خلا لها دوار

و هوري بو نفر ضلا يدور وين ميداره
معه حيه كبيره شلته وصبح بلا ميدار

وجاء البحار متعني يبا يطعن بمسماره
وذه حيه كبيره شلت البحار والمسمار

الشاعر الصوبي

المواقف نوع نادر من انواع الديون
ينكتب والسعر ما ينكتب يا دفتري

في زمان العولمة والعجايب والجنون
اصمدي يانعمة العقل ولا هستري

يوم كبّرت الهقاوي وكبّرت الظنون
اعتراني شك ما كنت اظنه يعتري

ياحسافة ع الشوارب ويا حمى الدقون
كذّب الجفري وكذّب رصاص الجيتري

لا تبرر يا مبرر ولا هم يحزنون
بان لي من كان صادق ومنهو مفتري

الجمايل سوقها سوق حمران العيون
ما تبوّر واحمر العين فيها يهتري

جرّ عمرك لا تزاحم مع اللي يشترون
وانت لا بياع فيها ولا انته مشتري

-طارق بن لكسر

‎ماكل من قد قال رجال رجال
حتى ولاهو من نسل راس يابس

كمن عريب منسب الجد والخال
تغدي علومه في المواقف طحايس

لاطرحت لحمال ما شل لثقال
لا جا طویلٍ کنه بقیر خامس

المرجله مثل الفرس عند خیال
تبغى ولد خیال شاجع وفارس

تبغى ولد لا قال وافي بالافعال
ماهي هروج اللاش وسط المجالس

تبغى جمل لا جات لحمال شلال
يبدي العوالي مايجي في النكايس

يسوق للعز نفسه سوق لبطال
وتشهد على فعوله جميع المتارس

له بيت للضيفان مقهى ومدهال
لا ابن الردي ملقي على البيت حارس

ومدته لا مد مداتٍ جزال
يسلي رفيقه من جمع الهواجس

ذا ذي صدر ياذي تسمعت لقوال
ذروه سنام المرجله وانت قايس

الجيد يوخذ من لياليه امثال
وانشهد ان سود الليالي مدارس

..

‎الشاعر سعود بن محمد الهمامي

يالفاخـر الي كــل مافيـك فـاخـر..
ذوبت روحــي فيـك وشغلت فكري

حيرتني!! ماشفتني كيـف حايـر..؟
احترت بـ امري لاانت متهم لـ امري

حبـك! نعم حبـك! وابا الحب ظاهـر..
ون كنـت مااتـدري؟ انا بـاك تـدري

لانـي تعبـت اخفي غرامي واكابـر..
والان جاء الوقت الذي بيـح سري

االحـب ماهو عيـب والعمـر عابـر..
معـك ابا فنـي بااقي ايـام عمـري

لامرني لك في الدجئ طيف زايـر..
اطلق عنـان الشوق للفكـر واسـري

واراقبـك عن بعـد و اوبـه وحـاذر..
من ماا ينقـص من مقامـي وقـدري

ما انت اول الغالين! بس انـت الآخر..
يعني معد باقي سوئ انته بـ صدري!

ياقلـب شاعـر قـدر احساس شاعـر..
اامانـه انـه فيـك قـد جـــف حـبـري

كم لي علئ قطـع المواصيل صابـر..
هجرتني؟ قلي وش اسباب هجـري

تغيب عن عينـي وفي القلب حاظـر..
وتعـود!! وتضـاعف عذابـي وقهـري

عنـاد" واستفـزاز" واسلـوب ساخـر..
ياقسـوة اطباعـك وياطـول صبـري

خذت المشاعر واحتقـرت المشاعـر..
اسيـر لا كرمـتـة ولا اطلقـت اسـري

وتقـول كيـف الوضـع! واقـول سابـر..!
مابا اشغلك! ولاشـف الوضـع مـزري

من امس شفني ياهوئ البال ساهـر..
وصبحت فكر فيك واشكي لـ قمري

ااالقلـب يشعـل نـار واااالـدم فـايـر..
ابا ذبحــك ويكــون قبـــرك وقبـري

وارتاح اناااا ويـاك مـن حمـل جايـر..
انت احتسب ذنبـك وانا هـد ظهري

تـداارك ااالموقـف!حـذاري تخـاطـر..
وايـاك من قطـع المـواصيـل بـدري

ابا التئـم بـك كـ التـئـاااام المـثايـر..
وابا كسبك! وابيـع الاحبـاب واشـري

وابا كتفـي بك عن شعوب وعشايـر..
وتكتفـي بي ع البشـر بـ امـر قهـري

لو مامعي منصـب ولاا نـاب تاجـر..
خـذني بـ حبي لك ودع عنـك فقري

خـذني كـذااا شاعـر ولاعـد تخـاايـر..
ون جاز لك شعـري! فـ يفـداك شعري

شفـت المحبـه والغـلا!! ايش ناظـر..؟
تعـال باضمـك علا ضلـوع صـدري

✒️..محمد الجعب

ياصاحب المصلحه مش هكذا الصحبه
ياشين طبعك ويا خزّيك ويا فُضحك

لاغبت عني ولي مبسم قضى نحبه
لاعد تجيني متى مامبسمي يضحك

✒️/سليمان مظفر العولقي

سالم لنجف
--------------
انـــــا ســلــوك الـعـاطـفـة تـعـبـتـني.
دايـم تـسبب لـي خـلل في الضفيرة.

كم شُرت من سلك العواطف لذعني.
مـاشـي شـلـيشن لـلسلوك الـخطيرة.

روّتـنـي الـصـاحب. ونـسـتني ابـني.
ون عـاب فـيّه صاحب. اوثق بغيره.

شـيبي غـزئ دقـني. وقـد كلّ متني.
والـعـاطفة تـمّـت غـشـيمة صـغـيره.

ذكرت شرهة كريم ولومة سنافي
وذكرت لصحاب ذا صاحب وهذا جار

وذكرت وان اللذي شبره شبر وافي
مابايقصر شبوره قاصرين اشبار

وذكرت وان المواقف دين واسلافي
والين به ين و الدولار به دولار

لذلك الصبر ياناصر على الهافي
يا ناصر احمد بن محمّد بن العصار

وان زل ما زل ولا طاف ما طافي
عاد المراحل طويله لا تقول قصار

🔄
ناصر العصار النسي

بـــو نـاصـر يـقـول الـفـتى مـاشـي بـالـمنيحة لـبـن
والــراعـيـة مـاهـمـها لـــو تــرعـى غـنـهـما حــطـب

فـي ضـرع الـمنيحة مـرض عـل الـروح عـل الـبدن
جــاب اوجــاع فــي عـظـمها والـمـلاك مـنـها تـعب

ويــن الـبـيطري مـاحـضر اشــر لــه ولاشــي فـطن
صــيـح لــه بـصـوتي غـبـش لاكـنـه بـجـلده هــرب

اتـعـبني ضـعـيف الـبصر مـاشاف الـحنش والـورن
كـل مـاقام مـن سـقطته فـي حـفرة وقـع وانـتكب

يـاحـسرة عـلـى صـاحـبي خــلا دمـعـتي عـالـوجن
ذي كـنـت احـسبه عـزوتي بـاع الـمال بـاع الـذهب

تــاريـخ انــقـراء وانـكـتـب بـاسـيـبه هــنـا لـلـزمـن
والاجـــيــال بــاتـدرسـه لامــــرت بــكــل الــكـتـب

اخــلاقــه ســردهــا لــنــا يـالـومـاه نــاجـت عــفـن
شـــي والله مـؤسـف ولا بـيـشرف بـطـون الـعـرب

ويــن الـديـن ويــن الـحـياء ويـن الـقبيلة يـاحسن
هــرج الـلـوم يـالـومتاه يـفـتك مـثـل ســم الـعـلب

امــا طـعـن وقــت الـقبل يـهنا مـن طـعن وانـطعن
ولا صمت صمت الاسود ذي تصمت وهي تنسحب

افـهـمني ســوى واسـتـمع ونـا راس مــالي وطـن
مـابـيـعه ولا بـشـتـري لـــو دمـــي يــصـل لـلـركـب

اهـــرج هـــرج مـايـنـقدك فــيـه الـراعـي الـمـؤتمن
اخــلاقــك تــــرى تــرفـعـك ولا فــوقـك ابـتـنـقلب

هـذه لـك نـصيحة تـصل خـذها مـن علي دون من
سـر سـيره دلا فـالوطاء وش كـلف تـجي فـالعكب

لا تـقـبـل مـــع مــن قـبـل لاتـبـطن مــع مــن بـطـن
انـتـه كـلـمتك تـحتسب وهـلك مـن رمـات الـسلب

انــظـر ويــن رجـلـك تـحـط لاتـزعـل ولا تـشـتحن
اتـوقـع بـنـفسك قـبـل نـتـف الـرمش نـتف الـشنب

وخــتـمها بــذكر الـنبي صــلوا عـد مـا المزن شـن
وعــداد الـبروق الــتي لاحـت فـي بطـون السـحب

ك/علي ناصر باعوضه

طـلـعـنا لـلـفـضاء ولا نـزلـنـا داخـــل الـبـرمـة
ولا مــخــرج لــنــا الا بــعــون الله سـبـحـانه

وبــن غـريـون عــاد وابـتـدا يـاصحابنا فـلمه
يـمـين الـخط كـونوا او يـساره مـالكم خـانه

ثـمان أعـوام اتحرى من الطارش يجي علمه
ولا جـانا مـن الـطارش سـوى افـكار خـربانه

ولا فـكـرت فــي كـلـمة كـبـيرة جـاتني كـلمة
وخـايـف لا تـقـول الـنـاس شـاعر زلـة لـسانه

ظـلام الـليل طـول لا مـتى والنيم في حلمة
حـلوم الـليل مـا تـجدي سرى ياعين سهرانه

ظـلـمنا راعــي الـكـوفية يالله حـطـه بـظلمه
ومــن يـظـلم عـبـاد الله ربــي مـارفـع شـانـه

جـريمة يـامروجها تـطيح مـن الـسماء نجمه
رسـالـة جـاتـنا مـنـك وخـطـك بــان عـنـوانه

قـسمت الشر وين الخير أعط المبتلي قسمه
قـبـل لا تـعـمي اعـيونه تـرى يـسمعك بـآذانه

صـدمنا الـواقع الـمؤلم وكـم بالمبتلي صدمه
عـسـى الله لا يـوفق مـن يـبيع بـذل اخـوانه

كـبـير الاسـم لـيه الـوقت هـذا مـارفع اسـمه
مـع الاوجـاع يـسري بـه وحـزنه زلزل أركانه

ثـعـالب نـالت الـتقدير والـتشريف والـحشمة
واسود الغابة الخضراء تموت اليوم عطشانه

طـوارىء والـبلد بـجيوشها لـي سببت زحمه
ولا واحــد قـبض مـجرم مـروج زاد طـغيانه

وعـندي شـك أن الـبعض حـوله دارت التهمة
ولـو دقـق فـي الـواجب عرف فيصل ودكانه

وبعض الناس همه كيف يتحصل على قطمة
ولـو هانه قليل الاصل يضحك له من اسنانه

عـيال ابليس شـبوها لـطمني صـاحبي لطمة
عـسى الله يـنكب المفسد بأفعاله مع اعوانه

ك/علي ناصر باعوضه

يارياح الشعر هبّي في فضاء الشاعر وجوّه
حركي فله وريحانه وهزّي ياسمينه

لامسي إحساسه بكف الشوق يخرج من هدوّه
وإن خرج مايخرج الا كل مكنونه ثمينه

من شعوره يجعل الحرف الظليم يشب ضوه
والمعاني تركد الدله على لهفة حنينه

يخجل الابداع من ما يملكه حظرة سموه
لا جعل كل الفنون اتدور في راحة يدينه

لو نفخ ف اسحاب شعره وارسل الراعد ينوه
تجري انهار العذوبه من يساره لا يمينه

ون رسم صوره على جنح العقاب يخر توه
والنشاز ان عاكس أفكاره بناء منّه مدينه

يلفت أنظار الذوايق لا عطس ولّا تفوه
كيف مابا يلفت الأنظار لاجاب السمينه؟

معتلي عرش القصايد لا يضاها في علوه
والعواذل مايراهم غير مكرسكوب عينه

لا غرور ولا تكبّر إنما فخر وفتوه
والفتى من قال أنا في شدة الموقف ولينه

والتكلّف عكس ذي من خالقه فطره وقوه
كنّ بكر الحسن لاجاته احسّت بالسكينه

✒️: سليمان مظفر العولقي

ياجحيم الشوق منك ما نجت
نفس من خلاه محبوبه وحيد

ون سئلت نيار حمرأ اتوهجت
امتلئتي.... جاوبت هل من مزيد

والمشاعر والقلوب اتمهجت
ومابقي لي غير نادي لك وعيد

قف وناظر دمعتي يوم ادرجت
يوم شفت ناوين ترحل بعيد

احمدحسين بن الحاج

نقدم اعتذارنا الشديد لشاعر سليمان مظفر العولقي على نشر قصيدته باسم شخص آخر رغم أننا نشرناها بإسمه ولكن أخطأ أحد الادمن بنشرها مره أخرى بإسم شخص آخر عندما أرسل له أحد الأشخاص القصيده وحط عليها اسمه ولم ينتبه الادمن أنها لشاعر سليمان وهي فعلاً موجودة في الديوان ، نرجوا من الجميع التنبيه على اي خطأ أما مثل هذه الأشكال لا مكان لهم بيننا سارقين القصائد اخزاهم الله .

نكرر اعتذارنا الشديد لشاعر سليمان مظفر

سلام يتقلش ويوزن كل شامخ في الجرش
للهيم ذي يدحش ويتحدى سياسة جرجبوش
الجيد يتوقش ولا جاء الضيق يصبر عالدحش
والروس تتفقش ولاتخضع لعدات القروش
الجواب ***
انا عيش متعطش ولاجاء الزامل اصحى وانتعش
وأقوم واطيهش وخذ لي قسم من بين الطهوش
ناب الحنش ينهش ويلقي داخل العظم الونش
لكن رميان الدهش تدحق على روس الحنوش

الزامل الأول لحسين دويد الخولاني
والجواب للخضر بن علي الجبواني العولقي
عام 1990

رجلي على سيف القدر حثت خطاها والظروف..
ماقــصرت والفكــر متشــتت واحساسي قتيل

تّطلب المـوقف وقـوفي حيـث ممنوع الوقوف..
مسـيري اصبح صعب جداً والتوقف مستحيل

✒️.. ناصر الرخيص

ركع لي القاف والهاجس لحرفي سجد
واشعلت من نقدي الساخر قضية وجود

انسان مسلم ولي ديني ولي معتقد
مالي بدين النصارى او طقوس اليهود

ولي تقاليد تعرفها مضر والازد
طبيعة البدو تفرق عن طباع الهنود

من الصحاري ومن بأس الجبال استمد
صلابتي والتماسك والثقه والصمود

ادمج بألفاظ شعري كل شي مستجد
او اي تاريخ شاهد من بقايا ثمود

مؤمن بربي ولا اشرك بغيره احد
واسلاف طه خليل الله وموسى وهود

وهوى نظام التعايش واكره المستبد
وحارب العنصريه والعداء والجحود

ون جاني الصاحب المحتاج انا مستعد
اوقف بجنبه وابذل مابوسعي جهود

يعجبني الجيد ذي يوقف وقوف الاسد
ومن يبا الجود في وقت المواقف يجود

وارتاح للشخص ذي يسعى وذي يجتهد
لكن مش كل حاجه فالحياه النقود

اهوى الحقايق وماحب المظالم ابد
وملتزم بالظوابط والنظم والقيود

وهجوس لاشعار لاجت داخلي تحتشد
مقطف من الشعر الا يانعات الورود

عبدالكريم لزنم
العولقي
...........

عودة الشاعر الكبير صالح علي حسين لزنم الدياني ( ابو مزنه )
وجواب الشاعر محسن لزنم ( ابو لمى )

( ابو مزنه ) :

تحت سقف المذله كم بصرنا عنظنفر
ذله الوقت واستسلم لقيده واسره

بعدما كان له هيبه وقايد معسكر
وكل من كان حوله عاش خاضع لأمره

واختفت قصته في جو غامض معكر
وشمس ماضيه ظاعت في نجوم المجره

والسنيين انطوت وايامها طيفها مر
وما بقاء للمتيم غير حزنه وقهره

ويازماني عساني قبل ماموت واقبر
وقبل عود النقاء والطيب يشعل بجمره

ياعسى زور ذي بالسجن مبعد تحرر
خاف بعد الزياره يعترف لي بغدره

ويعرف ان الزمن من يأمنه يوم يغدر
ويعرف انه بدنيا وفرصت العمر مره

وانها احلام وامال جسرها قد تدمر
وراحت احلام من يحلم بلوله ودره

وراح زام المهلهل بعد سلب المشهر
واختفى حكم وايل من حيل ال مره


( محسن صالح علي لزنم ابولمى ) :

الف يامرحبا بالخط ذي جا مسطر
وجا معطر وبالقطف له من الزهر زهره

ومرحبا مرحبا حيا بشاعر مجمهر
ساغ لبيات رغم أن له من الشعر فتره

حن بين الضلوع العوج لحظة تذكر
تاك ليام ذي فيها الهنا والمسره

هز نفسي ووجداني وقلبي تكدر
والالم زاد بيه والوجع والمظره

يازمان الصبا راسي بشيبه موقر
يازمان الصبا مشتاق لك الف مره

كنت ماشوف شي لكزز وهاتف مطور
كنت شوف الاخا والود والناس دفره

الحياه البسيطه كانت اجمل وأفخر
من حياة البذخ ذي تقسم الفرد عشره

المظاهر كثيره والرداء عاده أكثر
والفتن منها قابض في الكف جمره

كل ماحد ضبح من واحد اعطاه معبر
وللاسف ماحد استنكر فسوقه وشره

نسفك الدم والوضع المعيشي مدهور
حوه مامن شنب يصبح ويمسي بقهره

راتب العسكري ماجاب له كيس سكر
هل يحارب عدوه أو ظروفه وفقره .

يقول ابو هِتلر جفْاكم قد توضح
كما شمس الضحّى يَـ اهل العَمايم
جفيتوني جفاء جَافي توجح
على منهو جفى يَجفاه دايم
وشفتوا الحب الأولى ذاك روح
ولا باقي سوا منه علايّم
ولّىَ وانتهى واقفى ودلبح
ولا يحتاج ركزنا الاوايم
لحيث ان حبكم قاسْي ويجرح
قلوب أهل الهوى عاشق وَهايـْم
وشتتوا شملّنا كيف لفرح
وخالفتوا سنن نايب وحاكم
خطا يـَ أهل الشريعه وين جا الصح
ويـَ أصحاب الفضيله كل عالم
انا تعذب وهو بالقيد يرزح
ولو دونه حراس غاوي وغاشم
ولو كبّر وهلل ثم سبح
وسته أيام في شوال صايم
سرا ليلي سرا والصبح شوح
وانا صارع عيوني وانت نايم
واجامل لثريا والمشبح
نجوم السعد ونجوم النعايم
لحيث اني احبك حب يجنح
له الطاير في الجو حايم
واحبك حب في الميزان يرجح
ولو في كفته هيلان قايم
وأحبك حب قيس ابن الملوح
لليلى العامريه وانت فاهم
واحبك حب ساره لبن شلوح
واحبك حب لعالم عند عالم
وانا مشتاق لك والشوق يسفح
على الارض الوطيه والداهيم
وشوق أعمى البصيره يوم لوح.


لـشاعر : فهيد بن علي الحارثي.